Редактирование: Майков Яков

'''Яков Максимович Майков''' - удмурт кылбурчи.
[[Файл:Майков.jpg|thumb|right|]]

=Улон сюресэз=

Майков Яков Максимович вордӥськиз '''1940'''-тӥ арын 23-тӥ оштолэзе Алнаш ёросысь Юртошур-Какся гуртын. <ref name="уваров4">Уваров А. Яков Майков (1940) // Писатели и литературоведы Удмуртии : биобиблиогр. справ. / Сост. А. Н. Уваров. – Ижевск, 2006. – С. 160–161. </ref>
Яша Майковлэн улонэз югыт дунне вылэ вордскемез бӧрысьгес ик ӧжытак гинэ уриськытэк кыле: '''1940'''-тӥ арын юртъерзы быдэсак сутске, сое, кутэтын вож нуныез, мырдэм кыре поттыса вуо. Озьы вить нылпиен бадӟым семья воксё вылазы гинэ дӥськутэн кыле. Нош '''1941'''-тӥ арын Быдӟым ож гомӟе но, сюдӥсь-вордӥсьсы лек тылӝуын оломар куспетӥ быре – пичи Яши атайтэк кылемзэ валатэк но кыле. Семьязы туж секытэз адӟыса улӥз. Но пияш визьмо, сабыр будӥз, вить арескын лыдӟиськыны дышиз. <ref name="лаптев1">Лаптев А. Йӧлпыдэн сьӧд нянез гажа // Ӟечбур! – 2000. -11 мая. – С. 7. </ref>

Пичи Яша начальной классъёсын дышетске вордскем гуртаз. Со вакытэ школаысьтызы библиотекаысь ваньзэ сямен книгаосты лыдӟыса-сӥсъяса потэ. Пияш школаын умой дышетске. Но Варали ӟуч гуртын солы секыт йӧтӥз… Отчы Ушъян грамотаен вуиз, нош ӟуч сямен чик уг вала. Но Яша сое но вормиз, ӟуч кылэз дышетэмез солы азьланяз зол юрттӥз. 

7-тӥ класс бере Можга педучилищее пырыны малпа вал, но ӧз удалты. Со аре отчы 10-тӥ классэз быдтэм пиналъёсты гинэ кутылӥзы. Мыноно луиз Алнашысь шор ёзо школае. Училищее пырысал ке, отын стипендия тырысалзы, нош школае ачиз коньдон тырыса дышетсконо луиз. Но тямысэтӥ класс бере тыриськонзэ куштӥзы. Татын со литературной кружоке яратыса ветлӥз. Соин кивалтӥз математикаен дышетӥсь но писатель Николай Васильев. <ref name="шкляев5">Шкляев А. Учыр тупаз… // Удмурт дунне. – 2004. – 9 июля. – С. 6 ; 11. – (Удмурт кизилиос). </ref>
'''1957'''-тӥ арын Яша Алнаш черкогуртысь школаез зарни медален йылпумъяз. Но одӥг арзэ колхозын ужано луиз. Москваысь Ломоносов нимо университетэ медальчиосты экзаментэк куто вал. Документъёссэ укыр бер келям, уга. Котьма ке но, кенешыны сое ӧтчазы на. Но университетысь журналистика факультетэ со вуись араз гинэ дышетскыны пыриз. Татын но пинал пияшлы секыт йӧтӥз. Гуртысь юрттэт ӧз сюры, стипендия 220 манет. Но со тырмытыны тыршиз, одӥг-кык пол гинэ вагон ӝоктэмез вань. Яков Майков анайзэ туж гажаз но яратӥз. Студент дыръяз дышетскон интызэ, МГУ-эз, Москваез возьматыны мемизэ сьӧраз нуллӥз. <ref name="шкляев5" />

Школаын но университетын немец кылэз дышетэм адями, кыкетӥ курсысен Яша Майков шуак англи кылэз дышетыны кутскиз но, МГУ-эз йылпумъянэз азьын сое военной переводчике интыяськыны ӵектӥзы. Тӥни озьы Яша, удмурт шаераз берытскыны турттӥсь мурт, шӧдтэк шорысь кылысь кылэ берыктӥсь ожгар журналист луиз. Армиын 26 арзэ службаын ортчытозяз кунгож сьӧры но вуылӥз, кылсярысь, Индие, Индонезие, Танзание. Пенсие майор званиен потӥз, улыны Одессае кылиз. Но Яков Максимович дораз уг пукы, азьвыл удысаз ик ужа, табере ини ас кожаз кариськем фирмаын. <ref name="лаптев1" />   
Я. Майков туж но туж мӧзме дор палъёсызлэсь, арлы быдэ сямен сокемысь но куттэмпыд бызьылэм интыосаз берталля. Вордскем Юртошур-Каксиез али ӧвӧл ни ке но, татысь бадӟымесь выръёс-нюкъёс вань «куашкамъёслы» сямен ик, солы но мусо но дуно пото. <ref name="лаптев1" />     
Одессаын улыкуз, утчаса шедьтӥз отын улӥсь удмуртъёсты. Армия пыр вуэм одӥг воргоронэз пумитаз. Ачиз Алнашысь, кышноез Бемыжысь. Воргоронлэн удмурт сямен бӧтьыртэмез потэ, нош кузпалэныз ӟучен лабыртэ, пе. <ref name="шкляев5" />  
Эшъёсыныз кусыпъёссэ Яков Майков уг ышты. Солэн гожтэтъёсыз но, солы гожъямъёсыз но «Вордскем кыл» журналын печатласькизы. Герман Алексеевич Ходыревлы гожъямъёсысьтыз адӟыны луэ, кыӵе солэн сюлмыз шуг, Удмуртиысь иворъёсты тодэмез потэ. <ref name="перевозчиков3">Перевозчиков А. Муресь, лулэз шунтӥсесь // Вордскем кыл. – 2002. – № 1. – С. 75–86. </ref>
«Жалясько, меӵак вераса, дорме-родинаме ыштӥ шуыса. Котькытӥ ветлыса но, удмурт ик кыли. Сюлэмысьтым мӧзмон уг кошкы», – шуэ Яков Максимович Майков. <ref name="шкляев5" />  

=Гожъямъёсыз сярысь=

Куинетӥ классын дышетскыкуз, Яша Майков «Луд кеч» нырысетӥ кылбурзэ гожтӥз. <ref name="лаптев1" /> 
Яков Майковлэн кылбуръёсыз «Дась лу!», «Советской Удмуртия» газетъёсын, «Инвожо», «Кенеш», «Вордскем кыл» журналъёсын печатласькизы. <ref name="уваров4" />
Тросэз ужъёсыз «Пыд улын – музъем» (1977) огъя бичетын печатласькемын но куинь авторъёслэн нимысьтыз книгаосын оглом липет улэ огазеям, Яков Майковлэн ик «Одӥг пол гинэ» (1992) кылбурезъя йыръям сборниказы. <ref name="лаптев1" /> Эшлыко пышкылонъёсыз, серемес кылбуръёсыз [http://elibrary.unatlib.org.ru/handle/123456789/3678 «Лэчыт кылъёс»] (1996) сборнике пыртэмын. <ref name="уваров4" />. Нош 2011-тӥ арын кылбуръёсын, кырӟанъёсын, тодэ ваёнъёсын, серем пыр мадёсъёсын «Кылё лёгем пытьыос» нимын нимысьтыз книга поттӥз. 

Солэн писыръясь мылкыдыз тужгес но кылбуръёсаз шӧдӥське. Турлы буёлъёсын, нимысьтыз пуктэм кылгур пыр автор ӝог ортчись аръёслэсь одӥгзэ вадессэ суреда – чагыр уйвӧтэ-а кылем, я чагыр бус пӧлы-а сылмем пичи дырзэ, атай юртсэ, озьы ик анаезлэсь курадӟемъёссэ, пиезлэн сое ӟырдыт яратэмзэ, пурӟем-ӵашъем, йӧлпыд кадь тӧдьы льӧмпу сяськаосты, палэзьпуосты, уллапал но выллапал урамъёсты, интыысь улосэз, егит дыръя ог-огедлы синмаськонэз.
Я. Майков гожъя на пӧллёнъёс (басняос), серемес кылбуръёс, удмурт писательёслэн, литераторъёслэн чуръёссыя эшлыко пышкылонъёс. <ref name="лаптев1" />    

«Чуръёсылэсь кытысь вордӥськемзэс уг валаськы. Кылбурез калык уггес лыдӟы. Мон гуртлэн патриотэз бере, гожъяськыкум калыкез одно сюлэмам возисько. Куд-ог чуръёсы копак ас понназы кылдо кадь», – шуэ кылбурчи. <ref name="шкляев5" />  
Яков Майковез кырӟась кылбурчи шуо. Берло дыре со удмурт крезьгурчиосын кусып тупатӥз. Солэн кылбуръёсызъя кырӟанъёс гожтӥзы [[Ганьков Геннадий Николаевич|Геннадий Ганьков]], [[Зорина Ольга|Ольга Зорина]], Пантелей Кузнецов но мукетъёсыз крезьгурчиос. Калыке тужгес но вӧлмемын «Шур бызе», «Лукерья», «Уллапал ныл», «Вордӥськем гуртэ» но мукетъёсыз. <ref name="лаптев1" />     
Кылсярысь, «Уллапал ныл» кылбурзэ автор гуртазы ик будэм дано артистлы [[Ушаков Анатолий Алексеевич|Анатолий Ушаковлы]] возьматӥз. Соиз Геннадий Ганьковлы кылбурез сётэм. Таиз гур шедьтэм но кырӟаны ӧдъям. Кылбури лӧптэм: кылбуръёсме, пе, калык уг лыдӟы, нош кырӟанъёсме радио пыр ке но кылзоз. 
«Ачим пумысен верано ке, данакез чуръёсы аслым уг кельшо. Отын синву, мӧзмон, дор. Асме кылбурчиен уг лыдъяськы», – шуэ Яков Максимович. Со гожъяськисьёслэн огазеяьконазы но пыремын ӧвӧл. <ref name="шкляев5" />

=Библиография=

==Книгаосыз==

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&S21FMT=&S21ALL=&Z21ID=&S21CNR=20 Одӥг пол гинэ : кылбуръёс / Я. Майков, В. Возняков, П. Захаров. – Ижевск : Удмуртия, 1992. – 144 с.]

==Статьяосыз==

[http://elibrary.unatlib.org.ru/handle/123456789/794 Асьмеос бездытӥськом : о береж. отношении к яз., о необходимости соблюдения норм удмурт. яз. при пер., при создании художеств. произведений // Кенеш. – 2009. – N 11/12. – С. 74-77.]

[http://elibrary.unatlib.org.ru/handle/123456789/7058 Вуылоды тӥ Иже, вуылоды Париже... : серем пыр мадёс // Инвожо. – 2012. – № 4/5. – С. 106–108. – (Удмурт ПЕН-клуб. Альманах).]

[http://elibrary.unatlib.org.ru/handle/123456789/3772 Интервью : серемес верос // Кенеш. – 2005. – № 8. – С. 98–100.]

[http://elibrary.unatlib.org.ru/handle/123456789/2972 Ож тулкымъёс : тодэ ваёнъёс // Кенеш. – 2010. – № 4. – С. 23-31. – (Быдӟым Вормонлы – 65)]

[http://elibrary.unatlib.org.ru/handle/123456789/5480 "Сайкыт но шундыё..." : кылбур // Инвожо. – 2011. – № 9/10 : Ижевск межкультурный город. – С. 34. – (Специальный выпуск газеты "Известия Удмуртской Республики" и журнала "Инвожо").]

[http://elibrary.unatlib.org.ru/handle/123456789/3716 Сюлэм куре чебер кырӟан : кылбуръёс // Кенеш. – 2005. – № 4. – С. 47–51. – Пуштросэз: Тулыс чуръёс ; "Кыӵе-ке тодмо турын зын-а..." ; Вакытъёс ; "Сёт вал тросгес дырдэ..." : Сергей Кирилловлы ; "Ӟеч адями сектаз кунояса..." : Сергей Есенинъя ; Пинал дыр ; "Шуид: "Мон тон понна вӧсяськисько..." : Ольга Николаевна Мясниковалы.]

Та пичи дунне сэрег милемлы мусо : кылбуръёс // Удмурт дунне. – 2005. – 2 авг. – С. 7. – Пуштросэз: "Нунал кузя ини ялан..." ; "Мальдэ шунды тулыс инмын..." ; Пинал дыр ; "Пинал дыръя луэ озьы но..." ; Сям-Какся кырӟан ; Валче кырӟан.

Ужась киос : кылбур // Выль даур : прил. к газ. "Можгин. вести". – 2007. – 13 окт.

[http://elibrary.unatlib.org.ru/handle/123456789/2970 Усе ке кизили... : кылбуръёс // Кенеш. – 2010. – № 4. – С. 19–22. – Пуштросэз: "Сайкыт но шундыё..." ; "Ӝогветлонэнызы таргетыса..." ; Ютъер ; "Сюлэм оло мӧзме, оло кынме..." ; "Кизилиос, пумтэм кизилиос..." ; Дискотека ; Лена ; Яратонэ мынам ; Тон кельтӥд но кошкид... ; "Арлыдме вунэтыса кадь...".]

[http://elibrary.unatlib.org.ru/handle/123456789/3178 Эшлыко чуръёс : сӥзёнъёс, визьсынанъёс, пышкылонъёс // Кенеш. – 2011. – № 1. – С. 103. – Пуштросэз: Владимир Михайловлы ; Пётр Захаровлы ; Александр Лаптевлы.]

==Кырӟанъёсыз==

[http://elibrary.unatlib.org.ru/handle/123456789/4248 Волков Ю. Дискотека : "Жингыртэ крезьгур эктон залын..." // Кенеш. – 2011. – № 5/6. – С. 80–81.]

[http://elibrary.unatlib.org.ru/handle/123456789/10065 Волков Ю. Лена : "Льӧмпу ӝужытэз но вань но..." // Удмурт дунне. – 2012. – 28 авг. – С. 7. – (Шудэлэ тӥ, серектэ).]

[http://elibrary.unatlib.org.ru/handle/123456789/4247 Волков Ю. Тон кошкид : "Тон кельтӥд но кошкид – ойдо, ӵок ини вал..." // Кенеш. – 2011. – № 5/6. – С. 79.]

[http://elibrary.unatlib.org.ru/handle/123456789/7959 Ганьков Г. Кырӟало ай : кылбур-кырӟан // Кенеш. – 2005. – № 9. – С. 103 ; Кенеш. – 2008. – № 5/6. – С. 58.]

[http://elibrary.unatlib.org.ru/handle/123456789/3859 Ганьков Г. Ой, зоре, зоре, зоре но... : "Ой, зоре, зоре, зоре но..." // Кенеш. – 2005. – № 9. – С. 53. – (Жингырты, яратоно кырӟанэ).]

Ганьков Г. Синмаськон : кылбур-кырӟан // Удмурт дунне. – 2005. – 8 июля. – С. 14.

Ганьков Г. Уллапал ныл : кылбур-кырӟан // Ашальчи. – 2008. – № 5. – С. 36.

[http://elibrary.unatlib.org.ru/handle/123456789/3864 Григорьевых И. Синмаськон : "Тымет вадьсын пиштэ зарни толэзь..." // Кенеш. – 2005. – № 9. – С. 58. – (Жингырты, яратоно кырӟанэ).]

Зорина О. Вордӥськем гуртэ : кылбур-кырӟан // Ашальчи. – 2009. – № 1. – С. 22.

Зорина О. Шур бызе : кылбур-кырӟан // Ашальчи. – 2008. – № 4. – С. 27.

[http://elibrary.unatlib.org.ru/handle/123456789/7959 Кузнецов П. Кылёд сюлэмам, анае : кылбур-кырӟан // Кенеш. – 2005. – № 9. – С. 34.]

[http://elibrary.unatlib.org.ru/handle/123456789/9571 Кузнецов П. Палэзьпу : "Сабыр, востэм палэзьпуэ..." // Удмурт дунне. – 2009. – 7 окт. – С. 7.]

[http://elibrary.unatlib.org.ru/handle/123456789/9484 Кузнецов П. Сюлмын – тулыс : "Мальдэ шунды тулыс инмын..." // Удмурт дунне. – 2009. – 20 мая. – С. 6. – (Шудэлэ тӥ, серектэ).]

[http://elibrary.unatlib.org.ru/handle/123456789/5380 Постников Н. Атай юрт : "Укно улын тӧдьы кызьпу но..." // Малпасько тонэ : кырӟанъёс = А мне бы увидеть тебя : песни / Н. Постников. – Ижевск, 2010. – С. 96 ; Кенеш. – 2012. – № 1. – С. 103–104. – (Жингырты, удмурт кырӟан).]


'''Татчы 2005-тӥ арысен потэм  чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />

[[Категория:Современные удмуртские писатели|Майков Яков]]