Тямыс арес мон луи но

Тямыс арес мон луи но,

Гожтэтлы сётоно шуизы.

Дас кык арес мон луи но,

Усы сётоно шуизы.

Дас вить арес мон луи но,

Геры сётоно шуизы.

Дас куать арес мон луи но,

Кышно басьтоно шуизы.

Кызь одӥг арес мон луи но,

Солдатэ басьтоно шуизы.

Кызь кык арес мон луи но,

Приём корка пыртӥзы.

Приём корка пыртӥзы но

Пурысь шинель дӥсязы.

Пурысь шинель дӥсязы но

Каргам эксэйлы сётӥзы. .