Тулыс кисьтон карон вӧськыл
Чӧке, пересьёс, тани тулыс кисьтондэс каром. Чӧк, дядя, мэмэ,
пересь агайёс, анайёс, пиналъёс, вармумы, вармайы; тӥ но, чужмуртъёс;
тӥ но, пересь иськавынъёс; тӥ но, кин ке вичке-вочке , вочнады
ик – мон нимын-тулын ваньдэс уг тодкы.
Чӧке тани, сие-юэ, пересьёс! Сьӧрады ваем куноёстэс ачтӥёс косэ,
утялтэ! Та кендылэсь пӧрам сионзэ, сурзэ-виназэ юса-сиса куӟӟид ке,
вились пӧзьтонозэ-пуконозэ ческыт каре!
Лудэ-выре поттэм пудодэс-животтэс сьӧсьлэсь-каблэсь ачтиёс ик
утялтэ, нюке-гопе эн донге!
Кизем-пазьгем юдэс-няньдэс чер-пур эн каре, нумыр-кибилилы
эн сюдэ! Сюрес вылэ, калыке мынон дыръям, чер-пур эн каре! Ужаны
потон дыръям киез-пыдэз эн вандэ, чер эн каре!
Пересьёс, чӧке! Аӟады мед усёз! Туж сие-юэ, ситэк-ютэк эн кыле,
кырӟаса кошкымон мед луоды!
Кӧлэмзы бере ӵукна:
Пересьёс, султэ ини! Сие-юэ но кошке ини! Вождэс вайса эн кошке,
кырӟаса кошке со дуннеады! Ӟеч улэ ини! Пересьёс, пиналъёс келясько
ини. Кошке ини вочнады ик! Кошке, кошке, кошке! [1]
Кыйлуд, Кыйлуд вол.
