Редактирование: Бадретдинов Ульфат

'''Ульфат Шайхутдинович Бадретдинов ''' – удмурт гожъяськись, Россиысь гожъяськисьёслэн огазеяськонзылэн ёзчиез, Россиысь журналистъёслэн огазеяськонзылэн ёзчиез, Удмурт Элькунысь сӥё-дано ужась, Россиысь огъя дышетон удысысь сӥё-дано ужась.

[[Файл:Бадретдиновмини2.jpg|170px|right|Ульфат Бадретдинов]]

=Улон сюресэз=

Ульфат Бадретдинов вордскиз Башкортостанысь Бурай ёросысь Алтау гуртын '''1957'''-тӥ арын 21 толшоре.
<ref name="уваров">Уваров А. Ульфат Бадретдинов (1957) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 13–14</ref>

Семьяын кык пиос будӥзы. Школаын но пияш дышетскем сяна пӧртэм ужъёсы пыриськиз. «Юннат отрядмы, зэм но, вал. Ми нырысь лушкем выримы. Собере быдэс республикамы ми сярысь тодӥз. Ма, Башкирия гинэ ӧвӧл, быдэс Совето Союзын дано луим. Ми сярысь Москваысь радио пыр вераллязы. Соку нуналлы быдэ витьтон-куатьтон гожтэт басьяськом вал…» <ref name="буш"> Бадретдинов У. Буш - ӧвӧл буш / записала О. Самигулова // Удмурт кизилиос : очерки, зарисовки, интервью (2001-2007). – Ижевск, 2007. – С. 84–85. </ref> 

Вордӥськем гуртысьтыз тямыс классъем школаез йылпумъяса, '''1972'''-тӥ арын Можга педучилище дышетскыны лыктӥз. Татысен со литературно-творческой кружоке ветлӥз, кружокен со вакытэ прозаик Григорий Данилов но поэт Николай Байтеряков кивалтӥзы. <ref name="уваров" />

[[Файл:Kizili.jpg|250px|thumb|left|"Кизили" журнал бордын ужасьёс]]

Ульфат Бадретдинов училищезэ йылпумъяса, одӥг арзэ дышетӥз аслаз гуртаз. Собере, вань пиосмуртъёс сямен, солы но пӧськытоно луэ солдат сапегъёсты. <ref name="буш" />

Бӧрысь кык арзэ Башкортостанысь Калтасы ёросысь Большекачак шоръёзо школаын дышетэ пиналъёсты. Со дыре ик ачиз но заочно пыре дышетскыны Удмурт кун университетысь удмурт филология факультетэ. <ref name="уваров" />

'''1982'''-тӥ арын кутске ужаны «Советской Удмуртия» газетлэн редакцияз. <ref name="уваров" />

'''1990'''–'''1992'''-тӥ аръёсы «Инвожо» журналын валтӥсь редакторлэн воштӥсез.<ref name="уваров" />

'''1992'''-тӥ арлэн куарусён толэзьысеныз – «Кизили» журналын валтӥсь редакторлэн воштӥсез. <ref name="уваров" />

'''1995'''-тӥ арлэн шорысеныз – та журналлэн валтӥсь редакторез. <ref name="уваров" />

«Серекъян – адскисьтэм кужым» книгаяз со гожтэ: «Нимы мынам Шуд. Араб кылысь берыктыса, озьы луэ. Нош нимтуллэсь нырысь букваоссэ вераса – БУШ. Тазэ удмурт кылын валано ӧвӧл, сое политикаен герӟало… БУШ – со буш ӧвӧл. Мынам вань семьяе, эшъёсы, лыдӟисьёсы, вордскем палэ…».<ref name="буш" />

Ульфат Бадретдинов трос выре общественной ужен, Кам сьӧр удмуртъёс, писательёс сярысь сюлмаське. Со ужрадъя трос гожъям статьяосыз удмурт периодикаын печатласько.

=Гожъямъёсыз сярысь=

Ульфат Бадретдиновлэн литература дуннее сюресэз «Дась лу!» газетысен кутскиз, шуыны луоз. '''1969'''-тӥ арын, дас кык арес дыръяз, татын солэн нырысетӥ выжыкылэз печатласькиз. Со дырысен пияш газетэн кусыпъёссэ ӧз ышты ни.<ref name="зайцева">[http://elibrary.unatlib.org.ru/handle/123456789/4655 Зайцева Т. Нылпиосын но нылпиослы : Ульфат Бадретдиновлы – 50 / вераськиз Г. В. Романова // Кенеш. – 2007. - № 1. – С. 92–95.] </ref>

Со заметкаез ласянь тодэ вайонъёсыз али но паль потто. «Мади тылобурдоосты рогаткаен ыбылыса виылӥсь пиналъёс сярысь. Нимтулъёссэс кызьы ке вань озьы ик гожтӥ вал. Редакциын пиослэсь нимъёссэс кельтӥллям, фамиллиоссэс букваен гинэ пусйиллям. Гуртоослы секыт ӧй вал соосты тодманы. Одӥгезлэн анаез мынэсьтым анайме тышкаськем. Собере анаелэсь мыным но йӧтӥз, эн ни гожъяськы, шуиз. Озьы ке но гожъяськемысь ӧй дугды. Критика борды гинэ малпаськытэк ӧй кутскылы ни. Верам-гожтэмъёсыд понна ачид ик кыл кутоно луиськод». <ref name="буш" />

[[Файл:Badretdinov-debesmini.jpg|180px|thumb|right|Дэбес ёросысь лыдӟиськисьёсын пумиськон]]

У. Бадретдинов пӧртэм арлыдо пиналъёслы гожъя. Уноез учыръёс, суредъёс, тодметъёс, геройёсыз но, аслаз улонысьтыз – пинал дыр вакытысьтыз басьтэмын. Инкуазез яратон но сое утён, эшъяськон, синмаськон, ог-огед азьын кыл кутон, серемес учыръёсы шедён, улон сюрес быръён, анай-атай юрт, выжы-кумыос, тодмоос сярысь-а вераськон мынэ – ваньмыз герӟаськемын ас палъёсыныз, дореныз, Алтау улосэн… <ref name="лаптев">[http://elibrary.unatlib.org.ru/handle/123456789/945 Лаптев А. Калык визьбурен пӧлэстэмын // Инвожо. – 2008. - № 3–4. – С. 63–67.] </ref>

«Куд-ог учыръёсты нокыӵе писатель но малпаны уз быгаты, ачиз нылпи сяна. Кылсярысь, таӵе учыр. Гуртамы вал пичи пи. Сое ваньзы пӧяло. Нош пияш оске. Одӥг пол ачиз малпам кинэ ке алданы. Клубе мынэм но киномеханиклы вить коньы сётэм. Нош ачиз дораз бызьыса кошкем. Атаезлы, пе, шуэ: киномеханикез алдай, солы вить коньы сётӥ, нош кинозэ учкыны ӧй пыры. Таӵезэ юри но уд малпа.» <ref name="буш" />   Та авторлэн тунсыко нылпи литературамес пӧртэм жанръёсын узырмытыны тыршемез. Нылпилэн дуннеяз песянай-песятайёс бадӟым инты басьто. Ульфат Бадретдиновлэн соос сыӵе мусоесь, адямилыкоесь. Сыӵе пересьёс вӧзын пинал амалтэк ӟеч сямо будоз кадь потэ. <ref name="буш" />
 
Сюлэмын сайкыт буёло оскон – сяська ӝужатон У. Бадретдиновлэн творчествоезлэн одӥгез валтӥсь тодметэз луэ. Верос дунне, таиныз тужгес чебер со, чильпамын лопыръясь, ненегъясь няськыт омырен. <ref name="лаптев" /> 
 
Гожъямъёссэ огъя учкыса валано: У. Бадретдинов пичи муртъёслэсь дуннезэс возьматон борды юнме шорысь ӧз басьтӥськы, со вань лулыныз-сюлмыныз пичи адямилэсь вӧзысьтыз паймонозэ, шуаксэ, серекъянозэ, шулдырзэ сайкатыны, усьтыны тырше. Со ӟеч тодэ: пичи мурт лыдӟетысь серекъян-горон интыоссэ юнгес яратэ. Но Ульфатлэн маскаръяськон, серекъятон учыръёсыз мадён радлыкез туж аспӧртэмлыко пыро. Со улонысь учыръёсты чурытаса кадь быръе, суредан амалъёсыз ӝикыт сямзэ возьмато, кыл ласянь но автор туж чакласькыса ужа. Но таин ӵош мадёсчи пезьгыт сюжет ӧръёс шедьтыны тырше, лыдӟисьсэ ас сьӧраз валтыны быгатэ. <ref name="зайцева2"> Зайцева Т. Туала нылпи прозалэн азинскемез // Движение эпохи – движение литературы: удмуртская литература ХХ века : учеб. пособие. – Ижевск, 2002. – С. 236–245. </ref>
  
'''2010'''-тӥ арын Эстониысь эшъёсыз Ульфат Бадретдиновлы «Ӵушъял вордӥське веньёстэк» книгаезлы вылӥ дунъет сёто но ӵыжы-выжы калыкъёслэн литературной премизылэн лауреатэз луэ.

=Наградаосыз но премиосыз=

Эстониысь ӵыжы-выжы калыкъёслэн литературной премизылэн лауреатэз, '''2010'''.

=Библиография=

==Книгаосыз==

[http://elibrary.unatlib.org.ru/handle/123456789/5438 Мар луоз ӵуказе? : веросъёс но пьеса. – Ижевск, 1991. – 63 с.]

[http://elibrary.unatlib.org.ru/handle/123456789/2904 Мар со кадик? : пиналъёслы вероъёс / суредаз А. Абрамов. – Ижевск : Удмуртия, 1995. – 23 с. : ил.]

[http://elibrary.unatlib.org.ru/handle/123456789/7763 Пальпотон но малпаськон  : пиналъёслы веросъёс, сценкаос, кылбуръёс. – Ижевск, 2002. – 31 с.] 

[http://elibrary.unatlib.org.ru/handle/123456789/7529 Серекъян – адскисьтэм кужым : серемес веросъёс, юморескаос, сценкаос. – Ижевск : Алфавит, 1997. – 37 с. : ил.]

[http://elibrary.unatlib.org.ru/handle/123456789/3907 Сяська сюлэмын но ӝужа : веросъёс. – Ижевск : Удмуртия, 1988. – 64 с.]

[http://elibrary.unatlib.org.ru/handle/123456789/2581 Ӧте...  : пиналъёслы сценкаос, сценарийёс / суредаз В. Г. Мустаев. – Ижевск : Удмуртия, 1997. – 31 с. : ил.]

[http://elibrary.unatlib.org.ru/handle/123456789/63 Ӵушъял вордӥське веньёстэк : повестъёс, веросъёс, пьесаос. – Ижевск : Удмуртия, 2007. – 245 с. : ил.]

[http://elibrary.unatlib.org.ru/handle/123456789/7268 Шордин, сердцевина моя зоревая : повесть / пер. с удмурт. А. Демьянова. – Ижевск, 2004. – 119 с.]

==Статьяосыз==

[http://elibrary.unatlib.org.ru/handle/123456789/1060 Адями но вужер : одӥг действиен вакчи пьеса: (перфоманслы) // Инвожо. – 2008. – № 7/8. – С. 85–86.]

[http://elibrary.unatlib.org.ru/handle/123456789/6385 Алтау просыпается  / пер. с удмурт. А. Демьянова // Луч. – 2006. – № 5/6. – С. 4–7. – (К 450-летию присоединения Удмуртии к России). – Посвящ.: Удмуртскому просветителю и поэту Максиму Прокопьеву посвящается.]

[http://elibrary.unatlib.org.ru/handle/123456789/4724 Бертон : верос // Кенеш. – 2007. – № 7. – С. 67–71 ; Инвожо. – 2008. – № 5/6. – С. 182–184.]

Беспокойная соседка // Муравейник : дет. журн. о природе для семейн. чтения. – 2008. – № 12. – С. 26

[http://elibrary.unatlib.org.ru/handle/123456789/2690 Буй : фантастика верос // Удмурт дунне. – 2007. – 20 июня. – С. 8 ; Инвожо. – 2007. – № 5/6. – С. 165–167 : фот.]

В полночь : юмореска // Вилы : журн. сатиры и юмора Башкортостана. – 2006. – № 6. – С. 13.

[http://elibrary.unatlib.org.ru/handle/123456789/8763 Вакчияк вераса : зулён // Удмурт дунне. – 2008. – 25 марта. – С. 7. – (Шудэлэ тӥ, серектэ).]

[http://elibrary.unatlib.org.ru/handle/123456789/11691 Вакчияк вераса : серемес веросъёс // Кенеш. - 2013. - № 9. - С. 62-67. - (Серемес веросъёс). - Пуштросэз : Ярдур...кылбур ; Шукыяськись малпан ; Жалясез ӧвӧл ; Уйшоре ; Мар со пробка?]

[http://elibrary.unatlib.org.ru/handle/123456789/5139 Вань но Ӧвӧл : выжыкыл выллем верос / Ульфат Бадретдинов ; иллюстрациез Галина Ивановалэн // Кизили. – 2011. – № 7. – С. 10.]

[http://elibrary.unatlib.org.ru/handle/123456789/12241 Велосипед : рассказ / пер. В. Нуриахметов, Т. Комарова // Удмурт. правда. – 2006. – 17 мая. – С. 3. – (Литературный клуб). – Крат. биогр. справка.]

[http://elibrary.unatlib.org.ru/handle/123456789/5083 Витька : верос // Кизили. – 2012. – № 1. – С. 6-7 : цв.ил.]

Выльмиз ; Ма каром? ; Лобасал ; Укное ноку уг кӧл ; Бӧчы ; Тэльмы ӝуа... ; Ачиз ; Тушо пилем ; Ку вуоз кезьыт?  // Ӟечбур! – 2007. – 29 марта. – С. 15.

[http://elibrary.unatlib.org.ru/handle/123456789/6134 Где вы, фаэты?  / пер. с удмурт. А. Демьянова // Луч. – 2007. – № 5/6. – С. 32–35.]

[http://elibrary.unatlib.org.ru/handle/123456789/7416 Дыртӥсьёс : сценка / иллюстрациез Василий Мустаевлэн // Кизили. – 2012. – № 7. – С. 3 : рис.]

[http://elibrary.unatlib.org.ru/handle/123456789/9651 Зэмлык уз вужмы // Удмурт дунне. – 2010. – 29 июня. – С. 7 : фот.]

Ӟичы но Луд кеч : калык выжыкылъя // Ӟечбур! – 2007. – 18 янв. – С. 4.

Ӟичы но Лудкеч–2 : туала выжыкыл // Ӟечбур! – 2007. – 18 янв. – С. 5.

[http://elibrary.unatlib.org.ru/handle/123456789/2509 Ӟоз но кузьыли : суредъёсын  верос  // Кизили. – 2009. – № 9. – С. 12–13 : ил.]

[http://elibrary.unatlib.org.ru/handle/123456789/2629 Ӟӧно! // Вордскем кыл. – 2009. – № 5/6. – Вкл. л. – ("Вордскем кыллэн" книжкаез).]

[http://elibrary.unatlib.org.ru/handle/123456789/1506 Кин кышкасьтэм? ; Вужер но вӧт : шудон-сценка // Удмурт дунне. – 2008. – 20 февр. – С. 7. – (Шудэлэ тӥ, серектэ) ; Кизили. – 2006. – № 4. – С. 4–5.]

[http://elibrary.unatlib.org.ru/handle/123456789/9367 Кускыли но ӵыжин : верос // Ӟечбур! – 2010. – 4 февр. – С. 8.]

[http://elibrary.unatlib.org.ru/handle/123456789/618 Кучыран : верос // Кенеш. – 2009. – № 3. – С. 3–11.]

[http://elibrary.unatlib.org.ru/handle/123456789/4645 Кый сюр : кык ёзэн романтической драма // Кенеш. – 2007. – № 1. – С. 9–40.]

Кымын судта?  / комиӧдiс Александр Некрасов ; серпасалiс Владимир Моторин // Би кинь. – 2009. – № 1. – С. 5.

[http://elibrary.unatlib.org.ru/handle/123456789/2846 Лӧбекей ; Ӧбыли  // Кизили. – 2010. – № 8. – С. 12 : цв. ил.]

Липисин : верос // На переломе эпох : Союзу писателей Удмуртии 70 лет, 1934–2004 : ст., стихотворения, прозаич. произведения, док. – Ижевск, 2006. – С. 246–247.

Лобо лудӵӧжъёс...   // Покчи эше : 1-2-тӥ классъёсын ватсаса лыдӟон книга / М. П. Лаврентьева, Е. Н. Дмитриева, В. Н. Ившин. – Ижевск, 2006. – С. 111–113.

[http://elibrary.unatlib.org.ru/handle/123456789/1205 Молчанью обреченные уста...  / пер. с удмурт. А. Демьянова // Инвожо. – 2009. – № 5/6. – С. 138–140 : фот.]

[http://elibrary.unatlib.org.ru/handle/123456789/2132 Мумы кор // Вордскем кыл. – 2008. – № 5. – Вкл. л. – ("Вордскем кыллэн" книжкаез).]

Ньыль ӵужкушман  // Азвесь кышетэн толэзь : веросъёс : семьяын лыдӟон книга. – Ижевск, 2007. – С. 8.

[http://elibrary.unatlib.org.ru/handle/123456789/4318 Оген но дэмен : новелла // Кизили. – 2007. – № 1. – С. 4–5 : фот. – Крат. биогр. справка об авт.]

Ӧдйӧ ветеринар дӧро! ; Йиа налькйын ; Тӧждысьысь сусед // Би кинь. – 2003. – № 4. –  С. 10.

[http://elibrary.unatlib.org.ru/handle/123456789/2728 Пальыштык... бӧрдэ?! : верос / Ульфат Бадретдинов // Кизили. – 2005. – N 1. – С. 10.]

[http://elibrary.unatlib.org.ru/handle/123456789/7341 Пашпу : верос // Кизили. – 2012. – № 3. – С. 9 : фот. цв.]

[http://elibrary.unatlib.org.ru/handle/123456789/247 Писпу пӧлын писпу данак но... : новеллаос // Кенеш. – 2006. – № 2. – С. 77–82 : фот.]  

[http://elibrary.unatlib.org.ru/handle/123456789/247 Писпуос  // Вордскем кыл. – 2007. – Вкл. л. – ("Вордскем кыллэн" книжкаез).] 

[http://elibrary.unatlib.org.ru/handle/123456789/4984 Попутчица : рассказ / Ульфат Бадретдинов ; пер. с удмурт. Анатолия Демьянова // Инвожо = Альманах удмуртского ПЕН-клуба. – 2011. – № 5/6. – С. 81-84.]

[http://elibrary.unatlib.org.ru/handle/123456789/4128 Сапег : верос // Кенеш. – 2011. – № 7. – С. 51-56.]

Седе курок ветеринарнэнь! ; Эень туворсо  // Чилисема. – 2009. – № 3. – С. 11.

[http://elibrary.unatlib.org.ru/handle/123456789/3406 Сова : рассказ / пер. с удмурт. А. Демьянова // Инвожо = Альманах удмуртского ПЕН-клуба. – 2010. – № 5/6. – С. 95–99.]

[http://elibrary.unatlib.org.ru/handle/123456789/2968 Сюресчиос : верос // Кенеш. – 2010. – № 4. – С. 3–8.]

[http://elibrary.unatlib.org.ru/handle/123456789/1603 Тӧдьы но сьӧд : сценка // Кизили. – 2007. – № 11/12. – С. 4–5 : рис.]

Тетя Сакия  / пер. А. Демьянова // Удмурты. – М., 2005. – С. 375–381.

[http://elibrary.unatlib.org.ru/handle/123456789/7055 Туала сяртчы : пьеса / худож. Зоя Лебедева // Инвожо. – 2012. – № 4/5. – С. 92-97. – (Удмурт ПЕН-клуб. Альманах)]

[http://elibrary.unatlib.org.ru/handle/123456789/5365 Туннэ вордӥське ӵуказе : кылбуръёс // Кенеш. – 2012. – № 1. – С. 36-37 : фот. – Пуштросэз: Пумпус ; Удмурт кылысь берыктӥсьлы ; Пумтэмлык ; Ӧвӧл ; Вал ; Шундыберган ; Веньёс ; Пӧзь но пӧсь ; Ӵуказе]

Ульчаын : сценка  // Ӟечбур! – 2007. – 26 июля. – С. 6–7.

[http://elibrary.unatlib.org.ru/handle/123456789/8534 Чагиськон яке юрттон / малпаз Ульфат Бадретдинов ; суредаз Василий Мустаев // Кизили. – 2013. – № 1. – С. 8-9 : цв. ил.]

[http://elibrary.unatlib.org.ru/handle/123456789/810 Чагы пӧсьтурын ; Валаз : юмореска ; сценка // Инвожо. – 2007. – № 1/2. – С. 54–57 : фот.]

[http://elibrary.unatlib.org.ru/handle/123456789/3076 Чаркаосмес ӝутом! ; Кузьым – туспуктэме! ; Апайлы ; Кырсилы ; Выль кенлы но эмеспилы ; Удмурт кылысь берыктӥсьлы  // Кенеш. – 2010. – № 9. – С. 51–53.]

[http://elibrary.unatlib.org.ru/handle/123456789/12566 Шайтан-гора : рассказ / пер. А. Демьянова // Удмурт. правда. – 2008. – 13 февр. – С. 3 : фот. – (Литературный клуб). – Крат. биогр. справка.]

==Берыктэмъёсыз==

[http://elibrary.unatlib.org.ru/handle/123456789/14391 Абдулаев, Александр. Ышем шунды : выжыкыл / Александр Абдулаев ; ӟуч кылысь берыктӥз Ульфат Бадретдинов // Кизили. - 2013. - № 10. - С. 6.]

[http://elibrary.unatlib.org.ru/handle/123456789/2498 Ватэм ваньбур : финн калык выжыкыл // Кизили. – 2009. – № 8. – С. 4.]

[http://elibrary.unatlib.org.ru/handle/123456789/1665 Кион но вуриськись : бигер калык выжыкыл // Кизили. – 2008. – № 9. – С. 5 : рис.]

[http://elibrary.unatlib.org.ru/handle/123456789/1663 Лудкеч но Арыслан : башкир калык выжыкыл  // Кизили. – 2008. – № 9. – С. 9.]

[http://elibrary.unatlib.org.ru/handle/123456789/2816 Московкина М. Кылбурчи : верос // Кизили. – 2010. – № 3. – С. 10.]

[http://elibrary.unatlib.org.ru/handle/123456789/1618 Попов А. Сӧсырмем шунды : верос // Кизили. – 2008. – № 5/6. – С. 8–9 : рис.]

[http://elibrary.unatlib.org.ru/handle/123456789/2885 Попов А. Тол бабайлэн кузьымез : верос // Кизили. – 2010. – № 1. – С. 8–9.]

[http://elibrary.unatlib.org.ru/handle/123456789/1386 Салимов М. Ш. Маршал ; Комедьянлэн комедиез // Кенеш. – 2008. – № 11/12. – С. 97–100.]

[http://elibrary.unatlib.org.ru/handle/123456789/8789 Салимов М. Юрттӥсь : юмореска // Удмурт дунне. – 2008. – 23 апр. – С. 6]


'''Татчы 2005-тӥ арысен потэм  чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />


[[Категория:Современные удмуртские писатели|Бадретдинов Ульфат]]