Кык амезьёс

Материал из Воршуда
Перейти к: навигация, поиск

Одӥг кортлэсь кебитын дуриллям кык амезь. Одӥгез гырись кие шедем, мукетыз лавкаын тузон полын кыллем. Гырисез азвесь кадь чильк-чильк кисьтаськись луэм, лавкаысез сыномем, шуш луэм.

Кӧня ке дыр ортчыса, амезьёс нош ик пумиськиллям.

—Маин тон азвесь кадь ик чилясь луид? — юам сыномемез чеберезлэсь.

—Ужаменым, — шуэм чеберез.— Тон кыллид, номыре ӧд лэсьты, соин ик сыӵе луид[1].

Литература

  1. Чечыен нянь : удмурт калык мадёсъёс / люказ но тупатъяз П. К. Поздеев. - Ижевск : Удмуртия, 1984 (с. 4).