Перевозчиков Анатолий

Анатолий Аркадьевич Перевозчиков - удмурт кылбурчи, прозаик, журналист, Россиысь писательёслэн огазеяськонзылэн ёзчиез, Удмурт Элькунысь лулчеберет удысысь дано ужась.

Улон сюресэз

Анатолий Перевозчиков вордскиз Пичи Пурга ёросысь Пуро (Байситово) гуртын 1947-тӥ арын 24 феврале.

Анаез Толялэн дышетӥсь вал, атаез - тракторист. Ас гуртаз начальной школаез йылпумъяса, дышетскиз Аксакшур семилетней школаын. Пияшлэн арганчи но, суредась но луэмез потэ вал. Но школаязы кружокъёс урод ужамен вань быгатонлыкъёссэ волятыны, муромытыны ӧз кылды. Сизьыметӥ классын дышетскыкуз соос доры вуиз удмурт кылъя но литературая дышетӥсь Раиса Ивановна Покоева. Со ас вакытаз пединститутын Семён Самсоновен ӵош одӥг группаын дышетскем. Раиса Ивановналэн кылбуръёсыз газет бамъёсын печатласько ни вылэм. Со ик школаязы кылдытӥз литературно-твор-ческой кружок, дышетӥз пиналъёсты калык творчествоез люканы, кылбур-веросъёс гожъяны. Кружоклэн ужаз пыриськиз егит пияш но.

Собере А. Перевозчиков Яган-Докъя средней школаез быдтэмез бере дышетскиз Удмурт пединститутлэн филология факультетаз, татын мылысь-кыдысь пыриськиз литературно-творческой кружоклэн ужаз. 1969-тӥ арын йылпумъяз пединститутэз. Но соку ик егит пиез басьтӥзы Советской Армие (1969–1970).

1969–1974-тӥ аръёсы А. Перевозчиков ужаз Пичи Пурга но Дэри ёросъёсысь – Аксакшур но Лудорвай гуртъёсын удмурт кылъя но литературая дышетӥсь луыса. Аксакшур школаын ужакуз, Анатолий Аркадьевич кылдытӥз литературной кружок. Трос гинэ пиналъёсты бордаз кыскиз егит дышетӥсь. Кылбур но пичиесь заметкаос гожъяны сяна дышетӥз инкуазьысь чеберез адӟыны, калыкез валаны, оглом вераса, улонлэсь трос ӟечсэ, чеберзэ гинэ сюлэмазы пыӵатӥз.

Ужаз "Дась лу!" (1975–1984), "Советской Удмуртия" (1989–1990) газетъёслэн, "Молот" (1986–1989) но 1990-тӥ арысен "Вордскем кыл" журналъёслэн редакциосазы. 1984–1986-тӥ аръёсы Писательёслэн огазеаськемазы чеберлыко литератураез калыке вӧлмытонъя бюроын тыршиз.

«Дась лу!» газетлэн редакцияз А. Перевозчиковлы Герман Ходыревен, Вячеслав Михайловен, Григорий Симаковен, Николай Бигбашевен, Клавдия Дзюинаен, Вениамин Ившинэн, Елена Глебоваен ӵош ужаны шуд усиз. Бадӟым эшъёсызлэсь адӟем карыса со но рос-прос ужаны дышетскиз.

Анатолий Аркадьевич «Вордскем кылын» но туж тунсыко потса ужаз. Татын солы юрттӥз дышетӥсьын но журналистикаын ужамез.

Пичи Пурга ёросысь пиналъёсын кема аръёс ӵоже мыло-кыдо ужаз Никвлад Самсонов. Солэн литстудиез «Пурга кизилиос» шуыса нимаськиз. Но писатель кулэм бере, кружокез люктэк ӧз лу. Озьы Кечёво школаысь «Тылгизьы» литстудиен ХХ даурлэн пумысеныз А. Перевозчиков кивалтӥз. 2007-тӥ арысен со вордскем гуртаз, Пуроаз сыӵе кружок нуэ. Нылпиослэсь ужъёссэс печатлало «Ӟечбур!», «Удмурт дунне», «Маяк» ёрос газетъёсын. Конкурсъёсы пыриськись пиналъёс вормисе но потылӥзы ни. Со понна пиналъёс синпель басьто, нош кыкезлы «Шундыкаре» путёвкаос но сётӥзы. Куд-огезлэн нылпи кылбуръёсын книгаоссы «Вордскем кыл» журналын печатласькизы.

Али Анатолий Аркадьевич Перевозчиков пенсиын, улэ вордскем Пуро гуртаз.

Гожъямъёсыз сярысь

"Молот" журнал 1964 арын А. Перевозчиковлэсь "Шудон" нимо нырысь кылбурзэ печатлаз. Одӥг пол, вордскем нуналаз, пияшлы калейдоскоп шудон кузьмазы. Шудонлэн пушказ кылдӥсь сяськаосты солэн ас киыныз кутылэмез потӥз. Шудонзэ сӧриз, нош отын нокыӵе сяськаосыз вылӥллямтэ, пырдэм векчи пияла гинэ. Жаль потэменыз бӧрдыны кутскиз... Кылбурез кузь пӧрмиз, ваньзэ угось пыр-поч верамез потӥз. Журналын, валамон ини, вакчиятыса сётӥллям. Соку гожъяськыны кутскись пияш валаз, малпамдэ вакчи но меӵак верано. Но егит авторлэн шумпотэмезлы пумыз ӧй вал.

Ӵем но ӵем печатласькыны кутскиз элькун газетьёсын но журналъёсын. Кылбуръёсыз пыризы "Пыд улын — музъем", «Йыр вадьсын – инбам», "Горизонт" бичетъёсы. Поттӥз «Мон малпасько вал» (1980), «Гажанлэн выжыосыз» (1984), «Зэмлык синъёс» (1989), «Чулпон» (1995), «Йырчукин» (1997) бичетъёссэ, «Донды батыр, солэн пиосыз но Уйпери сярысь кузьмадёс-кырӟан» (2006) эпос но озьы ик покчи нылпиослы сӥзем пичильтык книгаосыз. Печатласькиз озьы ик «Аврора», «Юность», «Уральский следопыт» журналъёсын но «Литературная Россия» газетын. А. Перевозчиковлэн кылбуръёсыз берыктэмын ӟуч, чуваш, белорус но мукет кылъёсы. Кужымзэ эскере проза но поэзия удысын.

Егит поэтлы устолыксэ будэтыны юрттӥзы тодмо удмурт писательёслэн Г. Красильниковлэн, С. Самсоновлэн, Ф. Васильевлэн дышетэмзы. Озьы ик А. Перевозчиковлы шуд усиз егит поэтъёслэн Всесоюзной семинаразы ветлыса, А. Дементьевлэн группаяз но нылпиослы гожъясь писательёслэн Всесоюзной семинаразы Ю. Кушаклэн группаяз дышетскыны. Со зэмзэ ик солы туж бадӟым школа луиз — уго егит поэтлэсь кылбуръёссэ пыр-поч эскеризы но шуныт пумитазы.

Нырысь гожтэм кылбуръёссэ люкаса, егит поэт печатлаз "Мон малпасько вал..." сборникен 1980-тӥ арын. Отчы пыризы сизьымдон вить кылбуръёс, соос пӧртэм темаослы сӥземын, пӧртэм ласянь улонэз возьмато но адями мылкыдэз усьтыны тыршо. Татын ик пумиськыло на куд-ог декларативной кылбуръёсыз но, кудъёсыз ӵем гинэ потылӥзы удмурт поэзиын война бере аръёсы но. Соин ӵош ик егит поэт сюлмаське ини адями сюлэмез, малпаськемез лыдӟись азе поттыны. Ӵем дыръя та сборниказ ик улон шоры философской мылкыдын учкыны тырше, улонэз, адямилыкез ас сяменыз дунъяны кутске:

Шуг-секытлэсь уг пегаськы,

Кильтыръяськон сямы ӧвӧл.

Книгаезлэн презентациез, 2007

Шудбур пӧлын ӧй пыласькы,

Нош гучыкен юи трос пол...

Озьы ке но, кӧты ӝожгес,

Улон жаля шат? Эркия.

Со ас шӧгзэ но кузьытсэ

Укыр ӧжыт кадь веръятъя.

Шат мертаса? (Мон паймисько)

Улон кузьма ас шудбурзэ.

Соин, дыр, котьку тыршисько

Мон лэсьтыны котьку ӟечсэ.

Поэтлэн умойгес пӧрмо инкуазьлы сӥзем кылбуръёсыз. Отын яркытэсь выразительной амалъёсыз но, тае шӧдоно "Тӧдьы бус" кылбурен тодматскыса:

Ӝытазе горд шунды дыртытэк,

Каньылля уллане питырске.

Тӧдьы бус нош выльысь чидатэк

Музъемен лушкемен адӟиське.

Со лыктэ, бурдъёссэ вӧлъяса,

Музъеммес-сюдӥсьмес ӟыгыртэ...

Уӵыпи, шат, тае адӟыса,

Ӟардонэз кырӟанэн сайкатэ.

Вордӥське сяськаясь выль нунал,

Азвесен ӵук лысву чильпыра...

Тӧдьы бус нош пегӟе нюк кузя,

Шундылэсь со ортчыт кепыра.

Сыӵе амалъёсын ик пӧрмемын поэтлэн яратонлы сӥзем произведениосыз но. Тани "Ӧй вуы валаса" кылбурын автор гожтэ:

Пурысь инмысь лымы пыры,

Усиз. Шуназ ки вылам.

Малы учкид тон мон шоры,

Тылӝу куштӥд сюлэмам?

Егит сюлэм араз, кенжиз

Мусо тустэ малпаса

Ӧй вуы валаса.

Маид меда, маид кельшиз?

Нырысетӥ сборникын ӝутэм темаос сярысь вераськон мынэ поэтлэн "Гажанэлэн выжыосыз" (1984) кыкетӥ кылбур книгаяз но. Куд-ог декларативной кылбуръёсын артэ татын пумиськыло ини авторлэн улон сярысь умой гожтэм чуръёсыз но. Тани одӥгаз нимтэм кылбураз со вера:

...Улон но шат янгышалля

Я ӵемтылэ ачим сямен,

Эшсэ тушмон, дыр, кожалля,

Нош тушмонэз лыдъя эшен.

Оло соин но кыршам лул

Века на ӟечезлэсь кема,

Ялан маке но лушкема...

Ай со озьы но тэк уг ул,

А. Перевозчиков туж зэм верам та чуръёсыз пыр быдэс улонлэн янгышамез сярысь. Зэм, умой-умой чаклано ке, та улонын аламаез, кырсез устогес интыяськыны тырше — ӧжытгес лэсьтыса, тросгес басьтыса, зэмос умой ужасьёс чотын байлыко улэ.

Ас вордӥськем шаердэ но калыктэ гажан, соослэсь историзэс дунъян – лирикалэн одӥгез валтӥсь тодметэз луэ.

2006-тӥ арын Анатолий Перевозчиковлэн «Донды батыр, солэн пиосыз но Уйпери сярысь кузьмадёс-кырӟан» книгаез потӥз.

Анатолий Перевозчиковлэн кылбуръёсызъя крезьгурчиос кызьлэсь трос кырӟанъёс гожтӥзы. Калыке тужгес но паськыт вӧлмиз Геннадий Бекмановлэн крезьгурезъя «Аргурезь» кырӟанэз. калык

Нимысьтыз вератэк уг луы прозаен гожтэм «Чулпон» книгаез сярысь. Татчы пыртэмын вакчи веросъёсыз, юморескаосыз, очеркъёсыз. Чулпон – со Ӵук кизили, Венера – яратонлэн символэз. Озьы нимам автор нырысетӥ яратон сярысь гожтэтъёсын вероссэ…. Произведениос возьмато авторлэсь кыл бордын рос-прос ужаны быгатэмзэ. Кылмес утёнын со умой уж.

Библиография

Книгаосыз

Гажанлэн выжыосыз : кылбуръёс. - Ижевск : Удмуртия, 1984. - 56 с.

Донды батыр, солэн пиосыз но Уйпери сярысь кузьмадёс-кырӟан / худож. В. Л. Белых. - Ижевск : Удмуртия, 2006. – 327 c. : ил.

Зэмлык синъёс : кылбуръёс. - Ижевск : Удмуртия, 1989. - 110 с.

Йырчукин : кылбурьёс. - Ижевск : Удмуртия, 1997. - 239 с.

Мон малпасько вал... : кылбуръёс. - Ижевск : Удмуртия, 1980. - 88 с.

Чулпон : очерк, веросъёс, юморескаос. - Ижевск : Удмуртия, 1995. - 175 с.

Статьяосыз

Акшан ; Артэ вамышъясько : кылбуръёс // Удмурт дунне. - 2011. - 21 июня. - С. 7. - (Шудэлэ тӥ, серектэ).

Аръёсы ; Мылкыд : кылбуръёс // Удмурт дунне. - 2012. - 14 марта. - С. 5.

Бубыли емыш ; Пичи Али ; Селифон : кылбуръёс // Зарни дэремен шунды : семьяын лыдӟон книга. - Ижевск, 2006. - С. 82-83.

Бултыр : верос // Кенеш. - 2011. - № 2. - С. 82-85.

Вай пуксьылом бадӟым сюрес азьын... : кылбуръёс // Кенеш. - 2009. - № 10. - С. 6-8.

Возъямтэ укно : дневникысь чуръёс // Удмурт дунне. - 2012. - 8 авг. - С. 4-5.

Вуиз быдэ : "Вордскем кыл" журналлы сӥзем кылбур // Вордскем кыл = Родное слово. - 2010. - № 9. - С. 23.

Вуюись малпан : кылбуръёс // Кенеш. – 2012. – № 2. – С. 42-45 : фот. – Пуштросэз: Дӥсьтон но дӥсьтымтэ сярысь ; "Шудбур доры кыстӥськонэ..." ; "Мар луэ али..." ; Калык вералоз... ; "Югыт азьын ветлэ..." ; Толон гинэ лек гудыръяз ; Ӧвӧл ни кадь льӧлез... ; Шумшеп ; Вуюись малпан ; Мурт кырӟан ; Шугъяськон ; Пиштэ кыл-зарние

Выль арен! : кылбур // Вордскем кыл. – 2012. – № 1. – С. 2 обл. : фот. цв.

Гажанэ тон, мусое : кылбуръёс // Кенеш. - 2010. - № 5/6. - С. 16-18.

Гудыри : кылбур // Удмурт дунне. - 2007. - 12 сент. - С. 8.

Донды батыр, солэн пиосыз но Уйпери сярысь кузьмадёс-кырӟан : поэма // Ашальчи. - 2004. - № 6. - С. 18-21. - 2005. - № 1. - С. 26-28 ; № 2. - С. 22-23 ; № 3. - С. 46-47 ; № 4. - С. 8-9 ; № 5. - С. 18-19.

Зангари валлэн веранэз : верос // Ӟечбур! - 2010. - 29 апр. - С. 6.

Звездная ночь : стихи для детей / худож. Н. Симанова , пер. И. Мазнина и авт. // Вордскем кыл. - 2007. – № 3. - Вкл. л. - ("Вордскем кыллэн" книжкаез).

Инсьӧр шунды : верос // Удмурт дунне. - 2010. - 18 авг. - С. 7.

Кивоштӥсь : верос // Ӟечбур! - 2005. - 22 сент. - С. 4.

Кизем мында... киросъёс ; Вань но ӧвӧл : кылбуръёс // Удмурт дунне. - 2011. - 27 дек. - С. 7. - (Шудэлэ тӥ, серектэ).

Коштан : верос / иллюстрациез Е. Каракуловалэн // Кизили. - 2010. - № 9. - С. 4-5 : цв. ил. - В источнике автор – А. Журавлёва.

Куазь сураз календарез : кылбур // Удмурт дунне. - 2010. - 25 авг. - С. 7. - (Шудэлэ тӥ, серектэ).

Куаньгетон ; Ӝуйы ; Дыры - тымет ; Кезьыт корка ; Ошмес ; Зарни дуноя кыллемъяз ; Кылбуре ; Суредаськись инкуазь : К. Галихановлы, нырысетӥ удмурт архитекторлы : кылбуръёс // Удмурт дунне. - 2010. - 24 февр. - С. 6.

Кузётэм янгыш ; Йыр но кӧт сярысь ; Горд буёл - возьытлык : кылбуръёс // Удмурт дунне. - 2011. - 27 апр. - С. 7. - (Шудэлэ тӥ, серектэ).

Куное - заводэ! : верос / Анатолий Перевозчиков ; худож. А. Г. Никитина // Вордскем кыл = Родное слово. – 2012. – № 10. – Вкл. л. : цв. ил. – ("Вордскем кыллэн" книжкаез)

Кызьпу но ыр тӧл ; Сюлмы - тылскем : кылбуръёс // Удмурт дунне. - 2005. - 4 февр.

Кылбуре азьын мон тӥяськись... : кылбуръёс // Удмурт дунне. - 2007. - 21 марта. - С. 7.

Лели : кузьмадёс // Кенеш. – 2013. – № 1. – С. 11-24. ; Кенеш. – 2013. – № 2. – С. 11-26.

Лесопед : верос / иллюстрациос Вячеслав Мустаевлэн но Марина Гузаевалэн // Кизили. - 2013. - № 11/12. - С. 4-5.

Либыт, вешась куара... : кылбуръёс // Вордскем кыл. - 2007. - № 3. - С. 43.

Лымыя : кылбур // Удмурт дунне. - 2011. - 9 февр. - С. 8.

Мар веразы вал... ; "Арчакар сутэмын..." : кылбуръёс // Удмурт дунне. - 2005. - 21 июня. - С. 6.

Мон будӥ ке - паймоды : покчиослы кылбуръёс / худож. Г. Ю. Иванова // Вордскем кыл = Родное слово. - 2010. - № 10. - Вкл. л. : ил

"Мӧйымемъя ӟеч шӧдӥсько..." ; "Ой, нош кыӵе ушъяськом..." ; "Котькуд будос, котькуд..." ; Кырӟась ; Тон лобӟид ук!... : В. В. Романовлы : кылбуръёс // Ӟечбур! - 2008. - 28 авг. - С. 7.

Мынам кизилие ; Яратӥсь мурт ыштэ-шедьтэ : кылбуръёс // Удмурт дунне. - 2013. - 9 апр. - С. 4.

"Мыным озьы, дыр, учконо..." ; "Луоз куке озьы но..." ; "Вань кизён дыр но, вань емыш октон дыр..." :кылбуръёс // На переломе эпох : Союзу писателей Удмуртии 70 лет, 1934-2004 : ст., стихотворения, прозаич. произведения, док. - Ижевск, 2006. - С. 216-217.

Огсыр шокаку уд шӧд омырез... : кылбуръёс // Кенеш. - 2007. - № 2. - С. 3-7.

Ожо вожа : кылбуръёс / худож. Н. Симакова // Вордскем кыл. - 2006. - Вкл. л. - ("Вордскем кыллэн" книжкаез).

"Ой, турын, гужем турын..." : кылбур // Удмурт дунне. - 2012. - 11 июля. - С. 4.

Ой, улонэ, мае мон адӟисько?.. : кылбуръёс // Кенеш. - 2008. - № 3. - С. 3-6.

Осконмы вань - ӵуказе : кылбуръёс // Вордскем кыл. - 2007. - № 1. - С. 47-48.

Пислэг : верос / иллюстрациосыз И. Лопатиналэн // Кизили. - 2009. - № 11/12. - С. 6-7 : цв. ил.

Пичи нуны : кылбур // Удмурт дунне. - 2010. - 19 мая. - С. 7.

Пӧртмо вож кыз ; Вуись ар : кылбуръёс // Удмурт дунне. - 2009. - 15 дек. - С. 7. - (Шудэлэ тӥ, серектэ).

Пу коньки : нылпиослы верос / суредъёсыз А. Андрюшкинлэн // Вордскем кыл = Родное слово. - 2011. - № 1. - Вкл. л. - ("Вордскем кыллэн" книжкаез) ; Ӟечбур! - 2011. - 17 февр. - С. 4.

Пунэмзэ берыктӥз : верос // Удмурт дунне. - 2011. - 31 авг. - С. 7.

"Пурга кизилиос" : кылбур // Вордскем кыл. - 2009. - № 7. - С. 48.

Сюлэм - сяська : кылбур // Удмурт дунне. - 2005. - 20 апр. - С. 5.

Сюлэм - сяська ; Мон тонэн кудӟо : кылбуръёс // Удмурт дунне. - 2005. - 20 сент. - С. 5.

Табань : кылбур // Ӟечбур! - 2009. - 23 апр. - С. 2.

Тазьы малпасько : дневникысь чуръёс : о проблемах пер. с удмурт. яз. на рус. / Анатолий Перевозчиков // Кенеш. – 2005. – N 2. – С. 97-99.

Тодэ ваён : кылбур // Удмурт дунне. - 2006. - 14 июля. - С. 11.

"Улон - мынам шудэ..." : кылбуръёс // Инвожо. - 2007. - № 1/2. - С. 52-53.

Чилясь питран : верос / иллюстрациез Н. Быковлэн // Кизили. - 2007. - № 2. - С. 6-7.

Шаеръёc уно : кылбур // Вакыт (Игра). - 2007. - 24 авг. ; Удмурт дунне. - 2005. - 29 июля. - С. 13.

Шугъяськон ; Пеймыт ; Матысь-кыдёкысь : кылбуръёс // Удмурт дунне. - 2010. - 14 сент. - С. 7. - (Шудэлэ тӥ, серектэ)

Кырӟанъёсыз

Антонова З. Яратон – тылӝу : "Ой, кенжиз уг сюлэмам..." // Ӟечбур! - 2006. - 14 дек. - С. 8. ; Кенеш. – 2012. – № 2. – С. 107.

Бекманов Г. Вашкала быдӟым крезь // Ашальчи. - 2009. - № 1. - С. 32 ; Кенеш. - 2005. - № 9. - С. 13.

Карпов, Валентин Семенович. Ӟоз : "Шулдыр сяськаё возь вылын,..." // Ӟечбур!. - 2013. - 4 апр. - С. 6.

Кириллов С. К. Тӧдьы юсь : "Улон шур вылам..." // Удмурт дунне. - 2010. - 25 авг. - С. 6. - (Шудэлэ тӥ, серектэ).

Кузнецов П. Кызьпу но ыртӧл : "Пеймыт уйин ӟыгыртӥз кызьпуэз ыртӧл..." // Удмурт дунне. - 2010. - 17 марта. - С. 6. - (Шудэлэ тӥ, серектэ).

Шабалин Н. Прощание с зимой : "Хоть весь снег..." / пер. И. Мазнина // Вордскем кыл. - 2006. - № 5/6. - С. 3 обл.

Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды Удмурт Элькунысь йӧскалык библиотекалэн электрон каталогъёсызъя.