Та коркалэн шулдырез
Материал из Воршуда
Перейти к навигацииПерейти к поискуТа коркалэн шулдырез
Мемей-дядяй вань ӵоже.
Та азбарлэн шулдырез
Вож гуждоръёс вань ӵоже.
Та бакчалэн шулдырез
Мак сяська вань ӵоже.
Та урамлэн шулдырез
Льӧмпу сяська вань ӵоже.
Та бусылэн шулдырез
Ӟег сюрелан вадесэ.
Та возьёслэн шулдырез
Вож турынъёс вань ӵоже.
Та нылмуртлэн шулдырез
Йыраз чалма понон ӵоже.
Та пиослэн шулдырез,
Азвесь часъёс шуккытозь.
Сьӧдчабейлэн чеберез
Тӧдь сяськаез вань ӵоже.
Мынам пинал дауре
Пинал мылкыд вань ӵоже.[1].
