Нылпи вордӥськыку куриськон
Материал из Воршуда
Перейти к навигацииПерейти к поискуОстэ, Ӟеч Бадӟым Инмаре! Та ӝӧк вылэ пуктэм тыр ӝукеныд, тыр винаеныд тыныд остэ карко, Инмаре, аслад сётэм виль муртэд понна. Тыныд буре вайытэк, ум сииське-юиське, Инмаре, остэ!
Та нылдэ-пидэ ӟеч шудо-буро улоно-вылоно, паськыт шудо, кузь арлыдо, гырпумам куткись, киме воштӥсь карсалыд ке, Инмаре, остэ! Зарни визьем, азвесь кикием карсалыд ке, Инмаре, остэ! Дунне кутмон, дунне утьмон кужмо карсалыд ке, Инмаре!
Кузо-пало, улмон-вылмон, ӟеч адӟоно карса-улса пересьмымон карсалыд ке, Инмаре, остэ! Та пиналэ вордкем понна куриськем-вӧсяськемме ачид ик тустыты-пӧртыты, Инмаре, ачид ик кабыл басьты та куриськемез, остэ![1]
Литература[править]
- ↑ Удмурт оскон: Вашкала куриськонъёс, вӧсяськонъёс, статьяос / Дасязы В.Е. Владыкин, С.Н. Виноградов=Удмуртская вера: Древние молитвы-заклинания, статьи / Составители В.Е. Владыкин, С.Н. Виноградов. - Ижевск: Удмуртия, 2010. - С. 58.
