Редактирование: Иванов Михаил

'''Михаил Матвеевич Иванов'''1931-тӥ арын 17 пӧсьтолэзе, Сьӧлта ёросысь Эшмедгурт – 2014-тӥ арын пӧсьтолэзе) – удмурт прозаик, журналист.
[[Файл:M1893.jpg|thumb|right|]]
=Улон сюресэз=

Михаил Матвеевич Иванов вордӥськиз '''1931'''-тӥ арын 17 пӧсьтолэзе Сьӧлта ёросысь Эшмедгуртын. <ref name="яшина6"> Яшина Р. Михаил Иванов (1931) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 54. </ref>
Михаиллы семьяезлэн тужгес секыт вакытэ вордӥськыны кылдӥз. Эшмедгуртысь Матвей Михайловичлэн но Анастасия Фёдоровналэн ньыль нылпиоссы вал ини. Ёрмонэз адӟытэк улӥзы. Витьтон гектар музъемзы, витьтон гектар возьзы, итымзы, вукозы, гид тыр пудо-животсы вал. Но одӥг муртэ но доразы медъяса ужатӥллямтэ. Со сяна, Матвей Михайлович коньы, лудкеч, ӟичы, гурт пудо-живот куосты басьяз но соосты посыса вузалляз. Мишалы кык арня гинэ тырмыса вуттӥз но, семьязэс кулаке поттӥзы: ваньзэс Архангельск пала келязы. Соослы отын кезьытэз-пӧсез, ултӥянэз, шимес курадӟонъёсты чидано луиз, но визьмо, сабырлы, кибашлы Матвей Михайлович семьязэ утьыны быгатӥз. Семьязэ сяна, нюлэс корасьёслы бригадире пуктэм воргорон мукет келямъёсты но утьыны сюлмаськиз: поезд вагонэ пу тырыкузы, коръёс вискы буш инты кельтэ но отчы адямиосты пуктэ. Озьы уноезлы пегӟыны юрттӥз, бадӟымъёссэ нылпиоссэ но асьсэ гуртысь ик келям воргоронэн ӵош пегӟытӥз. Вожъяськисьёс сюризы, чагиськизы: Матвей Михайловичез пытсэтэ пуктӥзы. Отысь со туж висьыса гуртаз вуиз ини, толэзь ортчыса кулӥз. <ref name="романова5">[http://elibrary.unatlib.org.ru/handle/123456789/4153 Романова Г. «Улонын ӟечез одно вормоз…» : Михаил Ивановлы – 80 // Кенеш. – 2011. – № 7. – С. 85-89.] </ref>

Улыны кылдэм пиналэз кылчинэз уте, шуо. Пичи Мишалэн улон сюресэзлэсь кузь луонзэ таӵе учыр но шӧдытэ-возьматэ, дыр. Атайзэ пытсэтэ пуктэмзы бере анаез пегӟыны малпам. Пыдын. Дӥсьтыны но ведь кулэ. Архангельск улосын соку сю иськемъёсын нокыӵе улон интыос ӧй вал ук. Салазки шедьтыса, Анастасия Фёдоровна Мишазэ зол-зол биням но сюрес вылэ потэм. Нэнэез со сярысь берло вералляз. Мынэ, пе, ини — нунал но, кык но ортче. Лябӟем, вамыш но лэсьтэмез уг луы ни. Дугдэм: мар таӵе кароно? Кельтоно луоз, дыр, ини тае шуыса, салазкизэ лымые пуктэм но азьлань вамыштэм. Кӧня ке вамыш лэсьтыса вуттэм но, пель сьӧраз таӵе ик куара кылӥське, пе: «Эн кельты пидэ, со бадӟым сьӧлык». Берытскем, салазкиез кутэм но азьлань вамыштэм. Кӧня ке мынэмез бере нош ик ӟигарыз бырем, салазкизэ куштыны дасяськыса шуэм: «Ой, уг луы ни! Кельтоно ини тае. Монтэк соосыз но пиналъёсы бырозы». Нэнэе нош куара кылэм: «Насьтӥ, эн кельты пидэ, тыныд кужым сётӥсько». Зэмзэ но, кышномуртлэн олокытысь кужымез кылдэм, дугдылытэк сямен мынэм-мынэм но поезд дугдылон станцие вуэм, отысен — Москвае, Москваысен — Иже. Инмар озьы юрттӥз, луоз. <ref name="михайлов3"> Михайлов В. Чылкытэз, чеберез вормоз // Удмурт дунне. – 2006. – 8 сент. – С. 6 ; 11. – (Удмурт кизилиос). </ref>

Вордӥськем гуртазы вуыса но семьязы трос курадӟонъёс пыр потоно луиз ай. «Кулак пи» шуыса исамзы, ултӥяса вераськемзы Мишалэсь сюлэмзэ венен ик бышкылӥзы кадь. Со трос лыдӟиськыны тыршиз, ассэ мукетъёслэсь нодлыкоенгес возьматэмез потылӥз, школаын ӟеч дышетскиз. Сизьым класс бере Иже фельдшеръёсты дасясь школае дышетскыны кошкиз, собере Омскысь военной училищеез йылпумъяз, Удмурт пединститутын дышетскиз. 

Армиын солы Пётр Проскурин тодмо ӟуч писателен ӵош службазэ ортчыны кылдӥз. <ref name="романова5" />
'''1949'''–'''1956'''-тӥ аръёсы сизьым ар служить каремез бере армиысь кошкиз. Но вордскем шаераз бертса, Михаил Ивановлы удмурт редакциосын ужан инты ӧз сюры. Соку Михаил Матвеевич Михаил Покчи-Петровлы вазиськиз. Озьы Михаил Иванов «Советской Удмуртия» газетын ужаны ӧдъяз но быдэс улонзэ гожъяськон удыслы сӥзиз. Вить арзэ «Советской Удмуртия» газетлы сётӥз, вить арзэ — телевиденилы, дас арзэ — «Дась лу!» газетлы, дас вить арзэ — «Молот» журналлы. <ref name="иванов2">[http://elibrary.unatlib.org.ru/handle/123456789/312 Иванов М. Ӟечезлы оскыса, адямиосты гажаса : Михаил Ивановлы – 75 // Кенеш. – 2006. – № 7. – С. 90.] </ref>

2014-тӥ арлэн пӧсьтолэзяз Михаил Матвеевич Иванов улонысь кошкиз.

=Гожъямъёсыз сярысь=

Творческой, гожъяськон ӧре пыронэз Михаил Ивановлэн вазь кутскиз. Эшмедазы ӵемысь ёрос газетлэн валтӥсь редакторез, усто кылбурчи Николай Эшмаков вуылӥз. Со гуртысьтызы бортгазетазы кылбуръёс гожъялляз. Кыӵе соос кельшо вал ук пияшлы! Собере Нина апаез но кылбуръёсты шара лыдӟыны яратылӥз. Пичи Миши кылзэ – сюлэмыз лобӟыны дась. Литератураен дышетӥсез Степанида Федоровна Кожевникова ас предметэзлы яратон пыӵатӥз на. Тӥни озьы пичиен-пичиен гожъяськыны кутскиз. Нырысетӥ кылбурез «Вордӥськем шаере» но «Калыклэн нылыз» пичияк очеркез ёрос газетазы печатласькизы. <ref name="иванов1"> Иванов М. Гожъяськисько сюлэмы косэмъя // Ӟечбур! – 2001. – 12 июл. – С. 3. </ref>

Армиын Михаил Иванов «Тревога» газетэ статьяос гожъяз, нош кылбуръёсыз «Советской Удмуртия» но «Удмуртиысь комсомолец» газетъёсын потылӥзы. <ref name="романова5" />
Нош «Советской Удмуртия» газетын ужакуз ӧжытгес гожъяськыны кутскиз. Вань кужымзэ но дырзэ газет ужлы сётылӥз. Гожъяз очеркъёс. Куд-ог кылдэм кылбуръёссэ ас газетазы печатлаз, «Молотын» но «Удмурт правдаын». Ӟуч кылэ соосты Владимир Щипицын берыктылӥз. <ref name="иванов1" /> 

Ог дас ар пала ортчыса ини Михаил Иванов проза жанръёсын гожъямъёсыныз лыдӟисьёслы тодмо луиз. Веросъёсыз огазьын потӥзы «Тон ке ӧй луысал» (1980) но «Эшмед» книгаосаз, повестьёсыз – «Кудӥз кизили яркытгес пиштэ» (1976), «Улон вирсэръёс» (1977), Иван Токаревен ӵош гожтэм книгаез «Тихон агайлы юрт» (1979). Ӟуч кылын потӥзы «Повесть о комдиве» (1983), повестьёсын но эссеосын «Дай-вай» (2003) но веросъёсын пичияк повесть «Откровение» (2006). <ref name="поздеев4"> Поздеев П. Ньыль пӧлысь огез : Михаил Ивановлы – 70 // Кенеш. – 2001. – С. 18-19. </ref>

Нош книгаосыз но нимаз веросъёсыз сярысь огломак верано ке, тазьы шуысал: автор гожъяз огшоры лыдӟисьёслэсь ӧжыт ке но мургес тодэмъёсыз сярысь, сюлэмыз косэмъя. Армиын кема вал бере, полковник Г. С. Томиловский сярысь вераз-мадиз ("Кудӥз кизили яркытгес" повесть). Медучилищеын дышетскиз бере, адямиез ӧжыт ке но эмъян сярысь тодэ. Соин ик врач-профессор М. Ф. Муравьёв сярысь "Улон вирсэръёс" повесть гожтӥз. «Собере куке но кытын ке но верай вал ини театральной искусствоез туж яратэмме. Москваын но со котырын службаез ортчыкум, арнялы быдэ (куддыр кык пол но) кункарысь театръёсы ветлӥсько вал. Ой, кӧня сю спектакльёсты, концертъёсты соку учки! Зэмзэ вераса, Ижевскез сярысь, Москваез соку ӟечгес тодӥсько вал. Музейёсы, концерт залъёсы вуылӥ, выставкаосты учкылэмысь ӧй дугдылы. Оло, соин но улонме консерваториез быдтэм нылмуртэн Ольга Васильевнаен герӟай. Кыкез ик пиналъёсы но консерваториез быдтӥзы, одӥгез — скрипач, мукетыз — пианистка. Соин но мон шуыны быгатӥсько: искусствоез валасько но тодӥсько. Библиотекаям но искусство сярысь уно сю экземпляр книгаосы», – вера улон сюресэз сярысь Михаил Матвеевич. Соин ик тӥни Россиысь калык артист К. Ложкин сярысь повесть но гожтӥз. Нош веросъёсаз — улонысь паймымон учыръёс, улон сярысь малпанъёс, адямиез жалян но яратон мылкыд пыӵамын. <ref name="иванов1" /> 
Очерк-а, верос-а, новелла-а Михаил Иванов гожъяз — писателез котьку кыӵе ке малпаськон, сюлмаськон, учыр, югдур валтӥз. Соин ик соос лыдӟисьлэсь мылкыдзэ бугыръяло, гожъяськисен ваче вераськемзы, лулпуш малпанъёссэс усьтэмзы потыны ӧдъя. Тани '''1985'''-тӥ арын «Молот» журналын «Висён» вакчи веросэз-новеллаез потэм бере Михаил Ивановлы дас кык муртлэсь гожтэт вуиз. Огез лыдӟись школаын гожъяськон кык тетрадьёс вылэ вань улонзэ гожтыса, писательлы тау карыса ыстэм. Нош али Михаил Иванов кемаласьгес ини кияз ручка ӧз кутылы: туала мыдланес улонмылы мылкыдыз уг веська угось. <ref name="романова5" />

=Премиосыз=

П. А. Блинов нимо премилэн лауреатэз

Удмурт Элькунысь лулчеберет удысысь сӥё-дано ужась, '''2001'''

Россиысь гожъяськисьёслэн огазеяськонзылэн ёзчиез

=Библиография=

==Книгаосыз==

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Дай-вай : рассказы и эссе. – Ижевск : Изд-во ИжГТУ, 2003. – 203 с.]

[http://elibrary.unatlib.org.ru/handle/123456789/7278 Кудӥз кизили яркытгес : документальной повесть. – Ижевск : Удмуртия, 1976. – 128 с.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Откровение : небольшая повесть в рассказах. – Ижевск : Изд-во ИжГТУ, 2006. – 65 с.]

[http://elibrary.unatlib.org.ru/handle/123456789/9893 Повесть о комдиве / пер. с удмурт. Н. Кралиной. – Ижевск : Удмуртия, 1983. – 112 с. : ил.]

[http://elibrary.unatlib.org.ru/handle/123456789/7264 Тихон агайлы юрт : повесть / М. Иванов, И. Токарев. – Ижевск : Удмуртия, 1979. – 80 с.]

[http://elibrary.unatlib.org.ru/handle/123456789/7322 Тон ке ӧй луысал : веросъёс. – Ижевск : Удмуртия, 1980. – 100 с.]

[http://elibrary.unatlib.org.ru/handle/123456789/7271 Улон вирсэръёс : документальной повестьёс. – Ижевск : Удмуртия, 1977. – 116 с.]

[http://elibrary.unatlib.org.ru/handle/123456789/9922 Эшмед : верос сузьет. – Ижевск : Удмуртия, 2001. – 128 с.]

==Статьяосыз==

[http://elibrary.unatlib.org.ru/handle/123456789/6449 "Дай-вай" ; Боте ; "Не говори по-удмуртски" ; Непутевый : рассказы // Луч. – 2005. – № 3/4. – С. 50–54.]

Малпан пырыос = Попутные мысли // На переломе эпох : Союзу писателей Удмуртии 70 лет, 1934–2004 : ст., стихотворения, прозаич. произведения, док. – Ижевск, 2006. – С. 133–135.

[http://elibrary.unatlib.org.ru/handle/123456789/12299 Олино солнышко : рассказ // Удмуртская правда. – 2006. – 18 июля. – С. 3. – (Литературный клуб).]

[http://elibrary.unatlib.org.ru/handle/123456789/9821 Тӧл пуйы ; Пӧзьмтэ чорыг лым ; Нимтэм кенакъёс : вакчи веросъёс // Удмурт дунне. – 2011. – 19 июля. – С. 6. – Вакчияк авторез сярысь гожтэмын.]

Эшмед : верос // Азвесь кышетэн толэзь : веросъёс : семьяын лыдӟон книга. – Ижевск, 2007. – С. 46.


'''Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />

[[Категория:Современные удмуртские писатели|Иванов Михаил]]