Гурезь йылын векчи шальы

Гурезь йылын векчи шальы,

Вай, лэзьяса шудоме.

Тӥляд ке вина, милям но вина,

Вай, шуккыса юоме.

Кызьы гынэ секталъяны

Али ке но эсэпты.

Асьтэос ке но кызьы(й) уг но,

Али ке но, ми озьы.

Отӥ-татӥ ӧй ветлысал,

Сяська пӧлтӥ ветлысал.

Туж мӧзмыса ӧй улысал,

Весь огинын улысал.

Возь выл сяська туж чебер но,

Малы меда турнало.

Тӥ, туганъёс, туж мусо но,

Малы меда кыдёкын.

Та люгыт но дунне вылын

Кык чебересь сяська вань.

Огез вылэм пинал даур,

Огез — тӥ, туганъёсы.

Азям кельше льӧмлет айшет,

Йырам кельше сьӧд кышет.

Мылам-кыдам кельшиськоды

Тӥ, яратон туганэ..

Варклет-Бодья, Агрыз ёрос