Захаров Пётр

Пётр Михайлович Захаров - удмурт кылбурчи но драматург, Россиысь гожъяськисьёслэн огазеяськонзылэн ёзчиез, Удмурт Элькунысь калык кылбурчи.

Улон сюресэз

Петр Захаров вордскиз 1961-тӥ арын 26-тӥ толшоре Татарстанысь Кукмор ёросысь Вуж Кня-Юмья гуртын.

Пичи дыръяз пияш песятаез доры тужгес но кыстӥськиз, соиз угось Библиез лыдӟыкуз но, радио пыр «Америкалэсь куаразэ» кылзыкуз но, кияз ручкаен пукылоз вал, пе. Нош атаез (кушем нимыз Гадзи) сярысь ёросын пальыштыкъёс-анекдотъёс ветлӥзы, соос пӧлысь одӥгез В. Кельмаковлэн «Образцы удмуртской речи» книгаяз но сюремын. «Пинал дыръям эшъёсы монэ «Ӟичы» шуо вал, аспӧртэм сямы понна, дыр», – тодаз вае Пётр Михайлович.

Озьы ик пичи дырысеныз кырӟаны яратылӥз. Выль кырӟанэз соку ик дышетэ вал. Тужгес но яратӥз Высоцкиез. Гурт пумысь ӝужыт гурезе тубыса, куараез бырытозь кесяськыса кырӟалляз солэсь кырӟанъёссэ. Собере Цой кельшыны кутскиз, но мукетъёсыз рок крезьгурчиос. Тямысэтӥ классэз йылпумъямез бере гитараез кылдӥз. Концерт бере сцена вылысь кошкыны уг лэзё вал.

Туж яратӥз лыдӟиськыны: Гоголь, Чехов, собере Семёнов, Дюма, Гюго, кылбурчиос Высоцкий, Блок. Школаез йылпумъяса, кошкиз вал Оренбургысь зенитно-ракетной училищее пырыны. Но кык экзамен сётыса, документъёссэ басьтыса кошке. Дораз бертса, кӧня ке ужа тракторен, дышетске шофёре. Нош тулыс сое армие басьто.

Улонзэ быдэсак берыктӥз, шуыны луоз, армия. Службазэ ортчиз Германиын. «Отын мон шунды ӝужан палась философиез валаны дыши, ас дуннеяд усьыны, малпаськон радлы, уллёе сылмыны, ышыны, солэн куронъёсызъя улыны дышетски. Таиз, шуом, службаысьтым романтикаен герӟаськем люкетэз. Со дыре ик армейской улон туж кырсь вылэм (мон ке отчы шумпотыса мынӥ). Одӥг кылын вераса, шимес реализм», – вера П. Захаров.

Армия бере Севере, Харп каргуртэ, ужаны кошке. Но отын кема ужаса уг вутты, ӝоген отысь бертэ, кышнояське, улыны интыяське Дэрие (Завьяловое). Ог дас ар пала ужа шофёр луыса.

1987-тӥ арын заочно дышетскыны пыре Удмурт кун университетысь филологияя факультетлэн удмурт ёзэтаз. Собере кык арзэ ужа «Ленинец» Дэри ёрос газетын. 1990-тӥ арын Удмуртиысь Писательёслэн огазеяськонзылэн правлениез П. Захаровез ӧтизы «Инвожо» журналэ проза ёзэтэ редакторе. 1999-тӥ арлэн толсур толэзьысен со – валтӥсь редактор.

Пётр Захаров ПЕН-клублэн Удмуртиысь ёзэтэзлэн президентэз луэ.

Озьы ик бадӟым саклык висъя пинал гожъяськисьёсын ужанлы. Со трос аръёс ӵоже гужем пиналъёсын «Шундыкар» лагерьын ужа. Соосты гожъяськыны дышетэ.

Гожъямъёсыз сярысь

«Пётр Захаров школаын дышетскыкуз но, бӧрысьгес но кылбуран сярысь, малпам гинэ ӧвӧл, ӧз ик вӧталля. Школаязы литературно-творческой кружоксы ӧй вал. Удмурт кылъя но литературая урокъёсты нуыны но оскылӥзы я физкультураен, я химиен дышетӥсьёссылы. Соин ик, лэся, Петялэн сюлмысьтыз кырӟась сиез кема кӧлӥз, чалмыт улӥз», – гожтэ Пётр Михайлович Захаров сярысь тодмо удмурт кылбурчи Владимир Васильевич Романов.

Шофёрын ужаз бере, малпаськыны трос дырыз вал, дыр. Руль сьӧрын вераськыны нокинэн, аслад малпанъёсыныд гинэ ке шат кенешод. Озьы пинал адямилэн сюлэмаз вордӥське верано малпан, со радъяське чуръёсы.

Школаын удмурт кыллы саклык ӧз висъялэ бере, егит адями нырысь ик кылбураны кутскиз ӟуч кылын. Но собере шӧдӥз: со удмурт сямен малпаське.

…Дунне вылын одӥг гинэ анай,

Уд вошты анайдэ мурт анаен.

Анай кылын гинэ чебер кырӟай,

Ӧй тодма шаерме мукет кылэн.

1986-тӥ арын Пётр Захаров нырысь чуръёссэ «Молот» журналлэн редакцияз вуттӥз. Отын шӧдӥзы егит авторлэсь удмурт кылэз гажамзэ, кылбуръёсаз психологической суред кылдытыны, улонысьтымы туж лэчыт ужпумъёсты ӝутыны тыршемзэ. Соин ик со арын ик кык номерын поттэмын вал П. Захаровлэн кылбуръёсыз. Собере та авторен лыдӟисьёссэ тодматӥзы «Советской Удмуртия» но «Ленинец» газетъёс. Нырысетӥ кылбуръёсыз пыризы «Инӟарекъян» (1991) но «Одӥг пол гинэ» (1992) огъя бичетъёсы.

Сокугес гожъяськыны кутскем адямилэн чебересь кылбуръёсыз кылдылӥзы ке но, ӝоген Пётр Захаров шӧдӥз кылтӥрлыкезлэсь лябытсэ но, удмурт, ӟуч но дунне литератураез ӧжытгес тодэмзэ но. Ас понназ лыдӟиськеменыз ӧз тырмы, пыриз дышетскыны.

Университет университетэн, но П. Захаровлы тужгес но бадӟым школа луиз Владимир Романовен пумиськон. Диплом ужезлэн азькылаз со гожтэ: «Сыӵе узыресь нуналъёс вал со, мынам улонам сомында метаморфозаос ортчизы… Та вакытэ мон весяклы куштӥ ни «баранкаме», тодматски Миша Федотовен, Слава Сергеевен; литература улонысь самой ческыт, самой курыт, самой узыр сурсвузэ губка сямен кыскыны кутски». Университетэз Пётр Захаров йылпумъяз 1998-тӥ арын. Литератураез дышетон со понна огшоры зачёт яке экзамен гинэ ӧй вал. Куамын аресъем студентлы ваньмыз со лыдӟиськонъёс бадӟым литературае сюрес мытон вал ини. Йылпумъясь диплом ужез «Обыда» нимо постмодернизмо пьеса вал.

Туж трос кылбуръёсыз гожтэмын улонысь учыръёс вылын: «Тополь», «Гудыри пи» но мукетъёсыз.

Пётр Захаров удмуртъёс пӧлын котькинлэсь азьло этнофутуризм сярысь лад-лад вераськыны кутскиз. 1994-тӥ арын куартолэзе со Тарту калыккуспо конференцие ветлӥз. Отысь ӝуась синъёсын вуиз. «Асьмеос ваньмы этнофутуризм амалэн кемалась гожъяськиськомы ни, та сярысь малпаськыса гинэ ӧм вуттэ на», – вераз со эшъёсызлы.

1990-тӥ аръёслэн кутсконазы Пётр Захаровлэн «Эбга» трагедиез пуктэмын Йӧскалык театрлэн сцена вылаз. Собере спектакль возьматэмын вал Финляндиын (отын но вылӥ дунъет басьтӥз).

Удмурт критикаын «Эбга» сярысь тужгес но мур гожъяз Л. П. Фёдорова.

Нимысьтыз книгаен потӥз 2000-тӥ арын.

2001-тӥ арын потӥз кылбуръёсыныз «Вож выж» нимо бичетэз. Таяз бичетын шӧдӥське ини выльзэ утчан, эскерон радысь кылбуръёс трос гинэ пумисько, чуръёсты суред кадь кылдытыса гожтэм чуръёс, куарашудон амалъёсысь философиез поттӥсь кылбуръёс. Бичетлэн нимыз но меӵак вера, татын буёлъёс нимысьтыз инты басьто шуыса.

2010-тӥ арын Пётр Захаровлэн потэ «Карас» кылбуръёсын бичетэз.

Солэн куд-ог кылбуръёсыз кырӟан луизы. Авторлэн тросэз кылбуръёсыз берыктэмын ӟуч кылэ. Ачиз но со удмурт ПЕН-клуб сярысь сюлмаськыны кутскеменыз, ХХ даурысь Европа лирикаез удмурт кылэ берыктон борды басьтӥськиз. Пётр Захаровлэн творчествоез школьной программаосы пыртэмын.

Наградаосыз но премиосыз

Удмурт Элькунысь Министръёслэн Советсылэн данъян кагаз, 1995.

Владимир Романов нимо премилэн лауреатэз, 1996.

«Финно-угрия» эстон огазеяськонлэн премиез, 1999.

Удмурт Элькунысь Кун Кенешлэн данъян кагазэз, 2000.

Удмурт Элькунлэн Кивалтэтэзлэн литература премиезлэн 2023-тӥ ар понна лауреатэз луиз «Чупчи крезь» («Эбга») пьесаез понна.

Удмурт Элькунысь калык кылбурчи (2024).

Библиография

Книгаосыз

"Гондыр сюан" яке "Шимес уйвöт" : нервно-психол. драма (шутка). – Ижевск : Инвожо, 2009. – 106 с. : ил.

Вож выж : кылбуръёс. – Ижевск : Изд-во ИжГТУ, 2001. – 268 с.

Карас : (песни удмурт. шамана) : кылбуръёс. – Ижевск : Инвожо, 2010. – 142 с. : ил.

Одӥг пол гинэ : кылбуръёс / Я. М. Майков, В. Б. Возняков, П. М. Захаров. – Ижевск : Удмуртия, 1992. – 144 с. : ил.

Эбга : кык действиен эпической трагедия. – Ижевск : Удмуртия, 2000. – 223 с.

Kolmanda silma avanemine. - Tallinn : Kirjastuskeskus, 2006. – 96 lk. : ill. – (Väikeste rahvaste suur kirjandus).

Статьяосыз

"Вань Чикаго..." ; "вань уно амалъёс дугдыны..." ; "мыным шуизы ӝоген ву нюртоз..." ; "мар сярысь калыкын верасько..." // Инвожо. – 2009. – № 3/4. – С. 11.

Дӧдьмы лобӟиз, лобӟиз // Зарни дэремен шунды : семьяын лыдӟон книга. – Ижевск, 2006. – С. 43.

Дорога к Кадыру : отрывок из романа // Инвожо = Альманах удмуртского ПЕН-клуба. – 2010. – № 5/6. – С. 41–44.

Думымтэ кылбуръёс = Не привязанные стихи // Инвожо. – 2007. – № 5/6. – С. 58–71 : фот.

Егор ; Нюлэс книга / суредаз М. Гузаева // Кизили. – 2011. – № 1. – С. 12 : цв. ил.

Йӧмур но рай котыртэтъёс : кылбуръёс // Инвожо. – 2013. – № 1. – С. 7-8. – Содерж.: Йӧмыр гумыр ; Адӟон ; Кулкофа ; Кобы ӵог, оло нош, Кобы сиг ; Акынъёс ; Тау кыз ; Рай

Как Лопшо Педунь рыжим стал : пьеса-сказака по мотивам удмурт. фольклора // Инвожо = Альманах удмурсткого ПЕН-клуба. – 2010. – № 5/6. – С. 45–51 ; Венок родной земли : пьесы фин.-угор. драматургов России. – Сыктывкар, 2008. – С. 386–398.

"Карас" бичетысь кылбуръёс // Удмурт дунне. – 2011. – 28 янв. – С. 12.

Кема витем яратонэ // Байгурезь (Дебесы). – 1999. – 12 нояб.

Круглы берытскылӥсь квадратъёсын пал-эс-мон / П. Захаров // Инвожо. – 2005. – № 9 (сент.–окт.). – С. 32–35.

Курег гидэз кабылан : перфоманс // Инвожо. – 2008. – № 7/8. – С. 44.

"Кытын ӧвӧл куара..." = "Там где нет голоса..." // Инвожо. – 2010. – № 9. – С. 17.

Лабыртон сюрес : поэма // Инвожо. – 2012. – № 3. – С. 32-39.

Нунылыко адӟон = Esmanägemus ; Луысал ке... = Kui oleksin... ; Флор Васильевлы = Flor Vassiljevile ; Куинетӥ синэз усьтон = Kolmanda silma avanemine ; Визь тулкым = Mõistuse laine ; "– Кин тон? – шуиз чупаськеммы бере..." = "Kes oled? küsis pärast suudlust ta... ; Кулон = Surm // Kuum ӧӧ : suome-ugri ranvaste tanapaeva luulet. – Tallinn, 2006. – С. 382–391. – На удмурт. и эст. яз.

Нюлэс книга ; Селяви ; Егор ; Визьмо малпан ; Мынам Педор агае : кылбуръёс // Инвожо. – 2013. – № 5. – С. 2-3.

Об этом // Инвожо. – 2009. – № 7. – С. 2 обл. : фот.

Обожженный камень // Инвожо. – 2008. – № 9/10. – С. 3–5.

Огшорыысь - огшорытэме ; Демократия но эркынай ; "Инты ӧй шедьты мон дорам..." ; "Советской урамын вань пиртэшез..." ; "Тынад монэн тодматскемед потэ вал..." ; "Бурдо тыло..." ; Самурай ; Союзысь вужер ; Мӧзмон ; Базар нунал ; Поэтлы ; М. Федотовлы ; Сьӧд куакаос ; Утчан : кылбуръёс // Инвожо. - 2013. - № 8/9. - С. 102-105.

Опытъёс // Инвожо. – 2009. – № 5/6. – С. 100–103.

Париж кылбуръёс // Инвожо. – 2008. – № 11/12. – С. 49–50.

"со – куать пала..." = "он – на шесть сторон..." // Инвожо. – 2010. – № 9. – С. 17.

Сяськаяськиз бадиян... : новелла // Инвожо. – 2008. – № 3/4. – С. 53–57.

"Там, где нет голоса..." = "La, ou il n'y a pas de voix..." ; "ящерица..." = "le lezard..." ; Из необыкновенного – в обыкновенное = De l'ordinaire a l'extraordinaire ; Карамзину = A Karamzine / пер. с удмурт. Л. А. Пушина // Инвожо. – 2008. – № 5/6. – С. 131–133.

Туала культура но туала шудонъёс : эссе // Инвожо. – 2009. – № 5/6. – С. 13–15.

Тыл кульчоос // Кенеш. – 2011. – № 1. – С. 6–9.

Удмурт пеллёлэн кырӟанъёсыз // Инвожо. – 2006. – № 4/5. – С. 50–51.

Уллаада // Инвожо. – 2011. – № 1/2 . – С. 38–39. – (Поэзия).

Эльфы говорят на нашем языке // Инвожо. – 2006. – № 1. – С. 3–4.

"югыт луллы..." = "светлому духу..." // Арт (Лад). – Сыктывкар, 2008. – № 2. – С. 26.

Rep-mura ; Mezma // Инвожо. – 2009. – № 5/6. – С. 53.

Rohelise tule laul ; Klassika / tolkinud A. Valton // Sirp : eesti kultuurileht. – Tallin, 2007. – 19. oktoober. – Lk. 6.

Кырӟанъёсыз

Колеватов С. Кема витем яратонэ // Кенеш. – 2008. – № 5/6. – С. 67–68.

Постников Н. Е. Выль ар котьку мусо ворекъялоз : "Пар валъёссэ кыткиз ни, дыр, Выль ар..." // Малпасько тонэ : кырӟанъёс = А мне бы увидеть тебя : песни / Н. Постников. – Ижевск, 2010. – С. 87.

Постников Н. Е. Шудо-а тон, анай?: "Ӧд кыньы та уе синдэ..." // Малпасько тонэ : кырӟанъёс = А мне бы увидеть тебя : песни / Н. Постников. – Ижевск, 2010. – С. 86.

Бекманов Г. Чупа, чупа, чуп // Ашальчи. – 2008. – № 5. – С. 36.

Берыктэмъёсыз

Анджелис Мило. "Та интымы – со вырисьтэм вал, валантэм. Ненокыӵе малпан..." ; "Улӥд тон тодыса приговордэ..." // Инвожо. – 2009. – № 5/6. – С. 70–71.

Анедда Антонелла. Озьы кутско вань йыружъёс ; Асьме ӧсмы вӧзысь дунне // Инвожо. – 2009. – № 5/6. – С. 71–72.

Аполлинер Гийом. Келяськон ; Гырлыос ; "Санте тюрьмаын" бичетысь ; Сӥзьыл ; Висись сӥзьыл ; Дама // Инвожо. – 2008. – № 5/6. – С. 80–81 ; Француз поэзия удмурт кылын. – Ижевск ; Paris, 2008. – С. 43–50.

Арагон Луи. Егит поэтлэн монологысьтыз люкет ; Ноктюрн ; Пасторальёс // Инвожо. – 2008. – № 5/6. – С. 81–82 ; Француз поэзия удмурт кылын. – Ижевск ; Paris, 2008. – С. 55–59.

Арп Жан. "Вераськон понна кыл..." // Инвожо. – 2008. – № 5/6. – С. 82 ; Француз поэзия удмурт кылын. – Ижевск ; Paris, 2008. – С. 61–62.

Арто Антонен. Котырскыса берытскон ; Вӧсяськон ; Мумиез абазлан // Инвожо. – 2008. – № 5/6. – С. 82–83 ; Француз поэзия удмурт кылын. – Ижевск ; Paris, 2008. – С. 63–66.

Базен Эрве. Жалялэ тусьты-пуньыез ; Ас вылад берытскон // Инвожо. – 2008. – № 5/6. – С. 83 ; Француз поэзия удмурт кылын. – Ижевск ; Paris, 2008. – С. 67–69.

Баркер Джордж. Гужем узырлык // Инвожо = Альманах удмуртского Пен-клуба. – 2010. – № 5/6. – С. 160–161.

Бахман Ингеборг. Келяськон // Инвожо = Альманах удмуртского ПЕН-клуба. – 2010. – № 5/6. – С. 149.

Беалю Марсель. Туала улон // Инвожо. – 2008. – № 5/6. – С. 83 ; Француз поэзия удмурт кылын. – Ижевск ; Paris, 2008. – С. 71–72.

Бекэр Люсьен. Изъёс // Инвожо. – 2008. – № 5/6. – С. 84 ; Француз поэзия удмурт кылын. – Ижевск ; Paris, 2008. – С. 73–74.

Беллинтани Умберто. "Дугдом ай минутлы, эшъёс..." ; Анджела ; Уз кыльы ни огез но ваёбыж... ; Чагыр инвисъёс // Инвожо. – 2009. – № 5/6. – С. 63–64.

Бодлер Шарль. Кучыранъёс ; Каргам поэтэз ватон ; Альбатрос // Инвожо. – 2008. – № 5/6. – С. 77 ; Француз поэзия удмурт кылын. – Ижевск ; Paris, 2008. – С. 27–30.

Боске Ален. "Мыжгылӥсько мон ӟардонэз..." ; Инвис ; Ӝокатэм пӧйшур ; Писпу // Инвожо. – 2008. – № 5/6. – С. 84–85 ; Француз поэзия удмурт кылын. – Ижевск ; Paris, 2008. – С. 75–79.

Брассанс Жорж. Урод репутация // Инвожо. – 2008. – № 5/6. – С. 85–86 ; Француз поэзия удмурт кылын. – Ижевск ; Paris, 2008. – С. 81–83.

Брель Жак. Тыныд кулэ ке ; Асьмеос адӟыны кулэ // Инвожо. – 2008. – № 5/6. – С. 86 ; Француз поэзия удмурт кылын. – Ижевск ; Paris, 2008. – С. 85–88.

Бретон Андре. Арлыд ; "Бинялтиськиз йылыз ул дэремлэн..." // Француз поэзия удмурт кылын. – Ижевск ; Paris, 2008. – С. 89–91 ; Инвожо. – 2008. – № 5/6. – С. 87.

Брох Герман. Т-лы ; Огмес огмы ӟыгыртыса возён куспын // Инвожо = Альманах удмуртского ПЕН-клуба. – 2010. – № 5/6. – С. 143–144.

Бьянко Стефано Даль. Простыняос // Инвожо. – 2009. – № 5/6. – С. 68.

Вайнхебер Йозеф. Ӝыны куараен // Инвожо = Альманах удмуртского ПЕН-клуба. – 2010. – № 5/6. – С. 156.

Валери Поль. Орфей ; Венералэн вордсконэз // Француз поэзия удмурт кылын. – Ижевск ; Paris, 2008. – С. 51–53.

Вальдингер Эрнст. Галлейлэн кометаез ; Нью-Йорк садын асэныд ачид вераськон // Инвожо = Альманах удмуртского ПЕН-клуба. – 2010. – № 5/6. – С. 146.

Верлен Поль. Париж крокъёс ; Сӥзьыл кырӟан // Француз поэзия удмурт кылын. – Ижевск ; Paris, 2008. – С. 39–41.

Верфель Франц. Мусо тылсиясь адями ; Лыдӟисьлы // Инвожо = Альманах удмуртского ПЕН-клуба. – 2010. – № 5/6. – С. 145–146.

Гарди Томас. Пересь шырчик ; Поэт // Инвожо = Альманах удмуртского ПЕН-клуба. – 2010. – № 5/6. – С. 150.

Гийевик Эжен. "Асьмен потэ вал котьку но..." ; Ӝуаса бырись тылскон ; Вӧзад вамышъясед // Инвожо. – 2008. – № 5/6. – С. 93–94 ; Француз поэзия удмурт кылын. – Ижевск ; Paris, 2008. – С. 135–138.

Гофмансталь Гуго фон. Дунне ватос ; Юг ымнырдэ // Инвожо = Альманах удмуртского ПЕН-клуба. – 2010. – № 5/6. – С. 140.

Грейвз Роберт. Писательлы чёртлэн визь кенешез ; Кыр цикламен // Инвожо = Альманах удмуртского ПЕН-клуба. – 2010. – № 5/6. – С. 157.

Гумилев Н. С. Путь конквистадоров = Конквистадоръёслэн сюрессы ; С тобой я буду до зари = Тонэн луо мон ӟардытозь ; Песнь Заратустры = Заратустралэн кырӟанэз ; Credo = Credo ; Слово = Кыл ; Шестое чувство = Куатетӥ шӧдон // Инвожо. – 2008. – № 1/2. – С. 32–35.

Деги Мишель. Синучкон ; "Пыж шумтэм шумпотонлэн флагез улын – мугорыз но..." ; "Пыд улысь кайгуос..." ; "Куке тӧл бушатэ гуртэз..." ; "Со ин тылъёслэн матынзылэсь бадӟымгес..." ; "Ваньмыз асьме вискын..." ; "Писпу шӧдонэныз шедьтэ инлэсь пельдӥньзэ..." ; "Солэсь мугорзэ ӟыгыртэ омыр..." ; "Гужем толалтэ уй уй..." // Инвожо. – 2008. – № 5/6. – С. 105–106 ; Француз поэзия удмурт кылын. – Ижевск ; Paris, 2008. – С. 215–224.

Деснос Роберт. Ковчеглэн дыдыкез ; Кылэз виись // Инвожо. – 2008. – № 5/6. – С. 90 ; Француз поэзия удмурт кылын. – Ижевск ; Paris, 2008. – С. 105–107.

Дзюба, Сергей. [Стихотворения = Кылбуръёс / Сергей Дзюба ; на рус. яз. перевел Игорь Павлюк, на удмурт. яз. перевел Пётр Захаров // Инвожо. – 2012. – № 9. – С. 16-17.]

Домаль Рене. Мукетыз кельтӥськон ; "Мон кулэмын, малы ке шуоно ӧвӧл мынам мылкыдъёсы..." // Инвожо. – 2008. – № 5/6. – С. 89 ; Француз поэзия удмурт кылын. – Ижевск ; Paris, 2008. – С. 101–103.

Дэй-Льюис Сесил. Вашкалаез уз сайка Феникс кадь // Инвожо = Альманах удмуртского ПЕН-клуба. – 2010. – № 5/6. – С. 156.

Жакоб Макс. "Нош ӵуказе ваньмыз умой луоз..." ; "Мон та, мон та, Моисей..." // Инвожо. – 2008. – № 5/6. – С. 94 ; Француз поэзия удмурт кылын. – Ижевск ; Paris, 2008. – С. 139–141.

Жильбер-Леконт Роже. Яратонлэн кунгожъёсыз ; Зэмлыктэм кошкон ; Уйин кулон ; Пиялалэн бушез ; Патриотизм // Инвожо. – 2008. – № 5/6. – С. 93 ; Француз поэзия удмурт кылын. – Ижевск ; Paris, 2008. – С. 129–134.

Жюв Пьер-Жан. Кысэм шундыослэн тылзы // Француз поэзия удмурт кылын. – Ижевск ; Paris, 2008. – С. 145–146 ; Инвожо. – 2008. – № 5/6. – С. 95.

Кейроль Жан. Ӵуказе // Инвожо. – 2008. – № 5/6. – С. 87 ; Француз поэзия удмурт кылын. – Ижевск ; Paris, 2008. – С. 93–94.

Кено Раймон. Поэзилэн искусствоез ; Куиньчуръёс // Инвожо. – 2008. – № 5/6. – С. 98 ; Француз поэзия удмурт кылын. – Ижевск ; Paris, 2008. – С. 163–165.

Кокто Жан. "Танӥськисько мон асэным. Уг луы пегӟеме..." // Инвожо. – 2008. – № 5/6. – С. 88 ; Француз поэзия удмурт кылын. – Ижевск ; Paris, 2008. – С. 99–100.

Колӟо : выжыкыл // Инвожо. – 2006. – № 2/3. – С. 81–84.

Крамер Теодор. Пленысь бертэмъёс ; "Сӥзьыл тӧлъёс мӧзмыт но ӝож..." ; Ёросысь урам кышно // Инвожо = Альманах удмуртского ПЕН-клуба. – 2010. – № 5/6. – С. 147.

Краус Карл. Детерминизм // Инвожо = Альманах удмуртского ПЕН-клуба. – 2010. – № 5/6. – С. 142.

Лану Арман. Кин ке // Инвожо. – 2008. – № 5/6. – С. 95 ; Француз поэзия удмурт кылын. – Ижевск ; Paris, 2008. – С. 147–148

Лейрис Мишель. Пумыз но, азьыз но ӧвӧл // Инвожо. – 2008. – № 5/6. – С. 96 ; Француз поэзия удмурт кылын. – Ижевск ; Paris, 2008. – С. 149–150.

Лоуренс Дэвид Герберт. Жадён ; Кулон секыт // Инвожо = Альманах удмуртского ПЕН-клуба. – 2010. – № 5/6. – С. 151.

Магрелли Валерио. "Та горд ӵашаысьтыд..." ; Вужер // Инвожо. – 2009. – № 5/6. – С. 68, 70.

Мак-Диармид Хью. Данъяськыса // Инвожо = Альманах удмурсткого ПЕН-клуба. – 2010. – № 5/6. – С. 156.

Мак-Нис Луис. Арня ӵукна // Инвожо = Альманах удмуртского ПЕН-клуба. – 2010. – № 5/6. – С. 157.

Маллэ Роберт. Чус но мӧзмыт // Инвожо. – 2008. – № 5/6. – С. 96 ; Француз поэзия удмурт кылын. – Ижевск ; Paris, 2008. – С. 151–152.

Мар Уолтер де ла. Бӧрӟемын ; Азвесё улон // Инвожо = Альманах удмуртского ПЕН-клуба. – 2010. – № 5/6. – С. 150–151.

Машо Гильом де. Дӥсяськы ож дӥськутад... ; Мотетус // Француз поэзия удмурт кылын. – Ижевск ; Paris, 2008. – С. 23–25.

Мейсфилд Джон. Зарезь висён // Инвожо = Альманах удмуртского ПЕН-клуба. – 2010. – № 5/6. – С. 152.

Мишо Анри. Шыпыт адями // Инвожо. – 2008. – № 5/6. – С. 97 ; Француз поэзия удмурт кылын. – Ижевск ; Paris, 2008. – С. 153–155.

Моро Жан-Люк. Октябрь // Инвожо. – 2008. – № 5/6. – С. 104 ; Француз поэзия удмурт кылын. – Ижевск ; Paris, 2008. – С. 207–213.

Неси Альберто. Анаелэн гожтэтэзлы гожтэт ; Турынлэн тазалыкез понна // Инвожо. – 2009. – № 5/6. – С. 66–67.

Оден Уистен Хью. Археология ; Кодэз ; У. Б. Йейтслы // Инвожо = Альманах удмуртского ПЕН-клуба. – 2010. – № 5/6. – С. 158–160.

Окар Эмманюэль. "Огнад кылёндэ эскерон" бичетысьтыз кылбуръёс // Инвожо. – 2008. – № 5/6. – С. 103–104 ; Француз поэзия удмурт кылын. – Ижевск ; Paris, 2008. – С. 197–206.

Орелли Джорджо. Пыдесъёс // Инвожо. – 2009. – № 5/6. – С. 67.

Оуэн Уилфред. Паймымон пумиськон // Инвожо = Альманах удмуртского ПЕН-клуба. – 2010. – № 5/6. – С. 154–155.

Унгаретти Джузеппе. Палдуръёсты утчан фаза ; Африка сярысь тодэ ваёнъёс ; Эзылон // Инвожо. – 2009. – № 5/6. – С. 65.

Пенсон Жан-Клод. Арлэн вакытъёсыз ; Ut pictura poesis ; Зарезьлэн чурыт верам кылыз // Инвожо. – 2008. – № 5/6. – С. 107 ; Француз поэзия удмурт кылын. – Ижевск ; Paris, 2008. – С. 225–228.

Перрино Джованни. Ӝыт // Инвожо. – 2009. – № 5/6. – С. 71.

Попов, Алексей. Пересь кырныж : верос / Алексей Попов ; берыктӥз Пётр Захаров // Инвожо. - 2013. - № 8/9. - С. 143-145.

Превер Жак. Ивор ; Майыг чаклась туж яратэ бурдоосты ; Коӵыш но юбер // Инвожо. – 2008. – № 5/6. – С. 97–98 ; Француз поэзия удмурт кылын. – Ижевск ; Paris, 2008. – С. 157–161.

Пригов Д. А. Стихотворения // Инвожо. – 2007. – № 5/6. – С. 133–135 : фот.

Прижан Кристиан. "Лул" бичетысь кылбуръёс // Инвожо. – 2008. – № 5/6. – С. 101–102 ; Француз поэзия удмурт кылын. – Ижевск ; Paris, 2008. – С. 187–196.

Пустерла Фабио. Замокын // Инвожо. – 2009. – № 5/6. – С. 66.

Рембо Артюр. Вуонозэ шӧдон ; Анадиоменлэн Венераез ; Богема : (фантазия) ; Пӧечи ; Пукисьёс // Инвожо. – 2008. – № 5/6. – С. 78–79 ; Француз поэзия удмурт кылын. – Ижевск ; Paris, 2008. – С. 31–38.

Рибемон-Дессень Жорж. Со, мар адӟиське ; Инсьӧр дуннелэн кӧтсюманэз // Инвожо. – 2008. – № 5/6. – С. 99 ; Француз поэзия удмурт кылын. – Ижевск ; Paris, 2008. – С. 167–169.

Рильке Райнер Мария. "Сад коркан, укно вӧзын, возьмась кадь..." ; "О, Инмаре! Бадӟым город-кардэ..." ; Визьтэммон // Инвожо = Альманах удмуртского ПЕН-клуба. – 2010. – № 5/6. – С. 141.

Роузенберг Айзек. Кулӥсьтэмъёс // Инвожо = Альманах удмуртсокго ПЕН-клуба. – 2010. – № 5/6. – С. 156.

Сабо Вильгельм. Саранча 1338 аре // Инвожо = Альманах удмуртского ПЕН-клуба. – 2010. – № 5/6. – С. 147–148.

Сассун Зигфрид. Сюлэм бӧрдон // Инвожо = Альманах удмуртского ПЕН-клуба. – 2010. – № 5/6. – С. 155.

Сегерс Пьер. Кызьы улэ дунне // Инвожо. – 2008. – № 5/6. – С. 99 ; Француз поэзия удмурт кылын. – Ижевск ; Paris, 2008. – С. 171–172.

Сернэ Клод. "Кылысалыд ке тон..." ; "Дышетскисько писпуослэсь..." // Инвожо. – 2008. – № 5/6. – С. 100 ; Француз поэзия удмурт кылын. – Ижевск ; Paris, 2008. – С. 173–175.

Сорокин В. Г. Лулысь-сюлмысь вераськон // Инвожо. – 2010. – № 9. – С. 64–65. – (Модэн литература).

Сорокин В. Г. Тыкмоли усён // Инвожо. – 2010. – № 9. – С. 60–61. – (Модэн литература).

Сорокин В. Г. Уй куноос // Инвожо. – 2010. – № 9. – С. 61–63. – (Модэн литература).

Спациани Мария Луиза. "Кин валэктоз, малы клепсидра зарезьын?.." : Пауль Клеелы (Зигфрид Унселдлы) ; "Пеймыт орсмем вирен..." ; Джудекка ; Чидан, поэтика // Инвожо. – 2009. – № 5/6. – С. 60–63.

Супо Филипп. Аквариум. Азькыл ; Энциклопедие ; Акшан ; Нош толэзь сярысь // Инвожо. – 2008. – № 5/6. – С. 100 ; Француз поэзия удмурт кылын. – Ижевск ; Paris, 2008. – С. 177–181.

Толкиен Джон Рональд Руэл. Амбарканта // Инвожо. – 2006. – № 1. – С. 54–56.

Томас Диан. "Тужгес но, ку октябрьлэн тӧлэз..." // Инвожо = Альманах удмуртского ПЕН-клуба. – 2010. – № 5/6. – С. 161.

Тракль Георг. Шунды ; Гужем ; Чалмыт улӥсьёслы // Инвожо = Альманах удмуртского ПЕН-клуба. – 2010. – № 5/6. – С. 144–145.

Тцара Тристан. Сюрес ; Сюрес вайяськон // Инвожо. – 2008. – № 5/6. – С. 101 ; Француз поэзия удмурт кылын. – Ижевск ; Paris, 2008. – С. 183–185.

Фиртель Бертольт. Памятник // Инвожо = Альманах удмуртского ПЕН-клуба. – 2010. – № 5/6. – С. 143.

Фоллэн Жан. Улон ; Нылпиос // Француз поэзия удмурт кылын. – Ижевск ; Paris, 2008. – С. 119–121 ; Инвожо. – 2008. – № 5/6. – С. 91–92.

Фомбёр Морис. Хоровод // Инвожо. – 2008. – № 5/6. – С. 92 ; Француз поэзия удмурт кылын. – Ижевск ; Paris, 2008. – С. 123–124.

Фор Поль. "Та ныл кулӥз, яратонлэсь кулӥз та ныл..." ; Тулыс бозгылэн кырӟанэз // Француз поэзия удмурт кылын. – Ижевск ; Paris, 2008. – С. 125–128 ; Инвожо. – 2008. – № 5/6. – С. 92–93.

Франсис Жамм (Jammes). "Куке мон ваньмызлы уг луы ни улэпъёс пӧлын..." // Инвожо. – 2008. – № 5/6. – С. 95 ; Француз поэзия удмурт кылын. – Ижевск ; Paris, 2008. – С. 143–144.

Хини Шеймас. Инмысь корабль ; Пыртӥ адскон ; Оденлэн размереныз : Иосиф Бродскиез тодэ вайыса // Инвожо. – 2009. – № 1/2. – С. 36–37.

Хьюз Тед. Горд // Инвожо = Альманах удмуртского ПЕН-клуба. – 2010. – № 5/6. – С. 162–161.

Цвейг Стефан. Куатьтон аресолэн тау каронэз // Инвожо = Альманах удмуртского ПЕН-клуба. – 2010. – № 5/6. – С. 142.

Целан Пауль. Кулон фуга ; "Париж-пыжмы рюмка пушкы ас якорьзэ куштиз..." // Инвожо = Альманах удмуртского ПЕН-клуба. – 2010. – № 5/6. – С. 148–149.

Шар Рене. Буйган ; Да мед луоз сӥё-дано // Француз поэзия удмурт кылын. – Ижевск ; Paris, 2008. – С. 95–98 ; Инвожо. – 2008. – № 5/6. – С. 87–88.

Шо Рубоко. Яратон сярысь танкаос // Инвожо. – 2006. – № 10. – С. 34–36.

Элиот Томас Стернс. Дж. Альфред Пруфроклэн яратон сярысь кырӟанэз // Инвожо = Альманах удмуртского ПЕН-клуба. – 2010. – № 5/6. – С. 152–154.

Элюар Поль. Эктон искусство ; Пеймытын ; Испаниын ; Ми кыкнамы // Инвожо. – 2008. – № 5/6. – С. 90 ; Француз поэзия удмурт кылын. – Ижевск ; Paris, 2008. – С. 109–113.

Эммануэль Пьер. "Мон оскисько чылкыт-чылкыт вулы..." ; "Да! Та адямиос..." ; Тӧл но солэн выжыез // Инвожо. – 2008. – № 5/6. – С. 91 ; Француз поэзия удмурт кылын. – Ижевск ; Paris, 2008. – С. 115–118.

Эренштейн Альберт. Кыр юсь // Инвожо = Альманах удмуртского ПЕН-клуба. – 2010. – № 5/6. – С. 143.

Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды Удмурт Элькунысь йӧскалык библиотекалэн электрон каталогъёсызъя.