Кошком ке но шуоды ук

Кошком ке но шуоды ук

Кошком ке но шуоды ук,

Ми келялом,

Мамык миндэр вылады ук,

Ой, пуктыса.

Бусы гинэ капкаез ук

Ой, ортчытозь,

Бусые но потытозь ук,

Иншыр ортчытозь.

Сюресты но кузь шуыса,

Тӥ эн пайме,

Уй пеймыт ук шуыса,

Тӥ эн кышкалэ.

Иськемезлы быдэ ук но

Юбо пуктэмын,

Юбоезлы быдэ ук но

Кӧйтыл пуктэмын.

Вай ӟеч кылмес вераса но

Бур киосмес кутыса

Люкиськоме, гажан но

Мусоосы. .