Инвожо толэзе вӧсяськон
Остэ, югыт тӧдьы бур Инмаре-Кылчинэ, тани. Гуртэн огкылсинмысь луыса, ог анайлэн-атайлэн нылыз-пиез кадь луыса, тани тыр шыдэн сӥзиськисько, югыт тӧдьы бур Инмаре-Кылчинэ, тани. Шумпотысалмы, шуддэ-бурдэ сётыса мын вал, югыт тӧдьы бур Инмаре-Кылчинэ, тани. Тулыс виясь вуэн сямен, чор виясь вуэд сямен азвесь кыльымон сётыса ке мынысалыд, югыт тӧдьы бур Инмаре-Кылчинэ, тани.
Бусые потон вапум дыръя тани, пельпум капчилыкъёстэ ачид сётыса ке мынысалыд, югыт тӧдьы бур Инмаре-Кылчинэ, тани. Шумпотысалмы, шуддэ-бурдэ сётыса мын вал, югыт тӧдьы бур Инмаре-Кылчинэ, тани. Пудоез кыре поттон дыръя, ыштытэк ческыт вуостэ, турынъёстэ, ческыт сиёнъёстэ ачид сётыса ке мынысалыд, югыт тӧдьы бур Инмаре-Кылчинэ, тани.
Шумпотысалмы, шуддэ-бурдэ сётыса мын вал, югыт тӧдьы бур Инмаре-Кылчинэ, тани. Гуртэн огкылсинмысь луыса, ог анайлэн-атайлэн нылыз-пиез кадь луыса, тани тыр шыдэн сӥзиськисько, югыт тӧдьы бур Инмаре-Кылчинэ, тани. Усыяны потон вапум дыръя тани, пельпум капчилыкъёстэ ачид сётыса ке мынысалыд, югыт тӧдьы бур Инмаре-Кылчинэ, тани. Камыш гурен куамын курен удалтытыса ке мынысалыд, югыт тӧдьы бур Инмаре-Кылчинэ, тани.
Кабыл карыса басьты вал, югыт тӧдьы бур Инмаре-Кылчинэ, тани. Гуртэн огкылсинмысь луыса, ог анайлэн-атайлэн нылыз-пиез кадь луыса, тани тыр шыдэн сӥзиськисько, югыт тӧдьы бур Инмаре-Кылчинэ, тани. Шумпотысалмы, шуддэ-бурдэ сётыса мын вал, югыт тӧдьы бур Инмаре-Кылчинэ, тани. Сапрак гинэ небыт зоръёстэ ачид сётыса ке мынысалыд, югыт тӧдьы бур Инмаре-Кылчинэ, тани. Силедлэсь-даулэдлэсь ачид утьыса ке мынысалыд, югыт тӧдьы бур Инмаре-Кылчинэ, тани. Лек пужмеръёслэсь даулэдлэсь ачид утьыса ке мынысалыд, югыт тӧдьы бур Инмаре-Кылчинэ, тани.
Шумпотысалмы, шуддэ-бурдэ сётыса мын вал, югыт тӧдьы бур Инмаре-Кылчинэ, тани. Гид тыр пудоед, тани ӵышконо ыжед, кысконо скалэд, вӧё вышкыен, муо вышкыен ачид сётыса ке мынысалыд, югыт тӧдьы бур Инмаре-Кылчинэ, тани. Азбар тыр ӵӧж-ӟазеген гурлашыса улон сётыса ке мынысалыд, югыт тӧдьы бур Инмаре-Кылчинэ, тани. Мушо вуэн улыны ачид сётыса ке мынысалыд, югыт тӧдьы бур Инмаре-Кылчинэ, тани. Оминь!
Ми кабыл карыса басьтӥськом, югыт тӧдьы бур Инмаре-Кылчинэ. Остэ, югыт тӧдьы бур Инмаре-Кылчинэ, тани. Гуртэн огкылсинмысь луыса, ог анайлэн-атайлэн нылыз-пиез кадь луыса, тани тыр шыдэн сӥзиськисько, югыт тӧдьы бур Инмаре-Кылчинэ, тани.
Араны потон вапум дыръя тани, пельпум капчилыкъёстэ ачид сётыса ке мынысалыд, югыт тӧдьы бур Инмаре-Кылчинэ, тани. Суслон вӧзы суслон пуктыса ке мынысалыд, тӧдьы бур Инмаре-Кылчинэ, тани. Кабан пыртон дыръя пар вал сётыса ке мынысалыд, югыт тӧдьы бур Инмаре-Кылчинэ, тани. Кабанъёсмес липем улэ пыртон дыръя тани, липон дыр сётыса ке мынысалыд, югыт тӧдьы бур Инмаре-Кылчинэ, тани. Туэ нош ик сюлысэн пыжон-басьтон дыръяз тани, синонтэм дыръёстэ ачид сётыса ке мынысалыд, югыт тӧдьы бур Инмаре-Кылчинэ, тани. Тылпу гаудаослэсь ачид чакласа ке мынысалыд, югыт тӧдьы бур Инмаре-Кылчинэ, тани.
Гуртэн огкылсинмысь луыса, ог анайлэн-атайлэн нылыз-пиез кадь луыса, тани тыр шыдэн сӥзиськисько, югыт тӧдьы бур Инмаре-Кылчинэ, тани. Шуныт ки вылад басьтыса мын вал, югыт тӧдьы бур Инмаре-Кылчинэ, тани. Чередлэсь-чуредлэсь ачид чакласа ке мынысалыд, югыт тӧдьы бур Инмаре-Кыл-чинэ, тани. Тыл янгышъёслэсь ачид утьыса ке мынысалыд, югыт тӧдьы бур Инмаре-Кылчинэ, тани. Оминь! Ми кабыл карыса басьтӥськом, югыт тӧдьы бур Инмаре-Кылчинэ, тани.
Остэ, югыт тӧдьы бур Инмаре-Кылчинэ, тани. Гуртэн огкылсинмысь луыса, ог анайлэн-атайлэн нылыз-пиез кадь луыса, тани тыр шыдэн сӥзиськисько, югыт тӧдьы бур Инмаре-Кылчинэ, тани. Чётэ потэм бендэед тани, буш мешокен потыса кошкыса, тыро мешокен бертыса ке пырысалзы, югыт тӧдьы бур Инмаре-Кылчинэ, тани. Кыл янгышъёслэсь ачид утьыса ке мынысалыд, югыт тӧдьы бур Инмаре-Кылчинэ, тани. Та пачкам бендэослы ӟеч иворъёс сётыса ке мынысалыд, югыт тӧдьы бур Инмаре-Кылчинэ, тани.
Кузьыли каръяськыса кылле, кузьыли каръяськем кадь улыны сётыса мынысалыд ке, югыт тӧдьы бур Инмаре-Кылчинэ, тани. Кӧкыын саби кылле, кӧкыын саби кыллем кадь улыны сётыса ке мынысалыд, югыт тӧдьы бур Инмаре-Кылчинэ, тани. Гижы-пиньёслэсь ачид утьыса ке мынысалыд, югыт тӧдьы бур Инмаре-Кылчинэ, тани. Гуртэн огкылсинмысь луыса, ог анайлэн-атайлэн нылыз-пиез кадь луыса, тани тыр шыдэн сӥзиськисько, югыт тӧдьы бур Инмаре-Кылчинэ, тани. Шумпотысалмы, шуддэ-бурдэ сётыса мын вал, югыт тӧдьы бур Инмаре-Кылчинэ, тани. Сӥзьыл виясь вуэд сямен, чор виясь вуэд сямен азвесь кадь улымон сётыса ке мынысалыд, югыт тӧдьы бур Инмаре-Кылчинэ, тани. Лымы ӝокатонъёслэсь ачид утьыса ке мынысалыд, югыт тӧдьы бур Инмаре-Кылчинэ, тани.
Оло азьзэ верасько, югыт тӧдьы бур Инмаре-Кылчинэ, оло берзэ верасько, югыт тӧдьы бур Инмаре-Кылчинэ, милесьтым вуттымтэосыз ачид вуттыса мын, югыт тӧдьы бур Инмаре-Кылчинэ, шуныт ки вылад басьтыса мын, югыт тӧдьы бур Инмаре-Кылчинэ, кабыл кар, югыт тӧдьы бур Инмаре-Кылчинэ. Оминь![1]
Назин Садриев. Башкортостан, Татышлы ёрос
Литература[править]
- ↑ Удмурт оскон: Вашкала куриськонъёс, вӧсяськонъёс, статьяос / Дасязы В.Е. Владыкин, С.Н. Виноградов=Удмуртская вера: Древние молитвы-заклинания, статьи / Составители В.Е. Владыкин, С.Н. Виноградов. - Ижевск: Удмуртия, 2010. - С. 69.
