Борозда лёган пыдъёсы

Кузь сюрес вылэ усизы.

Герыез кутон суйёсы

Пыӵал возьын кылизы.

Коръёсыз жутъян пельпумы

Кылиз солдат пуйылы.

Та веськрес бадяр мугоры

Кылиз ук шинель нуллыны.

Та тэльёсыд малы тӧлало,

Писпу йылъёссэс сэзъятыса?

Эксэй малы солдат басьтэ,

Пинал пиосты бӧрдытыса?

Э мумые, дядие,

Кызьы меда кылёды?

Кышетъёсын шонаса,

Пӧсь синвуэн гуньдыса. ^[1].

Литература[править]