А, Я букваос

А буква, кыллэн кутсконаз сяна, гожтӥське на:

а) чурыт согласнойёс бере но небыт ӟ, ч согласнойёс бере: балян, вармай, гажаны, дас, закон, валаны, саес; кырӟан, чагыр;

б) у букваен дугдӥсь основа бере, озьы ик е, ӧ, ы, ю букваосын дугдӥсь одӥг слогъем основаос бере: пӧсьвуаны, шуаны, еад, кӧамы, гыаны, юаны.

Я буква, кыллэн кутсконаз сяна, гожтӥське на:

а) небыт д, з, л, н, с, т согласнойёс берс: гадяз, кузяны, келя, нянь, дася, тямыс;

б) а, и, ӥ, ӧ букваосын дугдӥсь одӥг но трос слогъем основаос бере: шараяны, вияны, тӥяны, куноян;

в) е, ё, ы, э, ю, я букваосын дугдӥсь трос слогъем основаос берс: огазеяны, чумолёяны, кӧжыяны, нэнэя, тютюяны, мӧляям;

г) й согласной бере но висъясь ъ но ь пусъёс бере, йа валче верам куараосты возьматон понна: вайяны, сайяны, гожъяны, бурдъяны, висъяны, басьяны.

Йа валче верам куара я букваен возьматӥське на та выллем кылъёсын но: вӧй — вӧяны, кӧй — кӧяны; нош: кӧ — кӧад .

Литература

.