Визьтэм Огой

Одӥг муртъёслэн Огой нимо визьтэм пизы вылэм. Одӥг пол, урам кузя мыныкуз, кулэм муртэ нуэмзэс адӟем. Огой дугдэм но сылэ, пе, ини, мар бен таослы верано али шуыса. Малпаськем-малпаськем но — ну-у шумпотыса черекъя, пе, урам тырос:

— Нуллыса-нуллыса медад быдтэ, нуллыса-нуллыса медад быдтэ!

Сое кутӥллям но ӝутыса лэзиллям. Кӧтыз ӝожен бӧрдыса дораз бертэм Огой. Анаез юа, пе, ини:

— Марлы бӧрдӥськод, пие? Визьтэм пиез верам марлы жугемзэс. — Э-э, пие, пие,— чабкиськем анаез,— озьы шуытозь, тон "сопал дуннеяд ӟеч ул" шу вал.

— Я, табере озьы шуо ини,— верам пиез но кошкем.

Мынэ, пе, ини ураметӥ но адӟе, пе: обросэн мурт лыктэ пумитаз.

— Сопал дуннеяд ӟеч ул, сопал дуннеяд ӟеч ул! — черекъя, пе, солы. Соиз кутэм Огоез но жугем.

Нош ик бӧрдыса дораз бертэм. Анаез юам но, пиез ваньзэ кызьы вал верам.

— Э-э, пие, пие, озьы шуытозь, тон вӧсяськы вал,— шуэм анаез. Пиез шумпотэм:

— Я, табере вӧсясько ини.

                                                                                                                                                                                                                                                                                                                                                                                                       Адӟе, Адӟем Огой тылпуэз — кинлэн ке юртэз ӝуа вылэм. Тылпу азе кариськыса, ну-у вӧсяське, пе, ини визьтэм Огой. Сое нош ик жугыса лэзиллям. Выльысь бӧрдыса вуэм дораз. Анаезлы ваньзэ верам. Анаез нош ик чабкиськем но шуэм:

— Э-э, пие, пие, тылпулы вӧсяськытозь, тон ведра кут но ву кисьта вал.

— Я, анай, табере озьы каро ини,— шуэм Огой но нош ик кошкем.

Ӵапак озьы ветлыкуз, Огой парсь ӵушкасьёс доры ӝимем. Анаезлэсь верамзэ тодаз ваем. Быдэс ведра вуэн пылатэм визьтэм Огой парсез но, адямиосыз но. Соосыз нош ик кутӥллям Огоез но жугыса лэзиллям. Нош ик бӧрдыса вуэм Огой дораз. Анаез, пе, юа ини:

— Марлы бӧрдӥськод, пие?

Пиез верам парсь ӵушкасьёсыз пылатэмзэ.

— Э-э, пие, пие, вуэн пылатытозь, пурт кут но вушты вал парсез,— шуэм анаез.

— Я, анай, табере озьы каро ини,— шуэм Огой но кошкем калтыртыны.

Озьы ветлонъяз, тыбырзэ кормаса сылӥсь адямиез адӟем. Та визьтэм пуртсэ кутэм но давай, пе, кутскем вуштыны со муртлэсь тыбырзэ. Ох, талэн вожез пӧсьтэм ук, туж зол жугыса лэзем пияшез. Мырдэм но кызьы вуэм ини дораз. Бӧрдыса анаезлы нош, пе, вера ини мар понна жугемзэс. Анаез нош чабкиськыса шуэ, пе:

— Э-э, пие, пие, тон сялӟиськы но кошкы вал.

— Я, анай, табере озьы каро ини,— шуэм но нош кошкем Огой. Туж кема ветлэмез бере, Огой ужась адямилэсь нуназеяса пукемзэ адӟем. Сиськись доры лыктыса, шораз сялӟем. Огой малпам вы-лэм, умой лэсьтйз ке, сое ассэ но сюдозы шуыса. Солэн угось аслаз но кӧтыз сюмам вылэм ини. Ужась улляса лэзем Огоез сиськон дорысьтыз.

Таки валамтэ Огой, малы сое котькытын жуго, малы улляло. Тӥни озьы пыр ветлэ вылэм, мыдлань уж лэсьтылыса..