Редактирование: Пословицы, поговорки

'''Адямилэн умойтэм сямъёсыз'''

Муртлэн  пӧськыез поннa мурт уг висьы.   

Тодмоед дорын эн кузёяськы. 
  
Муртэ эн  тод, астэ тод.

Лушкем уж шарае потэ.
   
Муртлэн ванезлы эн вожъяськы.
   
Муртлэн дасез шоры ымдэ эн усьты.
   
Лушкем ужез уд ваты.

Дасезлы эн  синмаськы—ачид  лэсьты.  
 
Муртлэн  корказ  кема  уд  улы.

Нинлэсь-бунлэсь ке но — аслад.
   
Вудэ эн жаля, сотэк ӝук уд пӧзьты.  
 
Чурыт мурт возьытсэ но базарын вуза.

Чурыт    муртлэн    чиньыысьтыз но вир уг поты.

Кисы    пыдэстэм:   мар    понӥд — ваньмыз    тэроз.   
 
Кӧттырмостэмлэсь ӟустыри но уг мыльы. 
  
Сютэм мурт йӧнтэм луэ. 
  
Чурытам но ас интыяз кулэ.
   
Вал начар — кузёез чурыт. 

Чурыт муртлэн  «ӧвӧл»  шуыса ик  кылыз  быроз. 
  
Кытчы корт кулэ, отчы со из понэ.
   
Ньылоназ гондыр пырем. 
  
Кӧтыз тырем, синмыз тырымтэ.   

Пыдэстэм   вышкыез  вуэн  уд тырмыты. 
  
Ачиз  но уг сиы,  валлы   но уг сеты.

Кӧтыдлэсь палэнэ уд сиы.
   
Бадӟым ымез пичи уд кар ни. 
  
Корт кӧжы кадь.

Чурыт   муртэ   пӧяса  уд  небӟыты.
   
Верано кылзэ уг вера, ымысьтыз вӧйыз киськоз кожа.

Шонер вера, кырыж лэсьтэ.   

Азяд вӧялоз, берад жобалоз. 
  
Висьымтэ йырам кышет керттӥ. 
  
Йыбыртъясь мурт  йыбыртъямез   возьма <ref name="пословицы"> Адямилэн умойтэм сямъёсыз // Удмурт калык пословицаос, поговоркаос / дасяз Н. П. Кралина. - Ижевск, 1961. - С. 80-81.</ref>.    



'''Азьтэм'''

Азьтэм азьтэмлэсь азьло вордӥське. 

Азьтэм висёнлэсь но урод. 

Азьтэм киос муртлэсь ужамзэ ярато.

Азьтэм кӧлыны куреген ӵош выдэ ке, ужез яратӥсь адями куреген ӵош султэ.

Азьтэмлы эш — гур вылысь коӵыш.

Азьтэмлэн дэремез но висе.

Азьтэм мурт гинэ кураськыны потэ.

Азьтэм мурт гинэ пукыса уг жадь. (Азьтэм мурт пукыса но жаде.)

Азьтэм мурт изе на, ужась мурт шутэтске ини.

Азьтэм пунылы ас гонэз но секыт потэ.

Аналскид ке, ымад вуэм пуньыед но секыт потоз.

Гур вылын нянь уг буды (турын уг поты).

Ӟеч уже ӧтьыны эн кӧбера, мыныны но эн акыльты.

Инмысь усемзэ возьматозь, пыд азьысьсэ утялты.

Калгись муртлы уй но, нунал но одӥг.

Каллен но азьтэм — агаен вынъёс.

Котькӧня изь, изёнэз уд быдты.

Кыллись муртлэн мылкыдыз секыт.

Лудкечез кут вал, быжыз вакчи вылэм.

Муртлэн пельпум вылаз кема уд ворттылы.

Назьылляськыса нызьыли но уд пӧра.

Нунал тэк пукыса но ортче.

Огез кора, сизьымез шелеп (тузон) нуллэ.

Ӧд ке быгаты, быдэс пурты кеньырен но ӝук уд пӧзьты.

Палэс кылем уж лымыен ӵоксаське.

Парсь но гыре (гырисько кожа).

Пуконлэн но секытэз вань.

Пуны быжзэ косэ.

Самой секыт уж — тэк улон.

Ужамед ке ӧз пот, уж но ӧвӧл.

Уж киосты нярӟытэ, тэк улон сюлэмез сӧсыртэ.

Ужтэм пуны тӧл шоры утэ.

Умой ужасезлы — мильымо ӝук, азьтэмзэ — пушнерен ӝуг.

Урод гырем му вылэ йӧны потэ.

Чукна султӥсь куака сӥль сие, бер султӥсез — нырзэ сузя (кос кыле).

Шырасьтэм коӵыш изъянтӥсь луэ.

Юнме ортчытэм дыр но арлыд чотэ пыре <ref name="ингур">[http://elibrary.unatlib.org.ru/handle/123456789/1403 Визькылъёс // Ингур : удмурт фольклоръя лыдӟет : шор ёзо школаослы / люказ, радъяз но валэктонъёссэ гожтӥз Т. Г. Владыкина. - Ижевск, 2004. - С. 302-304.]</ref>.



'''Визь, валан'''

Одӥг йырлэн — одӥг визьмыз, кык йырлэн — кык визьмыз, иськавын-бӧляклэн визьмыз — вань визьлы визь.
 
Син кыдёке адӟе,    нош    визь — эшшо    кыдёке.

Гурезь йыл бустэк уг улы, адямилэн йырыз - малпаськонтэк. 
   
Йырлы визь кулэ, визьлы — йыр.  
  
Визез тушен уд вошты.  
 
Килы йыр мед юрттоз, уж капчигес мыноз.
   
Пересьмыса визь уг пыры ни.  
 
Йыр малпаны, ки ужаны. 
  
Ӝыт малпамдэ ӵукна лэсьты.  
 
Аслад визьмыд    ӧвӧл  ке,    визьтэм    муртэ    эн визьма.   

Адями вань улытозяз визь люка.  
 
Визьмо кыл кезьыт куазен но шунтоз.  

Малпаськыса   ачид визь но,   амал    но    шедьтод.
   
Визь  ке вань, нянь сюроз.
   
Визьмо мурт азьпала учке. 
  
Валась муртэ дас кузя но уд пӧя.

Чильымлэн но йырыз вань.
   
Визьмо мурт кечез но серекъятоз. 
  
Визь со котькытчы сузёз. 
  
Адямилэн визьмыз сизьым  пӧртэм. 
  
Пинал визь тӧлъя-буръя  пилем  кадь.
   
Виэьмо мурт визьтэмен  уз кушласькы.  
 
Визьмо дышетскоз, визьтэм азьтэмъяськоз<ref name="пословицы1"> Визь, валан // Удмурт калык пословицаос, поговоркаос / дасяз Н. П. Кралина. - Ижевск, 1961. - С. 60-61.</ref>.  



'''Вылтус'''

Чебер шуыса  синмаськи,    азьтэм  вылэм—алдаськи.   

Азьыз — сяська,  берыз — силе.  
 
Чеберез ӵок, визьмыз медло. 

Вылыз зарни, пушкыз эгыр.

Пушказ ке ӧвӧл, вылаз уд лякы. 
  
Вылыз ялтырак, пушкыз калтырак. 
  
Азьыдлэсь берыд чебер.   

Дӥсезъя  пумитало, визьмызъя келяло. 
  
Адямилэн визьмыз дӥськут бордаз ӧвӧл.  
  
Суам бамлэн тусыз ӧвӧл.  

Дӥськутэз вордыны уг басьто.

Сяськалы эн синмаське, сяська   туж   ӝог тӧлӟе. 
  
Тополь ӝужыт ке но будэ, емышсэ нокин но ӧз адӟы на.

Кикы чебер ке но, визьмыз ӧвӧл.   

Котькудӥз ӟичы быжыз понна сюлмаське.   

Кыйлэн вылтырыз гинэ чиля.  
 
Кырлэсь чебер нюлэс вань. 
  
Синучкон   шоры    учкыса, аслэсьтыд   чебер уд лу.  
 
Аслад йырыд шӧтэм ке но, сое уд ванды.
   
Тусыд  чебер  шуыса эн  ушъясыкы. 

Чебер яблок пӧлын тазаез но вань, сисьмемез но вань.
   
Адямиез чебер тусбуйыз понна   гинэ    уг   ярато.

Котькӧня пыласькы, вулэсь чылкыт уд луы. 

Лекаськись скал мугло вордске. 
  
Кинлэн йырыз вылын, солэн данэз улын<ref name="пословицы2"> Вылтус // Удмурт калык пословицаос, поговоркаос / дасяз Н. П. Кралина. - Ижевск, 1961. - С. 125-127.</ref>.  
  

'''Дунне, дор'''

Ас палзэ вунэтэм адями — йыромем адями.

Дор пал — аныкай, ят выл — сюранай.

Дунне котьмарлэсь (но) бадӟым.

Дунне со ваньмызлы огкадь ӧвол.

Калыкын пуны но мӧзме.

Мурт дуннеын ву гинэ но кӧш потэ.

Мурт шаерын кин куаем?<ref name="ингур1"> Визькылъёс // Ингур : удмурт фольклоръя лыдӟет : шор ёзо школаослы / люказ, радъяз но валэктонъёссэ гожтӥз Т. Г. Владыкина. - Ижевск, 2004. - С. 302-304.</ref>


'''Кыл''' 

Вордскем кылдэ ке вунэтӥд, вордэм нэнэдэ   но вунэтод.
   
Сюлмысь потэм кыл куинь толэз но шунтоз. 

Ческыт ымдэ эн пожа.

Ческыт ымдэ кӧш карод. 

Кыл лытэм, малпаськон пыдэстэм. 
  
Кыллэн лыэз ӧвӧл.

Кылыз ке ӧй луысал, куака нуысал.
   
Яра, кылыд вань, коӵо куака кукчасал.
    
Вераськыны  ке яратӥськод,    кылзыны по яраты.
    
Кыл чечы ке но ӧвӧл, котькин   борды   лякиське.

Кылыз — чечы, сюлмыз  — эгыр.  
 
Кыл вылаз чечы, сюлмаз йӧ.
   
Кылдэ кузь эн лэзьы. 
   
Просек кадь шонер кылыз. 
  
Ворам  кылдэ борен уд басьты. 
  
Кылыд ке вань, ужед но медло.
    
Кыл вылаз вӧй, кыл улаз йӧ.

Котькӧня  черекъя:  «Чечы, чечы!»—ымад    ческыт уз луы.
   
Синмыныд адӟытэк, ымдэ эн усьты. 
 
Кылдэ кузь эн лэзь,  пинь сьӧрад возь. 
  
Вераськон  сямен  кыл  йылысь  кыл  потэ,  куро улысь  шыр  потэ.
   
Кыл — шайтан:   визьлэсь   азьло   вера. 
   
Валлэн   ньыль ке но пыдыз, канжаське;  адямилэн кылыз одӥг, малы уз алдаськы!
    
Ымаз оло вӧй зузем, лэся.
   
Кыл мынэ но, пыд уг мын.
   
Ӵектыны  капчи, лэсьтыны  секыт. 
  
Ужлы кылын  уд юртты.
   
Малпан   гинэ    со    ӧжыт,    кулэ    на    лэсьтыны.   
 
Кыллы  сермет ӧвӧл.  
 
Кыллэн   серметэз  — ныр.

Тулыс   куазь   нош   ик   берытскоз,   нош    верам кылдэ берен  уд берыкты.   

Нимызъя   даныз.  

Кыл   вылаз  солэн  пень  уз   пуксьы.
    
Ымызлэн   кенерез   ӧвӧл. 
  
Кыл уз жадьы.  
 
Чеберъяськыса ӟече уд поты.
 
Солэн кылыз пежъян кадь лэчыт. 
  
Кылыз кузь, визьмыз  вакчи.

Кылыныз вӧялоз, пиньыныз лушкем куртчоз.

Ым  ке ӧй луысал,  синэз    кемалась    кырныж кокчалтысал  ни.

Эн   кесяськы,   ымад   куака   пыроз.
   
Синдэ   усьтытэк,   ымдэ   эн   усьты. 
  
Кулэм шӧез ӝуткало. 

Кылыд ке вань, ужед но мед луоз. 
  
Ӝукез позьымон супыльтӥз.
   
Ымыд    пожаськемлэсь     ке   кышкад,   сюлмыд пожаськоз. 
   
Одӥг  киыныз   гожтэ,   мукетыныз   воштэ. 
  
Со     гинэ     уг   янгыша,    кин     номыр     но     уг ужа. 
  
Азь чиньы котькытчы вуэ.  
 
By    пыдсысен    ярдурысь     эшедлы    эн     черекъя. 
  
Умой  эштэк  адями  уг вала умойтэм лэсьтэмзэ.

Янгышаны     быгатӥд   ке,   быгаты   тупатскыны но.
   
Кытын вал     погылляське,   отын     гонэз     кыле.

Изьыез     котькызьы берыкты,    со   изьы     ик луэ.
   
Чечы  гинэ мед луоз,  кутъёс сюрозы.   

Ӵушъял пичи ке но,   гондыреэ   но  вӧсь    каре.

Куддыръя син адӟемез кыл медаз тод <ref name="пословицы3"> Кыл // Удмурт калык пословицаос, поговоркаос / дасяз Н. П. Кралина. - Ижевск, 1961. - С. 31-38.</ref>.  
 

'''Семья, кышно'''

Чебер мурт чеберзэ ик шедьтоз.  

Жоб мурт чебер  кышно шедьтоз,    чебер мурт жоб кышно шедьтоз.  
  
Выжыезъя йылыз.    

Парзэ пар шедьтоз.  
 
Парезлы пар сюре.

Кутэзъя кабез.   

Пыдыдъя утча пыдкук.   

Тон но мьнэсьтым  мотор ӧвӧл — одӥг вышкыын  чырсам  кияр. 
  
Кудыезъя мульыез.
   
Дузэзъя кудыез, дурыезъя пуртыез.
   
Кут но палтэм уг луы.    

Сарбаезъя ворсэтэз. 
  
Палкышнолэн пал кияз геры, пал кияз черс.

Азьвыл кенакед вала вал кӧня ке, туэ кенакед ачиз валэктӥз. 

Чечы дузэ сюрыса улыны ӧз вала.

Кышно  чебер, нош  нылъёс уката чебересь.   

Картлы бызиз но ваньзэ шедьтӥз.   
 
Бызьыны дасяськиз — серекъяз, бызиз — бӧрдэ. 

Милям апайёс вож пушнер кадь лекесь. 

Йырад чалма понны эн дырты: дыр вуоз —  пи сюроз.  
  
Выль кенлэн нянез калтак.   

Сиемед потыку, мурт доры уд мыны.

Бадӟым семьяен ужаны капчи.
   
Сюрбаба — пӧсь таба.
   
Ас семьядэ калык пӧлын вераса уг ветло.  
 
Котькыӵе корка ас кузёеныз шулдыр.
   
Семья пушкын мумы-айы кузё.   

Кузпал — зорем!   

Пиналэн пересь одӥг луэ.
    
Ныл сетӥ — туж бӧрдӥ, кен ваи — шумпотӥ <ref name="пословицы4"> Семья, кышно // Пословицы и поговорки удмуртского народа / дасяз Н. П. Кралина. - Ижевск, 1961. - С. 117-119.</ref>.  



'''Уж. Ӧнер'''

Адямиез уж чебер каре.

Азьвыл ветлӥсьлэн валэз шукыё.

Аслад кужымедлы ӧд ке оскы — бырод.

Ас ужам нянед кӧттыргес.

Ас уждэ ачид дыртыты.

Атаедлэн малэзлы гинэ оскид ке, номыртэк кылёд.

Ачид ке ӧд гыр, геры уз гыр.

Бадярез ӵогыны — чурыт, вузэ юыны — ческыт.

Бур ки палляныз понна уз лэсьты.

Вӧй ке сиемед потэ, тросгес сюйын погылляськы.

Вырытэк выр уг луы.

Геры но тӥр сютэм уз кельтэ.

Гондыр гуаз кузё, нош ужась калык — гуртаз.

Гырись геры сыномыны уг сётскы.

Гырыку шундыез уг учко.

Дасезлы эн синмаськы (эн шумпоты), ачид лэсьты.

Дас уродъёсыз сярысь, одӥг умой ужез тодыны кулэ.

Дыртыса ужам уж йӧно уг луы.

Дэремед ке ӧз котмы, нянед шӧг йӧтоз.

Ӝужась шунды валесысен иземдэ медаз адӟы.

Ӟеч мылкыдын вень пасе шыр но тэроз. (Ӟеч мылкыд ке луиз, вень пасе шыр тэроз.)

Инмар ки сётэм, гозызэ ачид пун.

Кабан сюрыны но быгатэм кулэ.

Каньылля лулпуэз но куасалтод, дыртыса сюлоез но чигтод.

Кеносын ке вань, коркан но шуныт.

Котькыӵе ужлэн аслаз чеберез вань.

Котьма ужын быгатэм кулэ.

Кызэз ӵогытэк уд погырты<ref name="ингур5"> Визькылъёс // Ингур : удмурт фольклоръя лыдӟет : шор ёзо школаослы / люказ, радъяз но валэктонъёссэ гожтӥз Т. Г. Владыкина. - Ижевск, 2004. - С. 302-304.</ref>.

[[Удмурт визькылъёс]]

==Литература==

<references />.

[[Категория:Удмуртский фольклор]]