Убоен-убоен вож сугонэ

Убоен-убоен вож сугонэд -

Вожысен курытэныз кызьы сиёд?

Вож сугон кадь вож мугоры -

Кызьы чидаса люкиськод?

Геры кутон киосыд но

Пыӵал кутозы, дыр, табере;

Геры чур кузя ветлон пыдъёсыд

Кузь сюрес лёгалоз, дыр, табере.

Камдур шашы кадь йырсие вал,

Чик тӧл тугатэк погралоз;

Яблокпу кадь мугоры вал,

Чик коратэк шуялоз.

Гуртэ шоры учкисько ке,

Эмезь кисьматозь пукисько.

Салдатэ мынонме малпаськоке,

Синмы куасьмытозь бӧрдӥсько. .