Дас кык пар

Дас кык пар, дас кык пар, ой, ӟазегед

Ӵош ке но, ӵош ке но гагактӥз,

Шуккиськоз, шуккиськоз, ой, куаразы

Пӧжман но, Пӧжман но шур кузя.

Дас кык пар, дас кык пар, ой, валъёсыд

Ӵош ке но, ӵош ке но гырдалтӥз,

Шуккиськоз, шуккиськоз, ой, куаразы

Пӧжман но, Пӧжман но возь кузя.

Дас кык пар, дас кык пар, ой, нылъёсыд

Ӵош ке но, ӵош ке но кырӟазы,

Шуккиськоз, шуккиськоз, ой, куаразы

Бӧдья но, Бӧдья но урам кузя.

Дас кык пар, дас кык пар, ой, пиосыд

Ӵош ке но, ӵош ке но ӵогизы,

Шуккиськоз, шуккиськоз, ой, куаразы

Бӧдья но, Бӧдья но нюлэс кузя. .