Редактирование: Карпов Семён

'''Семён Карпович Карпов''' – удмурт кылбурчи, теледраматург но режиссёр,  Россиысь писательёслэн огазеяськонзылэн ёзчиез, Удмуртиысь но Россия Федерациысь сӥё-дано ужась.
[[Файл:Ksk3.jpg|170px|right|Семен Карпов]]
=Улон сюресэз=
 
Семён Карпов вордскиз Пичи Пурга ёросысь Сырьезшур (Тыло) гуртын '''1946'''-тӥ арын 3-тӥ куарусёнэ. <ref name="писатели"> Ермаков Ф. Семён Карпов (1946) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 59–60. </ref>

Таиз но тодмо пурга поэт Самсоновъёслэн выжыенызы ик герӟаськемын — Семен Самсоновлэн анаезлэн агаезлэн пиез-ӵужодӥгез луэ. <ref name="пурга"> Ермаков Ф. Карпов Семён Карпович // Пурга ёросын вордскем писательёслэн творчествозы / Ф. К. Ермаков. – Ижевск, 1999. – С. 117–124. </ref>   Семьяязы вить кузя пиналъёс будӥзы: куинь пиос но кык нылъёс. Семон – пичиез. Анай-атаез, Карп Ясонович но Ксения Дмитриевна, колхоз ужез быдэсъязы. Пиналъёссылы соос ужез гажан мылкыд пыӵатыны сюлмаськизы. Быдӟым тылож бере ке но вордскемын С. Карпов, но секыт улонэз шӧдытэк ӧз буды. Адӟиз кутэн ветлон-бызьылонэз но, потэн, картошкаен но сулэн сураса пыжем кӧмечъёс но нянь сионэз но. Пичи дырысен туж арганчи, артист луэмез потэ вал. Со малпанзэ атаез быдэстӥз, пиез 4-тӥ классын дышетскыкуз арган басьтӥз. Кыӵе шумпотон вал со пияшлы! Соку ик егитъёслэн шулдыръяськонъёсазы, пинал куно ӧтчаллякузы, Мавра апаез сьӧраз арганчи интые ӧтьылэ вал. <ref name="карпов"> Карпов С. Улон зарезь, яке ачим сярысь… // Сыӵе со Тыло гуртмы но отысь калыкез / А. Осипов, Ю. Фомин. – Малая Пурга, 2010. – С. 81–92. </ref> 
[[Файл:Ksk4.jpg|280px|thumb|left|Можга педучилищеын дышетскыкуз]]
'''1954'''-тӥ арын мынӥз нырысетӥ классэ, нырысь ас гуртаз дышетскиз, собере витетӥ классэ эшъёсыныз ӵош Володя (Никвлад), Володя (С. А. Самсоновлэн выныз) Самсоновъёсын, Рая Яковлеваен Бобья-Учаысь семилеткае выжизы. Татын соос трос кружокъёсы ветлӥзы, спортэн эшъяськизы. Туж шунытэн Семён Карпович али но тодаз вайылэ классэн кивалтӥсьсэс, удмурт кыллы но литературалы дышетӥсьсэс – Парасковья Кузьминична Кузьминаез.

Школа бере трос юанъёс вал. Кин луоно, кыӵе сюрес быръёно, кыӵе уж сюлэмлы кельшымон? – кӧня шугъяськытӥсь малпанъёс. Ӵапак соку эшез (Лёня Никифоров), ас сьӧраз Можга педучилищее дышетскыны мыныны ӵектӥз. Отын, пе, баянэн шудыны но дышето… Таиз учыр вань шонаськонъёсты сэрпалтӥз.  Ваньмыз кадь умой луиз: экзаменъёс сётэмын, дышетскыны ӧтён вуэмын. Чемодан нерге но дась ини. Но со дыре атаез меӵак пумит кариськиз, механизаторе дышетскыны, пе, мынод. Но гумыр  ас сяменыз малпам. Ӵапак соку нуназеяны шуса агроном луыса ужась Вася агаез вуиз. Вынызлэн кияз коньдон донгиз, механизаторе дышетскыны ноку но бер ӧвӧл, нош дышетскем кулэ, шуыса, келяз сюрес вылэ.
 
Можга педучилище… Ньыль аръёс (1961–1965) туж ӝог ортчизы. Дышетӥсьлэсь ужзэ быдэсъяны дышетскемен валче, етӥз пияш пӧртэм кружокъёсы, спортивной секциосы вутскылӥз. Мыло-кыдо ветлӥз волейболъя, шахматъя, ӝӧк выл тенисъя, капчи атлетикая, куасэн бызьылонъя секциосы, Самсоновъёсын ӵош литературно-творческой, хорын кырӟанъя, эктонъя кружокъёсы. Спортын но Семёнлэн бадӟымесь вормонъёсыз вал. Ваньмаз сямен ӵошатсконъёсы сое бырйылӥзы. Училищезэ йылпумъякуз, шугъяськонэ но вуылӥз. Григорий Данилов пединститутэ филологияя факультетэ пырыны ӵектэ. Физкультурая дышетӥсез ас палаз куасалтыны выре. Семонлы, пе, одно спортъя факультетэ пыроно. Крезьгуръя кивалтӥсезлэн но ас удысаз кыскемез потэ. Глазовысь пединститутэ крезьгуръя факультетэ, пе, мын. <ref name="возняков"> Возняков В. Мынам улонэ – чильтэр // Удмурт дунне. – 2004. – 16 апр.  </ref> 
     
'''1965'''-тӥ арын Можгаысь педучилищеез йылпумъяз но армие служить карыны басьтӥзы. Служить карыны шедиз Азербайджанэ, Иранэн кунгож дуре. Куинь арлэсь кема служитьтоно луиз.
 
'''1968'''-'''1970'''-тӥ аръёсы отысь бертыса, Пичи Пурга но '''1970'''-'''1975'''-тӥ аръёсы Бобья Уча шор ёзо школаосын физкультураен, берлогес кырӟанъя дышетӥсьын ужаз, заочно дышетскыса йылпумъяз Удмурт кун университетлэсь филологической факультетсэ. 

'''1976'''-тӥ арлэн толшор толэзьысеныз вуиз  ужаны Удмурт кун телевидение но радиовещание комитетэ. Отын куамын кык ар ӵоже ужа: '''1986'''-тӥ арын литературно-художественной передачаосъя валтӥсь редактор, '''1991'''-тӥ арын творческой огазеяськонлэн валтӥсь кивалтӥсь, нош '''1994'''-тӥ арын «ЛИК» студилэн кивалтӥсезлэн воштӥсез, '''1997'''-тӥ арын специальной корреспондент, '''2005'''-тӥ арысен «Удмуртия» ГТРК-ын корреспондент луыса ужаз. Аслаз кылдытэм передачаосыз но вань: пиналъёслы – «Визьмын, кужмын, эшъёсын», нуиз «Чингыли» (берло со «Рос-прос» нимаськыны кутскиз), егитъёслы «Ӟардон», дышетскись нылпиослы «Ми будӥськом». С. Карповлэн данакез удмурт но ӟуч писательёсмылэн, суредасьёслэн, крезьгурчиослэн но мукет усточиослэн творчествозыя гожтэм сценарийёсызъя пуктэмын телефильмъёс. '''1989'''-тӥ арын удмурт литературалы 100 ар тырмонэзлы сӥзьыса, «Даур» передача кылдытӥз; '''1997'''–'''1998'''-тӥ аръёсы Кузебай Гердлэн но Ашальчи Окилэн 100 ар тырмонзылы сӥзем телефильмъёс, озьы ик репрессиос улэ шедем но бырем писательёслэн тврчествозылы сӥзем «Доре бертон» передачаос-сузьетъёс. Но трос мукет программаос но передачаос. <ref name="писатели" /> Удмуртиысь лулчеберетъя, печатья но иворъёсъя, нациосын ужан политикая министерствоослэн конкурсъёсазы нырысетӥ инты басьтӥзы «Ӵӧжи сиён» но «Удмурт шӧмын, удмурт сямен» программаосыз. Озьы ик пӧртэм конкурсъёсын пусйылӥзы «Воршуд», «Лулгур» но мукет ужъёссэ. 

'''2008'''-тӥ арысен Семён Карпович Карпов пенсиын. Но гожъяськон удысын тыршонзэ азьланьтэ. <ref name="карпов" />

=Гожъямъёсыз сярысь=

Удмурт кылэз но литератураез яратыны но гожъяськон борды басьтӥськыны юрттӥзы Бобья-Учаысь сизьым классъем школаысь дышетӥсьёс П. К. Кузьмина но Ф. Д. Зайцева. Витетӥ классын дышетскыкуз ик кылбуръёс лушкем гожъяны тыршиз. Озьы ке но, ачиз Семён Карпов шуэ: «Умой-умой валаса гожъяськыны училищеын кутски, отын туж кужмо кружокмы вал». Одӥгзэ соос пӧлысь "Ударник" ёрос газетын печатлазы, соин ик пияшлэн мылкыдыз лобӟыны дась вал. Собере уката но ӟеч тыршылӥз пӧртэм творческой ужъёсты — изложениосты, сочинениосты мылысь-кыдысь быдэстыны. Со сяна, егит пияшлы вунонтэм кыльылӥзы писательёсын пумиськылонъёс, соос школаын но, педучилищеын но дышетскыкуз ӵем ортчылӥзы. 

Туж сак кылзылӥз С. Карпов гуртысьтызы тодмо луэм писательлэсь С. Самсоновлэсь верамъёссэ, яратыса лыдӟылӥз солэсь печатлам ужъёссэ но радио пыр верамъёссэ. <ref name="пурга" />

'''1961'''-тӥ арысен Можга педучилищее пыриз. Егит пияшлы уката ик мылкыдызъя вал литературно-творческой кружоклэн ужаз пыриськемез. Кружокен со вакытэ кивалтӥз туж тунсыко адями Г. Д. Данилов, поэт но прозаик. Татысен ик С. Карповлы ӟеч визь-кенешъёс сётылӥзы Н. Байтеряков, Александр но Николай Белоноговъёс, А. Леонтьев.

С. Карповлэн нырысетӥ кылбурез Пичи Пургаысь районной газетын печатласькизы, собере солэн кылбуръёсыз потыны кутскизы ини республиканской газетъёсын, "Молот" журналын, пӧртэм сборникъёсын: "Пыд улын — музъем", "Вуюись", "Шӧкыч".

Cемён Карпов тросгес кылбуръёс гожъяз пичи нылпиослы сӥзьыса, соос пӧлысь умойёссэ люкаса, А. Леонтьев юрттэмъя, поттӥз 1986-тӥ арын "Лымыпог" сборникен. Та нырысь книгаяз ик умой шодӥське нылпиослэсь психологизэс ӟеч валамез но тодэмез, автор быгатэ котькуд нылпилэсь ас сяменыз мадемзэ но, малпаськемзэ но шараяны. Со ласянь туж тунсыко луэ "Шудыса но кӧт тыре" кылбур:

''Туннэ нош ик Онтонэз'' 
                 
''Индылэ ни анаез:'' 
		  
''— Олокытӥ ветлӥськод,''
                
''Нунал лумбыт калгиськод.'' 
          
''Тон, пие, чик сиськытэк'' 
               
''Кылёд, ява, будытэк.''
    
''Ӝамдэ чус улӥз Онтон''

''— Мон?''

''Пӧяськод тон, — серектӥз'' 

''Шудыса но кӧт тыре.''
 
''Чурс! Потӥз Онтон кыре.''

''Кисыяз нош — нянь шорем.''

"Учкисько синучконэ" кылбурын мултэс индылон кылъёстэк гинэ Семён Карпов валэктэ пичи пияшлы, сапрес сямзэ куштоно шуыса. Та бичетаз ик «Монъяськись Гирой» выллем кылбуръёсаз авор возьматэ мултэс ушъяськись пиналъёсты. <ref name="пурга" />  
Кыкетӥез «Чильтэръёс» (1994) нимо бичетэз нош ик нылпиослы сӥземын. Но таяз сборникын тросгес пумиськыло ини дышетскись пиналъёслы сӥземъёсыз но. Соослэн  улонзы, дышетскемзы, малпанъёссы возьматэмын. Удмурт луэменыд данъяськон мылкыдын пыӵамын «Тон малы-о удмурт?» кылбурез:

''Кылыным но вирыным –'' 

''Ас ӵыжы-выжыеным,'' 

''Гуртэным, шаереным,''

''Вань улон-вылонэным''

''Шӧдӥсько мон удмуртме!..''

Та бичетэ ик пыртэмын кылын шудонъёс, мадиськонъёс, соос нылпиосты кылмылэсь узырлыксэ валаны дышето, кылбур дуннее ӧтё.
Куинь ар ортчыса, Семён Карпов мӧйы лыдӟисьёслы «Малпанъёс» (1997) нимо бичетсэ кузьмаз. Улон-вылон кылбурчиез пӧртэм интыосы вуттэ, пӧртэм адямиосын пумиськытэ. Ваньзэ сое поэт кылбуръёсаз пыртыны тырше. <ref name="r2">[http://elibrary.unatlib.org.ru/handle/123456789/327 Ермаков Ф. Ужъёсыз емышо но табышо : Семён Карповлы – 60 // Кенеш. – 2006. – № 8. – С. 99–103.] </ref>  

Таиз но мукет бичетъёсызъя шӧдыны луэ ини авторлэн будэмез, гожъяськыны быгатонлыкезлэсь юнмамзэ, кылбуръёсыз бордын тыршыса ужамзэ но тунсыко произведениос кылдытэмзэ. Но уката дуноез луэ котькуд кылбураз нылпилэсь сюлэмзэ, малпаськонзэ, мылкыдзэ усьтыны тыршемзэ. <ref name="пурга" />   

Тросэз-а меда тодэ Семён Карпович Карповлэсь кырӟанъёс кылдытъямзэ?! Нош со туж кемаласен, Можга педучилищеын дышетскон аръёсаз  нырысьсэ кырӟанзэ гожтӥз. Али но аслаз но куд-ог мурт кылбуръёсъя пӧрмытэ кырӟанъёс. <ref name="r2"> Семён Карпов // Кенеш. – 2010. – № 11–12. – С. 107. </ref>

=Наградаосыз но премиосыз=

УАССР-ысь ВЛКСМ-лэн Обкомезлэн Данъян грамотаез, '''1980'''.

УАССР-ысь Вылӥ Кенешлэн Президиумезлэн Данъян грамотаез, '''1986'''.

УАССР-ысь телевидения но радиовещания комитетлэн Данъян пулаз пыртэмын, '''1986'''.

Удмурт Элькунысь Йӧскалык политикая министерстволэн Данъян грамотаез, '''2002'''.

Россиысь журналистъёслэн огазеяськонзылэн Данъян грамотаез, '''2006'''.

=Библиография=

==Книгаосыз==

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Лымыпог : кылбуръёс. - Устинов : Удмуртия, 1986. - 16 с. : ил.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Паньтэм = Тёзка : нылпиослы кылбуръёс, поэма. - Ижевск : Инвожо, 2008. – 36 с. : ил.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Тӧлпи : покчи нылпиослы кылбуръёс = Ветрёнок : стихи для малышей. - Ижевск : Инвожо, 2009. - 52 с. : ил.] 

[http://elibrary.unatlib.org.ru/handle/123456789/130 Ульча Кузё : кылбурьёс, поэма. - Ижевск : Удмуртия, 2006. - 53 с. : ил.]

[http://elibrary.unatlib.org.ru/handle/123456789/3291 Чильтэръёс : кылбуръёс / художникез Л. Прозоров. - Ижевск : Удмуртия, 1994. - 20 с. : ил.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Красикова Р. В. Сбегаются ручьи = Люкасько пичи шуръёс : стихи = кылбуръёс. - Ижевск : Удмуртия, 2005. - 158 с. : ил.]

==Статьяосыз==

[http://elibrary.unatlib.org.ru/handle/123456789/5522 23-тӥ тулыспал : кылбур / Семён Карпов // Кизили. – 2012. – № 2. – С. 2.]

[http://elibrary.unatlib.org.ru/handle/123456789/1522 "Ай-яй-яй!." ; "Кымы" мыным, "кымы"..." ; "Уф-уф-уф!." ; "Кӧжылэсь весе киргаз но..."  / иллюстрациосыз В. Мустаевлэн // Кизили. – 2006. – № 9. – С. 6–7.]

[http://elibrary.unatlib.org.ru/handle/123456789/6684 "Бускель! Сосед! – свищу с утра..." ; "В тайнах песни-души..." : стихи / пер. с удмурт. Анатолий Демьянов, Василий Глушков // Луч. – 2006. – № 11/12. – С. 36.]

[http://elibrary.unatlib.org.ru/handle/123456789/536 Ваньмыз ук со – мынам доре  // Кенеш. – 2008. – № 8. – С. 3–8.]

[http://elibrary.unatlib.org.ru/handle/123456789/2198 Вордскем нунал  / суредаз В. Мустаев // Вордскем кыл. – 2008. – № 8. – Вкл. л. : ил.]

[http://elibrary.unatlib.org.ru/handle/123456789/5124 Вӧт-телик ; Кузьым ; Ӵок : кылбуръёс / Сёмен Карпов ; иллюстрациез Марина Гузаевалэн // Кизили. – 2011. – № 2. – С. 9.]

[http://elibrary.unatlib.org.ru/handle/123456789/1632 Вӧтъёс  / иллюстрациез Е. Каракуловалэн // Кизили. – 2008. – № 8. – С. 2 обл. : рис.]

[http://elibrary.unatlib.org.ru/handle/123456789/5161 Гочи-гочи : кылбуръёс / Семён Карпов // Кенеш. – 2011. – № 9. – С. 44-46. – Пуштросэз: Кузьым ; Малпай ; Малы озьы? ; Уг поты дыртэмзы ; Зор ; Тау ; Мыл уг поты... ; Кӧлэме кылем ; Кыӵе меда? ; Ӵукна ; Пужнӥське ; Тубат ; Сьӧдманы вуэмын ; Бельтэмын ; Ватскем ; Шумпотто ; Гочи-гочи ; Анай кыл]

[http://elibrary.unatlib.org.ru/handle/123456789/11341 Гырезь гурезь : кылбуръёс / Семен Карпов ; суредъёсыз Галина Ивановалэн // Кенеш. – 2013. – № 8. – С. 93-97.]

[http://elibrary.unatlib.org.ru/handle/123456789/2525 Дӥнязы вамышто  / иллюстрациез Н. Быковлэн // Кизили. – 2009. – № 11/12. – С. 2 обл. : цв. ил.]

Ёрос музъем ; Кырӟа но, вера но  // Малая Родина – большая любовь. – Малая Пурга, 2010. – С. 5–6.

[http://elibrary.unatlib.org.ru/handle/123456789/1797 "Жильыр-жиль..." ; "Эк, дыртыто..." ; Леленчи  // Вордскем кыл. – 2006. – № 8. – С. 30.]

[http://elibrary.unatlib.org.ru/handle/123456789/7183 Ӟардон буёлъёс : кылбуръёс / Семен Карпов ; худож. И. Н. Лопатина // Вордскем кыл = Родное слово. – 2012. – № 4. – Вкл. л. – ("Вордскем кыллэн" книжкаез).]

[http://elibrary.unatlib.org.ru/handle/123456789/8173 Ӟеч кыл  // Удмурт дунне. – 2010. – 27 авг. – С. 11 ; Вордскем кыл = Родное слово. – 2010. – № 3. – С. 9.]

[http://elibrary.unatlib.org.ru/handle/123456789/1513 Кизили луо  // Удмурт дунне. – 2006. – 11 июля. – С. 6 ; Кизили. – 2006. – № 7. – С. 2.]

Кто хитрей? ; Снеговик  / пер. с удмурт. В. Парамонова ; худож. Е. Волкова  // Рюкзачок с сюрпризом. – 2010. – № 6. – С. 10–11 : цв. ил.

Куара  // Удмурт дунне. – 2006. – 5 сент. – С. 6.

[http://elibrary.unatlib.org.ru/handle/123456789/416 Куара-ланга  // Кенеш. – 2008. – № 2. – С. 42–44.]

[http://elibrary.unatlib.org.ru/handle/123456789/5149 Лӧптэмын ; Кӧня арес ; Дышетскись луи ; Бертӥськомы : кылбуръёс / иллюстрациосыз Марина Гузаевалэн // Кизили. – 2011. – № 9. – С. 2-3 : цв. ил.]

[http://elibrary.unatlib.org.ru/handle/123456789/2922 Лыдӟиськон веме  // Кенеш. – 2010. – № 1. – С. 82–83.]

Лымыпог ; Ме, тани ; Кызьы нимы?. Возь  // Зарни дэремен шунды : семьяын лыдӟон книга. – Ижевск, 2006. – С. 52.

[http://elibrary.unatlib.org.ru/handle/123456789/4294 Мон ӧй вал на соку : поэма // Инвожо. – 2011. – № 3/4. – С. 56–59.]

[http://elibrary.unatlib.org.ru/handle/123456789/2823 Мон тодӥсько ини... ; "Мемиелэн песятаез..." ; Ньыль кызьпуосмы артэ  / иллюстрациосыз В. Михайловлэн // Кизили. – 2010. – № 5/6. – С. 8 : цв. ил. – (Быдӟым Вормонлы – 65 ар).]

[http://elibrary.unatlib.org.ru/handle/123456789/1769 Мынам вуюисе  / худож. И. Лопатина // Вордскем кыл. – 2006. – Вкл. л. – ("Вордскем кыллэн" книжкаез) ; Ӟечбур! – 2006. – 25 мая. – С. 12.]

[http://elibrary.unatlib.org.ru/handle/123456789/5142 Мынам юлтошъёсы но Турпар : выжыкыл / иллюстрациез Вячеслав Михайловлэн // Кизили. – 2011. – № 7. – С. 16-17 : цв. ил.]

На летних каникулах ; Маму не займешь  / пер. с удмурт. В. Глушкова // Италмас. – 2007. – № 1. – С. 84.

Нунал : поэма // Ӟечбур! – 2006. – 20 июля. – С. 8.

[http://elibrary.unatlib.org.ru/handle/123456789/4114 Нунал усьтэ ни синъёссэ  // Кенеш. – 2011. – № 4. – С. 3–8.]

[http://elibrary.unatlib.org.ru/handle/123456789/1551 Оштолэзь  // Кизили. – 2007. – № 4. – С. 2 обл.]

[http://elibrary.unatlib.org.ru/handle/123456789/7067 Павилэн выль ӵукнаез : серемпыр мадёс // Инвожо. – 2012. – № 4/5. – С. 139-140. – (Удмурт ПЕН-клуб. Альманах)]

[http://elibrary.unatlib.org.ru/handle/123456789/2768 Паймытӥсь ӵукна ; Кайталы кельтомы : кылбуръёс / Семён Карпов // Кизили. – 2005. – N 9. – С. 10.]

[http://elibrary.unatlib.org.ru/handle/123456789/4481 Пиньтэмъёс : кылбуръёс // Вордскем кыл. - 2005. - № 8. - Вкл. л. – ("Вордскем кыллэн" книжкаез)]

[http://elibrary.unatlib.org.ru/handle/123456789/6532 Родной округе отдаю поклон : стихотворение / пер. Василия Глушкова // Луч. – 2005. – N 9/10. – С. 54.]

[http://elibrary.unatlib.org.ru/handle/123456789/323 Сакыр Вася : поэма // Кенеш. – 2006. – № 8. – С. 72–75. – (Нылпи дунне).]

[http://elibrary.unatlib.org.ru/handle/123456789/1611 Серемпырыос ; Ымдурад лякиськиз ; Пӧртмам инкуазь ; Куараё-лангаё / иллюстрациез В. Михайловлэн // Кизили. – 2008. – № 4. – С. 2 обл.]

[http://elibrary.unatlib.org.ru/handle/123456789/3793 Сюлэм сяська : кылбуръёс / Семен Карпов // Кенеш. – 2005. – N 11/12. – С. 3-5.]

[http://elibrary.unatlib.org.ru/handle/123456789/8917 Сяськаяськон вакыт : кылбуръёс // Кенеш. – 2012. – № 8. – С. 3-6. – Пуштросэз : Мар сётэмын ; "Мылкыд-а ныргетэ..." ; Сяськаяськон вакыт ; Нуналэз келян ; Кылсуред ; Эчешон ; СемСам ; Кин ке понна но... ; Шудо-буро кыл ; Малы ке... ; Сайкам шур ; Тымет ; Лушкем зор ; Куарусён ; Мон... Тон... ; Мӧзмон ; Валче]

[http://elibrary.unatlib.org.ru/handle/123456789/1600 Толсур  // Кизили. – 2007. – № 11/12. – С. 3.]

[http://elibrary.unatlib.org.ru/handle/123456789/2926 Тонэ ӧти мон кылбурам  // Кенеш. – 2010. – № 2. – С. 3–5.]

[http://elibrary.unatlib.org.ru/handle/123456789/8533 Уг ваньмо... ; Суч-суч жадьытозяз ; Ярамон : кылбуръёс / Семён Карпов ; иллюстрациез Марина Гузаевалэн // Кизили. – 2013. – № 1. – С. 7.]

Уд басьты пунэмен  // На переломе эпох : Союзу писателей Удмуртии 70 лет, 1934-2004 : ст., стихотворения, прозаич. произведения, док. – Ижевск, 2006. – С. 220–221.

[http://elibrary.unatlib.org.ru/handle/123456789/1198 Улонлэсь уг поты жадеме...  // Инвожо. – 2009. – № 5/6. – С. 124–127.]

[http://elibrary.unatlib.org.ru/handle/123456789/1779 "Чагыреныз чагырласа..." ; "Укноысь укное но..." ; "Ӝабыр-ӝабыр..." ; "Нюк улысь пичи шурмы..."  // Вордскем кыл. – 2006. – № 7. – С. 32.]

[http://elibrary.unatlib.org.ru/handle/123456789/7478 Чал-чал поръялоз ; Медъяй ; Асме жаляй ; Колтыр ; Гожтытоз ассэ... ; Вужме :  // Вордскем кыл = Родное слово. – 2010. – № 8. – С. 22.]

[http://elibrary.unatlib.org.ru/handle/123456789/7420 Шырбыж : сценка / Семён Карпов ; иллюстрациез Марина Гузаевалэн // Кизили. – 2012. – № 7. – С. 8-9.]

==Кырӟанъёсыз==

[http://elibrary.unatlib.org.ru/handle/123456789/4304 Адаков В. Азвесь гырлы : "Кемалась но кема витимы..." // Кизили. – 2006. – № 8. – С. 5.]

[http://elibrary.unatlib.org.ru/handle/123456789/3596 Ежов В. Паймытӥз монэ ӵукна : "Паймытӥз монэ ӵукна..." // Кизили. – 2011. – № 1. – С. 14.]

[http://elibrary.unatlib.org.ru/handle/123456789/4309 Карпов С. К. Витё вӧтъёс : "Тылсиосын пужыятэм..." // Кизили. – 2009. – № 7. – С. 6.]

[http://elibrary.unatlib.org.ru/handle/123456789/3130 Карпов С. К. Йыромо : "Ой, кыӵе тон, макем учкымон..." // Кенеш. – 2010. – № 11/12. – С. 105–106.]

[http://elibrary.unatlib.org.ru/handle/123456789/3131 Карпов С. К. Пӧрмостэм : "Уӵыпи но ӧвӧл..." // Кенеш. – 2010. – № 11/12. – С. 106.]

[http://elibrary.unatlib.org.ru/handle/123456789/3132 Карпов С. К. Уд вера ук шара... : "Малы-о мылкыдыд..." // Кенеш. – 2010. – № 11/12. – С. 107.]

[http://elibrary.unatlib.org.ru/handle/123456789/4174 Кузнецов П. Н. Ӟеч кыл : "Ӟеч кыл вань ке..." // Кенеш. – 2011. – № 5/6. – С. 8.]

[http://elibrary.unatlib.org.ru/handle/123456789/4688 Орлова Р. Арган : "Арган кадь ке мылкыды..." // Кенеш. – 2007. – № 3. – С. 111.]

[http://elibrary.unatlib.org.ru/handle/123456789/4276 Орлова Р. Мылкыды – арган : "Арган кадь ке мылкыды..." // Кенеш. – 2011. – № 5/6. – С. 106.]

[http://elibrary.unatlib.org.ru/handle/123456789/1316 Постников Н. Е. Арганэн кенешон : "Ӝожмытме шӧдыса ик, вылды..." // Кенеш. – 2008. – № 5/6. – С. 7–8 ; Малпасько тонэ : кырӟанъёс = А мне бы увидеть тебя : песни / Н. Постников. – Ижевск, 2010. – С. 92–93.]
	
Постников Н. Е. Выль кырӟан : "Ворекъя тылгизьы-а меда..." // Малпасько тонэ : кырӟанъёс = А мне бы увидеть тебя : песни / Н. Постников. – Ижевск, 2010. – С. 94–95.

==Берыктэмъёсыз==

[http://elibrary.unatlib.org.ru/handle/123456789/377 Глушков В. Ижкар вальс // Инвожо. – 2006. – № 8/9. – С. 61.]

[http://elibrary.unatlib.org.ru/handle/123456789/4718 Красикова Р. В. Сюресэ аслам ук...  / ӟуч кылысь берыктӥзы Коньы Толя, С. Карпов // Кенеш. – 2007. – № 7. – С. 37–40.]


'''Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references/>

[[Категория:Современные удмуртские писатели|Карпов Семен]]