Редактирование: Лопатина Надежда

'''Надежда Серафимовна Лопатина''' - удмурт гожъяськись, Удмурт Элькунысь сӥё-дано журналист.

[[Файл:LopatinaNS.jpg|190px|right|Лопатина Надежда]]

=Улон сюресэз=

Надежда Лопатина вордӥськиз '''1955'''-тӥ арын 9 шуркынмонэ Пичи Пурга ёросысь Гожня гуртын чугун сюрес вылын ужасьёслэн семьяязы. Школаын дышетскыкуз ик  пиналъёслэн «Дась лу!» газетсылэн юнкорзы луэ. <ref name="уваров"> Уваров А. Надежда Лопатина (1955) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 160.</ref>

[[Файл:Lopat.jpg|250 px|thumb|left|Герберын]] 
 
«Пинал дыръям яратылӥ йыртӥянъёсын вырыны. Газетэ потэм ребуслы валэктонъёс ысъялляй. Кыӵе лӧптӥ асме вормисьёс пӧлысь адӟыса». <ref name="лопатина"> Лопатина Н. Одӥг вуэ кык пол пыро! / записала З. Рябинина // Удмурт кизилиос : очерки, зарисовки, интервью (2001-2007). – Ижевск, 2007. – С. 190-191. </ref> 

«Яратоно газетам, оло, нуналлы быдэ гожтэтъёс ысъяллясько вал. Маке тунсыкозэ адӟисько яке школаямы усто ужрад ортче ке, мылкыдъёсме, малпанъёсме гожтыса соку ик редакцие лэзисько. Отысь ужасьёс акыльтозы шуыса уг малпаськы, лэся, вылэм», – серекъяса тодаз вае Надежда Серафимовна. <ref name="журавлева"> Журавлёва А. Йыртӥян дуннелэн ватосъёсыз // Кенеш. – 2003. – № 9. – С. 80-85.  </ref>
 
Озьы бӧрысьгес нылаш кылбуръёс но пӧраны кутске.
«Зэм, одӥгез учыр понна али ке но возьыт. Огвакыт гожъяськонам вис луиз. Йыре номыр уг лыкты, нош сюлэм шугектэ ни. Кутски но, А. Вотяковлэсь кылбурзэ, ӧжыт вошъяса, улаз Н. Николаева гожтыса, редакцие ыстӥ. Возьмасько-возьмасько, кылбурме уг потто, гожтэт но уг ысто. Берло ини Герман Алексеевич Ходыревлэсь юасько. Со шуэ: а тон ӧд вала шат, малы ӧй гожты. Мон «лушкаськисьёсты» уг гажаськы. Тӥни сыӵе ӟеч визь-нод сётӥз мыным. <ref name="лопатина" /> 

Тямыс классэ йылпумъямез бере, нылашлэн тросгес но умойгес гожъяськыны дышетскон мылкыдыз вуттэ сое Можга педучилище ('''1971'''–'''1975'''). Татын со суредаськыны дыше, устоосыз ужъёсыз отчы кельтэмын.<ref name="лопатина" /> 

Тодон-валанзэ муромытыны университетлэн удмурт филология факультетаз пыриз. Куинетӥ курсысен пӧртэм удысъёс пӧлысь аслыз журналистикаез бырйиз. Соин ик, 1980-тӥ арын университетын дышетсконзэ йылпумъяса, кема тунаса ӧз улы – пичи дырысеныз яратоно «Дась лу!» газетаз ужаны интыяськиз.<ref name="журавлева" />  

Татын со выпускающий редактор, корреспондент, гожтэтъёсъя люкетлэн кивалтӥсез, кыл кутӥсь секретарь луыса ужаз. «Журналистикаез быръемысьтым одӥг пол но жаляме ӧвӧл. Кыӵе коллектив вал «Дась лу!»-ын: Герман Ходырев, [[Глебова Елена|Елена Глебова]], Владимир Романов, Анастасия Гребина, [[Матвеев Сергей|Сергей Матвеев]], Оля Бородина, [[Бадретдинова Люза|Люза Бадретдинова]]… Ми сыӵе мылысь-кыдысь ужам… Куддыръя, ужысь кошкыны ӵыдытэк, быдэс ӝыт тема, рубрика малпаса пукылӥм». <ref name="лопатина" /> 
 
'''1991'''-тӥ арын Н. Лопатина «Кенеш» литературно-художественной журналэ кыл кутӥсь секретарьлэн должностяз выжтэмын, нош 1993-тӥ арысен «Удмуртия» книгапоттонниын технической редакторез вал. <ref name="уваров" /> 
 
'''1996'''–'''2000'''-тӥ аръёсы Правительстволэн аппаратаз кылысь кылэ берыктон ёзэтаз валтӥсь ӧнерчи луыса ужаз.<ref name="уваров" />

'''2000'''-тӥ арын берытскиз «Ӟечбур!» газетэ валтӥсь редактор луыса.<ref name="уваров" /> 

«Газетэ берытскондылэн кыӵе зэмос мугъёсыз?»  – шуыса юамлы со вера «Берытскеме потӥз… Аппаратын ужан интые урод ӧй вал… Но мӧзмыт» <ref name="лопатина" />

=Гожъямъёсыз сярысь=

Надежда Лопатина укмыс книгаослэн авторзы луэ. Со пӧртэм жанръёсын гожъяське: очеркъёс, пиналъёслы кылбуръёс но веросъёс.
Нырысь учкыса, Надежда Серафимовна Лопатина туж йӧнъяськись тусо потэ. Сьӧдкысъем чебер нылкышно вераськыкуз котькуд кылзэ мерта, кожалод, ветлыкуз – котькуд вамышсэ учке. Но кӧня ке вераськем бере кит-кит серекъяны ӧдъя но, сыӵе малпанъёс тӧлӟо. Зэм, укыр шара сюлэмо но сое уд шуы. Оло, соин Надежда Серафимовна пичи дырысеныз йыртӥян дуннеын улэ? Ӵап отысь басьтэ со аслыз буйган но шумпотон. <ref name="лопатина" />  

Н. Лопатиналэн кылбуръёсыз пичи классъёсын дышетскись пиналъёслы дуннелэсь чеберзэ адӟыны, урод сямъёслэсь утьыны дышето. Кылбуръёсаз валтӥсь инты басьто геройлы вакчияк, яркыт но образной характеристика сётыны быгатэмез. <ref name="уваров" />   
 
Надежда Серафимовна школаын уг ке но ужа, соослэн улэм-вылэмзы ялан син азяз бере, дышетӥсьёслэсь кулэяськонъёссэс тодытэк уг улы. Удмурт кылъя но литературая урокъёс нылпиос понна шулдыресьгес, тунсыкоесьгес мед луозы шуыса со пӧртэм пумо йыртӥянъёсын бичетъёс дасяны кутскиз. <ref name="христолюбова">[http://elibrary.unatlib.org.ru/handle/123456789/7276 Христолюбова Л. Лопатина (Николаева) Надежда Серафимовна // Удмуртские женщины. ХХ век : библиогр. справ. / Л. Христолюбова. – Ижевск, 2002. – С. 309.] </ref>

Озьы '''1990''' арын лыдӟись доры солэн «Кылъёсын шудон» книгаез вуиз. <ref name="журавлева" />

[[Файл:Lopkon.jpg|250px|thumb|right]]

''Туж уго со аспӧртэм,''

''Ачиз выре кроссвордэн.''

''Пичи мурт ӧвӧл ни со,''

''Мылкыдын егит ке но.''

''Кроссвордъёсыз но солэн''

''Поттэмын ни книгаен.''

''«Кылъёсын шудон» нимыз.'' <ref name="ермолина"> Ермолина А. Тӥ сое уд тодӥське // Ӟечбур! – 2005. – 6 окт. – С. 4-5.  </ref>

Со дырысен эшшо тямыс пумоез книгаосыз потӥзы на. «Буква вӧзы буква», «Кызаузы оло узы»; куинь люкетэн «Азьлань, тодон-валан люканы»=«Вперед к познанию тайн!», «Чимали букваос»=«Буквы в прятки разыгрались» (кык пол поттэмын) удмурт но ӟуч кылын гожтэмын. Шаерамы кун кылъёс сярысь законэз кутэм бере ӟуч но удмурт кылын огдыре гожтэм книгаослэн кулэлыксы шӧдскымон будӥз. Ӟучомем нылпиос азьын кылдылӥсь шуг-секытъёсты ӟеч тодыса, Надежда Серафимовна букваосын но лыдпусъёсын али гинэ тодматскыны кутскись нылпиослы та книгаоссэ дасяз.  <ref name="журавлева" />   
 
Надежда Серафимовналэн книгаосыныз тодматскыса валаськод, макем чебер, узыр но жингрес асьме удмурт кылмы. Кылбуръёсыз, пӧртэм пумо йыртӥянъёсыз нылпиослэсь тодон-валанзэс муромыто, анай кылын данъяськон мылкыд пыӵато. <ref name="журавлева" />

=Наградаосыз но премиосыз=

[[Файл:Lopnagr.jpg|220px|thumb|right|"СМИротворец" ӵошатсконын ]]

Удмурт Элькунысь Кун Кенешлэн Данъян кагазэз, '''2001'''.

Трокай Борисов нимо калык премилэн лауреатэз, '''2005'''.

Удмурт Элькунлэн Данъян кагазэз, '''2009'''.

«Патриот России» синпель медаль, '''2009'''.

Туспуктэмез Элькунмылэн «Данъян пулаз» пыртэмын, '''2010'''.

«СМИротворец» ӵошатсконын «Ӟечбур!» газет лауреатэз луиз, '''2010'''. 

=Библиография=

==Книгаосыз==

[http://elibrary.unatlib.org.ru/handle/123456789/2902 Азьлань, тодон-валан люканы! = Вперед к познанию тайн! – Ижевск, 2005. – Кн. 1. – 16 с. – Текст рус., удм.]

[http://elibrary.unatlib.org.ru/handle/123456789/2901 Азьлань, тодон-валан люканы! = Вперед к познанию тайн! – Ижевск, 2006. – Кн. 2. – 16 с. – Текст рус., удм.]

[http://elibrary.unatlib.org.ru/handle/123456789/3650 Азьлань, тодон-валан люканы! = Вперед к познанию тайн! – Ижевск, 2006. – Кн. 3. – 16 с. –Текст рус., удм.]

[http://elibrary.unatlib.org.ru/handle/123456789/2909 Буква вӧзы буква... : Удмурт алфавитья дасям кроссвордъёс, ӥыртӥянъёс, кылбуръёс, шудонъёс-ӵошатсконъёс. – Ижевск : Удмуртия, 1994. – 102 с.]

[http://elibrary.unatlib.org.ru/handle/123456789/2900 Буквы в прятки разыгрались... = Чимали букваос : головоломки, стихи-загадки, игры, ребусы на рус. и удм. яз. – Ижевск, 1998. – 31 с.]

[http://elibrary.unatlib.org.ru/handle/123456789/2900 Буквы в прятки разыгрались... = Чимали букваос : головоломки, стихи-загадки, игры, ребусы на рус. и удм. яз. – Ижевск, 2001. – 31 с.]

[http://elibrary.unatlib.org.ru/handle/123456789/9906 Ӟабыльтӥсь чуръёс : пиналъёслэн веросъёссы, выжыкылъёссы, сценкаоссы, кылбуръёссы, серемес чуръёссы. – Ижевск, 2004. – 143 с.]

[http://elibrary.unatlib.org.ru/handle/123456789/2910 Кызаузы оло узы : нылпиослы кылбуръёс. – Ижевск : Удмуртия, 1995. – 32 с.]

[http://elibrary.unatlib.org.ru/handle/123456789/2907 Кылъёслэсь "тубат лёгетъёс" : пиналъёслы шудон-йыртӥянъёс. – Ижевск : Удмуртия, 2003. – 32 с.]

[http://elibrary.unatlib.org.ru/handle/123456789/2908 Кылъёсын шудон : кроссвордъёс, йыртӥянъёс, чайнвордъёс. – Ижевск : Удмуртия, 1990. – 80 с.]

[http://elibrary.unatlib.org.ru/handle/123456789/2903 Лыдъяса вуи дасозь... = Сосчитал до десяти… : стихи, пословицы, загадки, задания с числами на рус. и удм. яз. – Ижевск, 2002. – 62 с.]

==Статьяосыз==

Армиысь - пырак "Ӟечбур!"-е // Ребристые берега души : художеств. произведения. Публицистика. О Валерии Батуеве / Эрик Батуев. – Ижевск, 2009. – С. 382–383.

Близкий друг и наставник детей // Эти строчки простые мои... / С. Перевощиков. – Ижевск, 2006. – С. 268–269.

Венгрие вуылэмед потэ ке... : [гл. ред. газ. "Ӟечбур!" о ее содержании, особенностях] // Удмурт дунне. – 2007. – 21 нояб. – С. 7.

Горд эмезь // Азвесь кышетэн толэзь : веросъёс : семьяын лыдӟон книга. – Ижевск, 2007. – С. 75.

[http://elibrary.unatlib.org.ru/handle/123456789/1636 Дэмен // Кизили. – 2008. – № 8. – С. 5.]

Ӟечбур, гажано эшъёсы! // Голос юности. – 2010. – № 6. – С. 16–17.

[http://elibrary.unatlib.org.ru/handle/123456789/9001 Здравствуйте, я ваша газета! : "Ӟечбур!" исполн. 75 лет // Изв. Удмурт. Респ. – 2005. – 12 янв. - С. 4.]

Мар отын – паймымон ӧсъёс сьӧрын, яке Владимир Коркин суредасьлэн улонысьтыз кӧня ке гожъёс // Ӟечбур! – 2005. – 23, 30 июня, 7, 14 июля. – С. 8.

[http://elibrary.unatlib.org.ru/handle/123456789/2784 Туала улон пичиослэн синмынызы // Кизили. – 2005. – № 10. – С. 12–13.]

[http://elibrary.unatlib.org.ru/handle/123456789/9254 Тыршись муртэ синйылтытэк уг кельто // Ӟечбур! – 2009. – 10 дек. – С.1.]

[http://elibrary.unatlib.org.ru/handle/123456789/9124 Узыр куды // Ӟечбур! – 2008. – 4 дек. – С. 7.]

[http://elibrary.unatlib.org.ru/handle/123456789/3780 Чимали букваос // Кенеш. – 2005. – № 10. – С. 49–51.]

Чорыгась // Зарни дэремен шунды : семьяын лыдӟон книга. – Ижевск, 2006. – С. 72–73.

[http://elibrary.unatlib.org.ru/handle/123456789/9148 Яркыт "дэрем" дӥсяса, умоезлы оскыса... // Ӟечбур! – 2009. – 15 янв. – С. 1.]


'''Татчы 2005-тӥ арысен потэм  чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />


[[Категория:Современные удмуртские писатели |Лопатина Надежда]]