Редактирование: Загребин Егор

'''Егор Егорович Загребин''' (1937-тӥ ар 4-тӥ пӧсьтолэзь, Якшур-Бодья ёрос, Кутоншур гурт – 2015-тӥ ар 9-тӥ пӧсьтолэзь, Ижкар) – удмурт драматург, прозаик но публицист, Россия Федерациысь лулчеберет удысысь сӥё-дано ужась, Удмурт Элькунысь гожъяськисьёслэн огазеяськонзылэн кивалтӥсез. 

[[Файл:Zagrebin2.jpg|180px|right|Загребин Егор]]

=Улон сюресэз=

Е. Е. Загребин вордскиз '''1937'''-тӥ арын  4-тӥ пӧсьтолэзе Якшур-Бодья ёросысь Кутоншур гуртын. <ref name="писатели"> Егор Загребин (1937) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 49-50. </ref>

Семьязы бадӟым вал, анай-атаез сизьым нылпи будэтӥзы: куать пи но одӥг ныл. Пичи дырыз война вакытэ тупаз, отын трос курадӟонэз но, адӟонэз но вал. Со вакыт сярысь гожъясьчи тазьы вера: «Дедкое мушкась вал, мушъёс кадь ик ӝикыт… Тятяе но лякыт сямо вал, нош улон сое егитысен секыт адӟонэ вуттӥз… Анае пичи мугоро, юн сямо кышномурт вал, черкез кесятозь, отын ужаз, колхозэ ӧз пыры. Инмарлы оскон мылкыдыз мыным но пыӵаз… Бакчамы – 40 сотка, котыраз тэль но пудомы. Эн азьтэмъяськы – сютэм уд кулы…» <ref name="пантелеева">	Пантелеева В. Г. Егор Загребин (1937) : улон но ужан сюресэз // Удмурт литература : 10-11-тӥ классъёслы учебник / С. Т. Арекеева [и др.]. – Ижевск, 2008. – С. 291-299.</ref> Дедкоезлэсь но атаезлэсь мушъёсын вырон Егор Егоровичлы но паласькем. Али но со муш вордэ.

[[Файл:Zagrebin-Dikoj.jpg|160px|thumb|left]]

Гуртын улонэз Егор Егоровичлэн нянь но коньдон ласянь гинэ куанер вал. Нош тодон-валан, адями сюлэмез шӧдон, инкуазез чаклан ласянь пичи дырзэ со нокинэн ӧй воштысал, дыр.<ref name="шкляев"> Шкляев А. Г. Кутоншурысь Егор Загребин // Вапумысь вапуме / А. Г. Шкляев. – Ижевск, 2000. – С. 108-111.</ref>

Шаркан ёросысь Сосновка школа бере Егорез колхоз кузё, ас интыяз кельтыны малпаса, гурт ужасьёсты дасясь школае дышетскыны ыстэ. «Отын кык арня дышетски но, эшъёс шуо: бригидир гинэ луод. Нош мынам «генерал» кариськеме потӥз, малы мыным «ефрейтор». Документъёсме басьтӥ но Иже шонтӥ. Но пединститутэ пырыны бер вал ини. Гуртэ бертыны возьыт. Отчы-татчы утчаськыса, крезьгуръя училищее пыри. Арганэн шудыны быгатӥсько вал, кырӟаны но куарае вань. Отын ӝыны ар дышетскыса вуи но, милемыз Пантелей Кузнецовен Удмурт театре ӧтизы: массовкаын, пе, шудӥсь кулэ… Ӝыны ар ортчыса, Ленинградысь театръя институтэ мыныны конкурс ялӥзы. Мон ортчи»  <ref name="романова"> Романова Г. В. Коньдон – со воньдон // Удмурт кизилиос : очерки, зарисовки, интервью (2001-2007). – Ижевск, 2007. – С. 156-157.</ref>

'''1956'''-'''1961'''-тӥ аръёсы Егор Загребин Ленинградысь А. С. Островский нимо театральной институтысь студент. Отын таӵе югдур кылдӥз: удмурт студентъёсты удмурт пьесаез шудыны косӥзы. Нош выль пьеса ӧвӧл. Егор Загребин со нуналъёсты тазьы тодаз вае: «Ленинградын ӵап [[Перевощиков Василий Яковлевич|Василий Яковлевич Перевощиков]]  стажировка ортче вал. Со мыным вазиськиз: Егор, тон, пе, веросъёсын выриськод ук – пьеса борды но басьтӥськы ай, оло, маке пӧрмоз. Тӥни озьы кутски мон «Тулыс зор» пьесае борды. «Тулыс зорлэсь» кык картиназэ Ленинградын пуктӥмы, отын ик возьматӥмы. Паймизы соку: сыӵеез вылымтэ на». 

'''1961'''-'''1972'''-тӥ аръёсы институтэз йылпумъяса, Удмурт драмтеатрын артист луыса ужаз, отын ик литературая ёзэтэн кивалтӥз. 

'''1972'''-'''1982'''-тӥ аръёсы Удмурт телевидениын режиссёр но чеберлыко литератураез калыке вуттонъя редактор вал, <ref name="энциклопедия"> Загребин Егор Егорович // Удмуртская Республика : энцикл. – Изд. 2-е, испр. и доп. – Ижевск, 2008. – С. 323. </ref>

'''1992'''-'''1999'''-тӥ аръёсы «Инвожо» журналлэн валтӥсь редакторез.

'''1999'''-тӥ арысен – Удмуртиысь Писательёслэн огазеяськонзылэн тӧроез. <ref name="писатели"/> 

Е. Е. Загребин улонысь кошкиз 2015-тӥ арын 9-тӥ пӧсьтолэзе. <ref>[http://elibrary.unatlib.org.ru/handle/123456789/22536 Григорьев, А. Г. Сюлэм уг оскы : улонысь кошкиз Удмуртиысь калык писатель Егор Загребин / Анатолий Григорьев // Удмурт дунне. - 2015. - 14 июля. - С. 7]</ref>

=Гожъямъёсыз сярысь=

Гожъяськыны кутскемез сярысь Егор Загребин тазьы вера: «Мон сизьыметӥ классын дышетскыку, «Советской Удмуртия» газетын Степан Широбоков ужа вал. Урамысен милемыз, колхоз бусые пень поттӥсь пиналъёсты, дугдытӥз но шуиз:  «Ужамды сярысь асьтэос ик газетамы гожтэ ай». Мон кылзоно кариськи. «Советской Удмуртиысь» статьяе понна куинь манет басьтӥ. [[Файл:zagrebin-romanov.jpg|200px|thumb|right| Кылбурчиен В. Романовен, 1968]] Туж шумпотӥ. Лавкаысь кампет басьтӥ но мемиме ушъяськыса куноятӥсько… Соку куинь манет бадӟым коньдон вал. Гожъяськон мылкыды ӝутскиз. Газетэ инкуазь суредъёсты, тылобурдоос, пӧйшуръёс сярысь чакламъёсме гожъяны кутски. Трос гожъяй «Советской Удмуртие», «Натуралистлэн сэрегаз» ыстылӥ».<ref name="романова"/>  

Егор Загребин – веросчи но драматург. Веросъёсысьтыз адӟыны луэ кык тодметсэ-аспӧртэмлыксэ: писатель синмаськымон гожъя инкуазьлы сӥзем вакчиесь веросъёс-зарисовкаос но зэмос улонысь учыръёс пыр кыӵе ке вакытлэсь туссэ-буйзэ суреда, адями кусыпъёс пыр обобщение-конфликт кылдытэ. Солэн веросъёсаз вань мур драматизмез, гожъяськон манераз драматург луэмез адӟиське. Со кӧня ке кылъёсын гинэ яркыт характер но мур конфликт кылдытыны быгатэ.<ref name="пантелеева" />  

Егор Загребин литературае сюрес лёгиз «Тулыс зор» драмаеныз. Собере «Тӧдьы юсь» ('''1966'''), «Мынам яратонэ татын» ('''1973''') драмаос, «Насьток но Исьток» ('''1982'''), «Эн кушты монэ, туганэ» комедиос, «Эш-Терек» легенда, «Кикы нош силе но силе» трагедия гожтэ. Ваньмыз соос Удмурт театрын пуктэмын. <ref name="загребин"> Загребин Егор Егорович // Удмуртская Республика : энцикл. – Изд. 2-е, испр. и доп. – Ижевск, 2008. – С. 323. </ref> Кылсярысь, «Эн кушты монэ, туганэ» пьесаез пуктэмын Чувашиысь К. Иванов нимо театрын. Тросаз та произведениосын действие гуртын радъяське яке гуртын вордскем но будэм геройёс возьматэмын. Сямъёссыя, улон шоры учкемзыя, вераськон манерзыя соос лыдӟисез 1950–1980-тӥ  аръёсы удмурт гуртъёсын улӥсьёс доры вутто. Соос пӧртэмесь: ужасесь но азьтэмесь, егитэсь но пересесь, лякыт но чурыт сямоесь. Нош конфликт пӧртэм.

Писатель нылпиослы но мӧйыослы веросъёс но повестьёс кылдытэ. Соос «Нюлэс куараос», «Палэзь ӟускиос» книгаосын потӥзы. <ref name="романова"/>.

'''2004'''-тӥ арын «Яратонэ, тон вожанэ…» тодэ ваёнъёсын книгаяз, кудаз пыремын тодмо удмурт артистъёс, писательёс, авторлэн дышетӥсез но эшъёсыз сярысь веросъёс, очеркъёс но пьесаос, Егор Загребин возьматэ гожъяськисьлэсь быдэ вуэм быгатонлыксэ (мастерство), литературной геройёсызлэсь самой пыдло ватэм мылкыдъёссэс лачмыт  гинэ лыдӟись доры вуттыны быгатэмез. <ref name="зайцева"> Зайцева Т. И. Писательские воспоминания, литературные портреты // Удмуртская проза второй половины XX – начала XXI века: национальный мир и человек : монография / Т. И. Зайцева. – Ижевск, 2009. – С. 249-255. </ref>

Егор Загребинлэн произведениосыз берыктэмын ӟуч, чуваш, пор, мордва но мукет финн-угор кылъёсы.
<br clear="both" />

=Наградаосыз но премиосыз=
[[Файл:Nagrzagrebin.jpg|230px|thumb|right]]
Удмурт Элькунысь Кун премилэн лауреатэз, '''2000'''. <ref name="загребин"/> 
 
Удмурт Элькунысь калык писатель, '''2004'''.  <ref name="загребин"/> 

Эшъяськон орден, '''2008'''.
<br clear="both" />
=Библиография=

==Книгаосыз==

[http://elibrary.unatlib.org.ru/handle/123456789/5091 Асьмелэн со одӥг : пьесаос. - Ижевск : Удмуртия, 1983. - 128 с.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Лебеди моего детства : новеллы, рассказы, пьесы / пер. В. Болтышев, В. Глушков и автор. - Ижевск : Удмуртия, 2008. - 174 : ил.]

[http://elibrary.unatlib.org.ru/handle/123456789/4898 Насьток но Исьток : пьесаос. - Ижевск : Удмуртия, 1990. - 136 с.]

[http://elibrary.unatlib.org.ru/handle/123456789/4859 Нюлэс куараос : веросъёс. - Ижевск : Удмуртия, 1971. - 43 с. : ил.]

[http://elibrary.unatlib.org.ru/handle/123456789/4890 Палэзь ӟускиос : веросъёс, повесть. - Ижевск : Удмуртия, 1978. - 120 с.]

[http://elibrary.unatlib.org.ru/handle/123456789/4870 Секыт адӟон : повесть, веросъёс. - Ижевск : Удмуртия, 1992. - 256 с.]

[http://elibrary.unatlib.org.ru/handle/123456789/4899 Тӧдьы юсь : пьесаос. - Ижевск : Удмуртия, 1976. - 100 с.]

[http://elibrary.unatlib.org.ru/handle/123456789/4916 Тулыс зор : пьесаос, веросъёс. - Ижевск : Удмуртия, 1997. - 415 с. : 1л. портр. - (Школьной библиотека).]

[http://elibrary.unatlib.org.ru/handle/123456789/4860 Яратонэ тон, вожанэ... : веросъёс, очеркъёс, пьесаос. - Ижевск : Удмуртия, 2004. - 431 с.]

==Статьяосыз==

[http://elibrary.unatlib.org.ru/handle/123456789/9388 Али но пель сьӧрам чузъяське : верос // Ӟечбур! – 2010. – 6 мая. – С. 5. ]

[http://elibrary.unatlib.org.ru/handle/123456789/2689 Гай агай : новелла // Инвожо. – 2007. – № 5/6. – С. 162–164 : фот.]

[http://elibrary.unatlib.org.ru/handle/123456789/4115 Гомась шунды : пӧсь гужем сярысь малпанъёс // Кенеш. – 2011. – № 4. – С. 10-26.]

[http://elibrary.unatlib.org.ru/handle/123456789/5631 Горькая судьбина : повесть / пер. с удмурт. Василий Глушков // Луч. – 2010. – № 3/4. – С. 17-33 ; Луч. - 2010. - № 5/6. - С. 4-22.]

[http://elibrary.unatlib.org.ru/handle/123456789/1154 Девушка и принц : новелла // Инвожо. – 2009. – № 3/4. – С. 52–57.]

Дуно эше! : стихотворение к 85-летию журнала «Кенеш» // Кенеш. – 2011. – С. 9.

Зарни сӥзьыл : [верос] // Удмурт литература : 5-тӥ класслы учебник-хрестоматия. – Ижевск, 2008. – С. 96–99.

[http://elibrary.unatlib.org.ru/handle/123456789/952 Ӝокатон // Инвожо. – 2008. – № 3/4. – С. 77–81.]

[http://elibrary.unatlib.org.ru/handle/123456789/5764 Красная тряпка ; Огонь. Пилотка : рассказы / пер. с удмурт. В. Глушков // Луч. – 2011. – № 3/4. – С. 4-11.]

[http://elibrary.unatlib.org.ru/handle/123456789/6558 Любовь моя, ревность моя... : докум. повесть / пер. с удмурт. И. Пельтемова // Луч. – 2005. – N 11/12. – С. 5-17.]

Малы вал эктэ? : верос // Покчи эше : 1–2-тӥ классъёсын ватсаса лыдӟон книга. – Ижевск, 2006. – С. 121–123.

Мунчокузё ; Коӵыш но кион : пичи веросъёс // Удмурт дунне. – 2007. – 6 июля. – С. 12.

[http://elibrary.unatlib.org.ru/handle/123456789/9629 "Ошмес син" // Удмурт дунне. – 2010. – 12 мая. – С. 7.]

[http://elibrary.unatlib.org.ru/handle/123456789/3000 Ӧпкелён : "Писательёс сярысь веросъёс" сузьетысь  / Кенеш. – 2010. – № 5/6. – С. 7–14.]

[http://elibrary.unatlib.org.ru/handle/123456789/2889 Падыш : верос // Кизили. – 2010. – № 10. – С. 6–7 : цв. ил.]

[http://elibrary.unatlib.org.ru/handle/123456789/12176 Путь в Европу начинается с родины : полем. заметки  // Удмурт. правда. – 2006. – 18 янв. – (Литературный клуб).]

[http://elibrary.unatlib.org.ru/handle/123456789/6172 Рассказы Саватея : рассказ / пер. с удмурт. В. Глушкова // Луч. – 2007. – № 7/8. – С. 5–6.]

Река сирыштышы порт ; Шомымшы юр : шайышт-машвла // Симсы шыргышты : финн-угр писательвлан сылны шаяшты. – Йошкар-Ола, 2007. – С. 92–99. – Пер. назв. источника: В синем залесье : творчество финно-угорских писателей.

[http://elibrary.unatlib.org.ru/handle/123456789/353 Сьӧлык-а телевизор учкыны? : толло-валля уйбыртонъёс  // Кенеш. – 2006. – № 11/12. – С. 60–66.]

[http://elibrary.unatlib.org.ru/handle/123456789/812 Улон питран : (писательёс сярысь сузьетысь верос) // Инвожо. – 2007. – № 1/2. – С. 66–73.]

Уӵы : верос // Азвесь кышетэн толэзь : веросъёс : семьяын лыдӟон книга. – Ижевск, 2007. – С. 43.

[http://elibrary.unatlib.org.ru/handle/123456789/4632 Фауст : "Писательёс сярысь веросъёс" сузьетысь : [о Г. Д. Красильникове] // Инвожо. – 2006. – № 4/5. – С. 61–66.]

Энер воктенсе пӧрт : ойлымаш / пер. З. Глушковой // Марий Эл. – 2008. – 19 апр. – С. 7. – Дом у реки : рассказ.

Эш-Тэрек : кык ёзэн трагедия : кыкетӥ ёзлэн пумыз  // На переломе эпох : Союзу писателей Удмуртии 70 лет, 1934–2004 : ст., стихотворения, прозаич. произведения, док. – Ижевск, 2006. – С. 267–272.

[http://elibrary.unatlib.org.ru/handle/123456789/7422 Янгыш меда? : сценка / иллюстрациез Галина Ивановалэн // Кизили. – 2012. – № 7. – С. 12-13.]


'''Татчы 2005-тӥ арысен потэм  чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />

[[Категория:Современные удмуртские писатели |Загребин Егор]]
Текущая версия		Ваш текст
Строка 1:		Строка 1:
−	'''Егор Егорович Загребин''' (1937-тӥ ~~арын~~ 4-тӥ ~~пӧсьтолэзе~~, Якшур-Бодья ёрос, Кутоншур гурт – 2015-тӥ ~~арын~~ 9-тӥ ~~пӧсьтолэзе~~, Ижкар) – удмурт драматург, прозаик но публицист, Россия Федерациысь лулчеберет удысысь сӥё-дано ужась, Удмурт Элькунысь гожъяськисьёслэн огазеяськонзылэн кивалтӥсез.	+	'''Егор Егорович Загребин''' (1937-тӥ ар 4-тӥ пӧсьтолэзь, Якшур-Бодья ёрос, Кутоншур гурт – 2015-тӥ ар 9-тӥ пӧсьтолэзь, Ижкар) – удмурт драматург, прозаик но публицист, Россия Федерациысь лулчеберет удысысь сӥё-дано ужась, Удмурт Элькунысь гожъяськисьёслэн огазеяськонзылэн кивалтӥсез.

	[[Файл:Zagrebin2.jpg\|180px\|right\|Загребин Егор]]		[[Файл:Zagrebin2.jpg\|180px\|right\|Загребин Егор]]