Э, Е букваос
Э буква, кыллэн кутсконаз сяна, гожтӥське на:
а)чурыт д, з, л, н, с, т согласнойёс бере: дэрем, зэм, лэчыт, нэнэ, сэрег, тэркы;
б)у букваен дугдӥсь основа бере, озьы ик е, ӧ, ы, ю букваосын дугдӥсь одӥг слогъем основаос бере: кызьпуэз, гуэз, еэд, йӧэ, лыэсь, юэ.
Е буква, кыллэн кутсконаз сяна, гожтӥське на:
а)небыт д, з, л, н, с, т согласнойёс бере: вадес, маде, декабрь, возе, изе, лек, небыт, сезьы, тепылес;
б)мукет согласнойёс бере: берганы, вераны, герд, вуз/сер, ӵуже, ӝеганы, ӟеч, кезьыт, кеч, мекан, мед, пересь, собере, чебер, ӵем, кыӵе, шер, плащен;
в)а, и, ӥ, о букваосын дугдӥсь одӥг яке трос слогъем основаос бере: школае, пиед, витетӥез, вукое;
г)е, ё, ы, э, ю, я букваосын дугдӥсь трос слогъем основаос бере: бекчее, мунёе, выжыез, нэнэез, тютюез, паяез;
д)й согласной бере но висъясь ъ но ь пусъёс бере, йэ валче верам куараез возьматон понна: вайем, музъем, пусъем, сузьем, визьем.
Йэ валче верам куара е букваен возьматӥське на та выллем кылъёсын но: кӧй — кӧен, нош: кӧ — кӧэн; кый — кыен, нош: кы — кыэн; сюй — сюен, нош: сю — сюэн.
Валэктон: э, о, а букваос гожтӥсько на ы яке ӧ гласноен дугдӥсь одӥг слогъем основаос бордысь пӧрмем сложной кылъёсын: сюрлы — сюрлыэз, сюрлыо; урдлы — урдлыэз, урдлыо, урдлыам; кикӧ — кикӧэз, кикӧам[1].
Литература
.
