Редактирование: Матвеев Сергей

'''Сергей Васильевич Матвеев''' - удмурт кылбурчи но прозаик, Удмурт Элькунысь сӥё-дано ужась, Россиысь гожъяськисьёслэн огазеяськонзылэн ёзчиез.

[[Файл:Svm2.jpg|170px|right|Сергей Матвеев]]

=Улон сюресэз=

Сергей Матвеев  вордӥськиз Вавож ёросысь Квашур гуртын '''1964'''-тӥ арын 7-тӥ гудырикошконэ колхозникъёслэн семьяязы. Атаез ужаз механизатор луыса, тракторен, анаез – пудо вордӥсь, скал кыскись. <ref name="писатели"> Зверева Т. Сергей Матвеев (1964) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 82. </ref> 
[[Файл:Smv3.jpg|250px|thumb|left|"Дась лу!" газетын ужакуз В. Возняковен]]
Шоръёзо школаез йылпумъяса, кытчы мыныны уг тоды вал. Но удмурт кылъя но литературая дышетӥсез дэмлаз Удмурт кун университетэ филологияя факультетэ пырыны, кылбуръёс, пе, гожъяськод ук. Пияш верамзэ пеляз понӥз. Капчиен ортчиз конкурсэз. Экзаменын ӵап Д А. Яшин доры кемдӥз. Со но синйылтэм ни вылэм Сергейлэсь газетын потэм кылбуръёссэ.

Студент дыръяз мылысь-кыдысь пыриськиз литературно-творческой кружоклэн ужаз. Кивалтӥсьсы Даниил Александрович Яшин вал. 

'''1986'''–'''1993'''-тӥ аръёсы университетэз йылпумъямез бӧрсьы кутске «Дась лу!» газетын ужаны. 

Но Сергеез соку ик басьто армие ('''1986'''–'''1988''').  
 
Армия бере ог дас ар Сергей Матвеев тырше журналистика удысын. Унозэ «Дась лу!»-ын. Армие ветлэмез бере но ужзэ татын ик азинтӥз. Со ортчем аръёссэ али но шунытэн тодаз вае. Командировкае потанъёс, пӧртэм адямиосын пумиськылонъёс туж тунсыко потылӥзы солы. <ref name="возняков"> Возняков В. Со сярысь Америкаын но гожъяло // Удмурт дунне. – 2001. – 27 июль. – С. 4–5. - (Удмурт кизилиос). </ref> 

'''1993'''-тӥ арын «Инвожо» журналлэн сотрудникез луэ, но со арын ик выже «Удмуртия» книжной издательствое чеберлыко но нылпиослы книга поттон ёзэтлэн редакторез луыса. <ref name="писатели" /> 
 
Ужын вормонъёсыз но пусъемын. '''2004'''-тӥ арын элькунысь лулчеберет удысысь сӥё-дано ужась ним сётэмын вал. <ref name="возняков" />

=Гожъямъёсыз сярысь=
 
Кылбуран мылкыдыз сайказ школаын дышетскыкуз. '''1980'''-тӥ арын «Дась лу!» газетын печатласькиз нырысетӥ кылбурез. «Эшъяськон» нимаське вал со. Собере печатласькиз шаерысьтымы [http://elibrary.unatlib.org.ru/handle/123456789/165 «Кенеш»], [http://elibrary.unatlib.org.ru/handle/123456789/164 «Инвожо»], [http://elibrary.unatlib.org.ru/handle/123456789/1426 «Кизили»], [http://elibrary.unatlib.org.ru/handle/123456789/5557 «Луч»] журналъёсын; «Советской Удмуртия», [http://elibrary.unatlib.org.ru/handle/123456789/2712 «Удмурт дунне»], «Дась лу!» но куд-ог ёрос газетъёсын. <ref name="писатели" /> 

Сергей Матвеевлэн кылбурет дуннеез – туала лирикалэн выль тулкымезлэн одӥг люкетэз. <ref name="пантелеева"> Пантелеева В. «Улон коркам кызь куать сэрег» : С. Матвеевлэн кылбуръёсыз сярысь / В. Пантелеева, Л. Е. Осипова // Движение эпохи – движение литературы : удмуртская литература ХХ века : учеб. пособие. – Ижевск, 2002. – С. 223–235. </ref>  

Поттӥз ини сизьым кылбур бичет: «Мылкыд» ('''1991'''), «Лул» ('''1994'''), «Чурыт пус» ('''1999'''), «Фиолет» ('''2002'''), «Мон гылӟисько Ӟазег Лобӟон сюрес кузя» (эстон кылын, Таллин, '''2006'''), "Сквозь призму ветров" (2011), "Инсьор портмаськонъёс" (2011), "Амбивалентность" (2023) но прозаен ньыль книга: «Шузи» ('''1995'''), «Чорыглэсь лушкам кылбуранъёс» ('''2005'''), "Эмезь гурезь" (2015) но "Нылкышно саюлын" (2020) <ref name="пантелеева2"> Пантелеева В. Сергей Матвеев // Удмурт литература : 10–11-тӥ классъёслы учебник / С. Т. Арекеева [и др.]. – Ижевск, 2008. – С. 321–323.  </ref> 

Бичетъёсаз пырем кылбуръёслэн таӵе тунсыко аспӧртэмлыксы: лирической герой адямилэсь улонзэ, дунне вылысь интызэ сэрттон-пертчон бордысь ассэ ачиз сэрттон-пертчон вылэ выже. <ref name="пантелеева" /> 

С. Матвеевлэн кылбурет дуннеезлэн шорсюлмыз — улонэз но ассэ каргась герой. Соин ӵош ик ассэ ачиз гинэ яратӥсь герой. Со уг кышка лул-сюлэмзэ вӧлак усьтыны, сьӧлыкъёссэ шараяны: одӥг Инмарлы гинэ вӧсяське, нош Инмарезлэн нимыз — эрик. <ref name="пантелеева2" /> 

Мон пыртос та улонын шуэ со ачиз сярысь ваньмаз кылбур бичетъёсаз. Кылбурчилэн героез ассэ пыртосэн лыдъя яратонэныз артэ но, атай юртаз но, быдэс улонын но. <ref name="пантелеева2" /> 

С. Матвеевлэн лирической героез гуртын вордӥськемын, нош туннэ карын улэ, со выжыоссэ ыштэ ни шуыса шӧдэ, нош номыр лэсьтэмез уг луы. Со ноку но уз луы ни музъем гырись-кизись, со уг тоды ни калык кырӟанъёсты («Нош гуртам пытьые ни кӧсаз...»). Карез адӟемпотостэм каре ке но («Из квартира монэ кутыса, / Мыжыказ пачкатэ но шона...»), С. Матвеевлэн лирической героезлэн дореныз но кусыпъёсыз шугесь, секытэсь, ӟиго-ӟугоесь. Дор со понна ӧвӧл ни дор выжы герд, со — бурмонтэм висён, огдырлы гинэ буйгатскон, малы ке шуоно солэн ӧвӧл татын аслаз киыныз ӝутэм юртэз, семьяез, мерттэм писпуэз. Лирической герой выльысь каре пегӟе:

''Эх, быриз ни, быриз ни калы! —'' [[Файл:Svm4.jpg|280px|thumb|right]]

''By усён яке нош пурысь ты.'' 

''...Огдырлы бертаса, дорысьтым'' 

''Кошкисько мон озьы кемалы.''

С. Матвеевлэн кылбурет дуннеез — XX даурлэн пумысьтыз пыд улзэ ыштэм, пушласянь сӧриськем адямилэсь малпаськон ӧрзэ, ачиз шоры но дунне шоры учконзэ возьматӥсь лирика. Map сое, героез, бурмытыны быгатоз? Яратон («Из сюлэмы нош тэльмыре / Жалян куре но яратон...»), яке гожъяськон-кылбуран («Кылиз на сюлэм тон понна / Чылкыт бумага. Уйбыртон»), яке огнамо дуннеяз кошкылон:

''Сюсьтыл ӝуаз ини — быре,'' 

''Укно сьӧрын вордске ӵукна.''
 
''Синучконын — одӥг суред:''
 
''Укно, сюсьтыл но — мон огнам...''

Огнамо улонлэсь С. Матвеевлэн героез уг кышка, уг кӧбера, со сое вите но данъя («Ӟеч но бур тон, Улон! / Нош ик мон одӥгнам...»). Та мылкыд вылын возиське солэн быдэс кылбуретэз. <ref name="пантелеева2" /> 

Сергей Матвеевлэн суредам дуннеяз ӵемгес пумиськыло сыӵе интыос но арбериос, кудъёссэ огшоры улонысь уд шедьты, уд адӟы («Сьӧлтаськон», «Кыӵе ческыт но шымырес…»). Со суредам дунне малпамын, кылдытэмын, зэмос дуннелэсь пӧртэм каремын. <ref name="айтуганова"> Айтуганова Л. Кык кылбурчиос – кык турлы гожъян сямъёс // Вордскем кыл. – 2003. – № 11–12. – С. 65–72. </ref> 

Сергей Матвеевлэн «Чорыглэсь лушкам кылбуранъёс» ('''2005''') роман-уйбыртонэз удмурт литератураын нош ик  одӥгез паймымон чеберлыко уж луиз, талэсь азьло автор лыдӟисьёссэ паймытӥз вал ини «Шузи» ('''1995''') роман-зулёнэныз но «Ъ» ('''1999''') кылбур бичетэныз. Выль роман-уйбыртонэз пусъемын кунгож сьӧрын. Та ужез понна автор '''2007'''-тӥ арын Эстониысь «Фенно-Угрия» огазеяськонэн литератураын ялэм ӵошатсконын чеберлыко ужъёс пӧлын нырысетӥ инты басьтӥз. <ref name="шибанов">[http://elibrary.unatlib.org.ru/handle/123456789/407 Шибанов В. Выль эскеронъёслэн емышсы // Кенеш. – 2008. – № 1. – С. 94–98.] </ref>     

«Котькуд адями дунне вылэ огшоры гинэ уг вордӥськы. Солы кыӵе ке но миссия сётэмын, сое вань улонэз пыр нуыны-быдэстыны кулэ. Мон доры тае шӧдон-валан аръёс ортчыса гинэ вуиз… Егит дыръям кылбуръёсы, веросъёсы вордӥськылӥзы… Малпалляй – со шузияськон гинэ. Нош али валасько: Инкуазен сётэмын. Урод-а, умой-а быдэстӥсько та куронэз, уг тодӥськы, но со – мынам». <ref name="матвеев">[http://elibrary.unatlib.org.ru/handle/123456789/820 Матвеев С. Сергей Матвеев // Инвожо. – 2007. – № 3–4. – С. 6–7.] </ref> 

Сергей Матвеев кылысь кылэ берыктон ужен выре. Кылсярысь, «Дунай тулкымъёс – Кам ярдурын» мадьяр поэзияя антологие пыризы тросэз солэн берыктэм текстъёсыз. Озьы удмурт кылэ берыктэмын ӟуч классикъёслэн лириказы А. С. Пушкинлэн, С. А. Есенинлэн, Н. А. Некрасовлэн. <ref name="писатели" /> 

Сергей Васильевич Матвеевлэн литература удысын азинсконъёсыз портэм литературной премиосын но Удмурт Элькунысь лулчеберет удысысь дано ужась нимын пусъемын. <ref name="писатели" />

=Премиосыз но наградаосыз=

Флор Васильев нимо литературной премилэн лауреатэз, '''1996'''.

Эстон литературной премия, '''2007''' .

Удмурт Элькун Кивалтэтлэн литературая премиез (2013) 

Удмурт Элькунысь калык кылбурчи (2024) 

Удмурт Элькунысь лулчеберет удысысь дано ужась (2004)

=Библиография=

==Книгаосыз==

[http://elibrary.unatlib.org.ru/handle/123456789/4591 Лул : кылбуръёс. – Ижевск : Удмуртия, 1994. – 126 с.]

[http://elibrary.unatlib.org.ru/handle/123456789/4598 Мылкыд  : кылбуръёс. – Ижевск : Удмуртия, 1991. – 120 с. : ил.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Сквозь призму ветров : стихи. – Ижевск : Изд-во "Известия Удмурт. Респ.", 2011. – 39 с. : ил. ; 14 см.  – (Библиотека "Известия Удмуртской Республики". Ближние родники / авт. серии Вячеслав Ар-Серги).]
 
[http://elibrary.unatlib.org.ru/handle/123456789/16206 Фиолет : стихи / авториз. пер. с удмурт., предисл. В. Емельянова. – Ижевск : Удмуртия, 2002. – 126 с.] 

[http://elibrary.unatlib.org.ru/handle/123456789/119 Чорыглэсь лушкам кылбуранъёс : роман-уйбыртон. – Ижевск : Удмуртия, 2005. – 222 с. : ил.]

[http://elibrary.unatlib.org.ru/handle/123456789/4504 Чурыт пус : кылбуръёс. – Ижевск : Удмуртия, 1999. – 159 с.] 

[http://elibrary.unatlib.org.ru/handle/123456789/4558 Шузи : роман, повесть, веросъёс. – Ижевск : Удмуртия, 1995. – 287 с. : ил.,1 портр.]

"Ma kandun mӧӧda linnuteed" ("Я шагаю по Млечному Пути", 2006) - стихи, переведённые на эстонский язык

«Инсьӧр пӧртмаськонъёс» («Космические мистерии», 2011) – кылбуръёс (стихи)

«Эмезь гурезь» («Малиновая гора», 2015) – роман 

«Нылкышно саюлын» («На фоне Женщины», 2020) – роман 

"Амбивалентность" (2023) - стихи

==Статьяосыз==

[http://elibrary.unatlib.org.ru/handle/123456789/274 Арыслан // Кенеш. – 2006. – № 4. – С. 3–9. – (Поэзия).]

[http://elibrary.unatlib.org.ru/handle/123456789/819 Астусбуй // Инвожо. – 2007. – № 3/4. – С. 7]

"В день, когда я на свет появился..." // Литературная газета. – 2008. – 15–21 окт. – С. 2 : фот. – (Современная удмуртская поэзия).

[http://elibrary.unatlib.org.ru/handle/123456789/16722 "Вайисько ке тодам тусбуйдэ..." : кылбур / Сергей Матвеев // Удмурт дунне. - 2014. - 16 сент. - С. 5. - (инГОЖ)]

[http://elibrary.unatlib.org.ru/handle/123456789/7424 Вамышъяса выль ӟардонэ : кылбур / иллюстрациез Марина Гузаевалэн // Кизили. – 2012. – № 8. – С. 2.]

[http://elibrary.unatlib.org.ru/handle/123456789/3061 Выль ар ; Вордӥськем нуналлы ; Шаермес утисьёслы ; Эшъёслы ; Нуны сюанлы ; Витьтон ареслы ; Выль кенлы но эмеспилы ; Сӥзёнъёс ; Куатьтон ареслы ; Выль корка пыронлы // Кенеш. – 2010. – № 9. – С. 10–13.]

[http://elibrary.unatlib.org.ru/handle/123456789/7490 Гудырикошкон ; Куарусён // Кизили. – 2007. – № 9. – С. 3.]

Жуг-жаг пӧлысь инӟыос // Удмурт дунне. - 2014. - 18 нояб. - С. 2. - (инГОЖ)
 
[http://elibrary.unatlib.org.ru/handle/123456789/1014 "Инмарез но потэ эркиям..." ; "Инсьӧры лобӟисько вераны..." ; "Нош ик сяська пырызэ…" ; Шундыё сонет ; "Шундыен пыласько мугоръёс..." ; "Силё но сюло..." ; "Вылтырам – фуфайкае..." ; "Со кудӟемын. Йырыз берга..." ; Синкылиё сонет ; "Юж вылтӥ – кышкаса гуштыны..." // Инвожо. – 2008. – № 5/6. – С. 142–144.]

[http://elibrary.unatlib.org.ru/handle/123456789/16563 Инсьӧр пеймытэ лобо кылбуръёс : кылбуръёс / туспуктӥзы Денис Корнилов но мукетъёсыз // Удмурт дунне. - 2014. - 19 авг. - С. 4-5 : фот. - (инГОЖ). - Пуштросэз: Кӧня ке полэс ; Горд но вож ; Пало пӧлыос ; "Уйшоре гурме эсто..." ; "Вождэ эн вайы, пересь..." ; "Инсьӧр пеймытэ лобӟозы кылбуръёс..." ; "Тӧл туга йырсиостэ..." ; "Мон тонэ ӧй валасал, дыр..." ; "Кылбуранэз каро шудон..." ; "Леклэн чылкыт сяськаосыз..."]

[http://elibrary.unatlib.org.ru/handle/123456789/2796 Лобась вӧтъёс / суредэз А. Андрюшкинлэн // Кизили. – 2010. – № 2. – С. 2 обл. : ил.]

[http://elibrary.unatlib.org.ru/handle/123456789/1596 Мунчочорыг / суредэз В. Мустаевлэн // Кизили. – 2007. – № 10. – С. 8–9 : рис.]

[http://elibrary.unatlib.org.ru/handle/123456789/12756 Нош ик, нош азяд уси ; "Бульыртэ пӧйшурлэн кутсконэз..." ; "Пырисько мон небыт улосэ..." ; "Чалмысал быдэсак даурме..." ; "Куарусён. Уг, уг усё куаръёс..." ; "Тодӥськод-а, могӟи диванлэн пельпумаз..." : кылбуръёс // Инвожо. - 2013. - № 8/9. - С. 118-119.]

[http://elibrary.unatlib.org.ru/handle/123456789/5363 Нош мон али сыӵе луло... : кылбуръёс // Кенеш. – 2012. – № 1. – С. 4-8 : фот. – Пуштросэз: "Вуиз кезьыт. Тӧдьы бус кыр..." ; "Дуръёстӥз чепылляса..." ; "Вождэ эн вайы, пересь..." ; "Вылтырам - фуфайкае..." ; Синкылиё сонет ; "Инмарез но потэ эркиям..." ; "Мон вордӥськи сыӵе ик, дыр..." ; "Инсьӧры лобӟисько - вераны..." ; Шундыё сонет ; Горд но вож ; "Йыгасько йыртышкам молотэн..." ; "Шундыен пыласько мугоръёс..." ; Дыр дырекъя куддыр ; Ӵошатон рифмаос ; "Пучыен бычырам сюрестӥ..."]

[http://elibrary.unatlib.org.ru/handle/123456789/3003 Нылкышно : верос бугор // Кенеш. – 2010. – № 5/6. – С. 24–51.]

Нылпи – мунё вылымтэ ; Коӵыш миськиз ке пель сьӧрзэ... // Азвесь кышетэн толэзь : веросъёс : семьяын лыдӟон книга / люказ но радъяз В. Н. Ившин. – Ижевск, 2007. – С. 79.

[http://elibrary.unatlib.org.ru/handle/123456789/7937 Писательлэн ачиз сярысь малпанъёсыз / фот. К. Семенов // Инвожо. – 2007. – № 3/4. – С. 6–7 : фот.]

[http://elibrary.unatlib.org.ru/handle/123456789/8501 "Пичи дыр - выжыкыл кадь дуно..." : кылбур // Кенеш. - 2013. - № 2. - С. 79-80.]

Пӧсьтолэзь ; Лымы усён // Зарни дэремен шунды : семьяын лыдӟон книга. – Ижевск, 2006. – С. 74–75.

[http://elibrary.unatlib.org.ru/handle/123456789/2649 Рафитлы сонет = Сонет Рафиту ; Пало пӧлыос = Одинокий большой палец ; Кӧто сонет = Сонет с беременностью ; Пари(ж) = Пари(ж) ; "Мон тонэ ай валасал, дыр..." = "Я б, наверное, понял тебя..." ; "Инмарез но потэ эркиям..." = "Поласкать бы хотелось и Бога..." ; "Кинлэн ке шудоназ мон пужы гинэ..." = "В чьей-то игре я узор неприглядный..." / Сергей Матвеев // Инвожо. – 2007. – N 5/6. – С. 72–76 : фот.]

Суред кесэгъёс = Pildi tükid ; "Сьӧд сутэр синъёсын синкыли пырыос..." = "Sõstrasilmades laigivad pisarad ju..." ; "Муми но буби – кыдёкын..." = "On ema, isa kaugel ju..." ; "Уйшоре гурме эсто..." = ''Keskööl kütan ahju ma...'' ; Астусбуй = Autoportree ; "Шукыяса кадь сяськаяз сирень..." = ''Kui vahtu keeks, nii õitseb sirel nüüd...'' ; "Шур кузя шыртӥськом ми пыжен..." = ''Õhtul jõevetel libiseb paat...'' // Kuum ӧӧ : suome-ugri ranvaste tanapaeva luulet. – Tallinn, 2006. – С. 414–425. – На удмурт. и эст. яз.

[http://elibrary.unatlib.org.ru/handle/123456789/5088 Сюресгуби ; Узы ; Кубиста йыръёс : кылбуръёс / худож. М. Гузаева // Кизили. – 2011. – № 11/12. – С. 7 : цв. ил.]

[http://elibrary.unatlib.org.ru/handle/123456789/3634 Тӧдьы вӧтъёс : кылбуръёс // Кенеш. – 2005. – N 1. – С. 9-14. – Содерж.: "Тӧдьы вӧтъёс - шудбур ӧвӧл на..." ; "Урамын - шунды ке но - тӧло..." ; Дактиль шӧмо мылкыд ; "Кизили шиё инбам..." ; "Кыдыраса усё музэ..." ; Кырӟанъёс но ӝож рифмаос ; "Ма, мӧзмыт ук, мӧзмыт; кылъёсын..." ; "Гудыри уз луы ни - вотэс..." ; "Кема-кема..."]

==Берыктэмъёсыз==

Бадак Алесь. Тыл ; Ымныркыскет ; Сюресъёс // Кенеш. – 2007. – № 9. – С. 38–39. 

[http://elibrary.unatlib.org.ru/handle/123456789/8270 Боровикова Р. "Шунды лэзиськоз лымыё сюрестӥз..." ; "Тодӥ-валай: шудбур – со лек ныпъет..." ; "Куное мон ӧй ӧтьы доре..." // Кенеш. – 2007. – № 9. – С. 37–38.]

[http://elibrary.unatlib.org.ru/handle/123456789/8942 Демьянов, Анатолий Илларионович. "Бадяр куаръёс тылпу кадь гомало..." : кылбур // Инвожо. - 2013. - № 2. - С. 47.]

[http://elibrary.unatlib.org.ru/handle/123456789/541 Емельянов В. И. Мар кузьмалоз ни тол мыным? // Кенеш. – 2008. – № 8. – С. 72–75.]

[http://elibrary.unatlib.org.ru/handle/123456789/9023 Красовская В. И. Южтолэзь суреданъя урок ; Поездын ; Пыдвыл ; Ӵужкушман ; Тол шудонъёс // Ӟечбур! – 2008. – 31 янв. – С. 10.]

[http://elibrary.unatlib.org.ru/handle/123456789/8554 Красовская, Вера. Яша коӵыш сярысь / иллюстрациез Василий Мустаевлэн // Кизили. - 2013. - № 4. - С. 10.]

Лермонтов М. Ю. "Азьланезлэсь кышка сюлэм..." ; "Аслаз йӧно чебереныз со..." ; "Ӧвӧл, уг усьты сюлэмме..." ; "Ӧвол мон Байрон, мон мукет..." ; "Жингрес но мусо..." ; "Куке тулкым выллем гыа кисьмам бусы..." ; "Мудрон тусо, кезьыт ымныркыскет улын..." ; "Потӥсько сюрес вылэ огнам..." ; "Тыныд ӧвӧл сюлэм гоман тылэ..." ; "Тырмоз, уг йыбыртты тыныд..." ; "Уйпал шаерлэн гольыко вырйылаз..." ; "Шуныт но мурт шаеръёсысь..." ; "Эн малпа, жаляны монэ кулэ шуса..." ; "Я кылзы, куке весяклы кельтомы..." ; "Яратонэ кысӥз мынам..." ; 1831-тӥ арысь толшор ; А. О. Смирновалы ; Азьланьзэ верась ; Вуонозэ веран ; Д...влы ; Дэмлан ; Куриськон ; Куриськон ; Малы ; Мӧзмыт но ӝожмыт но ; Палестиналэн ваез ; Пичи пиналлы ; Сӥзьыл ; Тӧлпо ; Тусбуй борды ; Уйвӧт ; Улон чарка ; Ӟуч крезьгур // Избранные произведения : стихотворения / М. Ю. Лермонтов. – Ижевск, 2008. – С. 20-218.

[http://elibrary.unatlib.org.ru/handle/123456789/3037 Линтунен Маритта. Ӧс син пыртӥ : верос // Кенеш. – 2010. – № 7. – С. 88–96.]

[http://elibrary.unatlib.org.ru/handle/123456789/8268 Марук В. "Тулыс ке но, сюрес ӵошкатэмын...". "Юг кизили ваське, дыр, кымесам..." // Кенеш. – 2007. – № 9. – С. 35–36.]

[http://elibrary.unatlib.org.ru/handle/123456789/1570 Мрыхин Н. П. Суредъёс ; Тулыс ; Вуюись / иллюстрациез Н. Быковлэн // Кизили. - 2007. - № 5/6. - С. 8 : рис.]

[http://elibrary.unatlib.org.ru/handle/123456789/716 Полугрудов А. Шузи-мази // Кенеш. – 2009. – № 8. – С. 38–44.]

Пушкин А. С. "Арлыд кынтӥз мылкыдъёсме..." ; "Бусыын чиль-азвеся..." ; "Ваньмыз быриз: ӧвӧл ни кусыпмы..." ; "Вирам ӝуа шаян мылкыд..." ; "Ӧвӧл, мыным дуно ӧвӧл ӟырдыт сутскон..." ; "Вождэ эн вай вожась мылкыдылы..." ; "Кавказ гурезьёсын кылле уйшор пеймыт..." ; "Куке аслам ӟыгыръёсам..." ; "Лобӟись пилем колӟо шера но сэрттӥське..." ; "Малы тыныд нимы мынам..." ; "Пильмо нунал кысӥз; нош куазь пильмо уйлэсь..." ; "Со пӧламы улӥз..." ; "Та валантэм куриськонэн..." ; "Тон уть монэ, талисманэ..." ; "Тырмоз, эше! сюлэм шутэтсконэз куре..." ; "Улонэд тонэ пӧяз ке..." ; "Ческыт уйвӧтъёсын нуны кадь шокаса..." ; "Эн сёт, Инмар, шузимыны..." ; {А. Н. Кернлы} ; 19 коньывуон ; Арион ; Вождэ эн вай, тыпы нюлэс!." ; Выльдӥськон ; Данэз ӧтён ; Дэмлан ; Зарезьлы ; {А. П. Керн} ; Кырӟась ; Люкиськон ; Мадонна ; Морфейлы ; Мылкыд ; Желание ; Няняелы ; Сьӧд шаль ; Тол сюрес ; Уй ; Улон уробо ; Умме усьыны быгатымтэ дыръя кылдытэм чуръёс ; Усьтӥськон ; Уӵы но роза ; Чиганъёс ; Элегия ; Эшъёсылы // Избранные произведения : стихотворения, отрывки из поэм / А. С. Пушкин. – Ижевск, 2007. – С. 30-228.

[http://elibrary.unatlib.org.ru/handle/123456789/8272 Спринчан В. Пицунда. "Инмарлыко – улмо сяська..." // Кенеш. – 2007. – № 9. – С. 40.]

Ураськина А. "Ночь с желтым месяцем..." = "Ӵуж толэзен бырдась уй..." ; "Мне было больно..."  = "Туж вӧсь луиз..." ; Огшоры гинэ = Просто так ; "Когда-то мама купила мне краски..." ; "Я стою, как святая Цицелия..." // Ӟечбур! – 2007. – 17 мая. – С. 7.


'''Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

==Уже кутэм литература==

<references />


[[Категория:Современные удмуртские писатели|Матвеев Сергей]]