Редактирование: Анфиногенов Богдан

'''Богдан Витальевич Анфиногенов''' - егит удмурт кылбурчи, кырӟась.
[[Файл:X 9a60eab6.jpg|thumb|right|]]
=Улон сюресэз=

Анфиногенов Богдан Витальевич вордӥськиз Пичи Пурга черкогуртын '''1990'''-тӥ арын 8-тӥ гудырикошконэ. Анаез ужа парикмахер луыса, нош атаез – телевизоръёсты тупатъясь. <ref name="рукопись2"> Рукопись. </ref>

Пургалан будэмын ке но, Богданэз пичи дыръяз удмурт кыллы ӧз дышетэ. Анай-атаез, чылк удмуртъёс, асьсэ кылын ӧз вераське, нош песянаез дорын, анай кыл сяна, мукетыз ӧз чузъяськы. Озьы тӥни Богдан удмурт кылын верамез вала, нош аслаз эркын ваземез уг луы вал. <ref name="фролова3">[http://elibrary.unatlib.org.ru/handle/123456789/9621 Фролова Е. Udmurt пияш // Удмурт дунне. – 2009. – 22 дек. – С. 5.] </ref>

'''1997'''-тӥ арын Богдан Пургалась 1-тӥ номеро школае мынӥз. Пияш туж шумприч будӥз: умой дышетскиз, мӧзмыса но ӧз пукы. Туж яратӥз историез. Соин ик историяя, обществознаниея, правоя олимпиадаосы пыриськылӥз. Котьку сямен ик призовой интыос басьтылӥз. Озьы элькун олимпиадаосы но сюрылӥз. Вормонъёсыз, данъян грамотаосыз люкаськизы гинэ. 

Богдан творческой адями: школаын дышетскыкуз ик рок-группаязы солист луиз. Пыриськылӥз пӧртэм ужрадъёсы – школаын ортчылӥсь шулдыръяськон ӝытъёсты, выпускной ӝытъёсты, школазылы 140 ар тырмонэз пусъён ӝытэз нуылӥз. <ref name="рукопись2" /> 
 
'''2007'''-тӥ арын Богдан Удмурт кун университетысь историяя ёзэтаз дышетскыны пыриз. Егит адямилы кияз шедиз Маргарита Гришкиналэн [http://elibrary.unatlib.org.ru/handle/123456789/1419 «Удмурты»] книгаез. «Лыдӟемъям, мыным возьыт луиз: кызьы мон – 19 ареске вуэм удмурт адями, удмурт кылэз умой-умой уг но валаськы», – вера Богдан. Озьы, студент луыса, удмурт эшъёсыз пӧлын улыса, со умой валаз но шӧдӥз удмурт луэмзэ. <ref name="анфиногенов1"> Анфиногенов Б. Только у нас // Gorod. – 2012. – № 4. – С. 72-73. </ref>

Пумен Богдан анай кылзэ дышетон борды рос-прос басьтӥськиз ини. Удмурт-ӟуч кыллюкамын бугыръяськиз, удмурт ужрадъёсы пыриськыны тыршиз. Дӥсьтонлыкез пияшлэн будэ: «В контакте» сайт пыр эшъёсыныз удмурт кылын кенеше, татын со ассэ Богдан Udmurt Анфиногенов шуыса пусъе. <ref name="фролова3" />
[[Файл:X ca11266f.jpg|thumb|left|]]
Богдан университетын специализация басьтӥз этнология но регионоведение кафедраын. [[Прокопьев Андрей Николаевич|Андрей Николаевич Прокопьевлэн]] кивалтэмез улсын чаклаз удмурт этнофутуризмлэсь азинскемзэ. '''2012'''-тӥ арын Богдан Анфиногенов вылӥ дунъетэн утиз выпускной квалификационной ужзэ  «Этнофутуризм и удмуртская культура в ХХI в.» темая. 
Богдан мыло-кыдо пыриськылӥз факультетазы ортчылӥсь научно-практической конференциосы. Ужез пыртэмын «Вестник Удмуртского университета» журналэ. <ref name="рукопись2" />
 
Студент Анфиногенов ӵемгес пыриськыны кутскиз дышетсконниын ортчись ужрадъёсы но, отын лыдӟылӥз аслэсьтыз кылбуръёссэ. Соос учкисьёслэсь сюлэмзэс вырӟытытэк ӧз кельтылэ.  
'''2012'''-тӥ ар Богдан Афиногеновлы выль тубатэ вамыш лэсьтыны луонлыкъёс усьтӥз. Со пыриз дышетскыны историяя, кылъя но литературая институтэ аспирантурае. Озьы дышетсконзэ азьланьтэменыз ӵош Богдан Анфиногеновлы сцена вылын но быгатонлыкъёссэ усьтыны удалтӥз. Богдан Анфиногенов кылбурчи кемалась ваньмызлы тодмо ни [[Современные удмуртские песни|Ullapala Boy]] кырӟась нимын. Огдыре егит пияш мылысь-кыдысь пыриськиз «Amiso Wott» рок-группае, отын со солист вал. Со озьы ик аслэсьтыз проектъёссэ улонэ пыӵатэ. Дуннеысь крезьгур хитъёсты удмурт шӧмъем карыса ачиз ик калыке вуттэ, кырӟа. Та проектэныз элькунысь «Зарни перепеч» крезьгуръя ӵошатсконын (республиканской музыкальной конкурсын) ньылетӥ интые потӥз. Богдан озьы ик пыриське удмурт шаерамы но Ижкарын ортчись пӧртэм крезьгуръя фестивальёсы, концертъёсын  пота удмурт гуртъёсы, котькуд ар пыриське «Гербер» элькун празднике. Вуэ Ижкарысь клубъёсы удмурт позыръяськонъёсын егитъёсты шулдыртыны. Солэсь кырӟанъёссэ туж ярато егитъёс но, мӧйыос но. Богданлэсь куаразэ ӵем кылыны луэ [http://www.myudm.ru/ «Моя Удмуртия»] ТРК-лэн эфирысьтыз. <ref name="рукопись2" />    

Егит пияш кӧня ке дыр ужаны вуиз ини [http://elibrary.unatlib.org.ru/handle/123456789/164 «Инвожо»] журналын, «Шундыкар» лагерьын вожатой луыса пиналъёсын но Калык творчествоя элькун коркан («Республиканский Дом Народного Творчества – Дом молодежи») методист луыса ужаз, «Шунды» огазеяськонлэн ёзчиез луэ. '''2011'''-тӥ арын 24-27 тулыспалэ Богдан «Школа молодых финно-угорских лидеров» Всероссийской дышетӥсь (обучающий) семинарлэн ужаз пыриськиз. Аспирантураын дышетскиз.<ref name="рукопись2" />
<br clear="both" />

2019-тӥ арын удмурт культураез азинтэмез но вӧлмытэмез понна Б. Анфиногенов «Признание» премиен пусъемын вал. Элькун кивалтӥсьмы солы вотэсын удмурт «ДаурТВ» телеканал лэсьтыны сертификат сётӥз.

=Гожъямъёсыз сярысь=

Пичи дыръяз ик Богдан синмаськиз А. Пушкинлэн но А. Блоклэн кылбуръёсызлы. Будэмъяз сое ас бордаз кыскиз В. Маяковскийлэн творчествоез. Удмурт кылбурчиос пӧлысь Богдан пусъе Эрик Батуевез но [[Арзамазов Алексей|Алексей Арзамазовез]]. <ref name="фролова3" />

Богданлэн гожъяськон мылкыдыз 14 аресысен пуромиз. Кылбуръёс Богданлы уйин но кӧлыны маза уг сёто. Дышетскыкуз ай огъяулонниын одӥг висъетын улӥсь эшъёсыз солы паймыса вераллязы: «Шайвылын» кылбурдэ, пе, ум йылтӥд кык пол лыдӟид. <ref name="фролова3" /> 
 
Богдан удмурт кылэз дышетон вакытаз ик туж синмаськиз солы, кылбуръёссэ но аспӧртэмлыко гожъяны кутскиз. Ӟуч кылын гожтэм кылбуръёсаз удмурт кылъёс яке чуръёс пыртылыны кутскиз. Егит гожъяськись ачиз но паймиз – кыӵе чебер но тунсыко вылэм удмурт кыл. Эскерон сямен одӥг кылбурзэ «Удмуртлык» социальной вотэслэн бамаз пуктӥз. Тросэзлы эшъёсызлы, лыдӟиськисьёслы сыӵе творчествоез туж яраз. Богдан Анфиногеновлэн кылбуръёсыз печатласькыны кутскизы [http://elibrary.unatlib.org.ru/handle/123456789/164 «Инвожо»] журналын, [http://elibrary.unatlib.org.ru/handle/123456789/2712 «Удмурт дунне»], [http://elibrary.unatlib.org.ru/handle/123456789/5555 «Известия Удмуртской Республики»] газетъёсын. <ref name="рукопись2" /> 
 [[Файл:CVDFDH-Afcw.jpg|thumb|right|]] 
''Мон вӧтай туннэ: fashion арня,'' 
 
''Вспышки камер, pret-a-ported.''

''Ты идёшь и не видишь меня,''

''Нош тонэ адӟисько. Ми артэ,''

''Кык метр ӝужда каблукъёс,''

''Но тон кадь ик ветло ветылъёс…''

''Только ты не дала мне руки,''

''Туж кезьыт ӝуало та тылъёс…''

''«Кстати, в тренде туннэ – пужей!»''

''– «Чё там в тренде? Мар?» – «Тӥни!»''

''Арганчи интыын – dj.''

''Пӧсятэм интыын – martini.''

''Enchante de vous voir, enchante…''

''Марианна! Мишель! Чичолина!''

''Со сылэ но киын шонтэ,''

''Со одно ик милям – Чеберина.'' 

Гожъяськемезлэн емышъёсыз адӟисько ини. Богдан басьтӥз «Рифма» фестивальын приз зрительских симпатий (УдГУ, 2009), пыриськиз но вормисе потӥз Эрик Батуевлы сӥзем «Арт-Э» фестивальын  (2009), озьы ик «Известия Удмуртской Республики» газетэн ортчытэм «Приговские чтения» конкурсын вормисе потӥз (2010), «Грифон» галереяын ортчем «Кузебай Гердъя лыдӟонъёсын» кыкетӥ интые потӥз  (2011).  <ref name="рукопись2" />     

Кылбура Богдан Маяковскийлэсь адӟем карыса. Кылбуръёсыз солэн кытчы ке ӧтисесь, яркытэсь, зол чузъяськисесь. <ref name="шихова4">[http://elibrary.unatlib.org.ru/handle/123456789/8187 Шихова Л. Кылбуръёсы пыӵа вакыт // Удмурт дунне. – 2013. – 22 янв. –  С. 1.] </ref>
'''2012'''-тӥ арын 5-тӥ коньывуонэ Коммунаров ульчаын Трокай Борисовлы бадӟым памятник усьтӥськиз. Со ужрадын егит кылбурчилэсь Богдан Анфиногеновлэсь кылбурзэ ки чабонъёсын пумитазы:

''«И давайте мы будем ходить сюда чаще,'' 

''Даже чем в супермаркет «Айкай».'' 

''За то, что Удмуртия есть в настоящем,''
 
''Спасибо, Трокай! Бадӟым тау, Трокай!»''
<ref name="http"> http://www.minnac.ru/minnac/promo/2762.html </ref>

2014-тӥ арын «Айшет будущего» кылбуръёсын но поэмаосын бичет поттӥз. Богдан валтэ шаерамы «ВКонтакте» мерлыко вотэсысь «Удмурт кылбурчи» огинэн. 2020-тӥ арын, Эстон йӧскалык культурая но Фин-угор литератураослэн фондъёссы юрттэт висъяменызы,  «Удмурт кылбурчи» бичетпечатлан бордын тыршиз. Бичет тодматэ 2013-тӥ арысен огинын потэм 93 кылбуръёсын. Гожъяськисьёс пӧлын тодмо но тодмотэм нимъёс, егитъёс но арлыдоос.

=Премиосыз=

«Рифма» фестивальын приз зрительских симпатий, '''2009'''

Эрик Батуевлы сӥзем «Арт-Э» фестивальын вормись, '''2009'''

«Приговские чтения» конкурсын вормисе потӥз, '''2010'''

«Грифон» галереяын ортчем «Кузебай Гердъя лыдӟонъёсын» кыкетӥ инты, '''2011'''

Финляндиысь М. А. Кастрен нимо общество литературая премилэн лауреатэз, '''2015'''

Удмурт Элькунлэн Тӧроезлэн «Признание» премиез, 2019

=Библиография=

==Книгаосыз==

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Айшет будущего : кылбурьёс, поэмаос. - Ижкар : Известия Удмуртской Республики, 2014. - 177 с.] 

==Кылбуръёсыз==

[http://elibrary.unatlib.org.ru/handle/123456789/8984 Вуи городэ ; Лобӟы ; Идеальной ; Glamour : кылбуръёс // Инвожо. – 2013. – № 3. – С. 36-37 : фот.]

Дунне - уморто  : [кылбуръёс] / Богдан Анфиногенов // Кенеш. - 2016. - № 1. - С. 48-53. - ("Кенешын" - выль ним). - Содерж.: Шундыкар пуктом ; Сутэр ; "Малпаськонэ мон уси но пайми..." ; "Бадӟым тушсэ мыным Инмар ӧз сёты..." ; "Азькышет, духовка, пурт..." ; Яратоно емыше ; "Чорты монэ, басьты сьӧрад..." ; "Мон Америкаын вал, эшъёс..." ; Удмурт ныл.

[http://elibrary.unatlib.org.ru/handle/123456789/3416 «жингыр-жингыр...»; «лымы тӧдьы...» ; «Лымыныл...» ; «ТУННЭЛЬ...» ; Айшет будущего ; «Mon udmurt...» : кылбуръёс // Инвожо = Альманах удмуртского ПЕН-клуба. – 2010. – № 5/6. – С. 138.]

Зэм кылбурчи - со бугырчи!  : [кылбур] / Богдан Анфиногенов // Удмурт дунне. - 2014. - 23 дек. - С. 1 : фотоколлаж. - (Dart : удмурт егитъёслэн газетсы).

[http://elibrary.unatlib.org.ru/handle/123456789/16380 Ӟечыран ; Мой народ : кылбуръёс // Инвожо. - 2014. - № 1. - С. 8.]

Ӟозлудын уло Симпсонъёс  : [кылбур] / Богдан Анфиногенов // Удмурт дунне. - 2017. - 22 авг. - С. 8 : фот. - (Dart : удмурт егитъёслэн газетсы).

[http://elibrary.unatlib.org.ru/handle/123456789/11679 «Инмар ругался с Кылдысином...» : стихотворение // Известия Удмуртской Республики. – 2010. – 16 апр. – С. 3 : фот. – (Приговские чтения).]

Кошке Дыры  : Богдан Анфиногеновлэн выль кылбуръёсыз / Б. Анфиногенов // Удмурт дунне. - 2016. - 21 июня. - С. 4-5. - (инГОЖ).

Кыӵе акылес соос нош возьмато..." / Б. В. Анфиногенов // Ингож  : егит авторъёслэн произведениосынызы бичет / [бичетэз дасязы М. Векшина, З. Рябинина, Л. Малых]. - Ижкар : Редакция газеты "Удмурт дунне", 2016. - 114 с.

[http://elibrary.unatlib.org.ru/handle/123456789/8360 "Лобӟы, лобӟы, Инмар понна..." : кылбур /туспуктэмез Ирина Зангариклэн // Ӟечбур!. - 2011. - 5 мая. - С. 2.]

[http://elibrary.unatlib.org.ru/handle/123456789/10105 Mademoiselle Oudmourte : стихи на удмурт. и рус. яз. // Удмурт дунне. – 2012. – 24 окт. – С. 1. – (Dart : удмурт егитъёслэн газетсы).]

[http://elibrary.unatlib.org.ru/handle/123456789/16355 "Малпаськонэ мон уси но пайми..." ; "Ничего не происходит..." ; "Кто-то любит удобство и качество..." : кылбуръёс // Инвожо. - 2014. - № 2. - С. 18-19.]

[http://elibrary.unatlib.org.ru/handle/123456789/15837 Мунё но Туно : кылбур / туспуктӥз Денис Корнилов // Удмурт дунне. - 2014. - 24 июня. - С. 1.]

[http://elibrary.unatlib.org.ru/handle/123456789/9761 Наташалы ; Лымшор удмуртлэн монологез : кылбуръёс // Удмурт дунне. – 2011. – 16 февр. – С. 5. – (Dart : удмурт егитъёслэн газетсы ; № 2).]

[http://elibrary.unatlib.org.ru/handle/123456789/16722 "Со мынэ "от бедра"..." : кылбур // Удмурт дунне. - 2014. - 16 сент. - С. 4. - (инГОЖ)]

Только у нас // Gorod. – 2012. – № 4. – С. 72–73 : фот. цв.

[http://elibrary.unatlib.org.ru/handle/123456789/9862 «Тон лэзёд Depeche Mode...» ; «Мон вӧтай туннэ: fashion арня...» : кылбуръёс // Удмурт дунне. – 2011. – 19 окт. – С. 5. – (Dart : удмурт егитъёслэн газетсы ; № 10).]

Тулыс лыктэ ни  : [кылбур] / Богдан Анфиногенов // Удмурт дунне. - 2015. - 6 февр. - С. 24.

"У нас тут не Венесуэла..." : стихи вперемежку на русском и удмуртском языках // Удмурт дунне. - 2013. - 19 марта. - С. 5. - (инГОЖ)

[http://elibrary.unatlib.org.ru/handle/123456789/3308 «Шайвылын...» ; «Жингыр-жингыр...» ; «Лымы тӧдьы...» ; «Чистая тишина...» ; «Лымы ныл...» ; «Туннель...» : кылбуръёс // Инвожо. – 2010. – № 1/2. – С. 48.]

Я мало что пробовал // Первые строки : поэтическое творчество студентов Удмуртского государственного университета. – Ижевск, 2009. – С. 33.

==Статьяосыз==

Вал-а удмурт стилягаос? / Богдан Анфиногенов // Удмурт дунне. - 2017. - 25 апр. - С. 6 : фот. - (Dart : удмурт егитъёслэн газетсы).

Егит кылбурчилэн ӧтёнъёсыз  / Богдан Анфиногенов ; [вераськиз] Лидия Нянькина // Кенеш. - 2016. - № 1. - С. 86-91.

Критика этнофутуризма в Удмуртии  / Б. В. Анфиногенов // Финно-угорский мир. - 2015. - № 3. - С. 74-77.

О возможностях сохранения нематериального культурного наследия народов Удмуртии  : из опыта работы РДНТ – "Дома молодежи" / Е. В. Юдицкая, Б. В. Анфиногенов // Проблемы сохранения нематериального культурного наследия в условиях глобализации : сборник научных статей. - Ижевск, 2013. - С. 61-65.

Постэтнофутуризм, яке Этнофутуризмлэн постэз  / Богдан Анфиногенов // Удмурт дунне. - 2015. - 25 авг. - С. 5.

Селфи в платье из сундука  : [беседа] / Богдан Анфиногенов ; записал Стас Тарасов // Аргументы и факты в Удмуртии. - 2016. - 11-17 мая. - С. 3.

Тодэ кылё узыр нуналъёс  / Богдан Анфиногенов // Удмурт дунне. - 2015. - 22 дек. - С. 2. - (Dart : удмурт егитъёслэн газетсы).

"Хлопьеос – умой сион"  : 50-60-тӥ аръёсысь реклама сярысь / Богдан Анфиногенов // Удмурт дунне. - 2017. - 28 февр. - С. 6 : фот. - (Dart : удмурт егитъёслэн газетсы).

Эрико уян  / Богдан Анфиногенов // Удмурт дунне. - 2014. - 23 дек. - С. 4.

Этнофутуризм в удмуртской поэзии  / Б. В. Анфиногенов ;науч. рук. А. Н. Прокопьев // XXXVII итоговая студенческая научная конференция : материалы конф., апр. 2009 г. / Удмурт. гос. ун-т. - Ижевск, 2009. - С. 319-320.

Этнофутуризм как культурное явление народов Урало-Поволжья на рубеже XX-XXI вв.: постановка проблемы  / Б. В. Анфиногенов // Евразийское межкультурное пространство в исторической ретроспективе : сборник статей. - Ижевск, 2013. - С. 3-9.

'''Татчы 2005-тӥ арысен потэм  чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />

[[Категория:Современные удмуртские писатели |Анфиногенов Богдан]]