Кызьы кылдӥллям гурезьёс но нюк-гопъёс

Материал из Воршуда
Перейти к навигацииПерейти к поиску

Вожвылскиллям тӧлэн но зорен. Ушъясько, пе, ини таос огзы азьын огзы. Котькудӥзлэн кужымзэ возьматэмез потэ. Огзылы огзы мытӥллям-мытӥллям но — эчешиллям: кин вормиз, со ик кужмогес.

Зор, пе, ведра дурен кисьтэм кадь зоре, чаш-ш! каре: «Вань музъемез гудӟо-кырыло, одӥг чошкыт интызэ но у г кельты!» Тол пельтыны кутскем, тӧлперилы пӧрмем, толъя-буръя шултыса лэзем: «Вань музъемез огазе люкало-о!» Тӧлпери, пе, поръя, музъемез огазе люка. Зор, пе, зоре, тӧллэсь люкам музъемзэ кырылыса кошке.

Озьы ик кылдӥллям, шуо, гурезьёс но нюк-гопъёс.[1].

Литература[править]

  1. ↑ Мелодия небесной росы =Инву утчан гур / сост. и пер. прозы Т. Г. Перевозчиковой. - Ижевск : Удмуртия, 1988 (с. 17).
Источник — https://vorshud.unatlib.ru/index.php?title=Кызьы_кылдӥллям_гурезьёс_но_нюк-гопъёс&oldid=8657