Муш но майсы
Материал из Воршуда
Одӥг гужем муш доры майсы куное ветлэм. Куноям-марам но шуэм:
— Ческыт, ческыт куноятӥд. Тау, туж тау! Монэ но мурт эн кар, лык дорам сӥзьыл.
Сӥзьыл вуэм но, муш майсы доры куное мынэм. Куазь юзырес вылэм ини. Куноен йырин на, пе! Майсы куноез доры адскыны но потамтэ йӧны мамык пӧлысьтыз.
— Ыш-ыш-ыш! Таӵе куазен но лобаськод на-а? — шуэм со мушлы. — Мынам табере номыри ӧвӧл ук тонэ утялтыны. Э, кумае, кумае, гужем сяська дыръя лык вал ук![1].
