Нуны веттан гуръёс
Изь, изь, нуные,
Бадӟым будод, тӥр кутод,
Тэле мынод, пу ваёд,
Анай-атайдэ сюдод.
Изь, изь, нуные,
Улмопуысь сяськае,
Анэд ваёз вӧёк нянь,
Атэд ваёз коньы сӥль.
Изь, изь, нуные,
Зарни бугоре,
Анай бертоз арамысь,
Вӧйын нянь соку сётоз.
Атай бертоз гыремысь,
Базаре соку ветлоз,
Тыныд ваёз кык канфет,
Мыным васз ӵуж кышет.
Изь, изь, нуные,
Улмопу сяськае,
Изид ке, бадзым будод,
Тэле мынод,
Tӥp кутса,
Бадӟым кызэз погыртод,
Атайдэ вайны косод.
Изь, изь, нуные,
Зарни бугоре,
Бадӟым будод,
Tӥp кутод,
Тэле мынод пу коран,
Бадӟым кызэз погыртод,
Жадёд, улзэ кораса,
Дорад бертод жадьыса,
Анаед табань пыжоз,
Сюдоз, йырдэ вешаса.
Изь, изь, нуные,
Зарни бугоре,
Бадӟым будод,
Tӥp кутод,
Тэле мынод кырӟаса,
Бадӟым кызэз погыртод,
Сое жадёд кораса.
Изь, изь, нуные,
Зарни бугоре.
Бадӟым сумка пельпумам,
Куро шляпа ныр йылам.
Чорыганы мынӥсько,
Вань чорыгез кутӥсько,
Изь, изь, нуные,
Зарни бугоре.
Изь, изь, нуные,
Зарни бугоре,
Нэнэед ӵукна султоз,
Нянь котоз, табань пыжоз.
Изь, изь, нуные,
Зарни бугоре,
Чагыр бурдо бубыли
Йыр улад валес валёз.
Зарни бурдо пичи муш
Тонэ чечыен сюдоз.
Изь, изь, нуные,
Зарни бугоре.
Изь, изь, нуные,
Тонэ ветта нэнӥед.
Бадӟым будод, тӥр кутод,
Тэле мынод кырӟаса,
Бадӟым кызэз погыртод,
Жадёд, сое кораса.
Изь, изь, нуные,
Зарни бугоре.
Бадзым будод, тӥр кутод,
Тэле мынод кырӟаса,
Мамаедлы пу ваёд,
Жадьыса лыктод.
Мемиед шыд пӧзьтоз,
Тон кыллёд жадьыса, сиськем берад.
Изь, изь, Яшае,
Зарни бугоре.
Бадӟым будод, тӥр кутод,
Ягвыре мынод пу кораны,
Жадёд пудэ кораса.
Бабед витёз табанен,
Йырдэ вӧйын вӧяса.
Мамед витёз мусурен.
Изь, изь, Яшае, Зарни Яшае.
Изь, изь, нуные,
Зарни бугоре.
Бадӟым будод, тӥр кутод,
Тэле мынод кырӟаса.
Тэльысь лыктод жадьыса,
Нюлэскы мынод, нинь ваёд,
Изь, изь, нуные.
Изь, изь, нуные,
Зарни бугоре.
Бадӟым будод, тӥр кутод,
Бадӟым кызэз погыртод,
Жадёд тӥрдэ шонаса.
Изь, изь, нуные,
Улмопу сяськае.
Изь, изь, нуные,
Улмопуысь сяськае.
Муш тыныд чечы ваёз,
Коньы пи мульы сётоз,
Учы шулдыр гур кисьтоз.
Изь, изь, нуные,
Зарни бугоре.
Тани вуоз атаед,
Герой-батыр луыса.
Тэле мынод тӥр кутса,
Бадӟым кызэз погыртод.
Изь, изь, нуные,
Зарни бугоре.
Зӧк ке будӥд, тӥр кутод,
Тэле мынод кырӟаса,
Пудэ кораса жадёд,
Шунды сик сьӧры пуксёз.
Изь, изь, нуные,
Мемиед вӧй шукке,
Султӥд ке мемиед вӧйнянь сётоз.
Изь, изь, нуные,
Зарни бугоре.
Изид ке — бадӟым будод,
Тэле мынод пу коран,
Коран кызэд туж бадӟым будӥз ни,
Сик сьӧры шунды пуксёз,
Собере гуртэ бертод.
