Елена Миннигараева
Елена Васильевна Миннигараева (Панфилова) – писатель, журналист, публицист, общественный деятель. Главный редактор республиканской газеты «Удмурт дунне». Заслуженный журналист Удмуртской Республики, член Союза журналистов России, член Союза писателей Удмуртии. Руководитель Регионального общественного движения Совет удмуртских женщин «Удмурт нылкышно кенеш».
Биография
Родилась 1976 году 25 августа в Удмуртии, в селе Малая Пурга. Детство прошло в маленьком рабочем посёлке Сосновка Малопургинского района. Закончила Ильинскую среднюю школу. С детства пишет стихи, рассказы, сказки, печатается в республиканских газетах, журналах. Первые две книги вышло под девичьей фамилией Панфилова.
В школьные годы посещает районное литературно-творческое объединение «Пурга гуръёс» под руководством писателя Владимира Самсонова. В 1991-ом году поступает в Можгинское педагогическое училище[1]. В 1994 году избрана делегатом на Всеудмуртский съезд в составе делегации от Можгинского района.
1994-тӥ арын удмуртъёслэн съездазы самой пиналэз делегат луэ.
1995-тӥ арын педучилищеез горд дипломен йылпумъяса пыре дышетскыны университетлэн удмурт филология факультетаз. Чупрес нылаш пыриське калык куспо научно-практической конференциосы. Поэзиез эскеронъя ужъёсыз печатласько «Кенеш» журналын, «История и культура финно-угорских народов» (1998) бичетын.
2000-тӥ арын витьёсын гинэ йылпумъя дышетсконзэ.[1]
УдГУын дышетскись студентка Елена Панфилова, I-тӥ курссэ йылпумъямез бере, гужемзэ аслэсьтыз кужымзэ «Удмурт дунне» газетлэн редакцияз эскероно кариське. Сое шумпотыса куто. [2]
Нош дышетсконзэ йылпумъяса воксё но журналист луиз. Татын политика ӧре зымиз, нуналмысь ортчись ужъюгдуръёс сярысь статьяос, иворъёс гожъяз – Елена Миннигараева (картэзъя) луиз. Ужезъя ӵем кунгож сьӧрысь но Россиысь финн-угор калыкъёс доры вуылэ. Трос гожъя соослэн улэмзы, культуразы сярысь. «Удмурт дунне» газетын усьтэ «Тангыра» финн-угор люкет , берлогес – асьме удмурт шаерын улӥсь калыкъёслы сӥзем «Тугоко» люкет. [3]
2010-тӥ арын Елена Васильевна валтӥсь редакторлэн воштӥсез луиз. Озьы ик со Россиысь финн-угор газетлэн координаторез, парламентской журналист луэ. Сыӵе ик мыло-кыдо пыриське общественной уже. Со «Удмурт кенеш» огазеяськонлэн исполкомаз пыре, удмурт культурая «Дэмен» обществолэн но «Удмурт нылкышно кенеш» организацилэн ёзчизы луэ. [2]
Гожъямъёсыз сярысь
Елена Панфилова пичи дырысеныз гожъяны кутске вакчиесь кылбуръёс, веросъёс но выжыкылъёс. 4-тӥ классысен печатлаське элькунысьтымы удмурт газетъёсын но журналъёсын. [1]
Рос-просгес гожъяськыны дыши мон «Пурга гуръёс» литобъединение ветлыны кутскем бере. Отын ми зэмос писательёсын, кылбурчиосын пумиськылӥмы… Со адямиосын вераськыса, ми мукетэсь луимы. Уг луы ни вал огшоры шаляй-валяй ветлэммы, соослэсь адӟем карыны тыршылӥмы. [2]
Елена Панфилова ас куаразэ утчаны кутскиз огдыре ик прозаын но, литературоведениын но, кылбурет удысын но… Литература сюрес вылэ султӥсь муртэз эскерисьёс нырысь ик учко, шӧдӥське-а солэн аслаз куараез. Елена Панфиловалэн ке – со юн шӧдӥськиз ни «Мумы» повестяз но (со потӥз 1990-тӥ аръёсы эрике куриськем мылкыдъёс, шара веранъёс бордысь), шӧдӥське лирикаяз но. [3]
Елена Панфилова пичи гинэ повестезлы туж узыр, туж аспӧртэмлыко мадён ӧр шедьтэм, со тулкымъёс выллем радъяське. Мадись мурт (повествователь) огвакытэ ик лыдӟисеныз но, асэныз но кенеше-эчеше. [4]
Елена Панфилова – егит кылбурась. Сое сюлмаськыто улонысь астэ утчан, улонмылэн кытчы мынэмез но солэн секытэз сярысь малпаськон. «Вакытлэн нылыз» шуэ ке но ассэ лирической героиня, малы ке но солы та Вакытын капчи ӧвӧл: 250px|thumb|right|Гожъяськисьёсын Л. Малыхен но Е. Виноградовен «Уг чидаськы сылыны, пилиське лулы-сюлмы». Кызьы ке улонмы огыр-бугыр, озьы ик солэн но пушказ маиз ке но бугыръяське, ог-огзылы пумит луисьмакеосын шӧдылэ («Мон» кылбур). [5]
Четлыке пытсаны
Мон выри кылбурме,
Лек муртлэн кылыныз
Эгесай мылкыдме.
Адями но улон, дыр но вакыт, яратон но шуд… Дунне шоры Елена Панфиловалэн аслаз учконэз. Солэн ӟырдытэсь, эрикоесь но чидасьтэмесь чуръёсыз мылкыдэз бугырто, улонлэсь адскисьтэм палъёссэ шуак усьто.
Тодӥськоды-а, мон тырши вунэтыны кылбуран сярысь. Егит дыръязы ӧжыт-а адямиос мылкыдзэс кылбур чуръёсы кисьто. Дуннеын ваньмыз кемалась кинэн ке кытын ке верамын ни. Мар выльзэ усьто на мон? Усьтӥ ке но, дунне шат воштӥськоз? Но озьы гинэ луысал ке… Сюлэмын тымиськыса улӥсь чуръёсты ӝокатыса уд возьы вылэм. Мон улӥсько соосын ӵош… [6]
Кылбуръёсы пуктэм юанъёс, вератэк кельтэм малпанъёс, чуръёс пуме пӧртэм знакъёс пуктылонъёс верало ини лыдӟисьлы, поэзие дӥсьтӥсь, чидасьтэм, ӟырдыт нылкышно лыктӥз шуыса. [5]
Наградаосыз но премиосыз
250px|thumb|right|Финн посольствоын М. Кастрен огазеяськонлэсь премизэ басьтон
Удмурт Элькунлэн пиналъёсын ужанъя комитетлэн Данъян грамотаез, 1998.
«Удмуртия многонациональная» ӵошатсконлэнлэн «Печатные средства массовой информации» номинациын I премилэн лауреатэз, 2002.
Финляндиысь М. А. Кастрен огазеяськонлэн журналистика удысысь премиезлэн лауреатэз, 2002.
Удмурт лулчеберетэз вӧлмытон но калык кусыпъёсты юнматон удысын бадӟым уж нуэмез понна Удмурт Элькунысь нациосын ужан политикая министерстволэн Данъян бумагаез, 2003.
Удмурт Элькунысь печатья но ивортодэтъя министерстволэн Данъян грамотаез, 2007.
Финляндиысь М. А. Кастрен огазеяськонлэн валтӥсь журналист премилэн лауреатэз, 2009.
Удмурт Элькунлэн Кун Кенешезлэн таукаронэз, 2010.
Удмурт Элькунысь Правительстволэн Данъян грамотаез, 2010.
Библиография
Книгаосыз
Мон – улӥсько! : кылбур бичет. – Ижкар : Инвожо, 2010. – 83 с.
Мумы : повесть. – Ижевск : Удмуртия, 2008. – 63 с.
Статьяосыз
Алина : верос // Удмурт дунне. – 2009. – 23 сент. – С. 7.
Вераськон // Удмурт дунне. – 2010. – 11 июня. – С. 5.
Из : фэнтези // Удмурт дунне. - 2012. - 13 июня. - С. 5-7. - (инГОЖ)
Инме кыско чильтэр бурдъёс / азькылэз Т. Черновалэн // Удмурт дунне. – 2006. – 5 дек. – С. 7.
Куректонэн тырмем омыр = Ohk muret tais // Kuum ӧӧ : suome-ugri ranvaste tanapaeva luulet. - Tallinn, 2006. - С. 504-509. – Текст парал. на удмурт. и эст. яз.
Мемей но мон ; Кечато мунё ; Кырымпыдэс : эссеос // Удмурт дунне. – 2010. – 20 янв. – С. 6.
Урдо : верос // Удмурт дунне. – 2009. – 8 июля. – С. 7.
"Чырсо ческыт улмо..." : кылбур // Удмурт дунне. - 2014. - 16 сент. - С. 5. - (инГОЖ)
Школае келяз така : юмореска // Удмурт дунне. - 2011. - 2 сент. - С. 15.
Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды Удмурт Элькунысь йӧскалык библиотекалэн электрон каталогъёсызъя.
Уже кутэм литература
- ↑ 1,0 1,1 1,2 Хайдаров Р. Елена Панфилова (Миннигараева) (1976) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 168.
- ↑ 2,0 2,1 2,2 Москвина О. Пужымъёс пӧлысь Ленӥ но Вукогуртысь Лӧпшо Педор // Ӟечбур! – 2010. – 5 авг. – С. 5-6.
- ↑ 3,0 3,1 Чернова Т. Н. «Лул куара, эн ни бӧрд…» // Удмурт дунне. – 2010. – 25 авг. – С. 5.
- ↑ Шайсултанова Л. Мадён ӧрлэн тулкымъёсыз : Елена Миннигараевалэн (Панфиловалэн) «Мумы» повестез пумысь малпанъёс // Кенеш. – 2006. - № 8. – С. 104-106.
- ↑ 5,0 5,1 Пискунова М. Нылкышно кылбурасьёс // Выль даур. – Можга, 2003. – 21 июнь.
- ↑ Панфилова Е. Лэзь монэ…. // Мон – улӥсько! : кылбур бичет / Елена Панфилова. – Ижкар, 2010. – С. 3.
