Редактирование: Кузьмина Юлия

'''Юлия Ильинична Кузьмина''' (Яковлева) - удмурт кылбурчи, крезьгурчи, кырӟась.
[[Файл:Img83826124.jpg|thumb|right|]]

=Улон сюресэз=

Кузьмина (Яковлева) Юлия Ильинична вордӥськиз '''1963'''-тӥ арын 5-тӥ куартолэзе Алнаш ёросысь Жаггуртын. <ref name="зверева2"> Зверева Т. Юлия Кузьмина (1963) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 157. </ref>
'''1970'''-тӥ арын, дырыз вуэмъя, Юля ас вордскем гуртаз ик школае дышетскыны мынӥз. Нош начальной школаез йылпумъяса, Азаматысь шор ёзо школае сюрес лёгиз. <ref name="зверева2" />
  
Пичи дырысеныз Юлялэн туж актриса луэмез потылӥз, ассэ театрлэн сцена вылысьтыз адӟылӥз. Но малпаз: сыӵе удысэ вамыштон понна мугорын но, ымнырын но тупась – шекъёстэм луоно. Озьы ке но, ас гуртазы но, бускельёсаз но соосыз тодо вал. Сузэр-вынъёссэ, эшъёссэ люкаса, сценка пукто, кырӟало-экто вал. <ref name="ионина3"> Ионина А. Вордскоз нунал, вордскоз кырӟан // Удмурт кизилиос : очерки, зарисовки, интервью (2001-2007). – Ижевск, 2007. – С. 80-81. </ref>

Ёросын ортчылӥсь кырӟан ӵошатсконъёсы но нылаш ӵемысь пыриськылӥз. Алла Пугачёвалэсь но Валентина Толкуновалэсь кырӟанъёссэс репертуараз кутылӥз, сокем соослы синмаськемын вал. Нош нотаосты тодымтэез пумысен шугъяськылӥз ке но, ас валамъяз гитараен но, арганэн но шудыны дышетскиз. <ref name="бородина1" />
'''1980'''-тӥ арын, школазэ йылпумъямез бере, Ижысь культпросветучилищее хорлы дирижёр дасян люкетаз пырыны мылкыд кариз, тодэ вал, отын крезьгурез но мургес валаны дышетозы, нотаосын но тодматозы. Татысен «Зангари» ансамбле ветлӥз. <ref name="зверева2" /> 

Лулчеберет удысысь егит ӧнерчи луыса, Юля аслаз колхозаз ик ужаны бертӥз. Азамат клубын куинь ар ӵоже ужатозяз ма гинэ лэсьтыса ӧз вутты, тросэз ужъёсыз Данъян грамотаосын но дипломъёсын пусъемын вал. Элькунысь клубын егит ужасьёс пӧлын ялэм конкурсын дас укмыс аресъем нылаш соку вормисе потӥз — егитъёслэн Азербайджанысь «Гянджлик» калыккуспо центразы путёвка сётӥзы. Юлялы отын немецъёсын пумиськыны шуд усиз. Соос азьын «Котьку мед луоз анай!» тодмо кырӟанэз гитараен шудыса, немец сямен быдэстӥз. Соку ик немец кылэз ӟечгес дышетон мылкыдыз эшшо юнмаз, Юля школаын но та предметэз туж яратэ вал. Малпаз — лэсьтӥз. Клубын куинетӥ арзэ ужакуз, '''1985'''-тӥ арын, Удмурт кун университетлэн кунгожсьӧр кылъёсъя ёзэтаз заочно дышетскыны пыриз. <ref name="бородина1" />
Соин сэрен Иже лыктоно кариськиз. Солэсь азьло уго телевидение ӧтён вал ини. Семён Карповлэн выжыкылэзъя дасям «Рос-прос» передачае клубысь коллективеныз пыриськыкуз, сое [[Михайлов Василий|Василий Михайлов]] но [[Карпов Семён|Семён Карпов]] синйылтӥллям. Режиссёрлэн юрттӥсез луыса ужаз. <ref name="ионина3" />    
Но та удыс нылашлэн сюлэмъяз ӧй вал. Мылкыдыз мукетсэ утчаз. Телевидениын арня ужаса вуиз-а, ӧз-а, «Ижмаш» культура двореце дыртӥз. Отысь «Тюрагай» хоре уж бере ветлыны луэ шуыса тодӥз. Кырӟанлэсь макем мӧзмем ни вылэм. Оло, сюлэмыз мукетсэ-а шӧдэм? Татысен лулгажанзэ, вуоно кузпалзэ Виталий Кузьминэз пумитаз. Виталий Можга ёросысь Лудзи-Шудзи (Гозег) гуртысь вылэм. Со но Юля сямен ик крезьгурлы синмаськемын. <ref name="бородина1" />

'''1989'''–'''1994'''-тӥ аръёсы Юлия Ильинична 47 номеро школаын ужаз немец кылъя но кырӟанъя дышетӥсь луыса. Со вакытэ ик эктонъя кружокын занятиос нуиз. Калыкез огазеяны быгатонлыкез но золгес шараяськиз. Дышетӥсь пиналъёсты калык искусствоен тодматӥз: удмурт композиторъёсты, писательёсты, кылбурчиосты но элькунысьтымы мукет тодмо адямиосты пумиськонъёсы ӧтьылӥз. <ref name="ломагин6"> Ломагин К. От маленькой сказки до большой любви // Яратон ке сюлмын / Юлия Кузьмина. – Глазов, 2009. – С. 3-6. </ref>
Школаын ужан пинал кышномуртлы туж кельше вал. Но выльдӥськон кутскем бере, огыр-бугыр вакытэ, уж интызэ воштоно луиз. Сценалэсь мӧзмемзэ шӧдыса, кузпалэз но пумит ӧз кариськы. <ref name="ионина3" />          
Озьы кызь вить ар талэсь азьло Кузьминъёслэн дуэтсы кылдӥз. Семьязы йылэмен (нылъёссы вордӥськизы на, крезьгуро коллективзы но паськытаз: кузпалъёс соослы но крезьгур дуннее сюрес возьматӥзы).  Соос самодеятельной крезьгурчиослэн нырысетӥ фестивалязы но пыриськизы. Ӵапак соку нырысьсэ бадӟым сцена вылысен чузъяськизы Юлия Кузьминалэн бӧрысь туж тодмо луэм «Анаелы», «Шуд», «Ум ни яратэ ӵошен» кырӟанъёсыз. Нош '''1995'''-тӥ арын А. Шкляевлэн «Дор» пьесаезъя пуктэм спектакльлы эшшо но чебересьгес кырӟанъёс кылдытӥз. <ref name="бородина1" />

Кузьминъёслэн ансамбльзы шаермылэн пӧртэм сэрегъёсаз концертъёсын вуылӥз ни, гастрольёсын Марий Элэ но Татарстанэ потазы, '''1998'''-тӥ арысен арлы быдэ сямен Ижкарын бадӟымесь концертьёс сётъяло. Репертуаразы — Удмурт Элькунысь лулчеберет удысысь дано ужасьлэн Юлия Кузьминалэн кырӟанъёсыз, кылбуръёсыз, сценкаосыз. Map веранэз, та нылкышнолэн быгатонлыкъёсыз пумтэм. Кырӟам, эктэм, гожъяськем сяна, со котькуд концертсылы ачиз дӥсьёс вуре. <ref name="бородина1" />
'''2003'''-тӥ арысен Юлия Ильинична «Удмурт дунне» газетын рекламая менеджер луыса ужа. <ref name="кузьмина5"> Кузьмина Ю. Лемлет малпанъёсы быдэсмизы // Удмурт дунне. – 2010. – 5 февр. – С. 12. </ref>

=Гожъямъёсыз сярысь=

Азамат школаын ньылетӥ классын дышетскыкуз, Юля хорын кырӟаны кутскиз, эктонъёсъя конкурсъёсы пыриськылӥз, нош сизьыметӥысен ачиз дышетскисьёсын концертъёс дасялляз ни. «Эктытӥсь пастух», «Золушка» тодмо выжыкылъёсты, озьы ик асьсэ малпам сценкаоссэс учкисьёс туж шуныт пумиталлязы. <ref name="бородина1"> Бородина О. Юлия Кузьмина «Шуд инбамысь уг усьы» // Кенеш. – 2011. – № 10. – С. 103-104. </ref>
Юля телевидениын ужакуз кылбуръёс, сценарийёс, кырӟанъёс гожъяны кутскиз. Выль «пӧрамъёссэ» сцена вылын ӵемысь Виталиеныз кырӟаллязы ини. <ref name="бородина1" />

'''1989'''-тӥ арысен Юлялэн кылбуръёсыз, кырӟанъёсыз, сценарийёсыз, выжыкылъёсыз но дано адямиос сярысь материалъёсыз [http://elibrary.unatlib.org.ru/handle/123456789/2712 «Удмурт дунне»] газетлэн бамъёсаз печатласько ини. Палэнэ ӧз кыле [http://elibrary.unatlib.org.ru/handle/123456789/165 «Кенеш»], [http://elibrary.unatlib.org.ru/handle/123456789/164 «Инвожо»], [http://elibrary.unatlib.org.ru/handle/123456789/1441 «Вордскем кыл»] журналъёс но [http://elibrary.unatlib.org.ru/handle/123456789/2716 «Ӟечбур!»], «Алнаш куара», «Пригородные вести» но мукет ёросъёсысь газетъёс. <ref name="кузьмина5" /> 
Map бордысен кутскиз Юлиялэн крезьгурен эшъяськонэз? Ог вакыт ас эрказы кадь вордскизы нырысетӥ кылбуръёс, нош соос веттаськизы крезьгур кӧкыын.
Нош калыке потон сюресэз таӵе вал. '''1989'''-тӥ арын крезьгурчи Виталий Шоркин "Октябрь" культура двореце нырысьсэ удмурт кырӟан гожъясьёсыз люказ. Татын Юлия кузпалэныз "Шуд", "Ум ни яратэ ӵошен" но "Анаелы" кырӟанъёссэс быдэстӥзы. Соос пыраклы калык сюлэме пыӵазы. Нош "Анаелы" кырӟан Удмурт радиолэн зарни фондаз сюриз ни.

''Тон эн мӧзмы, анай, ми кошким шуыса''

''Дорысьтыд кыдёке-кыдёке.''

''Со бадӟым шумпотон, тон озьы малпалля,''

''Нылпиед ке шедьтэ ас шудзэ.''

Соберегес Юлия Кузьминалэн кылдо лирической визыл гуръёсыз: "Нырысетӥ яратон", "Сирень", "Вордӥськем палэ". Мукет кылбурчиослэн кылъёссыя но гуръёс гожтыса утчаз: "Малы кикы силе" ([[Романова Галина|Г. Романова]]), "Толэзь" ([[Ванюшев Василий|В. Ванюшев]]). Нылпиослы сӥзиз "Пичи гуртэ", "Гужем ӝытэ" но мукет кырӟанъёссэ.

Бератаз ни Юлия Кузьмина вылэ погыльскиз "куинетӥез тулкым" - улон сярысь малпаськытӥсь кырӟанъёсыз кылдӥзы: "Вордӥськи мон кырӟанэн", "Сэрттысал", "Ӧз пушйы мынам гинэ"... Со сяна, серемесъёсыз - "Шур дурын", "Одӥгаз пичи гуртын".
Ас семьяенызы Кузьминъёс трос интыосын, гуртъёсын пуктылӥзы ни. Озьы кырӟанъёссэс калыке вӧлмыто. Нош кельшемъёссэ гуръёссэс кырӟаны яратӥсьёс ас репертуаразы басьто. <ref name="шабалин7"> Шабалин Н.Инву гур утчасьёс пӧлысь // Удмурт дунне. – 1998. – 28 апр. – С. 2. </ref>
Та авторлэн-исполнительлэн творчествояз бадӟым инты басьтэ  улон тема: вылӥе пуктӥське пинал даур, шудо егит дыр. Ас мылкыдызлы автор быдэсак эрик сётэ, соин ик кылбур но, крезьгур но кык бурдъёс кадь тупаса кошко. Эшшо солэсь лулысь-сюлмысь потэм гуръёссэ ӵошатыны луэ калык кырӟанъёсын – соос удмурт шӧмоесь.  
'''1996'''-тӥ арын Юля поттыны быгатӥз «Вордӥськи мон кырӟанэн», собере «Яратон ке сюлэмын» (2009) кырӟанъёсыныз бичетъёссэ но нылпиослы «Выжыкыл апай дорын» (2011) вакчиесь выжыкылъёсын книга.
Юля Кузьмина «Сам себе режиссёр» передачаын витьтонлэсь трос аслаз вурем сценической дӥсьёсыныз но мукет пӧртэм чебересь киужъёсыныз «Слабо» конкурсаз вормисе потӥз. 
Юлия Кузьминалэн крезьгуро дуннеез зэмен но паськыта. Со ялан утча выльзэ, туннэ нуналлы тупасьсэ. <ref name="шабалин7" />

=Премиосыз=

Удмуртъёслэсь но мукет калыкъёслэсь искусствозэс вӧлмытон понна но художественной самодеятельносте мылысь-кыдысь пыриськон понна грамота, '''1981'''
 
«За честь своего диплома» Элькун конкурсын вормисез, '''1984'''

Удмурт Элькунысь лулчеберет удысысь сӥё-дано ужась, '''2002'''

Удмурт Элькунысь журналистъёслэн огазеяськонзылэн ёзчиез, '''2006'''

=Библиография=

==Книгаосыз==

[http://elibrary.unatlib.org.ru/handle/123456789/13452 Вордӥськи мон кырӟанэн. – Ижевск, 1996. – 64 с.]
 
[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&S21FMT=&S21ALL=&Z21ID=&S21CNR=20 Выжыкыл апай дорын. – Ижевск : Удмурт. ун-т, 2011. – 74 с.]
 
[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&S21FMT=&S21ALL=&Z21ID=&S21CNR=20 Яратон ке сюлмын. – Глазов, 2009. – 111 с.]

==Статьяосыз==

[http://elibrary.unatlib.org.ru/handle/123456789/9620 Синпельлы – кышет ; Ӝуась тылси ; Качы ; Юлтоше : кылбуръёс // Удмурт дунне. – 2009. – 18 дек. – С. 13.]

==Кырӟанъёсыз==

[http://elibrary.unatlib.org.ru/handle/123456789/9717 Кузнецов П. Синпельлы – кышет : "Тон адӟид монэ, мон адӟи тонэ..." / крезьгурез но кылъёсыз Ю. Кузьминалэн // Удмурт дунне. – 2010. – 26 окт. – С. 6. – (Шудэлэ тӥ, серектэ).]

Кузьмина Ю. Анаймылы : "Тон эн мӧзмы, анай, ми кошким шуыса..." / крезьгурез но кылъёсыз Ю. Кузьминалэн // Байгурезь (Дебесы). – 2005. – 18 марта.

[http://elibrary.unatlib.org.ru/handle/123456789/5269 Кузьмина Ю. Бубыли : "Зангари сяська вылэ..." / крезьгурез но кылъёсыз Ю. Кузьминалэн // Кенеш. – 2011. – № 10. – С. 110.]

[http://elibrary.unatlib.org.ru/handle/123456789/10228 Выжыкыл, паськыт дунне мон : "Выжыкыл, паськыт дунне мон..." // Кенеш. – 2013. – № 5-6. – С. 103. – (Жингырты, удмурт кырӟан).]

[http://elibrary.unatlib.org.ru/handle/123456789/10229 Дуно семьяе : "Вань меда улонын дуногес..." // Кенеш. – 2013. – № 5-6. – С. 104. – (Жингырты, удмурт кырӟан).]

[http://elibrary.unatlib.org.ru/handle/123456789/5259 Кузьмина Ю. Луэ-а меда? : "Бичалляй, бырттылӥ..." / крезьгурез но кылъёсыз Ю. Кузьминалэн // Кенеш. – 2011. – № 10. – С. 105–106.]

Кузьмина Ю. Одӥгаз пичи гуртын : "Одӥгаз пичи гуртын..." / крезьгурез но кылъёсыз Ю. Кузьминалэн // Инвис (Шаркан). – 2005. – 30 сент.

[http://elibrary.unatlib.org.ru/handle/123456789/7959 Кузьмина Ю. Тон эн мӧзмы, анай : кылбур-кырӟан / крезьгурез но кылъёсыз Ю. Кузьминалэн // Кенеш. – 2005. – № 9. – С. 29.]

[http://elibrary.unatlib.org.ru/handle/123456789/8845 Кузьмина Ю. Тонэ гинэ яратыса : "Пукисько мон ӝытъёсы..." / крезьгурез но кылъёсыз Ю. И. Кузьминалэн // Удмурт дунне. – 2008. – 20 авг. – С. 6. – (Шудэлэ тӥ, серектэ) ; Кенеш. – 2011. – № 10. – С. 109.]

[http://elibrary.unatlib.org.ru/handle/123456789/1321 Кузьмина Ю. Чагыресь синъёс : "Чагыресь синъёс..." / кылъёсыз но крезьгурез Ю. Кузьминалэн // Кенеш. – 2009. – № 2. – С. 109. – (Жингырты, удмурт кырӟан).]

[http://elibrary.unatlib.org.ru/handle/123456789/9618 Кузьмина Ю. Чеберъям кыз котырын : "Эктыса музъем вылэ..." / кылъёсыз но крезьгурез Ю. Кузьминалэн // Удмурт дунне. – 2009. – 15 дек. – С. 6. – (Шудэлэ тӥ, серектэ).]


'''Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />

[[Категория:Современные удмуртские писатели|Кузьмина Юлия]]
@@ Строка 62: / Строка 62: @@
 ==Книгаосыз==
-Алнашысь крезьгуро тулкымъёс = На волнах алнашских мелодий : творческие биографии, песни / Юлия Кузьмина. - Сарапул : Сарапульская типография, 2015. – 258 с.
-Бубы-бубы, бубыли: кылбуръёс, мадиськонъёс, кырӟанъёс, выжыкылъёс / суредаз Василий Мустаев. - Сарапул : Сарапул. тип., 2013. – 46 с.
 [http://elibrary.unatlib.org.ru/handle/123456789/13452 Вордӥськи мон кырӟанэн. – Ижевск, 1996. – 64 с.]
 [http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&S21FMT=&S21ALL=&Z21ID=&S21CNR=20 Выжыкыл апай дорын. – Ижевск : Удмурт. ун-т, 2011. – 74 с.]
-Куинь вайлэсь тугоко: кылбуръёс, кырӟанъёс. - Сарапул : Сарапул. тип., 2013. - 78 с.
-Нотаосын тодматскод - кырӟанъёсын эшъяськод : [Ноты] : кылбуръёс, кырӟанъёс, нотаос = Познакомишься с нотками - подружишься с песнями : стихи, песни, ноты. - стихи, пол.парт. - Сарапул : Сарапульская типография, 2015. - 35 с.
 [http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&S21FMT=&S21ALL=&Z21ID=&S21CNR=20 Яратон ке сюлмын. – Глазов, 2009. – 111 с.]