Редактирование: Малых Лия

'''Лия Яковлевна Малых''' - удмурт гожъяськись, Удмурт Элькунысь сӥё-дано журналист. 

[[Файл:Malyh.jpg|170px|right|Лия Малых]]

=Улон сюресэз=

Лия Малых вордскиз '''1960'''-тӥ арын 14 южтолэзе Шаркан ёросысь Камышево (Малый Казес) гуртын. Атаез начальной классъёсын дышетӥсь вал, нош анаез вань улонзэ колхозын ужаз. Семъяязы тямыс нылпи будэтӥзы, Лия вал сизьыметӥез. «Ёрмысагес ке но улӥм, коркан котьку кузёяськиз ог-огдэ гажан», – тодаз вае Лия Малых. <ref name="рябинина">[http://elibrary.unatlib.org.ru/handle/123456789/9578 Рябинина З. Вань мынам выжыкыл дуннее… // Удмурт дунне. – 2010. – 12 март. – С. 6, 11. - (Удмурт кизилиос).]</ref>
  
'''1975'''-тӥ арын йылпумъяз 8 классъем школаез, '''1977'''-тӥ арын – Быгиысь шор ёзо школаез.<ref name="писатели"> Зверева Т. Лия Малых (1960) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 161–162. </ref> 

[[Файл:Malyh1.jpg|160px|thumb|left]] 

Пичи дыръяз ик туж яратӥз лыдӟиськыны. «Библиотекаысь вань книгаосты лыдӟи, дыр. Тужгес яратылӥ выжыкылъёсты. Яратылӥ гожъяны сочинениос. Ӟуч кылъя но литературая дышетӥсьмы Агния Михайловна Петрова зол куронъёс пуктылӥз, тунсыко темаос, урокез нуон амалъёс шедьтылӥз, пӧртэм сямен малпаськыны дышетылӥз…», – тодаз вае Лия Яковлевна. Нош Быгиын дышетскыкуз удмурт кылъя дышетӥсез Екатерина Александровна Зорина  Удмурт университетэ дышетскыны мыныны бурдъяз. <ref name="петрова"> Петрова С. Выжыкыл дунне чылкыт // Инвис. – 1998. – 29 мая. – С.4. </ref>

Школаез йылпумъяса, со арын ик Лия пыриз дышетскыны Удмурт Кун университетысь филологияя факультетлэн удмурт отделенияз. Татын дышетскыкуз «Советской Удмуртия» газетысь литературной объединение ветлӥз, синмаськиз журналистлэн ужезлы. Татын уго со вакытэ ужа ни вал апаез – Людмила Хрулёва. <ref name="рябинина"/>

'''1982'''-тӥ арын, университетэз йылпумъяса, «Советской Удмуртия» газетын корректорлэсь ужзэ быдэсъя. '''1990'''-тӥ аре выже лулчеберет ёзэтэ корреспондент луыса. Кема аръёс ӵоже Лия Яковлевна дасяз но лэсьтӥз арнялы быдэ потӥсь «Удмурт арня ӝытазе», «Берекет», бӧрысьгес «Наталь» но пинал лыдӟисьёслы сӥзем «Шунды», «Пичи куараос» бамъёсты.  <ref name="писатели">  </ref> 
  
'''1997'''-тӥ арысен оскизы улон-вылон ужпумъёсъя отделэн кивалтыны. Журналист мыло-кыдо гожъяз социальной ужпумъёслы сӥзем статьяос, шуге-леке шедемъёс сярысь материалъёс, трос чиданэз чидам адямиос сярысь очеркъёс. Газетын материал потэм бере редакцие жингыръязы, геройёс сярысь юаськыса, тау карыса. <ref name="рябинина"/>
 
Лия Яковлевна туж тупа но та быръем удысэзлы. Утчаськись, учырез пӧртэм сямен возьматыны быгатӥсь, котькытчы вуись. <ref name="петрова"/> 

Журналистлэсь ӟеч тыршемзэ редакциын синйылтытэк ӧз улэ – '''1998'''-тӥ арын солы сётӥзы Удмуртиысь дано журналист ним.

Арлыдоослэн, ветеранъёслэн, нылкышноослэн сюлмаськонъёссы сярысь гожъям сяна, Лия Малых мыло-кыдо пыриське егитъёсын ужан политикае. Газетын вылысьтыз вылаз радъясько тунсыко конкурсъёс, усьтӥське нимысьтыз «Шунды» бам, трос уж нуиське пиналъёс пӧлын Атыкай музъемез гажан мылкыд пыӵатонъя. Со понна '''2007'''-тӥ арын Россиысь Правительство бордын ужась военной историко-культурной центр удмурт журналистэз пусъе «Патриот России» медален.

[[Файл:Malyh2.jpg|300px|thumb|right|Алнашысь нылпи юртын "Ӟеч уж" ужрад]]
 
Газетысь нылкышноослы сӥзем сэрегез оскемзы бере со пӧртэм амалъёс утчаны кутскиз: кызьы материалъёсты тунсыко гинэ ӧвӧл, пайдаё кароно? Бадӟым уж лэсьтӥз Лия Яковлевна татын но. Та проект туннэ но гуртоос понна тужгес кулэен лыдъяське. 
«Удмурт дуннеын» выльысь улӟе «Пинал куараос» бам. Эшшо кӧгя ке улыса, кылдэ выль малпан: лыдӟисьёсты, гожъяськисьёсты будэтоно покчи дырысенызы. Озьы кылдӥз «Ерпечкаос» сэрег. Ваньмаз вуттӥське Лия Яковлевна.
 
Л. Малых трос кужымзэ сётэ общественной ужлы но. Сое  бырйыло пиналъёслэн «Шунды» огазеяьконзылэн правленияз но, Удмурт Элькунысь сӧсыр луэмъёслэн президиумзылэн ёзчие но, Удмурт нылкышно кенешлэн правленияз но. Отын со мыло-кыдо пыриське мукет малпанъёсты но улонэ пыӵатонэ. <ref name="рябинина"/>

Удмурт калыклэсь культуразэ утён но азинтон удысын бадӟым уж нуэмез но чеберлыко но мур пуштросо литературной произведениос кылдытэмез понна '''2006'''-тӥ арын Лия Яковлевна пусъемын Ашальчи Оки нимо премиен. <ref name="романова"> Романова Г. Тыр уробоен ворттӥсьёс // Удмурт дунне. – 2006. – 11 апр. – С. 5. </ref> 

Озьы кылдӥз, нылаш ӧлексы вордскиз – инкузь жалям солы паллян ки кузьманы. Трос гинэ шуг-секытъёсты вормоно луиз нылкышнолы: пинал дыръя эшъёсызлэсь серем каремзэс но, пиналысен огназ кыльса нылзэ будэтэмез но… Но «адями аслэсьтыз улонзэ ачиз куэ», – шуо калыкын.  Пичи дырысеныз Лияез дышетӥзы юн луыны, аслад кужымедлы но быгатэмедлы оскыны. Туннэ нуналозь но со тау каре атаезлы улонэз чеберен адӟыны дышетэмезлы. Улытозяз Лия Яковлевна кӧня пол меда малпаз: тыныд уг оско, нош тон, ваньмызлы пумит нюръяськыса, шуг-секытъёсты вормыса, калыкез но, астэ но шумпоттӥськод – кыӵе умой!

=Гожъямъёсыз сярысь=

Лия Малых арлыдоосыз писательёс пӧлы уг ке но пыры, со сярысь егит, алигес гожъяськыны кутскись автор но уд шуы. Корректорын ужакуз, Лия сак эскерылӥз пӧртэм материалъёсты. Отысь янгышъёссэ гинэ ӧз адӟы, озьы ик синмаськыса лыдӟылӥз мӧйы но пинал авторъёслэсь чеберлыко произведениоссэс, ачиз но гожъяны кутскиз газетной материалъёс, веросъёс, юморескаос, выжыкылъёс. Нырысетӥ литературной произведениосыз печатласькизы [http://elibrary.unatlib.org.ru/handle/123456789/164 «Инвожо»], [http://elibrary.unatlib.org.ru/handle/123456789/165 «Кенеш»], [http://elibrary.unatlib.org.ru/handle/123456789/1426 «Кизили»] журналъёсын, «Дась лу!», «Советской Удмуртия» газетъёсын но [http://elibrary.unatlib.org.ru/handle/123456789/3287 «Инӟарекъян»] ('''1991''')   дэмен сборникын. «Чебересь но син азе пуктымонэсь Л. Малыхлэн веросъёсыз-выжыкылъёсыз. Вылтуссыя но пуштроссыя соос мультфильмъёслы матынэсь, удмурт мультфильмъёслы («Иви но Нюлэсмурт», «Эктӥсь Кизили но пичи ныл»), соосъя синмаськымон суредъёс но кылдытыны луоно. Но авторлэн тужгес но бадӟым кужымез – пичи геройёслэн лул-сюлэмазы пырыны быгатон», – тазьы гожтӥз филология наукаосъя кандидат [[Шибанов Виктор|В. Шибанов]] «Инӟарекъян» бичетлы азькыл гожтыкуз. <ref name="шибанов">[http://elibrary.unatlib.org.ru/handle/123456789/3287 Шибанов В. Пӧртэмзэгес сюрес бырйид-а тон?.. // Инӟарекъян. – Ижевск, 1991. – С. 5–8.] </ref> 1997-тӥ арын «Удмуртия» книгапоттониын «Эктӥсь кизили» пиналъёслы выжыкылъёсын бичетэз потӥз.

[[Файл:Malyh4.jpg|250px|thumb|left|]]

«Лия Малых ас удыссэ шедьтӥз – нылпиослы веросъёс, выжыкылъёс гожъя. Мыным яра солэн, отчы-татчы тэтчатэк, ас куаразэ утчамез, кужымзэ кыдатыны тыршемез. Та писатель огшоры, но со дыре ик яркыт образ сётыны быгатэ, солэн гожъямъёсыз пыр мон удмурт кыллэсь луонлыкъёссэ адӟисько. Нош та вормонъёсыз Лиялэн, мон сямен, чылкыт сюлэмо, пӧяськисьтэм луэмысьтыз, дан сярысь сюлмаськытэк литература понна мыло-кыдо тыршемысьтыз пото». <ref name="зайцева"> Зайцева Т. Туала нылпи проза сярысь кӧня ке малпанъёс // Кенеш. – 2000. - № 8. – С. 58–61. </ref> 

Лия Малыхлэн выжыкылъёсаз туж валаса пыртылэмын мифъёсысь веранъёслэн, югдуръёслэн кыӵе ке люкетъёссы, дунне шоры учкон сям-йылолъёслэн чалепъёссы но отысь персонажъёс. Гожъямъёсаз адями но Инкуазь, тапал дунне но сопал дунне, зэмос дунне но малпам дунне, таиз дунне но пичи геройлэн кыӵе ке но шекъёсыныз йырин кылдэм дунне ваче пумит вуо. Геройёсыз – пичи нылъёс но пиос. Котькудзылэн нимзы вань. Озьы ик син шоры йӧтэ: автор котькугес ик пичи лыдӟисеныз кенеше, соосты малпаськытэ, геройёсызлэсь ортчоно сюрессэс син шоразы пуктыны косэ. Лия Малых выжыкылъёссэ капчи, пиналъёслы валамон кылын гожъя, лыдӟисьёслы кельшымон кылсуредъёс но геройёс шедьтыны тырше. Пӧртэм чеберманъёс мадёнлы медам люкетэ, пичи муртлы соос пыртӥ пӧртмам дуннее вуыны шуг медам лу. <ref name="клементьев"> Клеменьев А. Пӧртмам дуннеосаз ӧте : Лия Малыхлэн выжыкылъёсыз сярысь // Кенеш. – 2003. - № 11–12. – С. 83–86. </ref> 
 
Кулэ на-а туала пиналлы выжыкыл? Одно ик. Солэсь чеберез маке вань шат? Выжыкылъёс уродлы уг дышето, пиналэз уг кӧшкемато, соос учыръёс пыр покчиосты улонэз, ӟечез валаны дышето. <ref name="рябинина"/>  

Тросэз сюжетъёсы басьтэмын улонысь учыръёсысь.  Выжыкыкыл гожъяны, нылпи дуннеез возьматыны юрттӥз Юля нылы. «Боко но Моко» выжыкылысь геройёс ас сярысьтым потӥзы. Боко – визьнодо, пӧртэм учыръёсысь потыны быгатэ. Моко – ерпечка, олокыӵе но юмокъёсы шеде. Мон таӵе но, сыӵе но луисько. Но Боко вормегес кадь… <ref name="петрова"/> 
 
Нылпи дуннее эшшо выёнлэн мугез луиз шудо учыр – Лия Яковлевна луиз песянай. Со пичи нылашлы ӝытбыт выжыкылъёс лыдӟылӥз, ӵемысь ачиз соосты малпалляз – шаян героез табере син азяз. Нылпи мар гинэ уг вераськы – кылзы гинэ сое, нуналлы быдэ книга гожтымон. <ref name="рябинина"/> 
Лия Малыхлэсь вань гожъямъёссэ лыдӟыса валаськод: удмурт нылпи литературае туж кибашлы мадёсчи, тунсыко геройёс, яркыт суредъёс но усто малпаса сюжет гердъёс, пужыос пыр будӥсь нылпиослы ӟеч сямъёс пыӵатон сярысь сюлмаськись писатель лыктӥз. <ref name="зайцева"/>  

=Премиосыз=

Удмурт Элькунысь егитъёсын ужан комитетлэн данъян грамотаез, '''1998''' 

Быдэс Россиысь сӧсыр луэмъёслэн огазеяськонзылэн данъян грамотаез, '''1998'''

Ашальчи Оки нимо премилэн лауреатэз, '''2006'''

«Патриот России» синпель медаль, '''2008'''

=Библиография=

==Книгаосыз==

[http://elibrary.unatlib.org.ru/handle/123456789/13851 Эктӥсь кизили : нылпиослы выжыкылъёс  / суредаз В. Михайлов. - Ижевск : Удмуртия, 1997. - 42 с. : ил.]

[http://elibrary.unatlib.org.ru/handle/123456789/1397 Шудберган : веросъёс, юморескаос, бöтьыртонъёс, мöйыослы выжыкылъёс, сценкаос. - Ижкар : Инвожо, 2010. - 94 с. : ил.]

==Статьяосыз==

Амало Петыр : сценка-бӧтьыртон  // Удмурт дунне. – 2006. – 11 апр. – С. 8.

Басик, Яша но Маркиза : рассказы о кошках // Удмурт дунне. – 2006. – 24 окт. – С. 7.

[http://elibrary.unatlib.org.ru/handle/123456789/9519 Боко но Моко : выжыкыл-повестьысь люкетъёс // Удмурт дунне. – 2009. – 24 июля. – С. 12 ; 16 окт. – С. 12–13.]

[http://elibrary.unatlib.org.ru/handle/123456789/9611 Боко но Моко : пичи коркакузёос сярысь мадёсъёс // Удмурт дунне. – 2009. – 11 дек. – С. 12 ; 2010. – 16 июля. – С. 13.]

[http://elibrary.unatlib.org.ru/handle/123456789/11723 Боко но Моко пи потто : одӥг суредэн пьеса // Кенеш. - 2013. - № 9. - С. 92-95.]

Ваменэс мунё // Азвесь кышетэн толэзь : веросъёс : семьяын лыдӟон книга / люказ но радъяз В. Н. Ившин. – Ижевск, 2007. – С. 78.

[http://elibrary.unatlib.org.ru/handle/123456789/9641 Васька коӵыш но Чульым шыр : арлыдоослы выжыкыл // Удмурт дунне. – 2010. – 9 июня. – С. 6. – (Шудэлэ тӥ, серектэ).]

Вералоз – кортӵогалоз // Удмурт дунне. – 2011. – 28 янв. – С. 15. – (Мынясь куно).

[http://elibrary.unatlib.org.ru/handle/123456789/2887 Вогань  / иллюстрациез Вася Мустаевлэн // Кизили. – 2010. – № 3. – С. 8–9.]

[http://elibrary.unatlib.org.ru/handle/123456789/272 Возьмаса кать быриз ни ; Дуно карт : бӧтьыртонъёс // Кенеш. – 2006. – № 3. – С. 103–105.]

Дурыстэм шумпотон ; Кытысь нуныосты ваё ; Кап-кап-кап!.. ; Синпӧртмась бодые луысал ке...  // Ӟардон : прил. к газ. "Пригород. вести". – 2008. – 4 апр.

[http://elibrary.unatlib.org.ru/handle/123456789/2171 Ӟечбур, выжыкыл! : анай-атаен лыдӟон книга / суредъёсыз В. Жигаловалэн // Вордскем кыл. – 2008. – № 9. – Вкл. л. : ил. – ("Вордскем кыллэн" книжкаез).]

[http://elibrary.unatlib.org.ru/handle/123456789/9583 Йыртӥян ; Дуно карт : бӧтьыртонъёс // Удмурт дунне. – 2010. – 17 марта. – С. 7. – (Шудэлэ тӥ, серектэ).]

[http://elibrary.unatlib.org.ru/handle/123456789/3792 Йырчукин дунне : мӧйыослы выжыкыл // Кенеш. – 2005. – N 10. – С. 105-108.]

[http://elibrary.unatlib.org.ru/handle/123456789/9745 Кин валтоз вуись арез  // Удмурт дунне. – 2010. – 30 дек. – С. 15. – ("Выль ар пырыос" конкурсэ).]

[http://elibrary.unatlib.org.ru/handle/123456789/9733 Киосам – кужым  // Удмурт дунне. – 2010. – 3 дек. – С. 12. – (Ерпечкаос).]

[http://elibrary.unatlib.org.ru/handle/123456789/10270 Кылзӥськись папу : верос // Кизили. – 2013. – № 7. – С. 6.]

Кырыж учкод – мыжык сиёд : юмореска // Удмурт дунне. – 2007. – 24 авг. – С. 15. – (Шӧкыч).

[http://elibrary.unatlib.org.ru/handle/123456789/2994 Мӧйыослы выжыкылъёс  // Кенеш. – 2010. – № 3. – С. 11–14.]
 
[http://elibrary.unatlib.org.ru/handle/123456789/9741 Пӧртмаськись кыз : одӥг действиен сценка // Удмурт дунне. – 2010. – 22 дек. – С. 6. – (Шудэлэ тӥ, серектэ)]

[http://elibrary.unatlib.org.ru/handle/123456789/1582 Ӧрекчи Йӧӟузыри  / иллюстрациез Н. Быковлэн // Кизили. – 2007. – № 7. – С. 10–11 : рис.]

[http://elibrary.unatlib.org.ru/handle/123456789/8965 Скал кенеш : уйбыртон / суредаз В. Беломорских // Удмурт дунне. – 2008. – 30 дек. – С. 15 : ил. – (Шӧкыч).]

[http://elibrary.unatlib.org.ru/handle/123456789/9742 Уксёен басьтэм висён ; Поромытӥсь пыран ; Пиньтэм шумпотон : мыдланес арифметика // Удмурт дунне. – 2010. – 24 дек. – С. 15. – (Шӧкыч).]

"Шӧкыч" но гордэктэ ; Пегась огкыл : Рашит сярысь веранъёс // Удмурт дунне. – 2007. – 7 сент. – С. 15. – (Шӧкыч).

Шудэн шудон ; Синтэм яратон : нылкышноос сярысь веранъёс // Удмурт дунне. – 2011. – 25 мая. – С. 7.


'''Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />

[[Категория:Современные удмуртские писатели |Малых Лия]]