Ватка но Калмез

From Воршуд
Jump to navigationJump to search

Туж вашкала дыръёсы удмуртъёслэн кык бадӟым выжызы вылэм.

Одӥгез Ватка шур кузя улэм, мукетыз Калмез шур котырын.

Соослэн вераськон кылзы но ӧжытак висъяське вылэм.

Ватка Калмез доры куное вуэм но тодэмез потэм, малы сое Калмез

шуыса нималлям.

— "Калмез" шуыса выжымы нимаське, шур но озьы ик. Кыдёкысь

выжыосмы чорыглы вӧсяськиллям, ӵыжы-выжыосмылэн

лулъёссы чорыге выжылозы вылэм. Вашкалаос чорыгез "кал" шуо,

пе, вал. "Миес" нош — "пиосмурт", "воргорон" шуэм. Озьыен,

"калмез" — со "кал выжыысь адями" шуэмез возьматэ. Чорыгез ке

Калмезын али но тачак,— данъяськыса верам Калмез, уромзэ чорыген утялтыса.

— Табере тон вера, малы тынад нимыд Ватка?

— Милям ӵыжы-выжыос вадъёслы вӧсяськозы вылэм, лулъёссы

но кулэм муртъёслэн вад кариськыса уяло, пе, вал. "Вад" выжыысь

ми. "Ка" люкетэз нош мар шуэм, уг тодӥськы ни. Куд-огез шуо: со, пе,

"вад калык" шуэмлэсь кылемын. "Лык" люкетэз усем-ышем, пе.

Озьыен, ми вад калык луиськом.

— Э-э, кызьы вылэм,— паймем Калмез визьнодо куноезлы.

— Бен милям выжыосмы матынэсь ук: чорыг но, вад но шуръёсын уло бере,

вашкалаосмылэн лулъёссы но ог-огзы доры куное ветло, луоз,— шумпотыса

горем Ватка, уромзэ ӟыгыръяса. [1]

Литература[edit]