Вашкалаослэн музъем сярысь мадемзы
Материал из Воршуда
Версия от 12:38, 16 мая 2023; Ladamiri (обсуждение | вклад)
Музъем пушкын но инмарез вань — Музъем-мумы со. Музъем-мумы улэ вырйылъёс пушкын, соин ик вырйылъёсты гудӟыны уг яра.
Музъем-мумылы сьӧд ошез вӧсяса вандо. Сӥзьыл вӧсяны уг ни яра: соку музъем кӧлэ ни. Эшшо верало на, музъем улын, пе, бадӟым сьӧд ош — музъем утись ош — улэ. Со ош сылэ бадӟым чорыглэн тыбыр вылаз, нош чорыг улэ музъем улысь бадӟым зарезьын. Сюръёсыз вылын ош возе музъемез. Йырзэ выртыкуз, сюръёссэ зуркатыны шедьтэ. Соин ик музъем но куд-ог дыръя зуркалля[1].
