Тексты песен обряда Гырон быдтон
Бусы сюан гур
1. Осто гынэ, Иньмаре, вылысь Иньмаре,
Ӟеч шудо но шудъёссэ мед сётоз Иньмаре.
Ӟеч шудо но шудъёссэ мед сётоз Иньмаре.
Та Иньмарез буре вайиськом, мусокайёсы,
Кизем-пазьгем ю-нянез мед сётоз шуыса.
Кизем-пазьгем ю-нянез мед сётоз шуыса.
Милям гынэ ӟегъёсмы мар но(й) ӧз вера:
«Зарни тӥсен, азвесь куроен будо»,— со шуиз.
«Зарни тӥсен, азвесь куроен будо»,— со шуиз.
Милям Гершыд сюанмы армись огпол лыктылэ,
Та вылысь но Иньмармы медаз гынэ куштылы.
Та вылысь но Иньмармы медаз гынэ куштылы.
Выль Монья (Новая Монья), Пичи Пурга ёрос
2. Ю бусые ми лыктӥм ю сюрелан вакытэ.
Зарни гинэ куроё, азвесь тысё мед луоз.
Ю бусые ми лыктӥм палтуриез кузъяны.
Кузтэм гинэ палтуриез кузъям Катя дыдыен.
Шур дуретӥ тӥ эн ветлэ, чабак тэтчоз — ву пазьгоз.
Сэндра дуртӥ тӥ эн ветлэ, урыс шуккоз — вир пазьгоз.
Паськыт гинэ бусыям кизьылэм юосы
Ӟеч мылкыдын сиыны мед будоз ай.
Гожня, Пичи Пурга ёрос
3. Осто(й), осто(й), Иньмаре, вылӥсь Бадӟын Иньмармы.
Куинь бусые кизем ю-няньмес ӟеч мед кисьматоз Иньмармы.
Коньы бизьмон борд ӝужда(й) ик мед потоз кизем ю-няньмы.
Коньы бизьмон борд ӝужда(й) ик мед луоз кизем ю-няньмы.
Зарни шепо(й), азвесь тӥсё, вань калыклы мед тырмоз.
Зарни шепо(й), азвесь тӥсё, вань калыклы мед тырмоз.
Абдэс-Урдэс, Пичи Пурга ёрос
Тройца вӧсяськон
1. Осто но, Инмаре, Козма, Инмаре,
Сильтӧлэз келяськом сьӧд нюлэс но сьӧртӥ.
Ой, Осто но Козма, Инмаре,
Сильтӧлэз келяськом сьӧд нюлэс сьӧртӥ.
Осто но, ой, Инмаре,
Кабыл мед басьтоз вӧсям вӧсьмы.
Осто но, ой, Инмаре,
Кабыл басьтоз вӧсям вӧсьмы.
Ӟечлы, тазалы шуыса, йыбырттӥськом,
Ӟечлы, тазалы шуыса, йыбырттӥськом.
Возьпум (Аравазь-Пельга), Кизнер ёрос
2. Вӧсям гинэ, ой, вӧсьёсмы кабыл но медло.
Улоно но(й) азьёсмы, ой, ӟеч медло.
Улоно но(й) азьёсмы, ой, ӟеч меддо.
Ой, осто но(й) каримы, осто но каримы(й),
Кабылэ мед басьтоз вылысь но, ой, Иньмармы.
Кабылэ мед басьтоз вылысь но, ой, Иньмармы.
Асьмелэн но(й) та валче, ой, но улэммы
Адямилэсь ӧвӧл уго, Иньмарлэсь.
Адямилэсь ӧвӧл уго, Иньмарлэсь.
Жиль пинял коже асьмеос кылимы,
Ум шедьтӥське ӟеч кылмес, ой, вераны.
Ум шедьтӥське ӟеч кылмес, ой, вераны.
Сабыр гинэ пукомы, сабыр уломы,
Сабыр кисьма кизьылэм, ой, ю-няньмы.
Сабыр кисьма кизьылэм, ой, ю-няньмы.
Усо (Муважи), Алнаш ёрос [1].
