Редактирование: Шкляев Александр

'''Шкляев Александр Григорьевич''' - удмурт журналист, литературовед, гожъяськись, тодосчи но дышетӥсь.
[[Файл:Шкляев.jpg|thumb|right|]]
=Улон сюресэз=

Шкляев Александр Григорьевич вордӥськиз Якшур-Бодья ёросысь Якшур гуртын '''1944'''-тӥ арын 4-тӥ тулыспалэ. <ref name="яшина9"> Яшина Р. Александр Шкляев (1944) // Писатели и литературоведы Удмуртии : биобиблиогр. справ. / cост. А. Н. Уваров. – Ижевск, 2006– С. 126–127. </ref>

Саша семьяязы 11 нылпи пӧлысь самой пичиез: мугорызъя лапег, тазалыкезъя но нырысь-валысь норед вылэм. Но огез удалтэм – агай-апайёсыз ваньзы дышетско вал бере, соослэн книгаоссы туж вазь кияз шедиллям. Соин ик Александр Григорьевич али но шуэ: «Мон агайёсылэн-апайёсылэн пельпумъёссы вылын будӥ» <ref name="кузнецов2"> Кузнецов П. Ӟуго-ӟуго улон гердъёс // Удмурт дунне. – 2002. – 11 окт. – С. 6 ; 11. </ref>

Покчи классъёсын ик солы удалтӥз школа ласянь. Дышетскиз Якшур-Бодья педучилищелэн инъет шуон школаяз. Отын вань предметъёс удмурт кылын нуиськизы. Котькуд дышетскись борды юнматэмын на вал педучилищеысь студент. <ref name="кузнецов2" />
Али ке но Александр Григорьевич тодаз возе дышетӥсьёссэ: соос сюлмаз мур пытьы кельтӥзы, трос тодон-валан сётӥзы. Анна Егоровна Загребина, Никита Владимирович Вахрушев, Сергей Григорьевич Иванов. «Одӥг пол, – тодаз вае со, – ӟуч кылъя уроксэ Фаина Фёдоровна Ворончихина тазьы кутскиз: "Саша, - шуэ - мон туннэ ӵукна одӥг удмурт поэтлэсь ӟуч кылын вераськемзэ кылзӥ. Укыр юн шӧдӥське акцентэз. Тон ведь, Саша, удмурт писатель луод. Дышеты ӟуч кылэз, гожъяськыны но, вераськыны но умой мед быгатод». Школаез Александр азвесь медален йылпумъяз. 

Витетӥ классысен ик Саша гужемъёсы колхозын ужаз. Нырысь кык гужемзэ гуртоослэсь ыжъёссэс возьмаз. Сизьыметӥ классэз йылпумъямез бере, валэн но тыршиз. Собере комбайнёрлэн юрттӥсез но вал. <ref name="кузнецов2" />   

Саша шор классъёсын дышетскыкуз, апаезлы кыӵе ке праздник дыръя чеберак шкатулка кузьмазы. Ворсэт вылаз суредамын вал Москваысь Ленин нимо гурезьысь университет. Эшшо ке 11-тӥ классын дышетскыкуз, школаязы ошизы Москваысь университетэ дышетскыны пырон сярысь ялон. Отын вань факультетъёс сярысь пыр-поч гожтэмын. Со тырысь Сашалэн мукет малпанэз ӧй вал ни. Отчы мыноно. <ref name="шкляев8"> Шкляев А. «Ужамедъя ачид но будӥськод…» / записал В. Ванюшев // Вапумысь вапуме / А. Г. Шкляев. – С. 146–162. </ref>

'''1962'''-тӥ арын Александр Шкляев пыриз дышетскыны Москваысь Кун университетысь журналистика ёзэтаз. <ref name="яшина9" /> Татчы пырыны юрттӥзы асьме редакциосын ужасьёс, соос рекомендация сётӥзы. <ref name="шкляев8" /> 
[[Файл:Шкляев1.JPG|thumb|left|]] 
Студент дыръяз Саша тыршиз быдэс Совето шаерез котыръяны. Кытчы гинэ ӧз вуылы, одно ик шедьтылӥз со интылэсь Удмуртиен кыӵе ке но герӟетсэ. Университетсэ быдтыкуз, Саша «витьлы» утиз Андрей Платонов сярысь ужзэ. Солы дэмлазы аспирантурае пырыны. <ref name="кузнецов2" />  
 
'''1967'''-тӥ арын дышетсконзэ йылпумъяса, бертӥз удмурт шаераз. Со арын ик ужаны кутскиз «Комсомолец Удмуртии» газетлэн редакцияз. Редакциын ужамез Александр Шкляевлы юрттӥз Удмуртиен рос-прос тодматскыны. 
'''1968'''–'''1971'''-тӥ аръёсы дышетскиз Москваысь МГУ-ын аспирантураын. <ref name="яшина9" /> Татын Александр Григорьевич диссертацизэ сӥзиз удмурт критикалы. <ref name="кузнецов2" />  

'''1971'''-тӥ арын Ижевске берытскиз, кутскиз удмурт литература удысын ужаны. Интыяськиз УдНИИ-е. <ref name="шкляев6">[http://elibrary.unatlib.org.ru/handle/123456789/65 Шкляев А. «Критикъёс ум йылазы кылбурало но соослэсь мӧзмыса бӧрдо…» / записал А. Лаптев // «Тӥ учке ӵемгес ӵукпала…» : кылдунъетъёс, кылужъёс, юан-валэктонъёс / А. М. Лаптев. – Ижевск, 2008.  - С. 221–228.] </ref>
70-тӥ аръёслэн шоразы А. Г. Шкляев кандидатской диссертацизэ гожтӥз. Со «На подступах к реализму» книгалы инъет кылдытӥз.
'''1978'''-тӥ арын Александр Григорьевичлы Флор Васильев жингыртӥз но шуиз: «Молот» журналлы валтӥсь редакторе лыктоно луод, пе. Мынод-а, уд-а шуыса ӧз выжыяты, пырак шуиз: «Лыктоно!». Таиз но пумит ӧз вазьы. Редакциын со вакытэ тыро-пыдо писательёс ужало вал ини: В. Широбоков, П. Чернов, А. Ермолаев, П. Поздеев, С. Перевощиков, М. Иванов. <ref name="шкляев5">[http://elibrary.unatlib.org.ru/handle/123456789/3144 Шкляев А. «Журналэ лыктоно…» // Кенеш. – 2011. – № 2. – С. 38–42.] </ref>

'''1982'''–'''1984'''-тӥ аръёсы Удмуртиысь писательёслэн правленизылэн председателез луиз.
'''1985'''–'''1998'''-тӥ аръёсы – УдГУ-ысь удмурт литературая но Россиын улӥсь калыкъёслэн литературазыя кафедраен кивалтӥз.
'''1999'''-тӥ арысен УдГУ-ысь ик журналистикая кафедраен кивалтэ. Татын но со ас котыраз люказ юн коллектив. <ref name="яшина9" />

=Гожъямъёсыз сярысь=

Саша Шкляев пичи веросъёссэ но кылбуръёссэ 6–7-тӥ классъёсын дышетскыкуз ик печатланы кутскиз. Соос «Удмуртиысь комсомолец», «Советской Удмуртия» газетъёсын но «Молот» журналын потылӥзы. <ref name="шкляев8" /> 

Александр Григорьевич али ке но шунытэн тодаз вае школаысь дышетӥсьсэ Анна Егоровна Загребинаез. Кыкетӥ классын дышетскыкуз ик, Саша солы ас киыныз лэсьтэм кылбур сборниксэ сётӥз ни. Нош Мария Ивановна Иванова Якшур-Бодья шор ёзо школаын удмурт литературая кружок нуиз. Отын пияш нырысьсэ тодматскиз кылбур гожтон амалъёсын. Поттӥзы альманах. Али со альманах – музейысь экспонатъёс пӧлын. Школаын дышетскыкуз кылбуръёсын тетрадьёсыз трос гинэ люкаськизы ни вал. А. Н. Клабуков но ялан мылкыдзэ ӝутказ: тыныд али ик книга поттоно, кӧня ке гинэ кылбур гожты на. Но пияш пумен журналистикаен вырыны кутскиз. Нош МГУ-ын дышетскыкуз кылбур гожъямысь воксё но дугдӥз. Берлогес таиз сярысь жаляз ик… <ref name="шкляев6" />

УдНИИ-ын ужаны кутскыса, нырысетӥ гожтэм статьязэ К. Гердлы сӥзиз. Но со ужез «Молот» журналысь обкоме «кошкем». Озьы ке но А. Шкляев '''1978'''-тӥ арын, ачиз азькыл гожтыса, К. Гердлэсь «Гажан эше!..» книгазэ поттӥз. Отчы Александр Григорьевич поэтлэсь азьвыл печатламтэ кылбуръёссэ но пыртыны тыршиз. '''1985'''-тӥ арын нырысьсэ ӟуч кылын Москваын К. Гердлэсь «Ступени» кылбур книгазэ поттӥз на. <ref name="шкляев6" />
Писательёслэн огазеяськоназы ужакуз, 1977-тӥ арын Флор Васильев кичӧлтэмъя но дэмламъя, «Между Волгой и Уралом» серилэсь нырысетӥ томзэ дасяз. 

'''1984'''-тӥ арын Москваын удмурт писательёслэн ужъёсынызы асьме шаерлы сӥзем «Край родниковый», '''1989'''-тӥ арын «Песни солнечного леса» книгаос поттӥз. «Молотлы – 60» антология дасяз. Петер Домокошлэсь «История удмуртской литературы» книгазэ дасяз но поттӥз, Д. А. Яшинэн «Удмурт фольклор. Удмурт литература» пособиез но [[Загуляева Бибинур Шараповна|Б. Ш. Загуляеваен]] ӵош «Калык кылос но сое бичан» книгаез. Александр Григорьевичлэн ки пыртӥз туж трос рукопись потӥз. Солэн кивалтэм улсаз ортчылӥзы литературалы сӥзем ӝытъёс но «котырес ӝӧкъёс», егит гожъяськисьёслэн семинаръёссы, лыдӟисьёсын пумиськылонъёс. Ачиз Александр Григорьевич лыдӟись доры таӵе книгаоссэ вуттӥз: «На подступах к реализму. Удмуртская литература, литературное движение и критика в 1917-1934 гг.» (1979), «Араны егит муртъёс лыктозы…» (1985), «Времена литературы – времена жизни» (1992), «Ӵашъем нимъёс» (1995), «Вапумысь вапуме» (2000). Со сяна, Александр Григорьевич – ог 300 научной статьяослэн авторзы. Соос пӧртэм конгрессъёслэн но конференциослэн материалъёссы пӧлын печатламын. <ref name="кузнецов2" />    
         
«Вапумысь вапуме» бичетэз редакциын вить ар кыллиз. «Критикая книга дыраз потыны кулэ. Солэн пуштросэз вужме угось», – вера Александр Григорьевич. Та книгаез лыдӟыса, син шоры таӵе аспӧртэмлыкез йӧтэ – Александр Григорьевич паймытыны быгатэ. А. А. Ермолаев вера: «А. Шкляевлэсь та книгазэ лыдӟыса, шумпотыса вераны быгатӥсько: удмурт литературамы сярысь но зэмос чебер литературной, котькинлы капчиен валамон кылын гожтэм книга потӥз. Олокыӵе но канцелярской, «научной» шуон кылгерӟетъёстэк, адямиослэн куспазы вераськемзы сямен. Ваньмыз критикъёс таӵе литературной кылын гожъясалзы ке!». <ref name="айтуганова1"> Айтуганова Л. Даурысь дауре // Кенеш. – 2003. – № 10. – С. 87–97. </ref>

А. Г. Шкляев берло книгаяз дунне вылысь пӧртэм литератураосын но культураосын герӟетъёсты-йылолъёсты палэнэ уг кельты. [[Ившин Вениамин|В. Ившинлэсь]] но [[Перевозчиков Анатолий|А. Перевозчиковлэсь]] аспӧртэмлыксэс Е. Винокуровлэн поэтикаеныз герӟа. Егитъёслэн [http://elibrary.unatlib.org.ru/handle/123456789/3287 «Инӟарекъян»] (1991) бичетсылы дунъет сётыку, юнме шорысь Сент-Экзюперилэн нимыз уг поты. Нош Ф. Васильевлэсь одӥгзэ бадӟым вормонзэ А. Шкляев герӟа импрессионизмлэсь дышетскеменыз. <ref name="шибанов4"> Шибанов В. Туала удмурт лирика но дунне литература // Вордскем кыл. – 2004. – № 7. – С. 66–74. </ref>
'''2004'''-тӥ арын автор пиналъёслы «Уйвӧт» нимо сборниксэ «Вордскем кыллэн» книжной серияз поттӥз. <ref name="skl10">skl-44@yandex.ru</ref>

Озьы ик Александр Шкляев асьмелы тодмо аслаз шаржъёсыныз, эпиграммаосыныз но пичи веросъёсыныз. 2004-тӥ арын, ӟечкыланъёссэ, рекламкылбуръёссэ, шаржъёссэ, памфлетъёссэ, фельетонъёссэ, басняоссэ нимысь сборнике люкаса, «Эшъёс  – юлтошъёс» нимо книга поттӥз. <ref name="кузнецов2" /> 

'''2006'''-тӥ арын Удмуртиысь журналистикалэн историезлы сӥзем соавтор луыса кык книга поттӥз: «Журналистика Удмуртии: история и современность. К 100-летию удмуртской национальной периодической печати» но «Пресса и власть на уроках у свободы слова. 300 лет российской прессе. Региональный аспект».
Александр Григорьевичлэн ужъёсыз коми-зырян, пор, венгер, фин, англи, немец кылъёсы берыктэмын. <ref name="skl10" />

=Премиосыз=

Россиысь журналистъёслэн огазеяськонзылэн ёзчиез, '''1977'''

Россиысь Писательёслэн огазеяськонзылэн ёзчиез, '''1979'''

«Знак почёта» орден, '''1984'''

Удмурт  Элькунысь наука удысысь дано ужась, '''1994'''

Удмурт Элькунысь лулчеберет удысысь сӥё-дано ужась, '''1996'''

Кузебай Герд нимо премилэн лауреатэз, '''2004''' <ref name="пантелеева3">Пантелеева В. Шкляев Александр Григорьевич (4.02.1944) // Удмуртская Республика : энцикл. – Изд. 2-е, испр. и доп. – Ижевск, 2008. – С. 731–732. </ref>

Удмурт Элькунлэн Данъян грамотаез, '''2009''' <ref name="skl10" />

УАССР-ысь Вылӥ Кенешлэн Президиумезлэн Данъян грамотаез <ref name="яшина9" />

Удмурт Элькунысь калык писатель, 2020.

=Библиография=

==Книгаосыз==

[http://elibrary.unatlib.org.ru/handle/123456789/7298 Араны егит муртъёс лыктозы : критика: статьяос, очеркъёс, рецензиос / А. Г. Шкляев. – Ижевск : Удмуртия, 1986. – 240 с.]

[http://elibrary.unatlib.org.ru/handle/123456789/4625 Времена литературы – времена жизни : ст. об удм. лит. / А. Г. Шкляев. – Ижевск : Удмуртия, 1992. – 208 с.]

[http://elibrary.unatlib.org.ru/handle/123456789/3686 Ӵашъем нимъёс : 20-50-тӥ аръёсы репрессия улэ шедем писательёс сярысь. Соослэн кылбуръёссы, веросъёссы, пьесаоссы, статьяоссы / А. Г. Шкляев. - Ижевск : Удмуртия, 1995. - 448 с.]

[http://elibrary.unatlib.org.ru/handle/123456789/13465 Эшъёс-юлтошъёс : ӟечкыланъёс, реклам кылбуръёс, автографъёс, шаржъёс, памфлетъёс, фельетонъёс, басняос, куктуаськонъёс. – Ижевск : Удмуртия, 2004. – 78 с.]

==Статьяосыз==

[http://elibrary.unatlib.org.ru/handle/123456789/8729 Азбарын : В. П. Михайловлэн аслаз юбилеез азьын "азбараз" ӝытсэ ортчытон сярысь малпанъёсыз: эшлыко чуръёс // Удмурт дунне. – 2008. – 11 янв. – С. 15. – (Шӧкыч).]

«Анае мед адӟысал вылэм...» : вакчи мадёс // Удмурт дунне. – 2006. – 30 мая. – С. 6.

Вакчи мадёсъёс // На переломе эпох : Союзу писателей Удмуртии 70 лет, 1934–2004 : ст., стихотворения, прозаич. произведения, док. – Ижевск, 2006. – С. 138–142.

Галстук // Удмурт дунне. – 2005. – 29 июня. – С. 3.

Йыбырттоно писпуос : вакчи мадёс // Удмурт дунне. – 2006. – 29 марта. – С. 7.

Капкаез ворсан азьын : эшлыко чуръёс // Удмурт дунне. – 2007. – 28 дек. – С. 15.

[http://elibrary.unatlib.org.ru/handle/123456789/9564 Кивалтӥсь ; Басня гожъясьлы : сатира жанрен гожтэм баллада : кылбур // Удмурт дунне. – 2009. – 22 сент. – С. 6. – (Шудэлэ тӥ, серектэ).]

Котьмае тӥясь Ломагин ; Уа-уа! ; Юрий Аркадьевич Пиявский но удмурт трилогия ; Бухгалтер но Лев Толстой ; Юбилей медаль ; Василий Максимович ; Дыдыкъёс но вупульыос // Удмурт дунне. – 2005. – 27 июля. – С. 6.

Кузьылиос : верос // Покчи эше : 1–2-тӥ классъёсын ватсаса лыдӟон книга / М. Лаврентьева, Е. Дмитриева, В. Ившин. – Ижевск, 2006. – С. 116.

Кызьы ми писательёсыз миськимы : вакчи мадёс // Удмурт дунне. – 2005. – 8 февр.

Кызьы фольклор люкано ; Кызьы шуг югдурысь потоно ; Куинь манетъем ӵӧж : вакчи мадёсъёс // Удмурт дунне. – 2005. – 28 июня. – С. 6.

Кыл тэчы ; Уйвӧт : кылбуръёс // Зарни дэремен шунды : семьяын лыдӟон книга. – Ижевск, 2006. – С. 118–119.

Кылбурез валасьтэм тэль корасьёс ; Кызьы «Оракулэн» шудоно ; Удмурт литературалэн чебер пельугыез ; Яркыт учыр : вакчи мадёсъёс // Удмурт дунне. – 2005. – 12 июля. – С. 6.

Одӥг чыртыын кык галстук ; Пуны но карга Гитлерез : вакчи веросъёс // Удмурт дунне. – 2006. – 7 февр. – С. 6.

Отё-ботё, шоботё... : верос // Азвесь кышетэн толэзь : веросъёс : семьяын лыдӟон книга / люказ но радъяз В. Ившин. – Ижевск, 2007. – С. 119.

Партбилет яке кышно ; Пытсэтын ; Орденъёслэсь кольчуга ; Сю процентлы ӟеч : вакчи мадёсъёс // Удмурт дунне. – 2005. – 13 сент. – С. 7.

[http://elibrary.unatlib.org.ru/handle/123456789/9753 Пётр Захаровлэн 50 аресэз азьын ӧпкелёнъёсыз : кылбур // Удмурт дунне. – 2011. – 28 янв. – С. 12.]

Писатель луыны кенеш ; Дунне вылын одӥг гинэ ; Каляга юрттӥз ; Газет киоск дорын ; Инмарен ыстэм нылаш : вакчи мадёсъёс // Удмурт дунне. – 2005. – 30 авг. – С. 6.

Сьӧд мугло : кылбур // Ӵужон быж, вень бугор но мукетъёс : пудо-животъёс но пӧйшуръёс сярысь кылбуръёс / люказ но радъяз В. Ившин. – Ижевск, 2011. – С. 18.

Тол бере тулыс вуэ! : эссе // Байгурезь (Дебесы). – 2009. – № 10 (нояб.). – С. 11. – (Спецвыпуск памяти Степана Павловича Широбокова).


'''Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />

[[Категория:Современные удмуртские писатели|Шкляев Александр]]
@@ Строка 73: / Строка 73: @@
 ==Книгаосыз==
-Абдрам Абдрамов но мукетъёсыз : вакчи веросъёс / Александр Шкляев. - Ижевск : Удмуртия, 2015. - 174 с.
 [http://elibrary.unatlib.org.ru/handle/123456789/7298 Араны егит муртъёс лыктозы : критика: статьяос, очеркъёс, рецензиос / А. Г. Шкляев. – Ижевск : Удмуртия, 1986. – 240 с.]
-Арысь аре : удмурт литература даурлэн кожъёсаз : статьяос, обзоръёс, диалогъёс, очеркъёс, рецензиос, тодэ ваёнъёс / Александр Шкляев. - Ижевск : Удмуртия, 2014. - 302 с.
-Вапумысь вапуме = Из века в век : критика: статьяос, обзоръёс, диалогъёс, очеркъёс, портретъёс, рецензиос, тодэ ваёнъёс / А. Г. Шкляев. - Ижевск : Удмуртия, 2000. - 181 с.
 [http://elibrary.unatlib.org.ru/handle/123456789/4625 Времена литературы – времена жизни : ст. об удм. лит. / А. Г. Шкляев. – Ижевск : Удмуртия, 1992. – 208 с.]