Гаврилова-Решитько Милитина

Милитина Васильевна Гаврилова–Решитько – удмурт публицист, кылбурчи, Россиысь писательёслэн Огазеяськонзылэн ёзчиез, Россиысь журналистъёслэн огазеяськонзылэн ёзчиез, Удмурт Элькунысь дано журналист, Удмурт Элькунысь лулчеберет удысысь дано ужась.

Улон сюресэз

Милитина Гаврилова–Решитько вордскиз Дэбес ёросысь Омелят (Роготнево) гуртын 1935-тӥ арын 5 куарусёнэ крестьянъёслэн семьяязы.

Семьязы бадӟым вал, одӥг коркан тямыс кузя улӥзы. Нылаш школае мынон азьынгес Быдӟым тылож кутскиз. Бадӟым классъёсын, сизьым иськемез ветлыса, Удмурт Лемысь сизьым классъем школаын дышетскиз. Со вакытэ будон дырыз тупаз бере, трос секытэз чидано луиз пичи нылаш. Сизьым аресысен мӧйыосын артэ вань гурт но колхоз ужъёсты быдэсъяно луиз. Сютэм улон но солэсь палэнэтӥ ӧз ортчы. Коньдонэз адӟыны ӧз кылдылы, трудоденен ужазы. Озьы ке но, нылашлэн дышетскемез потӥз. Дэбес педучилище матын вал. Бадӟым сузэрез сьӧры Миля но отчы кыстӥськиз. Гуртын дышетӥсьёс коньдоно, сӥлы адямиос вал. Солэн но дышетӥсь луэмез потӥз. Педучилище бере атаезлэн нылзэ Иже дышетскыны лэземез уг пот ни вал. Пырак шуиз: «Дышетскиськод, дышетскиськод, нош гуртын кин ужалоз, кин милемлы юрттоз». Со угось куинь война пыр потэмын, висись, лябӟемын ни вал. Но нылаш ваменэс вылэм, лэся, ӧз кылзы, Иже кошкиз.

Радиоын диктор

1954-тӥ арын пыриз дышетскыны Удмурт пединститутысь историяя но кылэз тодонъя факультетаз. Туж секыт йӧтӥз гуртысь нылашлы дышетскон аръёсыз. Дӥськут но сиён но ӧз сюрылы, стипендия коньдонэныз гинэ улӥз, доръёсыз, уго, юрттыны ӧз быгатэ. Куинетӥ курсын дышетскыкуз, улон секытэн, кытчы ке уже пырытэк амалыз ӧз лу ни. 1957-тӥ арын Удмурт радиое диктор луон ӵошатсконэ пыриськиз. Милялэн небыт, няськыт куараез, могатэк чылкыт вераськемез кельшиз. Сое кутӥзы. Нырысь аръёссэ ик ужаз Сабитовен, Саушкинэн, Покчи-Петровен ӵош. Кутскись дикторлы таослэсь дышетскон, адӟем карон ласянь туж удалтӥз, соос егит муртлы инмар кадесь потылӥзы.

Милитина Васильевна быдэс улонзэ Удмурт радиоен герӟаз. Солэн жингрес, небыт куараез шаерысьтымы радио пыр чузъяськыны кутскем дырысен ӝыны даур луиз ини. Диктор но, корреспондент но вал. 1975-тӥ арысен кызь ар ӵоже литературая но драмая передачаослэн редакторзы луыса ужаз, «Арня ӵукна» радиожурналэз нуиз, «Школалы юрттэт» передача кылдытӥз. Вань быгатонлыксэ, сюлэмзэ поныса тыршиз. Кӧня тодмо адямиосын пумиськылӥз! Соос сярысь очеркъёсыз Удмурт радио пыр сяна, Москва, Казань, Сыктывкар городъёсын, Литва кунын чузъяськылӥзы. Удмурт гожъяськисьёслэн ужъёссыя нош кӧня радиоспектакльёс дасямын! Элькунысьтымы ваньзылэн сямен ик писательёслэн, тодосчиослэн, крезьгурчиослэн, артистъёслэн, суредасьёслэн куараоссы Милитина Васильевна сюлмаськемен Удмурт радиолэн зарни фондаз кельтэмын. Дано адямиосты возьматэм сяна, Мунё, Удмурт, Ӟуч театръёслэсь спектакльёссэс плёнкае гожтыса кельтылӥзы.

Милитина Васильевна Гаврилова–Решитьколэн вань улонэз шаерысьтымы литература но искусство пушкын ортче. Мӧйыоссэ но, егитъёссэ но та удысын тыршисьёсты огпол гинэ ӧз ӧтчалля радиостудие.

1992-тӥ арысен пенсиын. Но тэк пукыны уг чида. Шаерзэ яратонэз, калыкен тунсыкъяськемез солы маза уг сёты. Милитина Васильевна пыриське пӧртэм общественной уже. Со ик «Удмурт кенешын» но, «Удмурт нылкышно кенешын» но, творчество удысын ужась нылкышноослэн федерациязы но.

Cекыт висемез бере улонысь кошкиз 2014-тӥ арын 4-тӥ гудырикошконэ.

Гожъямъёсыз сярысь

Мукет журналистъёсын но писательёсын ӵошатыса, Милитина Васильевна Гаврилова–Решитько гожъяськыны бергес кутскиз. Синмаськымон адямиосын пумиськылон со понна узыр музъеме шедем тысьлэн ӟеч удамез кадь луиз.

Удмурт радиоын Милитина Василевнаен ӵош ужась тодмо кылбурчи Гай Сабитов одӥг пол шуиз: «Дикторын гинэ ужаса, тон тазьы азгынмод ведь. Ойдо ай гожъяськыса утча». Собере, китӥз кутыса сямен, Григорий Титовлэн квартираяз нуиз. Журналистика удысэ сюрес лёгись кышномурт азе Гай Сабитов кыӵе ке сюбег тема ӧз пукты. Та адями сярысь кӧня быгатӥд, кызьы быгатӥд, сомында ик гожты, пе. Милитина Василевналэн ужез ӧръяськиз: «Арня ӵукна» радиожурналэ сизьым сериен веран дасяз. Собере очеркъёсызлэн геройёсыз пӧртэм удысын тыршись адямиос луизы.

Милитина Васильевна трос печатласькыны кутскиз удмурт газет-журналъёсын «Удмурт дунне», «Ӟечбур!», «Герд», «Кенеш», «Инвожо», «Вордскем кыл», «Ашальчи» но мукет.

Ужъёссэ огазе люкаса поттӥз лулчеберет удысын тыршисьёс сярысь очеркъёсын «Ӵыдонтэм пумиськонъёс» (1993), «Эшъяськонлэн шунытэз» (2005) бичетъёссэ. Озьы ик лыдӟисьёс доры вуизы кылбуръёсын «Кесэго-кесэго малпанъёс» (1999) но «Кузьым» (2010) сборникъёсыз. Кема аръёс ӵоже радиоын ужатозяз, кӧня калыкен сюлмысь вераськонъёс вал угось! Ваньмыз соос уно книгаос поттымон люкаськемын. Нош кылбуръёс Милитина Васильевна пиналысен гожъяны кутскем вылэм, но калыклы возьматыны кепырам. Уката одӥг классын дышетскись нылъёс ӝож кылын туж вӧсь кариллям соку гожъяськыны кутскись нылашез. Но дыр ортчемъя кылбуръёс асьсэос куриськиллям лыдӟись доры.

Концертъёсты, юбилей ӝытъёсты трос калык азьын йӧно нуэмъёссэ адӟыса паймоно: пушказ тӥни кыӵе бугыръяське вылэм удмурт сямыз!

Кылбуръёс – мылкыд кылдытӥсьёс. Тулыс сярысь-а тодаз вае автор, толэз-а выльысь устэ – сое кылбур пыр мукетызлы но кузьма. Милитина Васильевналэн чеберлыкезъя, пӧрмемезъя, инкуазез улӟытэмезъя устоосыз пӧлысь луэ «Тол» кылбурез. Толлэсь вуэмзэ, котыр улосэз киултэмзэ буёлъёс, образъёс пыр сётэм сяна, гожтӥсь ас кылбургуреныз ветта, ӝутэ но мылкыд сётэ, со дыре ик та тол суредэз вылӥысен адӟытэ кадь. Таӵе усто чуръёс авторлэн Инмарен сётэм вылӥ шӧдонъёсыз сярысь верало.

Яратон-гажан кусыпъёс но ас сяменыз усьтэмын: юморен, серем пырыосын суралтыса. Сыӵе луэ «Яратон» кылбур. Татын «бон» но «бен» палъёсын шудэмын, сояз но, таяз но нылмурт ярамтэ: «горд» шуиллям. Но парзэ пар шедьтэ. Кема витёно луымтэ, шедем пияш, ушъям: «мак сяська, пе, йырсиед,сюлэмъя вераськемед…»

Учконо ке, табере

Корка тыр пиналъёсмы –

Ӵыж-горд, льӧль, сьӧд

"Эшъяськонлэн шунытэз" книгаезлэн презентациез

Семъямы.

Аръёс пельпуме золгес но золгес зӥбыны ӧдъяло ке, мылкыд пуксьыны ӧдъя, шуо. Милитина Васильевналэн но котькыӵе дыръёсыз луо: куректон но тупа, тазалык лябӟон вакытъёс но вань. Но солэн уг кысы кылбур гожтон мылкыдыз. Сыӵе дыръя ик ибырвесь сярысь малпанъёсыз но лыкто, луоз.

Ой, дыртӥ…

Дыртонъям ӵемтылӥ.

Базаре но пырны вунэтӥ.

Пырасал ке отчы,

Басьтысал, дыр, одно ибырвесь.

Утьысал со монэ эзельлэсь,

Оло нош, сётысал на шудбур,

Ватсасал на, оло, шумпотон,

Азьланяз улонлы но оскон…

Наградаосыз но премиосыз

«Отличник телевидения и радио» значокен данъямын, 1980.

УАССР-ысь Вылӥ Кенешлэн Президиумезлэн Данъян грамотаез, 1982.

Удмурт Элькунысь лулчеберет удысысь дано ужась, 1987.

Всесоюзной радиоен радъям конкурслэн дипломантэз, 1993.

М. А. Кастрен нимо премилэн лауреатэз, 2002.

Библиография

Книгаосыз

Кесэго-кесэго малпанъёс : кылбуръёс. – Ижевск : Удмуртия, 1999. – 63 с.

Кузьым : кылбуръёс. – Ижевск : Инвожо, 2010. – 90 c. : ил.

Ӵыдонтэм пумиськонъёс : очеркъёс. – Ижевск : Удмуртия, 1995. – 159 с. : ил.

Эшъяськонлэн шунытэз : очеркъёс, тодэ ваёнъёс. – Ижевск : Удмуртия, 2005. – 222 с.

Статьяосыз

"А что было, то было..." // Италмас. – 2011. – № 1. – С. 130–131. – (70-летию Аллы Кузнецовой посвящается).

Бадӟым писпулэн вужерез но бадӟым // Удмурт дунне. – 2006. – 22 авг. – С. 5.

В дороге с "Чипчирганом" // "Чипчирган" звучит в душе моей : кн. воспоминаний. – Ижевск, 2008. – С. 188–189.

Вань улонэз кырӟан кадь // Удмурт дунне. – 2008. – 16 июля. – С. 5.

Ваньмыз кыле адямиослы // Удмурт дунне. – 2005. – 9 февр.

"Ваньмыз умой луоз, ваньмыз..." : Флор Васильевлы 75 арес тырмысал // Кенеш. – 2009. – № 2. – С. 91–95 : фот. – (Критика но библиография).

Вначале он покорил Москву. Потом его признали на родине // Удмурт. правда. – 2005. – 13 мая. – С. 13.

"Вокруг меня..." / пер. А. Кузнецовой // Арт (Лад). – Сыктывкар, 2008. – № 2. – С. 26.

Вордскем палъёслэн шунытсы // Удмурт дунне. – 2005. – 5 авг. – С. 5.

Вормонтэмзэ но ворме // Кенеш. – 2008. – № 2. – С. 72–79 : фот.

Вӧт ; Ӝожоми ; Шыпыт пырид ; Толэзё уй // Удмурт дунне. – 2005. – 6 сент. – С. 5.

Вылӥе но вылӥе кыстӥськиз : Евгений Самсоновлы – 85 // Кенеш. – 2010. – № 4. – С. 92–95.

Гани – Григорий Титов // Кизили. – 2007. – № 9. – С. 4–5 : фот.

"Гожъяськисьлы нянь капчиен уг сётӥськы..." // Кенеш. – 2011. – № 7. – С. 90–93 : фот.

Дауръёсты улӟытӥсь // Кенеш. – 2007. – № 9. – С. 56–65 : фот.

Егит дыразы вуылӥзы // Удмурт дунне. – 2008. – 12 февр. – С. 7. – (Тыловай школалы – 130 ар).

Его герои среди нас : (штрихи к портр. Г. К. Перевощикова) // Время и слово : голоса соврем. филологов Удмуртии: ст., очерки, заметки / сост. и науч. подгот. З. А. Богомоловой. – Ижевск, 2010. – С. 316–319.

Жиетыса бызе улон // Кенеш. – 2010. – № 8. – С. 42–44.

Жизнь прожить – не поле перейти // Италмас. – 2007. – № 1. – С. 29–31.

Ӝыжол гуртысь эмчи-кылбурчи Илья Зорин // Ӟечбур! – 2010. – 6 мая. – С. 4. – (Секытэсь аръёс но пичи дыр).

Ӝытэн кузёяськиз кырӟан // Герд. – 2006. – № 4 (апр.). – С. 4.

Зарни сӥзьыл вуиз дорам... // Кенеш. – 2005. – № 8. – С. 17–20.

Ӟеч пытьы // Удмурт дунне. – 2010. – 23 марта. – С. 8.

Ӟырдыт сюлэм // Удмурт дунне. – 2006. – 26 дек. – С. 6.

Из красной глины мастера лепят посуду, игрушки, вазы // Удмурт. правда. – 2005. – 12 апр. – С. 4.

Керттылэм дыдык // Удмурт дунне. – 2008. – 10 дек. – С. 8.

Киосын – суредан, сюлмын – кырӟан // Вордскем кыл. – 2008. – № 10. – С. 47–48 : репрод.

Корка сигын // Азвесь кышетэн толэзь : веросъёс : семьяын лыдӟон книга / люказ но радъяз В. Н. Ившин. – Ижевск, 2007. – С. 24–25.

Кузьым // Удмурт дунне. – 2010. – 3 сент. – С. 12 : фот.

Куинь тулкым // Удмурт дунне. – 2008. – 12 марта. – С. 8.

Кутскон сётӥсьёс пӧлысь : [об одном из основоположников удмурт. театра Я. Н. Перевощикове и его детях] // Удмурт дунне. – 2006. – 19 июля. – С. 6–7.

Кылбурчи но ожчи // Широбоковлы сӥзем лыдӟонъёс : элькун научно-практической конференцилэн материалъёсыз, 10 толсур 2009-тӥ ар. – Ижкар, 2010. – С. 15–18. – (С. Широбоков но Россиысь калыкъёслэн литературазы).

Кырӟанэз ӧз уриськы : [ст. о деятеле удмурт. нац. движения, пропагандисте удмурт. песни С. А. Ильине] // Удмурт дунне. – 2006. – 31 янв. – С. 7.

Ладилэн бадӟым азбарез : к 50-летию поэта и журналиста В. П. Михайлова // Кенеш. – 2007. – № 4. – С. 89–93 : фот.

Литературные встречи : [о юбилее З. А. Богомоловой (80 лет) и о встрече писателей Удмуртии с секретарем правления Союза писателей Удмуртии Н. В. Переясловым] // Италмас. – 2008. – № 1. – С. 25–26.

"Льӧлялэс, нёжмыт лыз-пурысь..." ; Сӥзьыл ; Бус ; Толэзё уй ; "Пилето, пилето, кузьыме но..." ; "Мон котыртӥ чильтэр..." ; "Ныл вите яратон тылсиез..." ; Корка бервылын ; Вормон нунал ; "Куинь пумо шудон..." ; "Ветлэ мумыды доры..." ; Тямыс ; Байгурезь ; Кузьым // Инвожо = Альманах удмуртского ПЕН-клуба. – 2011. – № 5/6. – С. 38–39.

"Малы мон таӵе?.." : Алла Кузнецовалы – 70 // Кенеш. – 2010. – № 11/12. – С. 94–97 : фот.

Ма быгатӥ – лэсьтӥ // Удмурт дунне. – 2011. – 19 июля. – С. 6.

Ма сётэ тыныд со кырӟанэд? // Удмурт кизилиос : очерки, зарисовки, интервью (2001–2007). – Ижевск, 2007. – С. 124–125 : фот.

Михаил Петрович Петров – легенда // Италмас. – 2010. – № 4. – С. 89–90 ; Италмас. – 2007. – № 1. – С. 21–23.

Мон тынад, удмурт шаер // Кенеш. – 2008. – № 9. – С. 74–78 : фот.

Мон улӥсько, мон шумпотӥсько... // Удмурт дунне. – 2005. – 1 марта.

Мон яратӥ тӥледыз, адямиос // Удмурт дунне. – 2007. – 30 янв. – С. 6.

Москвалэсь но чебер ук та Омелят гуртмы! // Байгурезь (Дебесы). – 2007. – 26 окт. ; Ӟечбур! – 2007. – С. 7. – С. 5.

Мытэм крезьгуре жингыра // Удмурт дунне. – 2010. – 20 авг. – С. 12 : фот.

Ноку уз тӧлӟы "Италмас" // Удмурт дунне. – 2007. – 10 июля. – С. 4.

Ныл дан // Удмурт дунне. – 2011. – 22 марта. – С. 6.

Нылпи веросъёс / худ. Г. Ю. Иванова // Вордскем кыл = Родное слово. – 2010. – № 8. – Вкл. л. : ил. – ("Вордскем кыллэн" книжкаез).

Нырысьсэ адӟи роялез... // Удмурт дунне. – 2010. – 30 нояб. – С. 8.

Ожын но ужын // Кенеш. – 2006. – № 11/12. – С. 84–89 : фот.

Ой, кыӵе бен вакчи вылэм улон! // Ӟечбур! – 2005. – 15 сент. – С. 6.

Ой, кытчы дыртӥськод тон, улон? // Кенеш. – 2008. – № 10. – С. 3–8.

Он заботился о родной литературе // Луч. – 2009. – № 5/6. – С. 79–88. – (Pro memoria).

Оскон тылгизьы кузьмаз : Илья Зоринлы – 90 // Кенеш. – 2010. – № 5/6. – С. 96–99.

Остались женщины в строю : премьера в Нац. театре // Удмурт. правда. – 2005. – 13 мая. – С. 13.

Пичи дыръяз ик агайёсыз соин кенешылӥзы // Ӟечбур! – 2006. – 21 дек. – С. 6 : фот.

Помидор уд понна пунэмзэ берыктон : серемес учыр // Удмурт дунне. – 2009. – 9 сент. – С. 7.

Поэт, прославляющий жизнь : к 85-летию Н. С. Байтерякова // Италмас. – 2008. – № 2. – С. 61–63.

Пӧрмиз-а фестиваль шулдыръяськонлы? // Ӟечбур! – 2008. – 17 апр. – С. 6.

Рождённое природой и творчеством // Удмурт. правда. – 2005. – 6 янв. – С. 4.

С чепецких лугов – на эстраду // Удмурт. правда. – 2008. – 12 дек. – С. 13 : фот. – (Персона).

Сарвадэ кут али, уроме // Удмурт дунне. – 2011. – 30 авг. – С. 5.

Сое дунне питран бергатӥз // Кенеш. – 2009. – № 9. – С. 95–99 : фот.

Сюлэмез шунтӥсь кылъёс // Удмурт дунне. – 2007. – 30 окт. – С. 7.

Сюрес ӧте азьлане // Ӟечбур! – 2005. – 10 нояб. – С. 8.

Та улонмы туж чебер но, малы меда вакчигем?! // Байгурезь (Дебесы). – 2005. – 7 сент.

Тангыра ӧте огазеяськыны // Удмурт дунне. – 2008. – 11 нояб. – С. 7.

Тодматскизы книгаен, кылзӥзы кылбуръёс // Удмурт дунне. – 2007. – 13 нояб. – С. 3.

Тодмо тодмотэм суредась // Удмурт дунне. – 2005. – 24 мая. – С. 5.

Тубатэз – ӝужыт // Кенеш. – 2009. – № 11/12. – С. 79–83 : фот.

Тузен пурӟись возь вылын // Удмурт дунне. – 2007. – 18 июля. – С. 3.

"Туннэ ум дышетскиське" // Удмурт дунне. – 2009. – 26 мая. – С. 8.

Тунсыко улон акылес уг лу // Удмурт дунне. – 2005. – 27 дек. – С. 7.

"Уг быгатӥськы кырӟантэк..." // Удмурт дунне. – 2011. – 12 июля. – С. 7 : фот.

Удалтэм аръёс // Удмурт дунне. – 2005. – 19 июля. – С. 4.

Удмурт кылбурчиослэн эшсы // Удмурт дунне. – 2007. – 27 марта. – С. 7.

Удмуртэз зуч-зуч мед чузъяськоз // Удмурт дунне. – 2008. – 6 мая. – С. 3.

Улон – кырӟан // Удмурт дунне. – 2005. – 14 сент. – С. 5.

Улон ачиз вераны куре // Удмурт дунне. – 2011. – 31 авг. – С. 5 : фот.

Улонэз кырӟась : Михаил Покчи-Петровлы – 80 // Кенеш. – 2010. – № 10. – С. 92–96 : фот.

Уроки жизни // Италмас. – 2010. – № 3. – С. 111–112.

Уроки жизни : о А. В. Лужанине, Г. С. Сабитове, Л. П. Емельянове // На переломе эпох : Союзу писателей Удмуртии 70 лет, 1934–2004 : ст., стихотворения, прозаич. произведения, док. – Ижевск, 2006. – С. 164–167.

Чебер вераськиз, чебер гожъяськиз, чебер улӥз... // Удмурт дунне. – 2008. – 23 янв. – С. 5 : фот.

Чечыяды тэкит медаз сюры // Удмурт дунне. – 2005. – 11 февр.

Чибориё пиштэ шунды / фот. В. Беломорских // Удмурт дунне. – 2005. – 15 марта.

Чылкытэсь малпанъёс но кельтэм пытьыос : Пётр Черновлэн вордскемез дырысен – 70 // Ӟечбур! – 2006. – 13 июля. – С. 7.

Чырткем но чебер адями // Удмурт дунне. – 2008. – 7 окт. – С. 6 : фот. – (Михаил Федотов вордскем дырысен – 50 ар).

Шунды югдоз на ай кема... // Удмурт дунне. – 2005. – 29 нояб. – С. 7.

Эмъюм – горд вина // Удмурт дунне. – 2010. – 16 марта. – С. 5.

Эн вунэтэ мынэсьтым кырӟамме // Удмурт дунне. – 2009. – 6 февр. – С. 5.

Юморчи // Удмурт дунне. – 2009. – 14 апр. – С. 8.

Яраос уг бурмо... // Удмурт дунне. – 2005. – 11 мая. – С. 8.

Яратон но бырон // Удмурт дунне. – 2007. – 27 нояб. – С. 7.

Яркыт гужем буёлъёс // Удмурт дунне. – 2005. – 12 июля. – С. 4.

Кырӟанъёсыз

Постников Н. Е. Уг куто эшъёс пӧлазы : "Уг лэзь на музъем но..." // Малпасько тонэ : кырӟанъёс = А мне бы увидеть тебя : песни / Н. Постников. – Ижевск, 2010. – С. 118 ; Кенеш. – 2007. – № 1. – С. 112.

Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды Удмурт Элькунысь йӧскалык библиотекалэн электрон каталогъёсызъя.