Пчеловодова Надежда

Надежда Алексеевна Пчеловодова (Муш Нади) – удмурт кылбурчи, кылысь кылэ берыкъясь.

Улон сюресэз

Надежда Пчеловодова вордӥськиз 1976-тӥ арын 11 шуркынмонэ Алнаш ёросысь Кадик гуртын.

Семьяын бадӟымез нылпи, али ке но сюлмаське выныз сярысь. Пичи дырысеныз Нади туж шаплы но шумприч будӥз. Школае но эшъёсызлэсь вазь мынӥз, шуркынмон толэзе гинэ 7 арес тырмиз ай. Дышетӥсез, Галина Сергеевна Печникова, адӟем но куалектэм: осто, талэн портфелез аслэсьтыз бадӟым ук! Нылаш соку ик рос-прос дышетскыны кутскиз, урокын шаянтыны но вуэ вал. Вӧзаз пукись Алёша пияшен ӵашетыса пуконъязы, дышетӥсьлэсь доразы вуэмзэ ӧз но шӧдэ. Куке Людмила Ивановна Посадова, ӟуч кыллы но литературалы дышетӥсьсы, пичияк пельзэс чепыльтӥз, соку гинэ чусак кариськизы. Вӧсь ӧй вал, туж возьыт потӥз. Со дырысен Нади тодаз вайыса улӥз: урок мыныку дышетӥсез кылзоно.

Удалтӥз пиналъёслы удмурт кылъя но литературая дышетӥсен. Мария Владимировна Митрошина уй но нунал ужа вал кадь, ваньзэ йыраз возе. Алнаш клубын пумтэм пумиськонъёс ортчылӥзы удмурт писательёсын, суредасьёсын, элькунысь мукет тодмо адямиосын. Пиналъёс соосты гожъяськемзыя гинэ ӧвӧл, куараоссыя-туссыя тодо вал.

1993-тӥ арын Надежда Пчеловодова пыре дышетскыны Удмурт кун университетлэн удмурт филологияя факультетаз. Дышетскон куспаз азьло сямен ик нылаш мукет ужен но вырыны дыр шедьтылӥз. Удалтӥз Финляндиез но Венгриез адӟыны. Финн кылэз дышетыны ветлӥз Саранске, гужем лагере. «Шунды» огазеяськонлэн ужаз пыриськись эшъёсыныз ӵош вуылӥз Сыктывкаре но. Но шулдыр студент аръёс туж ӝог ортчо. 1998-тӥ арын тулыс пал, дышетсконзэ йылпумъямезлэсь азьвыл ик, вуиз ужаны Элькунысьтымы Йӧскалык библиотекае. Дипломзэ утиз, ужысьтыз куриськыса. Шаертодонъя но финн-угор литературая ёзэтын вить ар ужаз..

Библиотекаын ужакуз ик тодматскиз шаерысьтымы тросэныз тодмо адямиосын: П. К. Поздеев, П. Н. Кубашев, В.В. Котков, В. М. Соловьёв, П. Н. Кузнецов, В. Л. Белых, В. Е. Владыкин, В. М. Ванюшев, эстон гожъясь А. Валтон… Таиз пумиськон воштӥз Надялэсь улонзэ.

2002-тӥ арын Ижын ортчиз Финн-угор писательёслэн калыккуспо конгрессы. Со кутскиз Йӧскалык библиотекаын. Пӧртэм кунъёсысь гожъясьёс вуизы. Надя но конгресслэн ужаз пыриськиз – лыктэм писательёсты пумитаны, келяны, пӧртэм юанъёссылы валэктонъёс сётъяны… Конгресслэсь оглюкетсэ нуиз Арво Валтон. Тодматскизы. Собере кусыпсы ӧз ышы ни.

2003-тӥ арын Надежда Пчеловодова кошкиз Эстон шаере Таллинысь университетын эстон кыллы но кылысь кылэ берыктон ужлы дышетскыны. Но нылаш дышетскыса гинэ ӧз улы, ачиз но пӧртэм кунъёсысь вуэм студентъёсты дышетӥз нырысь ӟуч кыллы, собере удмуртэзлы.

2009-тӥ арын отысь магистратураез йылпумъяса, пыриз докторантурае.

Гожъямъёсыз сярысь

Надя школаын дышетскон аръёсыз ик кылбуръёс гожъяны кутскиз. Но нырысетӥ кылбурез печатламын вал «Вуберган» газетын студент луэм бераз 1995-тӥ арын гинэ. Собере кылбуръёсыз-веросъёсыз печатласькизы удмурт газет-журналъёсын: «Удмурт дунне», «Инвожо», «Вордскем кыл». «Вордскем кыл»-ын 2001-тӥ арын потӥз нылпиослы «Му-гур» пичильтык книжкаез. Нош 2003-тӥ арын пичигес ик ке но, «Осконэ мынам» нимо кылбуръёсын бичет дасямын но поттэмын вал. Пӧртэм кылбуръёсыз пыризы солэн та сборниказ. Нош книгазэ усьто яратоно алнаш палъёсызлы сӥземъёсыныз. Огезлы соос пӧлысь Алнашысь крезьгурчи С. Кириллов кырӟан гур гожтӥз.

2005-тӥ арын потэ «Эрике мынам» бичет.

Муш Нади туж аспӧртэмлыко, тунсыко, огшоры луисьтэм кылбурчи. Солэн аслаз гожъяськон манерез, аслаз кылыз но кыл инвисъёсыз. Со ӝог синмаськись, дарто яратӥсь но… шаян. Со быгатэ улон шоры серемпыр учкыны, улонэз ӵемгес шумпотон-эзылан пыр вала. Солэн кылбуретэзлэн огъя мылкыдыз, «температураез» нылпи литературалы матын.

«Уг яра!» ке,

Соку потэ сое,

Мае уг яра.

Потэ озьы,

Кызьы уг яра.

Кызьы озьы та арлыдам

Нуны кадь мон?

Надежда кунгож сьӧрын улыса но уг ышты удмуртлыксэ. Со котькытысь утчаны тырше удмуртлыкез, ӵемысь сое пумитаны луонтэм интыосысь но.

Готланд. Мон утчай татысь

Удмурт нимо урамез.

Удмуртъёс понна висён, удмуртъёс сярысь сюлмаськон – Н. Пчеловодовалэн кылбуръёсаз валтӥсь малпанъёсыз пӧлысь одӥгез. «Аспӧртэм чингыли куара сётыса литературае лыктӥсь кылбурчи» шуыса нимаз Надяез Василий Ванюшев.

Надежда Пчеловодова трос ужаны кутске берыктон уж бордын. Нырысетӥез удмурт кылэ берыктэмез вал Арво Валтонлэн «Тынад нимыд вошъяськылэ» (2003) книгаез. Собере эстон гожъясьлэсь Карл Ристикивилэсь «Адямилэн улон сюресэз» (2004) кылбур бичетсэ. Со кутсконэз гинэ вал. Туннэ нуналлы даслэсь трос эстон авторъёс удмурт кылэ берыктыса нимысьтыз книгаосын потэмын. Соос пӧлын классикъёс но али гожъяськыны кутскисьёсыз но вань.

2005-тӥ арын Эстониын удмурт кылбуръёсын «Азвесь лодка» антология потӥз. Со печатламын удмурт но эстон кылъёсын. Татчы пыремын ог 150 пала авторъёслэн кылбуръёссы. Антологиез люкан бордын ужазы Александр Шкляев, Виктор Шибанов. Тросэз текстъёс утчамын удмурт газетъёсысь но журналъёсысь. Но тужгес секыт ныпъетэз усиз Надежда Пчеловодова вылэ. Кылбуръёсты удмурт текстысь эстон кылэ берыктыны но со бадӟым юрттэт сётӥз.

2006-тӥ арын «Фенно-Угрия» огазеяськон финн-угор калыкъёслэсь лулчеберетсэс, анай кылзэс, чеберлыко литературазэс утёнъя Программа кылдытӥз. Со Программая Россиысь пинал финн-угор авторъёслэсь кылбуръёсын сборникъёссэс ньыль кылын (англи, эстон, ӟуч но анай кылынызы) поттыны вераськемын вал. Куатезлы удмурт гожъяськисьёслы но удалтӥз со Программая книгаоссэс печатланы. «Куттэмпыд» нимо бичетэз потӥз Муш Надилэн но.

2007-тӥ арын Эстониысь «Фенно-Угрия» огазеяськон финн-угор гожъяськисьёс пӧлын литературая нимысьтыз ӵошатскон ортчытӥз. Отын эскериськизы 2004–2007-тӥ аръёсы чеберлыко гожтосъёс, кылысь кылэ берыктэмъёс, нылпиослы сӥзем ужъёс, литература тодосъя книгаос… Россиысь трос финн-угор калыкъёс куспын висъяськиз удмурт нылаш. Кылысь кылэ берыктонын вормиз Надежда Пчеловодова.

Наградаосыз но премиосыз

Эстон литературной премия, 2007.

Библиография

Книгаосыз

Куттэмпыд = Barfuß = Pieds nus = Meztélláb : кылбуръëс / ford. Pusztay János. - Badacsonytomaj : Collegium Fenno-Ugricum, 2009. - 34 с. : ил.

Куттэмпыд = Paljajalu = Barefoot = Босиком / пер. на эстон. яз. А. Валтон, пер. на англ. яз. Н. Ильина, пер. на рус. яз. Н. Муш ; худож. П. Ряни. - Tallinn, 2006. - 79 с. : ил.

Осконэ мынам : кылбуръёс. - Ижевск : Инвожо, 2003. - 62 с.

Эрике мынам : кылбуръёс. - Ижкар : Инвожо, 2005. - 54 с.

Статьяосыз

Готланд ; 24.02.2005 ; Мумы ; Айы ; Ваньмыз со - мон ; "Уд кельшиськы мыным..." ; "Кошко гудыриос..." ; Монэн огкадь // Инвожо. – 2005. – № 9 (сент.-окт.). – С. 76–77.

Готланд ; Кылбурчи ке, эшшо но умой... ; Мынам но потэ... ; Мед тырмоз кемалы // Удмурт дунне. – 2006. – 30 июня. – С. 11.

"Ижкарез мон малпасько вал..." ; Монэн огкадь ; "Тон сярысь малпанъёсме..." // Удмурт нылкышно кылбуретлэн тулкымъёсыз / Л. П. Федорова. – Ижевск, 2007. – С. 346–347.

"Кутшӧм лым. Кутшӧм лым!." ; "Енэжӧ оз ставлӧн лолыс веськав..." ; "Енкӧлаад локта кӧмтӧг..." ; "Пырин, эн и юась: позьӧ-оз..." ; "Кылан? Кытшала тэнӧ сӧстӧм сынӧдӧн..." / пер. с удмурт. Нины Обрезковой // Арт. – Сыктывкар, 2007. – № 2. – С. 64–65. – На коми яз.

"Мон понна дуннеысь чеберез инты..." ; Магнолия ; Висби ; "Эркияд монэ..." ; "Гож ӧй ке луысал куспамы..." ; "Дорам пыремед – шунды..." ; Сюресэ ; "Да мын тон..." ; "Луо на, дыр, тонтэк шудо..." ; "Мар карисько..." // Инвожо. – 2008. – № 5/6. – С. 147–148.

"Мон, кусыпмес асьмелэсь шедьтыса..." = "Ma sinna istutaks need lilled punased..." ; "Инме уг тубо вань лулъёс..." = "Ei kõik hinged tõuse taevasse..." ; Пӧсь уй = Kuum ӧӧ ; Шӧдӥськод-а? = Kas tunned ; Готланд = Ojamaa ; Магнолия = Magnoolia ; 24.02.2005 ; Шунды берзэ учке = Päike vaatab tagasi // Kuum ӧӧ : suome-ugri ranvaste tanapaeva luulet. – Tallinn, 2006. – С. 510–517. – На удмурт. и эст. яз.

"Огазе луо ке алнашъёс..." ; Кык пол кык – ньыль ; "Доре бертон сюресэ..." // Алнаш куара (Алнаш колхозник). – 2005. – 8 июля. – С. 6.

24.02.2005 ; "Ma sinna istutaks need lilled punased..." / tolkinud A. Valton // Sirp : eesti kultuurileht. – Tallin, 2007. – 19. oktoober. – Lk. 6.

"Ere tulio gimada..." ; "Kedle lumid, kedje lumid..." ; "Tovkea, kenga, sjoksa no tela..." ; "Perjiksib, a kjusiksib..." ; "Tavde ojma a tubib ilmas..." // Инвожо. – 2009. – № 5/6. – С. 51 : фот.

Берыктэмъёсыз

Книгаос

Азвесь лодка = Hõbepaat : удмурт кылбур антология. - Tallinn : Kirjastuskeskus, 2005. - 455 с.

Алвер Бетти (Элизабет). Инвис усьтӥськон вакыт = Tahetund : кылбуръёс / удмурт кылэ берыктӥз Н. Пчеловодова ; ред. П. М. Захаров. - Ижкар : Инвожо, 2005. - 92 с.

Валтон Арво. Веросъёc. - Ижкар : Эгес, 2005. - 141 с.

Валтон Арво. Тынад нимыд вошъяськылэ = Имя твое меняется : веросъёс, новеллааос, диалогъёс, кылбуръёс, лэчыт веранъёс / под ред. П. М. Захарова, пер с эстон. А. Валтон, Н. Пчеловодовой. - Ижевск : Ред. журн. "Инвожо", 2003. - 151 с.

Герд Кузебай. Мон - удмурт = Olen udmurt. Kirjastuskeskus, 2009. - 332 с.

Кангро Маарья. Эврика : кылбуръёс = Heureka : luuletused. - Ижкар : Инвожо, 2010. - 78 с. : ил.

Каэватс Михкель. Мынам батыре тутыйлибубыли : кылбуръёс = Minu kangelane angelheinaoolane : luuletused. - Ижкар : Инвожо, 2010. - 86 c. : ил.

Койдула Лидиа. Атай музъем - яратонэ : кылбуръёс = Mu isamaa on minu arm : luuletused. - Ижевск : Инвожо, 2008. - 106 с.

Ниит Эллен. Мидри музъем : нылпиослы веросъёс, кылбуръёс / бырйизы но эстон кылысь берыктӥзы Арво Валтон, Н. Пчеловодова. - Ижевск : Удмуртия, 2008. - 78 с. : ил. - (Эстон нылпи литература удмурт кылын).

Петерсон Кристьян Яак. Та музъемлэн кылыз : кылбуръёс но дневникысь чуръёс / берыктӥз Н. Пчеловодова. - Ижкар : Инвожо, 2005. - 87 с.

Рауд Эно. Зэмос учыр : нылпиослы кылбуръёс, веросъёс / бырйизы но эстон кылысь берыктӥзы Арво Валтон, Н. Пчеловодова. - Ижевск : Удмуртия, 2008. - 71 с. : ил. - (Эстон нылпи литература удмурт кылын).

Ристикиви Карл. Адямилэн улон сюресэз = Inimese teekond : кылбуръёс. - Ижкар : Инвожо, 2004. - 118 с.

Руннэль Хандо. Чебер музъем = Ilus maa : кылбуръёс. - Ижкар : Инвожо, 2007. - 134 с. : ил.

Удмурт кыло дор : дэмланъёс = Дом, где живет удмуртский язык : рекомендации / люказ Триину Ояр. - Ижевск : Удмуртия, 2010. - 38 с. : ил. – (Программа родственных народов).

Ундер Марие. Сюлэмы кырӟа = Mu suda laulab : кылбуръёс. - Ижкар : Инвожо, 2006. - 83 с.

Хаава Анна. Mul on tare taeva all = Коркае инбам улын : luuletused / берыктӥзы А. Валтон, Н. Пчеловодова. - Ижкар : Инвожо, 2006. - 102 с.

Ehin Kristiina. Laulujõgi : luulet ja proosat = Кырӟан шур : поэзия но проза / берыктӥзы Л. Орехова, Н. Пчеловодова. - Ижкар : Инвожо, 2009. - 114 lk.

Enno Ernst. Rändala õhtulaul : luuled = Сюресчилэн ӝыт кырӟанэз : кылбуръёс / берыктӥз Н. Пчеловодова. - Ижкар : Эгес, 2005. - 86 lk.

Liiv Juhan. Sinuga ja sinuta : luuletused = Тонэн но тонтэк : кылбуръëс. - Ижкар : Инвожо, 2006. - 120 lk.

Статьяос

Валтон Арво. "Али тырмоз" книгаысь // Инвожо. – 2008. – № 5/6. – С. 207–210.

Валтон Арво. "Тынад нимыд вошъяськылэ" книгаысь // Вордскем кыл. – 2008. – № 5. – С. 12–13.

Валтон Арво. Валэктӥсь // Инвожо. – 2009. – № 5/6. – С. 174–175.

Валтон Арво. Данъян ӝыт : верос // Кенеш. – 2009. – № 8. – С. 4–8.

Валтон Арво. Деньги ; Женитьба // Алнашский колхозник. – 2007. – 22 авг.

Валтон Арво. Омырлэсь чебер корка ; Вордӥськем нунал ; Писэйпи ; Изён бӧлет ; Кышнояськон ; Коньдон: "Кафеын ваче вераськонъёс" книгаысь (2001) // Инвожо. – 2007. – № 5/6. – С. 194–195 : фот.

Валтон Арво. Пужым выжыос // Инвожо. – 2009. – № 5/6. – С. 172–173.

Валтон Арво. Эш : верос // Удмурт дунне. – 2005. – 28 июня. – С. 7 ; Инвожо. – 2005. – № 9 (сент.-окт.). – С. 200–201.

Кангро Маарья. Автосинучкон: выжы воршудэ-историк // Инвожо = Альманах удмуртского ПЕН-клуба. – 2011. – № 5/6. – С. 101.

Кангро Маарья. Кылсуред ; Тури ; "ачим кусоен мурт кариськи..." ; Бусы воргоронъёс ; "сяськаяськон дыр вуон вакытэ..." ; Абсолют монумент ; Лыкты мугыркам, материя! ; Пульдон ; Елисей возьёс // Инвожо = Альманах удмуртского ПЕН-клуба. – 2010. – № 5/6. – С. 190–191.

Кангро Маарья. Шундыберган // Инвожо = Альманах удмуртского ПЕН-клуба. – 2011. – № 5/6. – С. 101.

Кангро Маарья. Эврика // Инвожо = Альманах удмуртского ПЕН-клуба. – 2011. – № 5/6. – С. 101.

Каэватс Михкель. Мусоелы веттан гур // Инвожо = Альманах удмуртского ПЕН-клуба. – 2011. – № 5/6. – С. 100.

Каэватс Михкель. Сюлэм бушлык дыр бушлыклэн пушказ // Инвожо = Альманах удмуртского ПЕН-клуба. – 2011. – № 5/6. – С. 100.

Кофф Индрек. "чупкарон чупатэк ик кылиз..." // Инвожо = Альманах удмуртского ПЕН-клуба. – 2011. – № 5/6. – С. 46–47.

Кофф, Эва. Давид но дельфин : пичиослы верос / удмурт кылэ берыктӥз Муш Нади ; иллюстрациез Михаил Николаевлэн // Инвожо. – 2013. – № 2. – С. 62-62 : цв. ил.

Кофф, Эва. Зарни : верос / эстон кылысь берыктӥз Муш Нади ; суредаз Михаил Николаев // Инвожо. – 2013. – № 5. – С. 4-5 : ил.

Кофф, Эва. Трактор : верос / эстон кылысь берыктӥз Муш Нади ; суредаз Михаил Николаев // Инвожо. – 2013. – № 5. – С. 8-9 : ил.

Кофф, Эва. Уморто : верос / эстон кылысь берыктӥз Муш Нади ; суредаз Михаил Николаев // Инвожо. – 2013. – № 5. – С. 6-7 : ил.

Пустаи, Янош. "Шундыё зарни выж кузя..." ; "Гольык вайёс пӧлын..." ; "Акшан югытын..." ; "Мугорыд пустыняысь луое ватэмын..." ; "Лымшор кызъёс..." ; "Котьма луэ малпаны луолэсь..." ; "Нюлэс ӵындэ..." ; "Пушказ кыскиз..." : кылбуръёс / мадьяр кылысь берыктӥзы Н. Пчеловодова, Е. Родионова // Инвожо. - 2013. - № 10. - С. 51.

Ристикиви Карл. Мон котьку тодмаса улӥ тонэ... // Кенеш. – 2009. – № 8. – С. 10–12.

Руннэль Хандо. Кулон гур ; Пеймыт гудырикошкон толэзь ; Шур вылын вуко сылэ ; Беглой ; Дуное ; Тодаз возись ; Ой гуртъёс, кабакъёс ; Лыктыкуд ; Юмшан бырем бере ; Усьтӥськон ; Шур визыла ; "Кытын кларнет но чипчирган шудӥз..." ; Кошкиз воргорон кезьыт шаере ; Лэсьтӥськом ; Вуысь потыкуд ; Нуны // Инвожо. – 2008. – № 5/6. – С. 211–213 : фот.

Эхин Кристийна. Тыл но ву // Инвожо = Альманах удмуртского ПЕН-клуба. – 2010. – № 5/6. – С. 192.

Эхин Кристина. Нунал : дневникысь чуръёс // Инвожо. – 2009. – № 5/6. – С. 168–171.

Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды Удмурт Элькунысь йӧскалык библиотекалэн электрон каталогъёсызъя.