Ай-кай

Гурезь но бамын

Векчи но шальы:

Чале лэзьяськыса

Шудоме, ай-кай.

3арни но кырезь

Луон но дыръя,

Шудэме потыса

Шудӥсько, ай-кай.

Лул-гажан эше

Луон но дыръя,

Шудэмъя шудэме

Потэ ук, ай-кай.

Ай-кай но арлэн

Ортчемез, ай-кай,

Кускысь но путолэн

Пӧсьтэмез, ай-кай.

Пӧсьтоно путо

Мед ик но пӧсьтоз,

Ортчонтэм даур

Лусал ке, ай-кай.

Гурезь но бамын

Сьӧд пушнер, ай-кай,

Солэн но шораз

Сьӧд сутэр, ай-кай.

Сьӧд сутэр кадь ик

Синъёсмы, ай-кай,

Горд намер кадь ик

Бамъёсмы, ай-кай.

Ӝужыт, дыр, милям

Коркамы, ай-кай,

Гырлы, дыр, милям

Куарамы, ай-кай.

Гырлы но уз лу,

Мар луоз, ай-кай,

Эркын музъемын

Будимы, ай-кай.

Бусы но шорын

Вож кызьпу, ай-кай,

Пуксьымтэ папа

Чик ӧвӧл, ай-кай.

Ми шоры учкем

Пиос но, ай-кай,

Синмаськымтэез

Чик ӧвӧл, ай-кай.

Ми шоры учкем

Нылъёс но, ай-кай,

Синмаськымтэез

Чик ӧвӧл, ай-кай. .