Чечыен нянь

Одӥг адями кулыкуз тазьы верам:

— Няньдэ чечыен си, пие. Ужаны мыныкуд, адямиослы «кужмо луэ», «кужмо кариське» эн шуы.

Атаезлэсь ма вераны малпамзэ пиез соку ик валамтэ.

Ӵуказеяз, араны мыныкуз, бусыын калык куаш-ш! карыса ужа вылэм ини. Со нокин шоры вазьылымтэ та ӵукна. Атай озьы индылӥз, пе. Аслыз нош та учыр умойтэмлэсь но умойтэм потэм.

— Кызьы кароно ай?— малпа со.— Ӟеч муртъёсын ӟечъяськытэк умой ӧвӧл.

Кызьы но озьы ятвылтэм.Мыдӟатаз ӵукна со вань гурт калыклэсь азьло лыктэм ини бусые. Нокинлы но «кужмо луэ», «кужмо кариське» шуоно луымтэ. Удыс дураз ӵукна котькинлэсь вазь ветлыны ӧдъяса, ӝытазе калык берозь ужаса, солэн нянез но чечыен сием кадь потыны кутскем.

— Атай мыным зэм вераса кельтэм,— шуэм со!.

Литература

.