Куректон мадь

Э, атае, тон кулӥд!

Кин монэ сюдоз-вордоз?

Кызьы меда тон улод сояз дуннеяд?

Кин милемлы аралоз?

Кин милемлы ужалоз-юрттоз?

Кызьы ми ужмес быдтом тонтэк?

Э, нэнэе, нэнэе, тон малы меда кулӥд?

Татчы милемды кельтӥськод ук курадӟыны.

Кызьы меда улыны кылдэм милям нэнэтэк?

Тон дыръяд ӟеч улӥм, таре олокызьы улом ини.

Милемдыс сюдӥд но, вордӥд но,

Сӥтьысь-кызьысь поттӥд но,

Куакапиосты сямен куштӥд но кельтӥд...

Кызьы меда таре уймес-нуналмес ортчытом тонтэк?

Тон дыръя неномыре но ӧм сюлмаське,

Тарезэ кӧтмы но сюмаса, оло, улом ин?

Тон дыръяд кыӵе ке ческыт сиыса улӥм,

Таре бубы бордын олокызьы улод на ини?..

Ӟеч ул ни сояз дуннеяд, дуно нэнэе....

Басьтэмын История, кылъя но литературая Удмурт институтлэн архивысьтыз.