Усьтоз меда, уз меда

From Воршуд
Jump to navigationJump to search

Усьтоз меда, уз меда ук та ӵогам но капказэ?

Желатьтӥз ке , усьтоз ук но, ӧз ке желатьты , уз усьты.

Желатьтӥз ведь, желатьтӥз ведь - ӵогам капказэ усьтӥз.

Желатьтӥз ведь, желатьтӥз ведь - ӵогам капказэ усьтӥз.

Ми пырем понна но вождэс эн вае.

Пырем потӥз, мылкыд кариз, пыртэк кошкем ӧз поты.

Сётоз меда, уз меда ук кусо тышкан молотсэ?

Сётоз меда, уз меда ук нылдыр бурччин лентазэ?

Сётоз меда, уз меда ук куно возьман пуконзэ?

Желатьтӥз ке, сётылоз но, ӧз ке желатьты, уз сёты.

Желатьтӥз ведь, желатьтӥз ведь кусо тышкан молотсэ.

Желатьтӥз ведь, желатьтӥз ведь нылдыр бурччин лентазэ.

Желатьтӥз ведь, желатьтӥз ведь куно возьман пуконзэ.

Желатьтӥз ведь, желатьтӥз ведь - мае курим, со сётӥз.

Луткеч вордэм пиоссэ сикысь сике куяны -

Нэнэй-дядяй вордэм пизэ Горд Армие келяны.

Бызьса туби кызпу йылэ тӧдьы тӧлась туй понна.

Бызьса васьки кызпу йылысь, тэччи арбуз бакчае.

Арбуз бакчае тэччи но - зар бамме ӵыж басьтӥз.

Зар бамме ӵыж басьтӥз но - кезыт ву кисьтэм кадь мон луи.

Кезыт ву кисьтэм кадь мон луи но, Горд Армие мон ярай.

Горд Армие мон ярай но - вес вылэ султытӥзы.

Вес вылэ султытӥзы но - вессы ӧз тырмы мертаны.

Вессы ӧз тырмы мертаны но - метрэн мертаны султытӥзы.

Метрэн мертаны султытӥзы но - метырзы ӧз сузьы мертаны.

Мемей-дядяй монэ вордӥз та мумыкорез дурыны.

Мумыкорез дурыны но городысь городэ келяны.

Мумыкорез дурытоз, секыт уӝез уӝасал.

Секыт уӝез уӝасал но - сиён ческыт кошкысал.

Сиён ческыт кошкысал но - небыт валесын ызьысал.

Ӵукна султод, мемие , но «пие, султы!» тон шуод.

«Пие, султы!» тон шуод но - пиед уз лу валесад.

Учкемды ке потылӥз ук, та ӵук шорам учкелэ .

Учкемды ке ӧз поты но - ишкалтэ , тулыс тудвуэ куштэлэ.

Тулыс тудвуэ куштӥды ке, со мон доры ик вуоз.

Со мон доры ик вуоз но - сюлмы либрак чигиськоз.

Пырыны ке тодӥмы но, потыны но мед тодом.

«Ӟеч лу!» шуса, ум кошкиське, нош но вуом, дыр, али. [1]

Литература[edit]