"Кытын мынам сьӧд кышетэ"

Марлы ӧвӧл сандыкам, ой, сандыкам.

Эй-эй, марлы ӧвӧл мынам сандыкам?

Кытын мынам яратонэ,

Марлы ӧвӧл син азям,

Ой, син азям.

Эй-эй, марлы ӧвӧл син азям?

Луысал ке сьӧд кышетэ,

Луысал, дыр, сандыкам, ой, сандыкам.

Луысал ке яратонэ,

Луысал, дыр, син азям,

Ой, син азям.

Эй-эй, луысал, дыр, син азям.

Одӥг мынам сьӧд кышетэ,

Со но куреньгес али, ой, куреньгес.

Эй-эй, со но куреньгес али.

Одӥг мынам яратонэ,

Со но куштонгес али, ой, куштонгес.

Эй-эй, со но куштонгес али.

Бадяр куаръёс туж паськытэсь,

Сузё йыре керттыны, ой, керттыны.

Эй-эй, сузё йыре керттыны.

Яратонлэн кылыз небыт,

Тырме уйбыт пукыны, ой, пукыны.

Эй-эй, тырме уйбыт пукыны.

Сьӧд перчатка мон керттӥ но,

Куатьтон синмын мон керттӥ,

Ой, мон керттӥ.

Эй-эй, куатьтон синмын мон керттӥ.

Синмыд шудэ мон вылын но,

Мылыд-кыдыд кин вылын, ой, кин вылын?

Эй-эй, мылыд-кыдыд кин вылын?

Азвесь угы пельёсам но,

Вужеръёсыз бамъёсам, ой, бамъёсам.

Эй-эй, вужеръёсыз бамъёсам.

Ачид ке но татын ӧвӧл,

Мӧзмемъёсы сюлэмам, ой, сюлэмам.

Эй-эй, мӧзмемъёсы сюлэмам..