Тулыс пудо-животэз лэзён дыръя курыськон

Материал из Воршуда
Перейти к навигацииПерейти к поиску

Остэ, Инмаре, Кылдысинэ, Эгра воршудмы, шуддэ-бурдэ сёты! Ӟеч турыно, шуныт-небыт зоро гужемдэ ысты. Туннэ нуналысен тынад ки улад, тынад котырес кенерад пудомес-животмес лэзьыськом. Остэ Инмаре, Кылдысинэ, Эгра воршудмы!

Бусые лэзёно пудомес ӟеч утьы-ворды, аслад котрес кенередлэн палэназ потыны эн лэзьы, нюке-гопе усемлэсь возьма, луд-нюлэс кыйкайлэсь, изьверлэсь ачид утьы-ворды, тушмон синлэсь палэнтӥ ортчыты, вань лэзем пудомес сӥзьыл ваньзэ гуртэ пырыны кылдыты, утемед-вордэмед понна сӥзьыл виро сётыны кылдыты, ӟеч бускелен, калыкен сийыны-юыны тупаты.

Остэ, Инмаре, Кылдысинэ, Эгра воршудмы, сояз дуннеяз пересьёсты ӟеч ворды. Тӥ но, пересьёс, пунэме ум вайыське шуса, вождэс эн ваелэ, кыждылэсь-чердылэсь бусыйысь пудомес мозмытэ, ӟеч мылкыдын ми доры сийыны-юыны ветлылэ, сӥзьыл ачидэс доры сийыны-юыны вителэ. Ми, пинял калык, данак мукет сямен курыны ум тодыське, азьпала курыны ачидэ валэктэ![1]

Глазов уезд

Литература[править]

  1. Труды: Научное Общество по изучению Вотского края.— Ижевск, 1926. Вып. 2. С.83.