Редактирование: Котков Владимир

'''Владимир Васильевич Котков''' –  удмурт бард, кылбурчи, крезьгурась, драматург, Россиысь гожъяськисьёслэн огазеяськонзылэн ёзчиез,Удмурт Элькунысь лулчеберет удысысь сӥё-дано ужась.

[[Файл:Vk.jpg|180px|right|Владимир Котков]]

=Улон сюресэз= 

Владимир Котков вордӥськиз '''1958'''-тӥ арын 2-тӥ толшоре Алнаш ёросысь Актэмыр гуртын. <ref name="марданова"> Марданова Л. Владимир Котков (1958) // Писатели и литературоведы Удмуртии : биобиблиогр. справ. / cост. А. Н. Уваров. – Ижевск, 2006. – С. 67. </ref> 

Анаез усто кырӟалляз. Атаез арганэн туж шӧртчи шудылӥз. 
Байтерек школаын литературно-творческой кружок ужаз. Кивалтӥсьсы Елизавета Герасимовна Багратионова уно аръёс ӵоже туж мыло-кыдо тыршиз, уно пиналъёсты котыраз люканы быгатӥз. Володялэн апаез отчы ветлӥз, кылбуръёссэ ушъяло вал. Бӧрсяз ик кыстӥськиз выныз но. Пичиен гожъяськыны кутскиз. Тямысэтӥ классын дышетскыкуз, сое мукет юнкоръёсын ӵош «Алнаш колхознике» семинаре ӧтчазы. Со вакытэ  ёрос газетын Семён Тарасович Шихарев ужа на вал. Володя понна писательёс пӧлысь со нырысетӥез зэмос дышетӥсь луиз. Бӧрысь Семён Тарасовичен  ӟечгес тодматскизы. Со бадӟым саклык висъялляз соку гожъяськыны кутскись эшезлэн ужъёсызлы. Шекъёссэ волятыны артэ пуксьыса ик дышетылӥз. <ref name="возняков"> Возняков В. Нуналлы быдэ – кылбур, арлы быдэ – кык пьеса // Удмурт дунне. – 2001. – 14 сент. – С. 6, 11. – (Удмурт кизилиос). </ref>  
    
8-тӥ класс бере Можга педучилищее мынӥз. Но… алгебраез ӧз ортчы, берытсконо луиз.   
9-тӥ классын дышетскыкуз, Володялы Иже егитъёслэн семинаразы ветлыны шуд усиз. Пияш пичи на шуыса, бордаз [[Бобров Иосиф|Иосиф Бобровез]] юнматӥзы. Соку со ик [[Ушаков Анатолий Алексеевич|Анатолий Ушаковен]], [[Алашеев Владимир Евсеевич|Владимир Алашеевен]], Флор Васильевен, Владимир Романовен тодматӥз. В. Романов соку векчияк книгазэ кузьмаз. Та семинарысен ик эшъяськизы егит кылбурчиен Толя Петровен. Соиз университетын дышетске вал ини. Володялэсь ужъёссэ эскерылыны басьтӥськиз. Берло но кусыпъёссэс ӧз ыштэ ни. <ref name="возняков" /> 
  
'''1975'''тӥ арын Алнаш шор ёзо школаез йылпумъяса, Удмурт кун университетэ удмурт филологияя факультетэ дышетскыны пыриз. <ref name="кенеш">[http://elibrary.unatlib.org.ru/handle/123456789/400 Владимир Котковлы – 50 // Кенеш. – 2008. – № 1. – С. 91.] </ref> 
Володя соку ик университетлэн литературно-творческой кружокезлэн (кивалтӥсьсы Даниил Александрович Яшин, туж лякыт, визьмо адями вал) но «Советской Удмуртия» газетлэн литобъединениезлэн ужазы пыриськиз. 
Татын со мылысь-кыдысь «Чипчирганэ» ветлыны кутске. «Колхозэ картошка вылэ ветлыкум кырӟамме кылӥзы но ӧтизы», – тодаз вае Владимир Васильевич. <ref name="возняков" /> 

'''1977'''-тӥ арын, кык арзэ дышетскемез бере, Володя Котковез басьто армие. Армие ветлыса, Удмурт радиое ужаны пыриз. Со куспын ик университетын дышетсконзэ азинтӥз. <ref name="кенеш" />  

'''1983'''-тӥ арысен куинь арзэ Владимир Котков Якшур-Бодьялан ужаз: огдыре ик ёрос газетын корреспондент но, радиоорганизатор но, фотокорреспондент но. 

'''1986'''-тӥ арын Удмуртиысь гожъяськисьёслэн огазеяськоназы чеберлыко гожъямез эскерись луыса ужаз. <ref name="кенеш" />  
Татын Владимир Котков Семён Александрович Самсонов вӧзын ужаны кутскиз. Улон сэрег но висъязы. Но ужаны выль интые курдасагес  ик мынӥз. Азьвыл Володя Романов, Флор Васильев отын ужазы ук. Солэн нош пишмоз меда? Но пӧрмиз кадь. Адями котьмалы дыше, шуо ук калыкын.

'''1990'''-тӥ арын «Инвожо» журнал кылдэм бере, Владимир Котков отын поэзия ёзэтын тыршиз. <ref name="кенеш" />  
  
Но та вакытэ Володялэн кык нылпиосыз будо вал ини. Пиез диатэзэн курадӟеменыз, эмчиос гуртэ улыны выжыны дэмлазы. 
Озьы '''1992'''-тӥ арын Володя Котков семьяеныз кузпалэзлэн вордскем палъёсаз, Шаркан ёросысь Петуньки гуртэ кошкизы. Нырысь одӥг арлы гинэ шуса чаклазы вал, но шӧдтэк-валатэк дыр ортчиз. Корка пуктӥз, выжы лэзиз. Та дыре Петуньки школаын но Шарканын Нылпи творчествоя юртын ёросысь пиналъёсты крезьгурлы но чеберлыко гожъяськонлы дышетэ. <ref name="вахрушева"> Вахрушева В. Кылбурчилэн кужымез музъем бордын // Ошмес. – 2010. – 12 март. </ref>  
Таиз но ужез син шоры йӧтымон луиз. Петуньки школаысь пиналъёслэсь кылбуръёссэс, веросъёссэс, выжыкылъёссэс, сценкаоссэс огазе люкаса, «Милемын шулдыр» (2001) нимо бичет поттыны быгатӥз. 
Тросэз кивоштӥсьёсыз Владимир Котковлэн будӥзы но асьсэ понна гожъясько ини. Но самой бадӟым вормонэз будӥз вӧзаз. [[Котков Алексей|Алёша]] пиез 17 аресаз Удмуртиысь писательёслэн огазеяськонзылэн ёзчиез луиз. <ref name="r2">  </ref>

=Гожъямъёсыз сярысь=
 
Кылбур, верос гожъяны Володя Котков Байтерек школаын дышетскыкуз ик кутскиз. Нырысь-валысь со ёрос газетэн эшъяськиз, пичи ужъёссэ, иворъёссэ ысъялляз. Бӧрысьгес Ижысь газет-журналъёсы но сюрес шедьтӥз. Нырысь веросъёсыз «Дась лу!», «Советской Удмуртия» газетъёсын потӥзы. Собере, Семён Тарасович Шихарев юрттэмъя нырысьсэ печатласькиз «Молот» журналын.  Со ик «Шудо сюрес тыныд, Володя» азькыл гожтыса, Володялэсь кылбур сузьетсэ редакцие келяз. <ref name="возняков" />
 
'''1977'''-тӥ арын «Удмуртия» книгапоттониын «Пыд улын – музъем» огъя  кылбур бичет потӥз. Отчы Володя Котковлэн 10 кылбурез пыртэмын вал. «Чипчирган» (1982), «Альжан» (1988), «Зарни карнан» (1991), «Кызьпуо шаерам» (1994) кылбур бичетъёсын книгаосыз пото. 
Университетын дышетскыны кутскон араз ик Володя кылдытӥз нырысетӥ удмурт кырӟанзэ. «Инвисэ бызё чугун сюресъёс» кылбурезлы гитараен шудыны крезьгур пӧрмытӥз. Эшъёсыз туж паймизы, удмурт кырӟанъёсты гитараен шудыны луэ вылэм, шуыса. Озьы пинал крезьгурчи эшъёсызлэн паймемысьтызы бурдъяськиз,  эшшо крезьгур гожтӥз на. Со ик луиз кырӟан гожъяны кутскемез. <ref name="возняков" />
  
''Льӧмпу сяська лобе, лобе,''

''Мусояське кырын юг май.''

''Мон тон понна озьы чебер''

''Тулыс куазез ачим югмай…''
     
Та чебер небыт тулыс тӧл кадь ненег гуро кырӟан кылем даурлэн 80-тӥ аръёсаз быдэс шаерамы чузъяськылӥз. Зэмос хит вал. Тужгес ик сое гажаллязы студентъёс. Авторез вӧзазы улӥз но дышетскиз ук. Татын, эшъёсыз пӧлын ик, кылдӥзы но улонэ вӧлмизы солэн нырысетӥ кырӟанъёсыз удмурт но ӟуч кылъёсын.  Сотэк одӥг студенческой, фольклорной концертъёс но уг ортчо вал.<ref name="возняков" /> (4)
 
Володя Котков кылбуръёсаз возьматэ лирической геройлэсь вордӥськем музъемзэ гажамзэ, мӧзмемзэ, тодаз возе шаермы понна ожын быремъёсты. 
Та авторлэсь пыд йылаз йыг-йыг султэмзэ, кибашлы луэмзэ яркыт возьмато вордӥськем дорезлы, удмурт шаерезлы сӥзем чуръёсыз. Со малпаськон пыр усьтэ, шедьтэ выжыосыныз гердзэ.

''Шедьтӥ!''
				
''Тани со –''
   				
''Музъемлэн шорыз.''
 		
''Сюриз!''
				
''Улонлэн бадӟым ӧрыз.''


''Атай юртам''

''Вуттӥз монэ вогы,''

''Кӧкы возён вугы.''

''Нош йыр вадьсам –'' 

Трос гинэ солэн яратонлы сӥзем кылбуръёсыз. Шуом, «Выжыкыл», «Яратон ке вуиз» но мукетъёсыз. <ref name="зайцева"> Зайцева Т. В. Котковлэн лирикаез // Вордскем кыл. – 2003. – № 9. – С. 63–67.  </ref> 


''Вал-а со, ӧй вал-а''

''Чебер выжыкыл?''

''Ой, малы ӧд вала''

''Монэ, чебер ныл?''
 
В. Котковлэсь лириказэ эскерыса вераны луоз, солэн чуръёсаз поэтической малпан ӟырдыт, пӧсь мылкыдын, сюлэм шунытэн огазеяськыса мыно. Бадӟым инты висъя со ас гожъяськоназ выжызэ утчанлы, малпаське, мар со музъем, Инсьӧр, Дунне, малы вань вордскон но кулон, малы адями улэ но трос мукетыз. <ref name="зайцева" />   
  
'''1990'''-тӥ арын кылбурчилэн нылпиослы «Зарни карнан» бичетэз потӥз. Ӟеч дунъет солы сётэм «Советской Удмуртия» газетын Е. Виноградова: «… автор пиналъёслэсь сямъёссэс, покчиослэсь дуннезэс ӟеч вала…» <ref name="виноградова"> Виноградова Е. Нылпилэн дуннеяз // Советской Удмуртия. – 1990. – 17 нояб. </ref> 

Владимир Котковлэн веросъёсыз, очеркъёсыз, эссеосыз пуштооссыя туж пӧртэмесь ке но, ваньзэсты огазея одӥгез: огшоры адямиез яке аслэсьтыз ёзъёссэ суредакуз, геройёсызлэсь пуш дуннезэс аслаз кадь шӧдытыса сётэ. Соин ик авторлэн соизлы яке таизлы персонажезлы синмаськемезлы, адӟонтэм каремезлы мур оскиськод. Лыдӟисез со небытак гинэ китӥз кутэ но вамышен-вамышен сьӧраз – аслаз вордӥськем палъёсаз, отысь калык доры – валтэ. <ref name="зайцева2">[http://elibrary.unatlib.org.ru/handle/123456789/401 Зайцева Т. Улэп кылъёслэн шокамзы // Кенеш. – 2008. – № 1. – С. 90–93.] </ref>  

Нимысьтыз пусйыны кулэ гожъяськон кылзэ. Со огшоры но валамон, котькуд геройлэн сямызъя тупатэмын. Соин ик веросъёс капчи лыдӟисько, геройёс син азе улэпесь кадь пуксё… Веросысь веросэ Владимир  Котков улон шоры мургес учкыны ӧдъя, чеберлыко дуннеез ӟечгес, чылкытгес, вылӥгес кароз шуыса оске. <ref name="зайцева2" />

Вератэк кельтыны уг луы Владимир Васильевичлэсь драматургия удысын лэсьтэм вамышъёссэ. Солэсь нырысетӥ ужзэ пинал учкись доры вуттӥз элькунысьтымы Мунё театр. 1988-тӥ арын В. Котковлэн пьесаезъя дасямын вал «Удмурт но вумурт» спектакль.  <ref name="чазова"> Чазова В. Яркыт кизили пиштэ Шаркан вадьсын // Инвис. – 2003. – 28 февр. </ref>
«Маскара Параска» но «Пинал мылкыд – юмал йӧлпыд» пьесаосыз элькун сценаосын возьматъямын.<ref name="вахрушева" />

=Наградаосыз но премиосыз=

Кузебай Герд нимо премилэн лауреатэз, '''2011'''. <ref name="панфилова">[http://elibrary.unatlib.org.ru/handle/123456789/9763 Панфилова Е. Кылбурчиослы – премия! // Удмурт дунне. – 2011. – 22 февр.]  </ref>

Герман Ходырев нимо премилэн лауреатэз, '''2009'''. <ref name="юность">[http://elibrary.unatlib.org.ru/handle/123456789/13012 Юность – не помеха // Удмуртская правда. – 2009. – 8 апр. – С. 1.] </ref>

=Библиография=

==Книгаосыз==

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Зарни карнан : кылбуръёс / суредаз В. Мустаев. – Ижевск : Удмуртия, 1990. – 16 с. : ил.] 

[http://elibrary.unatlib.org.ru/handle/123456789/4872 Кызьпуо шаерам : кылбуръёс. – Ижевск : Удмуртия, 1994. – 80 с.] 

[http://elibrary.unatlib.org.ru/handle/123456789/84 Перевозчикова С. С. Шаркан ёрослэн азбукаез / С. С. Перевозчикова, В. В. Котков. – Ижевск : Ред. газ. "Известия Удмурт. Респ.", 2008. – 20 с. : ил., карты, гербы ; 29 см. – (Проект "Моя первая азбука") (Целевая программа по реализации закона "О государственных языках Удмуртской Республики и иных языках народов Удмуртской Республики" на 2005-2009 годы).]

[http://elibrary.unatlib.org.ru/handle/123456789/5734 Романова Г. В. Шепасько юос : Г. В. Романова / Г. В. Романова. Альжан / В. В. Котков. Сюлэмам - шунды / В. Л. Шибанов. – Ижевск : Удмуртия, 1988. – 158 с.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Чипчирган : кылбуръёс. – Ижевск : Удмуртия, 1982. – 28 с.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Шаркан палан : кылбуръёс. - Ижевск : Инвожо, 2009. - 210 с.]

==Статьяосыз==

[http://elibrary.unatlib.org.ru/handle/123456789/2427 Азбука // Вордскем кыл. – 2009. – № 9. – Вкл. л. – ("Вордскем кыллэн" книжкаез).]

Берпум кыл : Петуньки школаысь кырӟась нылашлы Юлия Шкляевалы // Инвис (Шаркан). – 2009. – 16 окт.

[http://elibrary.unatlib.org.ru/handle/123456789/4571 Ваньтэмъёс но сямтэмъёс // Кенеш. – 2005. – № 3. – С. 107–108.]

[http://elibrary.unatlib.org.ru/handle/123456789/2725 Висён : сценка // Кизили. – 2005. – № 1. – С. 6–7.]

[http://elibrary.unatlib.org.ru/handle/123456789/2872 Дышетӥсь / иллюстрациез В. Мустаевлэн // Кизили. – 2010. – № 9. – С. 2 обл. : цв. ил.]

[http://elibrary.unatlib.org.ru/handle/123456789/3277 Ӝег эн вера – ӝог вера / худ. О. Иванова // Вордскем кыл = Родное слово. – 2010. – № 3. – Вкл. л.  – ("Вордскем кыллэн" книжкаез).]

"Италмас" / пер. с удмурт. Г. Лушникова // На переломе эпох : Союзу писателей Удмуртии 70 лет, 1934-2004 : ст., стихотворения, прозаич. произведения, док. – Ижевск, 2006. – С. 224.

Кин лексиз? ; Мӧзмись коӵыш ; Висе вӧтэ // Зарни дэремен шунды : семьяын лыдӟон книга. – Ижевск, 2006. – С. 66–67.

[http://elibrary.unatlib.org.ru/handle/123456789/2891 Кинлы ма / иллюстрациосыз В. Мустаевлэн // Кизили. – 2005. – № 7. – С. 2.]

Кӧлон азьын // Ӟечбур! – 2005. – 11 авг. – С. 9.

Кошкиз ке... ; Ваче син вуыса ; Ой, шудэ! // Ӟечбур! – 2005. – 25 авг. – С. 7.

[http://elibrary.unatlib.org.ru/handle/123456789/1459 Кузьым ; Мае кизид // Кизили. – 2006. – № 1. – С. 10.]

[http://elibrary.unatlib.org.ru/handle/123456789/1610 Лымшорысь уйшоре : выжыкыл / иллюстрациосыз В. Мустаевлэн // Кизили. – 2008. – № 4. – С. 12–13.]

[http://elibrary.unatlib.org.ru/handle/123456789/10088 Малы мыня Маня? : кылбуръёс // Вордскем кыл. – 2013. – № 1. – Пуштросэз: Потыса каникулэ ; Кылбурась ; Яды ; Пенкыли ; Ныр улын ни... ; Шалтыртон ; Малы мыня Маня? ; Телик ; Уг паймы ; Эшъёс ; Арган]

Младшее лето ; Утро в моей деревне ; Лес Эльмекей ; Осень. Чипчирган / пер. Вл. Емельянова // Удмурты. – М., 2005. – С. 271–274.

[http://elibrary.unatlib.org.ru/handle/123456789/8729 Мозмытӥзы ; Каникулын ; Физкультура бере ; Песянай ; Мотор ; Пӧраськись. Кин со? / суредэз Л. Прозоровлэн // Удмурт дунне. – 2008. – 11 янв. – С. 5 : ил.]

Мон гуртын улӥсько // Ашальчи. – 2010. – № 2. – С. 43.

[http://elibrary.unatlib.org.ru/handle/123456789/3052 Мон котьку котырад // Кенеш. – 2010. – № 10. – С. 3–5.]

[http://elibrary.unatlib.org.ru/handle/123456789/1516 Ӝог веранъёс // Кизили. – 2006. – № 7. – С. 10 ; Кизили. – 2009. – № 9. – С. 2 обл.]

[http://elibrary.unatlib.org.ru/handle/123456789/2657 Пал чурен ; Ар-Сергилы // Инвожо. – 2007. – № 5/6. – С. 109 : фот.]

[http://elibrary.unatlib.org.ru/handle/123456789/3186 Пинал мылкыд – юмал йӧлпыд : как ёзэн крезьгуро комедия // Кенеш. – 2011. – № 3. – С. 30–56.]

Пуньыпи ; Кин лексиз? ; Тӧлпери Микол ; Кӧттырмостэм уй // Покчи эше : 1–2-тӥ классъёсын ватсаса лыдӟон книга / М. П. Лаврентьева, Е. Н. Дмитриева, В. Н. Ившин. – Ижевск, 2006. – С. 9, 10, 39, 106–107.

[http://elibrary.unatlib.org.ru/handle/123456789/387 Ӧраз пыриз улон тудву // Кенеш. – 2008. – № 1. – С. 3–8.]

Родимый край // Алнашский колхозник. – 2007. – 25 апр.

[http://elibrary.unatlib.org.ru/handle/123456789/2821 Турник : верос / иллюстрациез Г. Ивановалэн // Кизили. – 2010. – № 5/6. – С. 4.]

У обелиска / пер. с удмурт. И. Иванов // Алнаш. колхозник. – 2005. – 6 мая.

[http://elibrary.unatlib.org.ru/handle/123456789/10093 Удивляюсь : стихотворение // Вордскем кыл. – 2013. – № 1. – С. 34.]

Удмурт гуртъёс // Ӟечбур! – 2005. – 1 сент. – С. 11.

[http://elibrary.unatlib.org.ru/handle/123456789/9201 Чеберай // Ӟечбур! – 2009. – 18 июня. – С. 7.]

[http://elibrary.unatlib.org.ru/handle/123456789/11158 Шулёен Шура : "Ш" шуонэн шудон / иллюстрациез Марина Гузаевалэн // Кизили. - 2013. - № 7. - С. 8.]

==Берыктэмъёсыз==

[http://elibrary.unatlib.org.ru/handle/123456789/9022 Маршак С. Я. Дас кык толэзьёс : драматической выжыкыл // Ӟечбур! – 2008. – 24, 27, 31 янв., 14, 21 февр., 13, 27 марта, 10, 17, 24 апр., 8, 15 мая. – С. 8.]

==Кырӟанъёсыз==

Ганьков Г. Лу монэн // Ашальчи. – 2009. – № 1. – С. 30 ; Ашальчи. – 2009. – № 2. – С. 43.

[http://elibrary.unatlib.org.ru/handle/123456789/7959 Караваев М. Мусояське кырын юг май // Кенеш. – 2005. – № 9. – С. 87.]

[http://elibrary.unatlib.org.ru/handle/123456789/8098 Карпов В. С. Выль ар : "Ой, кыӵе мусо тон..." // Вордскем кыл. – 2008. – № 11/12. – С. 7.]

[http://elibrary.unatlib.org.ru/handle/123456789/8763 Карпов В. С. Мӧзмись коӵыш : "Городэ коӵышмес ваим..." // Удмурт дунне. – 2007. – 19 сент. – С. 6. – (Шудэлэ тӥ, серектэ) ; Удмурт дунне. – 2008. – 25 марта. – С. 6. – (Шудэлэ тӥ, серектэ).]

[http://elibrary.unatlib.org.ru/handle/123456789/4239 Катков А. В. Синъёсыд ӧтё : "Вӧтаса адӟи туннэ мон выжыкыл нылэз..." // Кенеш. – 2011. – № 5/6. – С. 70–71.]

Корепанова А. Палэзь // Ашальчи. – 2007. – № 5. – С. 37.

[http://elibrary.unatlib.org.ru/handle/123456789/3813 Корепанова А. Яратэ, яратэ : удмуртъёслэн гимнзы // Кенеш. – 2005. – № 9. – С. 12.]

[http://elibrary.unatlib.org.ru/handle/123456789/3822 Котков В. Паймисько // Кенеш. – 2005. – № 9. – С. 18.]

[http://elibrary.unatlib.org.ru/handle/123456789/4191 Лекомцев А. Выль ар : "Ой, кыӵе мусо тон..." // Кенеш. – 2011. – № 5/6. – С. 25.]

[http://elibrary.unatlib.org.ru/handle/123456789/9733 Несмелов Н. Физкультура бере : "Пыд улам куштӥ дӥсьме..." // Удмурт дунне. – 2010. – 3 дек. – С. 12. – (Ерпечкаос).]

Постников Н. Е. Мон гуртын улӥсько : "Шундыен сайкасько..." // Пою тебя, мой край родной : сб. песен композиторов-любителей Удмуртии. – Ижевск, 2008. – С. 11 ; Ашальчи. – 2011. – № 1. – С. 26 ; Малпасько тонэ : кырӟанъёс = А мне бы увидеть тебя : песни / Н. Постников. – Ижевск, 2010. – С. 78.

Постников Н. Е. Мон тодӥсько адямиез : "Мон тодӥсько адямиез – ой, бен шузи!." // Малпасько тонэ : кырӟанъёс = А мне бы увидеть тебя : песни / Н. Постников. – Ижевск, 2010. – С. 79.

Постников Н. Е. Э, гуртэ, мискинь гуртэ!. : "Ма карод ваньмон дыръя?." // Малпасько тонэ : кырӟанъёс = А мне бы увидеть тебя : песни / Н. Постников. – Ижевск, 2010. – С. 80.

Шкляева Р. Зор кыдыра // Ашальчи. – 2009. – № 1. – С. 30 ; Удмурт дунне. – 2006. – 30 мая. – С. 6.


'''Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />


[[Категория:Современные удмуртские писатели|Котков Владимир]]