"Вало дуртӥ, возьёс кузя"

Вало дуртӥ возьёс кузя

Ветлӥ огнам юмшаса.

Киям бичай лемлет сяська,

Ас гажанме малпаса.

Киям бичай лемлет сяська,

Льӧль пиштэ со бамъёсам.

Туганэлэн тусыз-буйыз

Али ке но син азям.

Гуртам бертӥ, ураме потӥ,

Ас гажанме пумитай.

Солы вази — со ӧз вазьы,

Сяськаме но ӧз басьты.

Отысен ик мон шӧдӥськи

Гажанэлэсь куштэмзэ.

Чутрак луиз пинал сюлмы,

Ӧй вормы яратэмме..