Редактирование: Ванюшев Василий

'''Василий Михайлович Ванюшев''' - тодмо удмурт литературовед, филология наукаосъя доктор но кылбурчи, Россия Федерациысь писательёслэн огазеяськонзылэн ёзчиез, Удмурт  Элькунысь калык писатель, Удмурт  Элькунысь лулчеберет удысысь дано ужась, Удмурт  Элькунысь тодос удысысь дано ужась, Чуваш Республикаысь лулчеберет удысысь дано ужась.

[[Файл:Vvm.JPG|200px|right|Галина Романова]]
 
=Улон сюресэз=

Василий  Ванюшев вордскиз Кизнер ёросысь Улын Кусо-Какся гуртын '''1936'''-тӥ арын 10-тӥ тулыспалэ. <ref name="писатели"> Богомолова З. Василий Ванюшев (1936) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 123–124. </ref> 

Пичи дырысеныз Вася туж яратӥз валъёсты. Атаез колхоз валъёсты сюдӥз, пияш сьӧрысьтыз ӧз кыльылы. Быдӟым оже ветлэм бераз но валъёсты утялтӥз. Соку ини пияш толэсъёсты но дышетылӥз. <ref name="лаптев">[http://elibrary.unatlib.org.ru/handle/123456789/65 Лаптев А. «Культура одӥг калык пушкы гинэ кенерамын ӧвӧл» // «Тӥ учке ӵемгес ӵукпала…» : кылдунъетъёс, кылужъёс, юан-валэктонъёс / А. М. Лаптев. – Ижевск, 2008. – С. 192–200.] </ref>

Вася Ванюшевлэн туж шор ёзо школае мынэмез потэ вал. Нош шор ёзо школазы Кизнерын гинэ. Семьязы туж начар улэмен (семьяын – куать пиналъёс), анай-атаез юрттыны ум быгатэ шуизы. Можга педучилищеын ӧжыт ке но стипендия тыро. Отчы мыныны дэмлазы. Озьы, сизьыметӥ классэз Ушъян грамотаен йылпумъяса, Василий Ванюшевез педучилищее экзаменъёстэк кутӥзы. Отысен со тодӥз литературно-творческой кружок вань шуса. Гожъяськон мылкыдыз вал бере, соку ик отчы мынӥз. Озьы Екатерина Алексеевна Коноваловалэн (тодмо удмурт гожъяськисьлэн, М. А. Коноваловлэн апаез)кружоказ сюриз. Со вакытэ ик куинетӥ курсын Г. Ходырев но А. Ермолаев дышетскизы. Кружоке ветлӥсьёс кылбуръёссэс лыдӟылӥзы, эскерылӥзы, малпанъёссэс вераллязы. Вася Ванюшев паймыса кылзылӥз эшъёссэ. <ref name="лаптев" /> 
[[Файл:Vvm22.JPG|300px|thumb|left|МГУ-ын дышетскыкуз студенческой отрядэн целинаын]]  
Педпрактикае ветлыса, пияшлы кельшиз вал кадь школаын ужаны. Но гожъяськон мылкыдыз вормиз ик. <ref name="лаптев" />

Можга педучилищеез йылпумъяса, тодон-валанъёс басьтӥз Москваысь Ломоносов нимо университетлэн журналистъёсты дасян ёзэтаз. '''1960'''-тӥ арын дышетсконзэ быдтэм бераз Ижкаре ужаны лыктӥз, нырысь «Советской Удмуртия», собере «Удмуртиысь комсомолец» газетъёсын тыршиз. Можга педучилищеын дышетскыкуз кылбуръёс но кылбур-веросъёслы дунъетъёс кылдытъяны кутскем мурт, газетын тыршон дыръяз но сюлэмаз кельшем та ужъёсызлэсь ӧз куштӥськылы ни. <ref name="ванюшев">[http://elibrary.unatlib.org.ru/handle/123456789/242 Василий Ванюшевлы – 70 // Кенеш. – 2006 – № 2. – С. 12–13.] </ref>

Василий Михайлович кема дыр ӵоже Флор Васильевен «Удмуртиысь комсомолецын» тыршиз, валтӥсь редакторлэн воштӥсез луыса. Нуиз удмурт кылынзэ. Дубляжлэсь мозмытскемзы но сое «Дась лу!»-эн воштэмзы бере, со басьтӥз на идеологияя ёзэтэн кивалтонэз. <ref name="лаптев" />  
  
'''1970'''-тӥ арын улон сюрес сое нош ик Муское вуттэ. Василий Ванюшев, куинь ар аспирантураын дышетскыса, диссертацизэ быдэстэ но филология наукаосъя кандидат луэ. Аспирантураын дышетскон, выль тунсыко адямиосын тодматскон тодосчилы наука удысын тыршыны кужым сётӥзы. Мускоысь бертса, В. М. Ванюшев Россиысь наукаосъя акдемилэн Историяя, кылъя но литературая удмурт институтлэн литературая но фольклоръя сектораз ужа. <ref name="волкова">[http://elibrary.unatlib.org.ru/handle/123456789/1682 Волкова Т. «Шаермылы визьмыд кулэ дыръя…» // Вордскем кыл. – 2006. – № 1. – С. 30–31.] </ref>

Институтын Василий Михайлович удмурт литературалэсь азинскон сюрессэ, солэсь аспӧртэмлыксэ эскерыны-дышетыны кутске. '''1997'''-тӥ арын  докторской ужзэ уте.

Али филологи наукаосъя докторлэн, профессорлэн, Удмуртиысь дано тыршисьлэн В. М. Ванюшевлэн кык сю пала ужъёсыз. Соос пӧлысь тужгес тодмоосыз — [http://elibrary.unatlib.org.ru/handle/123456789/4515 «Расцвет и сближение. О типологии национального и интернационального в удмуртской и других младописьменных литературах»] (1980), «Вершины корнями сильны» (1987), [http://elibrary.unatlib.org.ru/handle/123456789/4512 «Кин шоры «ыбылэ» Мултан уж?»] (1994), «Творческое наследие Г. Е. Верешагина в контексте национальных литератур Урало-Поволжья» (1995) (таиз книгаез понна Кун премия басьтӥз <ref name="ванюшев2">[http://elibrary.unatlib.org.ru/handle/123456789/9015 Ванюшев В. Ванюшев Василий Михайлович / записал Виктор Занчаров. - Ӟечбур! – 2008. – 10 янв. – С. 10–11.] </ref>(13)), «Поэтическая дилогия Г. Е. Верещагина» (2002) нимо книгасыз. В. Ванюшевлэн кивалтэмез улсын кык томен «История удмуртской советской литературы» (1987, 1988) бадӟым уж потӥз, солэн сюлмаськеменыз ик Г. Е. Верещагинлэн гожъямъёсыныз трос томен бичет печатласькиз. Пусйыны кулэ на: та ӟырдыт сюлэмо тодосчи удмурт литератураез эскерисьёсты будэтыны сюлмаське, аспирантъёсын ужа. Трос аръёс ӵоже дышетӥз студентъёсты.  '''1998'''–'''2003'''-тӥ аръёсы В. М. Ванюшев кивалтӥз Удмурт университетысь филология факультетысь удмурт ёзэтлэн удмурт литературая кафедраеныз. Со Удмурт кун университетысь профессор. <ref name="ванюшев" />

Василий Михайлович Ванюшев тямыс кылбур книгаослэн авторзы луэ. <ref name="писатели" />

«Поэзия – шумпотон. Куддыр «кудӟон» вуэ, асме кутэме уг луы ни, наукаез «сэрпалтӥсько». Гожъяськон, творчество пыр аслыд шумпотон басьтӥськод, аслыд ачид сое кылдытӥськод. Мукет дуннее пырыса улӥськод кадь. Кылбуръёс ас сяменызы, капчиен лыкто, бурдъёс кылдыто», – вера кылбурчи. <ref name="чернова"> Чернова Т. Удалтэмын ке, удалтэ // Удмурт кизилиос : очерки, зарисовки, интервью (2001-2007). – Ижевск, 2007. – С. 20–21. </ref>

=Гожъямъёсыз сярысь=

Василий Ванюшев ньылетӥ классын дышетскыкуз, туж тунсыко дышетӥсез вал – Дмитрий Иванович Тимофеев. Одӥг пол со уроке пичигес гинэ книга ваиз. Отын кылбуръёс печатламын. Нош улаз – пинал авторъёслэн, дышетскисьёслэн нимтулзы. Соку пияш малпаськонэ усиз: «Малы ай кин ке но кылбуръёс гожъяны быгатэ, мон ке пӧрмытыны кулэ ӧвӧл». Тӥни озьы кылбур гожтоно кариськиз. Кема курадӟем бераз, ненецлэсь кырӟанзэ гожтоно кариськиз… Дышетӥсез ушъяз, мылкыд сётӥз. Тӥни со дырысен, оло, гожъяськон мылкыдыз улӟиз. Дышетӥсез ик эшъяськытӥз газетъёсын. «Советской Удмуртияын» пичильтык заметкаосыз, иворъёсыз печатласькизы. Но витетӥ классын ӟуч школае мынӥз, гожъяськыны дышетӥсь ӧз луы ни. <ref name="лаптев" />  
 
Можга педучилищеысь Е. А. Коноваловалэн кружоказ ветлыкуз, гожъяськон удысын нырысетӥ вамышъёс лэсьтӥз. Дано удмурт писательёс М. Петров но Т. Архипов солэсь рос-прос гожъямъёссэ соку ик синйылтӥзы но быгатэмезлы осконзэс веразы. В. Ванюшевлэн удмурт но ӟуч кылын гожтэм рецензиосыз, очеркъёсыз, фельетонъёсыз, кылбуръёсыз шаерысьтымы газет-журналъёсын печатласькылӥзы: нырысь Можгаысь «Ленинъя» ёрос газетын, собере «Советской Удмуртия» газетын но «Молот»–«Кенеш» журналын. Соку «Егит большевик» кылдӥз на. <ref name="шибанов">[http://elibrary.unatlib.org.ru/handle/123456789/3153 Шибанов В. Дорвыжымы сярысь сюлмаськыса : Василий Ванюшевлы – 75 // Кенеш. – 2011. – № 2. – С. 93–101.] </ref>
Авторлэн произведениосыз печатласькыны кутско шаерысьтымы палэнын но: «Литературная Россия», «Литературная газета» газетъёсын, «Урал», «Волга», «Театральная жизнь» журналъёсын но огъя бичетъёсын.   

«Выжыосы» (1976), «Шунды но гудыри» (1980), «Шунды-мумы» (1990), «Аръёсын ваче син» (1995), «Меми гожтэт»=«Мамино письмо» (2005), «Удмурт выжы книга»=«Как будто Книга бытия…» (2006) (таиз книгаез сярысь малпанъёссэс пыр-поч гожтӥзы Л. Айтуганова <ref name="айтуганова">[http://elibrary.unatlib.org.ru/handle/123456789/409 Айтуганова Л. «Выжыослы ваньмы йыбырттомы…» // Кенеш. – 2008. – № 1. – С. 99–102.] </ref> но К. Ломагин <ref name="ломагин"> Ломагин К. Вашкала выжыосмес улӟытыса // Удмурт дунне. – 2007. – 23 янв. – С. 5. </ref>) чеберлыко произведениосын книгаосыз потэмын шаерысьтымы но Мускоысь книгапоттониосын. <ref name="писатели" />
«Поэзиын монэ бордазы кыско шаерлы, калыкъёслэн кусыпсылы, культуралы, нылкышнолы сӥзем темаос, инкуазь суредъёс», – сюлэмзэ усьтэ кылбурчи. <ref name="лаптев" />

Василий Ванюшевлэн кылбуран дуннеяз граждан тематикалы сӥзем ужъёсыз тужгес висъямон луо. Быдӟым тыложлы сӥзем чуръёсыз но, ас вордскем палэз пумысен сюлмаськонъёсыз но (солэн вордскем Кусо-Какся гуртэз али быремын ни), выльдӥськон бере кылдэм шугадӟонъёс но, тодос удысысь малпанъёсыз но (Иднакар пумысен, Г. Верещагинлэн кылосбурез пумысен), удмурт кылэз, удмуртлыкмес утьыны тыршонъёсыз но – ваньмыз со литератураямы яркыт пытьы кельтӥз. <ref name="шибанов" />  
[[Файл:Vvm33.JPG|300px|thumb|right|Можга педучлищеысь литературая кружок]]
«Шунды но гудыри» бичетын яратон лирика но пӧртэм палъёсыныз усьтӥськиз. Кылсярысь, яратонлэн но юморлэн пӧлэстӥськемзы синмаськымон адӟиськиз «Ӟатчалан» кылбурын:

''Туганлэн, ӟечелэн,''

''Вордскемез Ӟаччалан,''

''Куное мон пырай''

''Атыкай юртъераз.''

Поэтлэсь кылтӥрлык ласянь узырлыксэ но, кылбурысь шор малпанлэсь азинскемзэ но ӟеч адӟиськом. <ref name="шибанов" /> 

Покчиос шумпотыса лыдӟо «Вить чиньы – одӥг кикур» (1982), «Солнечный каравай» (1983), «Колосок, задевший небо» (1985) нылпиослы гожтэм книгаоссэ. <ref name="волкова" />

Василий Михайлович та произведениосаз удмуртъёслэсь дунне шоры аспӧртэмлыко учкемзэс яркыт возьматыны тыршиз. <ref name="шибанов" />

Василий Ванюшевлэн кылбуръёсыз сӥземын пӧртэм темаослы. Валтӥсь инты басьтэ вордӥськем шаер, удмурт калык, инкуазь но адями кусыпъёс сярысь малпаськон чуръёсыз. Шӧдӥське авторлэн ас шаерзэ но калыксэ яратон мылкыдыз. Соин но, дыр, кылбурчи туж секыт но туж тунсыко уж борды басьтӥськиз – М. Худяковен  ӟуч кылын кылдытэм «Песнь об удмуртских батырах» эпоссэ удмурт кылэ эрико берыктӥз. '''2004'''-тӥ арын [http://elibrary.unatlib.org.ru/handle/123456789/13682 «Дорвыжы»] нимын эпос нимысьтыз книгаен лыдӟись доры вуиз. <ref name="волкова" />  
  
'''2010'''-тӥ арын та эпосэз Эса-Юси Салминен, Турку университетысь докторант, финн кылэ берыктыса, нимысьтыз книгаен поттэм. <ref name="игнатьева">[http://elibrary.unatlib.org.ru/handle/123456789/2921 Игнатьева О. «Дорвыжы» эпос – финн кылын // Кенеш. – 2010. – № 1. – С. 79–81.] </ref>
Трос дырзэ но кужымзэ Василий Ванюшев сётэ берыктон ужлы: Шандор Петефи, Василий Фёдоров, Евгений Евтушенко, Олег Поскрёбышев, Габдулла Тукай, Иван Куратов но мукетъёсыз. <ref name="шибанов" />

Аслаз но произведениосыз потэмын пор, чуваш, бигер кылъёсын. «Салам, Шупашкар!» (1993) кылбуръёсын но веросъёсын, удмурт но чуваш калыкъёслэн кусыпъёссы сярысь «Туслах. Содружество. Эшъяськон»  очеркъёсын бичетъёсыз потэмын Чебоксарын. <ref name="писатели" />

=Наградаосыз но премиосыз=
 
Удмуртиысь Кун премилэн лауреатэз, 1996.

Удмуртиысь Кузебай Герд нимо премилэн лауреатэз, '''2010'''.

Чуваш Республикаысь И. Я. Яковлев нимо национальной премилэн лауреатэз.

Удмурт  Элькунысь Правительстволэн литература удысын, тужгес но ӟеч поэтической произведение номинациын, премилэн лауреатэз, 2014.

=Библиография=

==Книгаосыз==

[http://elibrary.unatlib.org.ru/handle/123456789/1409 Аръёсын ваче син : кылбуръёс, балладаос, поэмаос. – Ижевск : Удмуртия, 1995. – 176 с.] 

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Вить чиньы – одӥг кикур : нылпиослы кылбуръёс / худож. Р. К. Тагиров. – Ижевск : Удмуртия, 1982. – 40 с.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Выжыосы : кылбуръёс. – Ижевск : Удмуртия, 1976. – 64 с.]

Зэмлыклэн кукыз кузьгес : нылпиослы веросъёс. - Ижевск : Удмуртия, 2018. - 47 с.

[http://elibrary.unatlib.org.ru/handle/123456789/4511 Колосок, задевший небо : стихи. – Ижевск : Удмуртия, 1985. – 56 с.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Меми гожтэт = Мамино письмо : поэма / пер. с удмурт. А. Демьянова. – М. : Россиысь Литфонд, 2005. – 87 с.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Салам, Шупашкар!... : калавсем, савасем / сост. Р. Н. Петрова. – Чебоксары, 1993. – 94 с. – (Вучах библиотеки ; № 9–10).]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Солнечный каравай : стихи / пер. А. Кондратьева. – М. : Дет. лит., 1983. – 31 с.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Удмурт Выжы Книга (Иднакарын) = Как будьто Книга бытия (На Иднакаре) / предисл. и коммент. Э. А. Тамаркиной ; пер. на рус. яз. А. И. Демьянова. – Ижевск : Удмурт. ун-т, 2006. – 68 с. : ил.]

[http://elibrary.unatlib.org.ru/handle/123456789/1410 Шунды – Мумы : кылбуръёс но поэмаос. – Ижевск : Удмуртия, 1990. – 142 с.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Шунды но гудыри : кылбуръёс но балладаос. – Ижевск : Удмуртия, 1980. – 108 с.]

Яратӥсько адямиез яратыны : кылбуръёс/ Василий Ванюшев. - Ижевск : Удмуртия, 2015. - 94 с.

==Статьяосыз==

Адямиос, адямиос... : "Инмысь васькем нылъёс-пиос" кинофильмез кылдытӥсьёслы : кылбур // Италмас. – 2007. – № 1. – С. 82.

Возьма монэ, мумыкор : кылбур // Удмурт литературая антология : 8–11-тӥ классъёсын дышетскисьёслы лыдӟет. – Ижкар, 2001. – С. 118–119.

[http://elibrary.unatlib.org.ru/handle/123456789/5122 Зэмлыклэн кукыз кузьгес : притча // Кизили. – 2011. – № 2. – С. 6-7.]

Ӟечлык вордэ ӟечез : кылбуръёс // Удмурт дунне. – 2006. – 8 февр. – С. 7.

[http://elibrary.unatlib.org.ru/handle/123456789/241 Иднакарын : поэма // Кенеш. – 2006. – № 2. – С. 11–25. – (Поэзия).]

[http://elibrary.unatlib.org.ru/handle/123456789/7047 "Иднакарын туннэ куала ӧвӧл ни" сериысь = Из серии "Уж нет на Иднакаре куалы" = Sarjasta "Idnakarissa ei ole enää kualaa" : кылбуръёс / Василий Ванюшев ; пер. Владимир Бояринов, Анатолий Демьянов, Esa-Jussi Salminen ; худож. Вячеслав Михайлов // Инвожо. – 2012. – № 4/5. – С. 49-54. – (Удмурт ПЕН-клуб. Альманах).]

[http://elibrary.unatlib.org.ru/handle/123456789/2260 Италмас : Ашальчи Окилы // Вордскем кыл. – 2009. – № 1. – С. 14.]

Кедра : баллада // Вакыт (Игра). – 2009. – 2 окт.

Кыл ванен : кылбур // Даур (Ува). – 2005. – 3 июня.

Ладилэн азбараз : кылбур // Удмурт дунне. – 2007. – 15 июня. – С. 15. – (Шӧкыч).

"Ласточки вернулись вслед за громом..." // Изв. Удмурт. Респ. – 2005. – 10 нояб. – С. 14. – (Сияние рифм).

Луна ; Цветы ; Нива ; Снег ; Смородиновый куст ; Из понимания добра ; Чингыли ; Крезь ; Ростки ; "Красавица какая!." ; Рождение ; Наследникам "Гудыри" ; "На просторах земных..." ; На ветрах и на солнце : Мухтару Ауэзову ; Мечта ; "Поговорка есть у нас такая..." ; Оглавленная ель : баллада ; "Никто не вспомнит дня..." ; "Проходили берегами Камы...": стихотворения / пер с удмурт. В. Бояринов // На просторах земных. - М., 1990. - С. 28-51.

[http://elibrary.unatlib.org.ru/handle/123456789/6440 Мамино письмо : (фрагм. поэмы) / пер. с удмурт. А. Демьянова // Луч. – 2005. – № 3/4. – С. 13–17. – (К 60-летию Победы) ; Новая жизнь (Кизнер). – 2005. – 24 мая.]

[http://elibrary.unatlib.org.ru/handle/123456789/1495 Мушъёс пыро ни умортоязы : верос // Кизили. – 2006. – № 2. – С. 4–5.]

[http://elibrary.unatlib.org.ru/handle/123456789/866 Оло нош... : верос // Инвожо. – 2007. – № 7/8. – С. 54–56.]

[http://elibrary.unatlib.org.ru/handle/123456789/9545 Онегаысь Вуныл ; "Мон бертӥсько дор палъёсам..." ; Марлы мон патреттэ пуктӥ?. ; Сяласькись кылбурчилы ; "Мон нош тани..." ; "Яратӥсько адямиез яратыны..." ; "Куке секыт луиз тыныд..." ; "Корка пушме тазатӥсько..." ; Кизнер пал ошмесъёс ; "Иднакарын туннэ куала ӧвӧл ни..." ; "Дорам лыкто кураськисьёс но..." : кылбуръёс // Удмурт дунне. – 2010. – 9 февр. – С. 7.]

[http://elibrary.unatlib.org.ru/handle/123456789/2205 Перепеч : кылбур // Вордскем кыл. – 2008. – № 10. – С. 12.]

[http://elibrary.unatlib.org.ru/handle/123456789/1568 Пожа-луйста! : верос // Кизили. – 2007. – № 5/6. – С. 5.]

[http://elibrary.unatlib.org.ru/handle/123456789/4844 Потэ-а тынад яратон луэмед? : кылбуръёс // Инвожо. – 2006. – № 1. – С. 26–27.]

[http://elibrary.unatlib.org.ru/handle/123456789/1685 Пушок-2 : покчиослы верос / худож. А. Н. Абрамов // Вордскем кыл. – 2006. – Вкл. л. – ("Вордскем кыллэн" книжкаез).]

[http://elibrary.unatlib.org.ru/handle/123456789/3143 Та вашкала ошмесо шаере : кылбуръёс // Кенеш. – 2011. – № 2. – С. 13–20.] 

"Таится в скромном перстеньке твоем..." ; "Жизнь сродни океану..." ; В пути ; "Садовник стар..." ; "Не замути..." ; Бор : стихотворения / пер. П. Кошеля // На просторах земных. - М., 1990. - С. 62-66.

Тепловоз ; Вить чиньы – одӥг кикур : кылбуръёс // Зарни дэремен шунды : семьяын лыдӟон книга. – Ижевск, 2006. – С. 26–27.
Удмурт кыл : кылбур // Герд. – 2008. – № 8 (авг.). – С. 3.

[http://elibrary.unatlib.org.ru/handle/123456789/2743 Яратон : верос // Азвесь кышетэн толэзь : веросъёс : семьяын лыдӟон книга / люказ но радъяз В. Н. Ившин. – Ижевск, 2007. – С. 16–17 ; Кизили. – 2005. – № 3. – С. 4–5.]

"Я шел, собираясь прочистить родник..." ; "Жизнь начав, будто в реку вступаем..." ; Италмас : первой удмурт. поэтессе Ашальчи Оки ; "Деревьев лишних нет..." ; Из лесу ; "Домой я приехал..." ; "Кому же не люба красавица?!." ; Горы и море : Кайсыну Кулиеву ; "Среди тихих деревьев..." ; "Сколько дел!." ; "Как хлеб ножом от каравая..." ; "Приезжаю зимою я к маме..." ; "Почему ты родник..." ; "Нет, беды не окончились с войною..." ; В солнечный день : стихи / пер. с удмурт. Б. Романова // На просторах земных. - М., 1990. - С. 52-62.

[http://elibrary.unatlib.org.ru/handle/123456789/551 Яратӥсько адямиез яратыны... : кылбуръёс // Кенеш. – 2008. – № 9. – С. 3–7.]

==Берыктэмъёсыз==

Алексеев, С. П. Ленин сярысь веросъёс / суредъёсыз В. Гальдяевлэн. – Ижевск : Удмуртия, 1987. – 100 с.

==Кырӟанъёсыз==

[http://elibrary.unatlib.org.ru/handle/123456789/3156 Кузнецов П. Н. Вӧзам вуттӥзы : "Сяськаен мон тонэ ӵошатӥ ке..." // Кенеш. – 2011. – № 2. – С. 108–109.]

[http://elibrary.unatlib.org.ru/handle/123456789/3155 Кузнецов П. Н. Кылбурме вордо : "Ӝыт пал жади, кате быриз ӝыт пал..." // Кенеш. – 2011. – № 2. – С. 107–108.]

[http://elibrary.unatlib.org.ru/handle/123456789/3158 Кузнецов П. Н. Мӧзмон : "Мон нош тани тонэ ӧй чупа..." // Кенеш. – 2011. – № 2. – С. 111.]

[http://elibrary.unatlib.org.ru/handle/123456789/3157 Кузнецов П. Н. Шӧдӥсько : "Ӧд но келя монэ, ӧд но чупа монэ..." // Кенеш. – 2011. – № 2. – С. 110–111.]

[http://elibrary.unatlib.org.ru/handle/123456789/1316 Ураськин А. И. Кык сюлэмъёс : "Чебер нылмурт кияз сюсьтыл возе..." // Ашальчи. – 2011. – № 1. – С. 16–17 ; Байгурезь (Дебесы). – 2005. – 30 марта ; Удмурт дунне. – 2007. – 9 марта. – С. 11 ; Кенеш. – 2008. – № 5/6. – С. 9.]


'''Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />


[[Категория:Современные удмуртские писатели|Ванюшев Василий]]