Сьӧрлось гуртысь лыктӥзы

Сьӧрлось гуртысь лыктӥзы но,

Монэ басьтын(ы) юазы.

Ой, нэнӥе, ой, дядие,

Монэ басьтыны юазы.

Шыкыс дурам султӥзы но

Сузэре бӧрдын кутскиз.

Ой, нэнӥе, ой, дядие,

Сузэре бӧрдын кутскиз.

Пар валъёссэс кыткизы но

Сьӧрлось гуртэ нуизы.

Ой, нэнӥе, ой, дядие,

Сьӧрлось гуртэ нуизы.

Сьӧрлось гуртэ нуизы но

Кеносазы пыртӥзы.

Ой, нэнӥе, ой, дядие,

Кеносазы пыртӥзы/

Кеносазы пыртӥзы но

Эмеспизэс ваизы.

Ой, нэнӥе, ой, дядие,

Эмеспизэс ваизы.

Эмеспизэс ваизы но

Катанчиен возъязы.

Ой, нэнӥе, ой, дядие

Катанчиен возъязы.

Катанчиен туж пеймыт но

Сьӧрлось гуртын туж мӧзмыт.

Ой, нэнӥе, ой, дядие,

Сьӧрлось гуртын туж мӧзмыт.