Табань

From Воршуд
Jump to navigationJump to search
Табань

Кулэ луоз:

Ыльняньлы:

  • 700 г чабей пызь,
  • 2 сиськон пуньы маял (дрожжи),
  • 1 сиськон пуньы вӧй,
  • 1 сиськон пуньы сакыр песок,
  • 1 чечы пуньы сылал.

Ыльнянез ӵукналы ӝытысен ик пуктыса дасяло. Ыльнянь чабей пызьлэсь, сьӧдчабей, кӧжы яке сезьы пызьёслэсь кото.

Шуныт вуэ сылал, сакыр песок, маял поныса сурало но, пӧлаз пужнэм пызь ватсаса, чырсатыны шуныт интые пукто. Ӝутскемъяз кӧня ке пол сурало. Ыльнянь нап пӧрме ке, сое нимаз посудае одӥг дуры басьтыса, пичияк шуныт йӧлэн кизерто, ыльнянь пӧлы кисьтыса сурало но чырсатыны шуныт интые выльысь пукто. Пыжон азьын куд-ог пӧрасьёс ыльнянь пӧлы 1—2 курегпуз шукко на.

Табанез вӧен зыраса ӟырдатэм табаын ӝуась гур азьын пыжо. Пыжем макелэсь вылзэ шунтэм нӧкы вӧен малляло но зыретэ веттылыса сиё. Зырет пӧртэм пумо пӧзьто.