Хайдар Рашит
Рашит Хайдар (Рашит Осипович Хайдаров ) - писатель-сатирик, прозаик, кылбурчи но журналист, Удмурт Элькунысь сӥё-дано журналист.
Улон сюресэз[править]
Рашит Хайдар вордскиз Башкириысь Янаул ёросысь Шудек гуртын 1957-тӥ арын 10 куарусёнэ огшоры крестьян семьяын. [1]
«Пичи дыръям улон-вылонэ питран вылын ортчиз, – шуэ али Рашит Осипович, – пересьмы ӧй вал бере, возь вылэ турнаны мыно-а, итыме тӧлӥськыны васько-а – нокытысь ӧй кыльылы, анае сьӧры ветлылӥ». Озьы, пичиысен ик пияш валаны шӧтаз колхоззылэсь ужрадлыксэ. Мӧйыос вӧзын пичиос но ужазы – мак бичан понна вожмаськизы. Нуналаз 15 коньы гожтылӥзы ук. Мон но выны атайлэсь туж пичиысен кылимы: вань ужъёс но шуг-секытъёс анаен ми вылэ усизы. [2]
Аресыз вуыса, эшъёсыз сьӧры школае вамыштӥз вал. Но дышетӥсьсы, пияшлэн пичи мугорыз шоры учкыса, берен дораз келяз. Одӥг арзэ буд на, пе, пие. Школае кутымтэзылэн зэмос мугез – сизьым аресозь дас нунал кылем на вылэм.[2]
Тямыс классын дышетскыкуз Рашит ӟеч тодэ вал ини гожъяськись луоз шуыса. Туж Можга педучилищеын дышетскемез потэ вал. Но анаезлы кык пиоссэ дышетыны секыт луоз шуыса, Прогресс посёлокысь шор ёзо школае вамыштӥз. Сӥзьыл колхозын котькуд семьялы картофка но кушман октыны-утялтыны быдэс гектар пай сёто вал. Анаезлы юрттонъяз, школае бер кылиз, пиналъёс дышетско ни вылэм. «СПТУ-ын дышетскыны ӵектӥзы. Ветлыса утчано-а, мар-а, малпай. Трактороведение урок бере шутэтскон вис луиз. Пиос ваньзы сямен тамак пурккето, жоб кылъёсын верасько. Кыкетӥ уроке ӧй ни пыры, бертӥ. Ма, собере тракторист луон сярысь малпанэн ноку ӧй улы вал ук! Озьы мон парсьёслы сиён пыртасьын тырши», – вера Рашит Осипович. Озьы пияш арзэ ужаз колхозын. Собере выльысь дышетсконзэ азинтӥз школаын. Соку со дыр но, эсэп но шедьтылӥз на кылбуръёс, веросъёс гожъяны но. [2]
1976-тӥ арын шӧдтэк-шорысь дышетскыны пыриз Удмурт кун университетэ филологи факультетэ. Школалэсь люкиськон ӝытсы бере ик колхоз скалъёсты возьманы интыяськиз. Ваньмыз огминутскын воштӥськиз. Кӧня ке нылъёс-пиос кошко. Иже, пе, мынӥськом, документ кутонзылэн ӵуказе берпуметӥ нуналыз, сьӧразы чорто. Вынзэ ас интыяз скал возьманы кельтӥз: кыктой-куиньмой сяна ужано уд луы шуса буйгатӥз, пӧй, экзаменын куашкало но ачим ик ужало. Гуртысьтыз пыраклы кошкемез со луиз. Дышетсконэз огсыр мынӥз. [2]
Дышетскыны пырем бераз ик, редакциосы сюрес воляз. Нырысетӥ курс бере эшъёсыз стройотрядэ кошкизы, нош Рашитэз «Советской Удмуртия» газетлэн редакторез Василий Михайлов доразы ужаны ӧтиз. Кыкетӥ курс бере но отын ик тыршиз, нош куинетӥ курссэ йылпумъямез бере, Василий Михайлович шуэ, оло, пе, заочное потод, ми доры ужаны выжод? Фёдор Суворовен ӵош «Шӧкычез» лэсьтоды, пе. Пияш соглаш кариськиз. Татын дас куинь ар ужатозяз кин но ӧй вал со: корреспондент, кыл кутӥсь секретарьлэн воштӥсез, ёзэтэн кивалтӥсь, творческой объединенилэн кивалтӥсез. Эшшо арнялы быдэ «Шӧкыч» бамез дасяз но нуиз... [3]
1991-2004-тӥ аръёсы Рашит Хайдаров "Вордскем кыл" журналлэн редакциез кылдэм дырысен валтӥсь редакторлэн воштӥсез луыса тыршиз. «Вордскем кылын» ужакуз, журналлэн шораз пиналъёс понна пичи книга поттыны ӵектӥз. Аслаз но отын ог дасэз книгаез вордӥськизы. Рашит Хайдар – Удмурт Элькунысь сиё-дано журналист. Пырисъкемын сатира но юмор удысын гожъясьёслэн 1985-тӥ арын Тбилисиын ортчем Всесоюзной семинаразы. [4]
2004-тӥ аре Рашит Осипович берен берытске ужаны «Удмурт дунне» газетэ но сатира но юмор ёзэтэн кивалтэ, со дыре ик «Герд» газетлэн валтӥсь редакторез луэ. [1]
Гожъямъёсыз сярысь[править]
Рашит Хайдаров нимез удмурт лыдӟисьёс нырысьсэ ог куамын ар талэсь азьвыл тодӥзы. Соку, оло, нимызъя ик валазы: та егит автор "зэмос удмурт кылын ик гожъя ке но, ачиз Удмуртиысь ӧвӧл, кытысь ке но Кам тупалась, дыр ". Сыӵе малпанэн пумитазы сое лыдӟисьёс. Бен, озьыез озьы ик вал. [4]
Олома шорысь Рашит кылбур гожъяны кутскиз. Огпол пуксемаз кыксэ-куиньзэ но пӧрмытъяз. Куд-огзэ печатлало но вал. [2]
Пинал авторлэн та нырысетӥ кылбурез «Дась лу!» газетын печатламын вал куинетӥ классын дышетскыкуз — 1968-тӥ арын 26-тӥ тулыспалэ. Эшъёсыз киазы газетэн шок-пуль вуыкузы, Рашит пыэдэн дораз кылле вал. Но сыӵе ӟеч ивор соку ик пыд йылаз султытӥз. Ачиз но валаса ӧз вутты, кызьы ураме вуиз но ӟырт кезьытын юр-яр карись пиналъёсын шудыны кутскиз. Ӟеч ивор висись муртэ но йӧнатэ вылэм. [5]
Со дырысен Рашит Хайдаров пыраклы эшъяськиз кылбур дуннеен. Сое бордазы кыскизы узыр инкуазь суредъёсмы, покчиосмылэн котырысь дуннеен эшъяськемзы но тунсыкъяськемзы, тумошо учыръёсы сюрем-шедемъёссы. Огшоры пилем гинэ но кылбурчилэн син азяз мукет сямен пуксе:
Бабылес ыжгон выллем
Тугаськем инме пилем.
Кунэрес, ӝожмыт тусо –
Чик уг адӟиськы мусо.
Нылпилэсь пуш дуннезэ шӧдыны-адӟыны быгатэмысьтыз ик крезьгурасьёс кылбуръёссэ кырӟанлы пӧрмытъяло. Пиналъёслы сӥзем кылбуръёсын книгаосыз уно гинэ люкаськемын: «Вукарнан» (1992), «Ӟечыран» (1995), «Сюрес» (1998) но мукетъёсыз. [5]
7-тӥ классын дышетскыкуз юморескаоссэ печатлазы "Советской Удмуртиын". «7-тӥ классын дышетскыкум, гуртысь одӥг кышномуртэн пумиськон ортчиз. Сое, ӟеч ужамез понна, Москвае ӧтчаллям. Кышномурт сыӵе зол паймем, кызьы соосты сюдӥллям, нош ачиз сиён-юонлэсь кызьы нимаськемзэс но уг тоды. Та учыр туж йырам кылиз но, героиняме, Занок нимо пиосмуртлы берыктыса, «Шӧкыч» баме ыстӥ. Юморескаме газетэ печатлазы», – тодаз вае Рашит Осипович. [3]
Озьы ваньзэ-ӧвӧлзэ кык сюлэсь ятыр серемес веросъёс гожтӥз ини. Соос потылӥзы "Шӧкычлэн" бамъёсаз, "Кенеш", "Инвожо" – журналъёсын, чузъяськизы удмурт радио пыр, удмурт эстрадаын, печатласькизы "Колӟо" книгаын (1988 ар). [1]
Рашит Хайдарлэн серемес верос гожъян амалъёсыз аспӧртэмлыкоесь. Уноез соос пӧлысь "мон" шуыса кутско. «Геройлэн» ассэ маскаръямез, ассэ серекъямез-мактамез пыр ӟеч адӟисько улонысь тырмымтэос. Соин валче комической герой "ачиз" пыр ӟеч возьматыны быгатэ мылкыдъёссэ, малпанъёссэ, психологизэ, ассэ ачиз усьтэ, шарая. Нош серемес геройёсыз юн мылкыдоесь луо, улонлы осконзэс уг ышто на, улон соосты визьма, дышетэ. Соин ик калык азьын соос асьсэлэн шуге-леке вуэмзы сярысь шара, "мон", "ачим " шуыса верало. Лыдӟисез асьсэлэн пуш дуннеенызы тодмато. [4]
Рашит Хайдарлэн кылыз лэчыт, солэн кадь ӵошатонъёс, эпитетъёс, метафораос литератураын шер пумисько, соосты автор зарни но марӟан пырыосты сямен сузьем веросъёсаз.
Вань веросъёсыз оскымонэсь, малы ке шуоно, улонын луылӥсь серемес учыръёс, серемес сямъёс, пӧртэм характеръёслэн ваче вуонъёссы, адямиез тодмамтэ вылысь юмоке вуонъёс, ваменэсъёс но шунёкъёс, асъсэды гинэ тодӥсьёс но кузъмасъкыса шуге-леке вуэмысь потыны тыршисьёс, мукет югдуръёс но серемес характеръёс — сыӵе "геройёсты" пӧртэм учыръёс пыр возьматэ автор. [4]
Рашит Хайдарлэн сатираен но юморен тырмем веросъёсыныз серекьяно но, малпасъконо но. Нош юморескаосын валче автор книгаяз пыртэм на серемес луисьтэмъёссэ но — малпасъкытӥсь новеллаоссэ: улон но кулон сярысь вакчи веросъёссэ. Та пичи новеллаос прозаен кылбуръёслы матынэсь. Соос адямилэн улонысытыз тужгес но драматической югдуръёсты возьмато. Сыӵеесь луо "Лобо луд ӟазегъёс", "Пуны", "Тӧллы пумит", "Курыт синкыли — сылало ", "Сьӧлык", "Ошмес" малпаськон гердъёсыз, "Укно син ", "Уй " но мукет веросъёсыз. Рашит Хайдарлэн произведениосыз берыктэмын ӟуч, коми, башкир, чуваш но узбек кылъёсы. [1]
Наградаосыз но премиосыз[править]
Удмурт Элькунысь сӥё-дано журналист, 1995.
Библиография[править]
Книгаосыз[править]
Ачим : веросъёс, юморескаос, скетчъёс. – Ижевск : Удмуртия, 1999. – 199 с.
Зор пилем / рисунки В. Мустаева. – 14 с. : ил.
Колӟо : сатира но юмор. – Ижевск : Удмуртия, 1988. – 72 с. : ил.
Портрет с натуры : сатирические рассказы. – Ижевск : Лит. фонд России, 2007. – 95 с. : ил.
Статьяосыз[править]
Ар вакытъёс : кылбур // Удмурт дунне. – 2007. – 3 апр. – С. 8.
Бакча берын : скетч // Удмурт дунне. – 2008. – 16 июля. – С. 6. – (Шудэлэ тӥ, серектэ).
Бакчаын : кылбуръёс // Вордскем кыл. – 2005. – № 7. – Вкл. л. – ("Вордскем кыллэн" книжкаез).
Биньгозы : скетч // Удмурт дунне. – 2007. – 26 июля. – С. 6. – (Шудэлэ тӥ, серектэ).
Быжтэм веросъёс // Удмурт дунне. – 2006. – 13 янв. – С. 15.
Возьытэ уськытӥзы : скетч // Удмурт дунне. – 2007. – 6 февр. – С. 7. – (Шудэлэ тӥ, серектэ).
Выжыкыллы укшатыса // Удмурт дунне. – 2005. – 26 авг. – С. 15. – (Шӧкыч).
Выль ар кырӟан : кылбур // Герд. – 2008. – № 12. – С. 1.
Гозы : кыл коскатон // Удмурт дунне. – 2007. – 13 марта. – С. 6–7. – (Шудэлэ тӥ, серектэ).
Гуртэ бертазы : юмореска // Удмурт дунне. – 2005. – 3 нояб. – С. 15.
Ӵектон ; Кызьы? ; Сёровно ; Ымдэ ворса, пе ; Выжлёгет : косканъёс но йыр корманъёс // Удмурт дунне. – 2007. – 30 марта. – С. 15. – (Шӧкыч).
Ӟечкыласько, Дарьёке! : кылбур // Удмурт дунне. – 2007. – 9 марта. – С. 15. – (Шӧкыч).
Инмын кысо кизилиос : верос // Удмурт дунне. – 2007. – 25, 26 сент.; 9, 10, 16 окт. – С. 8.
Йырпоромон : юмореска // Удмурт дунне. – 2005. – 29 июля. – С. 15.
"Кенеш" – йӧно эш : кылбур // Кенеш. – 2011. – № 4. – С. 79.
"Кенешын" кенешон : кылбур // Кенеш. – 2006. – № 1. – С. 98–100.
Коко Байтыр но Атас : кылбур // Удмурт дунне. – 2005. – 14 янв. – (Шӧкыч).
Колоша ; Ӵужон ; Зор : кылбуръёс // Зарни дэремен шунды : семьяын лыдӟон книга. – Ижевск, 2006. – С. 107.
Куча : кылбур // Вордскем кыл. – 2003. – № 1. – С. 62.
Куштӥськем : зулён // Удмурт дунне. – 2008. – 23 апр. – С. 7.
Кылё лёгем музъемъёс : эссе // Удмурт дунне. – 2006. – 11 июля. – С. 8.
Кытын тон, Матронэ? : юмореска // Удмурт дунне. – 2008. – 23 янв. – С. 6. – (Шудэлэ тӥ, серектэ).
Лобӟытӥзы : юмореска // Удмурт дунне. – 2007. – 11 мая. – С. 15. – (Шӧкыч).
Лопата ныд : юмореска // Удмурт дунне. – 2006. – 21 апр. – С. 15. – (Шӧкыч).
Мадиськонъёс / иллюстрациез Ирина Ивановалэн // Кизили. - 2013. - № 9. - С. 13.
Муское ветлӥз : серемес верос // На переломе эпох : Союзу писателей Удмуртии 70 лет, 1934–2004 : ст., стихотворения, прозаич. произведения, док. – Ижевск, 2006. – С. 254–256.
Мынам данэ : малпаськон // Удмурт дунне. – 2005. – 4 марта.
Не понял : юмореска // Удмуртская правда. – 2008. – 16 апр. – С. 3. – (Литературный клуб).
Огезлы – дан, мукетызлы – тышкан : кылбур // Удмурт дунне. – 2007. – 12 окт. – С. 15. – (Шӧкыч).
Огпол ке но : вакчи верос // Удмурт дунне. – 2007. – 18 мая. – С. 15. – (Шӧкыч).
Огреч : кылбур // Удмурт дунне. – 2007. – 22 июня. – С. 15. – (Шӧкыч).
Олошай но оломар : скетчъёс / // Кенеш. – 2011. – № 2. – С. 102–106.
Ондӥ но Кондӥ : шудон // Кизили. – 2007. – № 9. – С. 8–9 : фот.
Паймытӥз : Лия Малыхлы // Удмурт дунне. – 2007. – 28 дек. – С. 14.
Парсь макес : верос // Удмурт дунне. – 2007. – 26 дек. – С. 5.
Парсьлэн араз вордӥськемъёслы : эпиграммаос // Удмурт дунне. – 2006. – 29 дек. – С. 12.
Пеймыт уй но югыта : кылбур // Удмурт дунне. – 2008. – 11 нояб. – С. 8.
Песятайлэн верамез : верос // Дась лу! – 1972. – 28 сент.
Пиос – кускылиос ӧвӧл : скетч ; Эмъюм интые – люгы куар : ӝуштон // Удмурт дунне. – 2007. – 25 мая. – С. 15.
Питырась : мадёс // Удмурт дунне. – 2007. – 20 июля. – С. 15. – (Шӧкыч).
Питыри : верос // Инвожо. – 2010. – № 3/4. – С. 42.
Пудо уллё : басня // Герд. – 2007. – № 8 (авг.). – С. 3.
Пукид ке тунаса... : сценка // Удмурт дунне. – 2007. – 3 авг. – С. 15.
Пыдэстэм гу : скетч // Удмурт дунне. – 2008. – 23 апр. – С. 7.
Ракета шоры ӝими : юмореска // Удмурт дунне. - 2012. - 19 окт. - С. 15.
Суредась : кылбур // Вордскем кыл. – 2007. – № 3. – С. 16.
Суро-пожо : сересмес верос // Удмурт дунне. – 2007. – 16 нояб. – С. 15. – (Шӧкыч).
Сыномем кортӵог : серемес веросъёс // Кенеш. – 2007. – № 8. – С. 92–107.
Сюрес вылын : йыр корман // Удмурт дунне. – 2007. – 23 марта. – С. 15.
Та турынэз турнаны... : сценарий // Удмурт дунне. – 2007. – 26 июля. – С. 6. – (Шудэлэ тӥ, серектэ).
Така : малпамтэ верос ; Зулён : гожтымтэ верос // Кенеш. – 2011. – № 8. – С. 103–106.
Така : юмореска // Удмурт дунне. – 2007. – 4 мая. – С. 15.
Телефонысь куара : вакчи верос // Удмурт дунне. – 2006. – 20 янв. – С. 15.
Тол кӧлэ : выжыкыл // Удмурт дунне. – 2007. – 16 марта. – С. 15. – (Шӧкыч).
Тол ӵукна : сценка // Вордскем кыл. – 2007. – Вкл. л. – ("Вордскем кыллэн" книжкаез).
Тупатон : скетч // Удмурт дунне. – 2007. – 13 марта. – С. 7. – (Шудэлэ тӥ, серектэ).
Ӵужмурт : улонысь учыръёс // Удмурт дунне. – 2012. – 6 июля. – С. 15.
Узыясьёс : кылбур // Вордскем кыл. – 2006. – № 11/12. – С. 42.
Уй : верос // Удмурт дунне. – 2005. – 30 авг. – С. 7.
Ӵукна : сценка // Кизили. – 2005. – № 2. – С. 8–9.
Улон – коньдон : кылбур // Удмурт дунне. – 2005. – 18 марта. – (Шӧкыч).
Яратон но сурон : серемес веран // Удмурт дунне. – 2008. – 24 сент. – С. 6.
Берыктэмъёсыз[править]
Музъем кылдэм сярысь веран : манси миф / берыктӥз Р. Хайдар // Вордскем кыл. – 2008. – N 5. – С. 48.
Кырӟанъёсыз[править]
Карпов В. Ёлочка-ёлка : "Ручкой правой помаши... = Бур киыныд шоналты..." // Ӟечбур! – 2005. – 15 дек. – С. 7.
Карпов В. Узыясьёс : "Нюлэс кушын..." // Удмурт дунне. – 2007. – 19 сент. – С. 6. – (Шудэлэ тӥ, серектэ).
Шабалин Н. Сизь : "Писпу ке сись..." // Вордскем кыл. – 2005. – № 7. – С. 3 обл.
Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды Удмурт Элькунысь йӧскалык библиотекалэн электрон каталогъёсызъя.
Уже кутэм литература[править]
- ↑ 1,0 1,1 1,2 1,3 Уваров А. Рашит Хайдар (1957) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 115–116
- ↑ 2,0 2,1 2,2 2,3 2,4 Коряков Г. Мынекъян но ӵушкан – эгызоос // Удмурт кизилиос : очерки, зарисовки, интервью (2001-2007). – Ижевск, 2007. – С. 62-63
- ↑ 3,0 3,1 Хайдар Р. Улон – со пияла // Известия Удмуртской Республики. – 2007. – 29 авг. – С. 4.
- ↑ 4,0 4,1 4,2 4,3 Уваров А. Кӧня ке кыл авторез сярысь // Ачим: веросъёс, юморескаос, скетчъёс / Р. Хайдаров. – Ижевск, 1999. – С. 5–6.
- ↑ 5,0 5,1 Писательёс – нылпиослы : лыдӟиськон урокъёсын ужаны юрттэт // Вордскем кыл. – 2011. – № 3. – С. 49.
