Мон сьӧр гуртэ бызисько

Мон сьӧр гуртэ бызисько,

Монэ нуын лыктӥзы,

Монэ нуын лыктӥзы но

Четверть вина вайизы.

Четверть вина вайизы но,

Дядие туж шумпотӥз. Сандык бордам кутскизы но,

Мемие бӧрдын кутскиз.

Венчать каром шуизы но

Парен валзэс кыткизы,

Парен валзэ кыткизы но

Венчать карын нуизы.

Венчать карын нуизы но

Йырсиме кык пунӥзы,

Йырсиме кык пунӥзы но

Ныл даурме басьтӥзы.

Ой, дядие, дядие но,

Коньдондэ но ӧд сёты.

Ой, мемие, мемие но,

Ӟеч кылдэ но ӧд вера.

Ой, дадае, дадае но,

Валэныд но ӧд келя.

Ой, кенаке, кенаке но,

Келяса но ӧд поты.

Ой, сузэре, сузэре но,

Капкадэ но ӧд усьты,

Ой, сузэре, сузэре но,

Капкадэ но ӧд усьты.

Ӟеч луэ ни, семьяосы,

Мон табере кошкисько,

Мон табере кошкисько но,

Чаль уд адӟе ни монэ.

Пичи Пурга районысь Кабыста (Капустино) гурт. Гожтӥз Г.Ф. Романова 1981-тӥ арын Светлана Петровна Крючковалэсь (1962, 10 кл.).